九記牛腩

營業中

休息中

晚上十時到達.竟然坐滿.叫了一清湯腩伊面$22.一咖哩腩伊面$22.水準不變.細碗左d.男仔一定唔夠食.牛腩依然味美.但牛腩略肥.怕肥的女士千萬唔好叫咖哩腩...肥死.

Never eat such rubbish 牛腩again !!!伙計極無禮貌!..How the people here say it is good???

我分別試過出名既咖哩筋腩伊及清湯腩，我個人比較喜歡清湯腩多d，因為食清湯腩可食出果種香濃而不膩既牛腩味。(諗起又吞口水添) 相比，咖哩腩就以咖哩味為主，而且牛筋比牛腩多(牛腩係碎腩)。所以好多食客都鍾意叫一碗咖哩筋腩伊另加一客淨清湯腩，兩樣歎哂。大家不妨試試啦！

老細稱之為「內部清潔時間」，做生意做到咁招績都算少見，但到時到候又會有人排隊等食，但佢唔理幾多人等都好，一定要夠鐘至俾人入。但果碗肥腩伊係令我食左十幾年都食完又食，真係唔到你唔服。

提提你, 7:30~8:15 佢地會有個break....(人家都要食飯嫁)如想食河粉就要3:00前,好正!! 但好快賣晒!

有日放假﹐特登去試下﹐亦諗住因為多人﹐專登揀開鋪時就去食﹐點知去到已經有班人等緊﹐真係唔講得笑﹗我真係未試過食牛腩麵店要排隊﹐哈哈。好彩都即刻有位坐。點了一碗咖喱腩伊麵+ 一碗淨爽腩﹐咖喱味好香濃﹐伊麵彈牙入味﹐好食。但我個人覺得咖喱味蓋過了牛腩﹐反客為主﹐變左好似食緊“咖喱”牛腩麵﹐而唔係咖喱“牛腩”麵。淨爽腩唔便宜﹐原來係略帶肥膏的牛腩邊位﹐有咬口﹐味道亦好香牛味﹐好正﹐不過應該屬高危食品﹐少食多滋味。另外見一碗普通的牛腩河亦相當足料﹐但湯底似乎好多油....總括黎講, 九記係好味﹐但好味經常都係同健康背道而馳﹐又一例證。觀察過之後﹐相當下次我會叫一碟淨腩+ 淨伊麵﹐又飽又滿足。如果牛腩麵係香港的代表麵食之一﹐九記就絕對有資格做香港代表隊成員。

This is the best ever restaurant that i visited!The taste is so great and it exceed my expectation.The cost: lowThe taste: sooooooooo great!

終於可以去九記試下喇(因為實在唔就腳..)睇住個牌唔知點叫好, 我好鐘意食牛筋, 但係就一定要咖喱既. 阿侍應姐姐又好強調幾spicy咁, 有d驚.終於叫左個咖喱牛筋腩伊面(見到佢有伊面好開心!) 嘩! d咖喱好香, d汁有好杰下, 好似食緊撈面, 好好味! 不過食到大半有d漏, d咖喱汁好"精華"! 不過真係好正!! 不過記住: 星期日及公眾假期唔開!

我曾經問過老細，佢話筋腩用咖哩炆最好食、最正，仲問番我：「唔好食咩？」你話呢？

今日心思思，下午得閒又去九記食牛腩。4點鐘都有6,7成客，o個到都唔太就腳嫁，叫做好多人嫁啦。本來想叫淨清湯筋腩，但原來一定要咖喱，無清湯(有無人知點解呀？)。咁算啦，叫左碗淨腩，淨腩好似比爽腩多D，有成11,12舊到，都係好好味，好林，但我就覺得爽腩好食好多，唔知佢真係好食D呀，定係我今次再食，已經少左新鮮感呢？對面哥哥仔叫左碗淨腩同淨麵，唔夠一陣就食完，再加多碗腩依……嘩，都好刷得……坐係隔離阿怕仲勁，叫左碗肥腩麵……肥腩真係超肥，舊舊都係羔……我就唔係好敢食住…但佢都6,70歲啦…比我係佢就打媽黎都無所謂啦！！埋單$35……食得好開心……

絕對認同大利唔係九記果個級數，無論湯或腩九記都勝一籌。咁人地打開招牌專做清湯腩又唔會一日得幾碗爽腩咁少，爽腩應是牛腩的坑腩部份，約佔成舊牛腩3至4成倒，下午三、四點倒又會有爽腩出番，一路賣到夜晚。半肥已經正，叫碗全肥腩仲無得彈，牛油入口甘香，諗起都想食。

今日12:20pm去到九記等開門，前面已有差唔多10個人排，到12:30pm開門時，條隊已有成30-40人……今日係最期五……入到去，唸都唔唸就叫左碗爽腩($40)，加多一碗咖喱汁($4)，等在5mins, 終於上啦，爽腩用一個碗仔上，只有約6舊腩到，唔係好多……食左一舊—到，個女waitress已經話無晒爽腩，我唸一日只有約幾碗爽腩，真開心我有其中一碗……至於味道，我上個星期去過大利，又會左一碗牛腩，conclusion係……無得比，九記好一百倍！！！！太好太好食啦！！好林，但又真係好爽，都唔知點講，好contradicting，但又林又爽係事實。從來未食過咁好食的牛腩，你地一定要去食呀！！對面有個思文友，叫左碗半肥瘦腩河同一個淨河，見佢食D肥膏都不知食到樂高興，D湯一D都無淨，見佢食得咁開心，我都開心埋……service唔太差，落單阿姐係有D燥……acceptable呀……in conclusion, 一定要去，唔去真係損失。大利清湯腩……三等貨色……

公眾假期都唔開tim！

行左好耐, 終於去到, 原來星期日休息, 唉....

唔係我主動介紹，係個日本妹拿住本旅遊書叫我帶佢來的。為免排隊所以兩點半倒至來到，但都有60%客人，可見呢度仍然捧場者眾。叫了一碗淨牛筋腩，兩碗齋伊，咖哩汁及上湯各一碗。個人喜歡吃牛腩多於牛筋，貪佢有咬口亦能彰顯煮手的功力，這裡的牛腩當然有水準，日本妹亦食得好開心。食到一半飲左D湯，再撈入咖哩汁又係唔同味道，咖哩汁有牛肉同煲，好正，食到滴汗都無計。話時話D咖哩汁都幾杰，又唔覺好水。埋單八十幾當然唔係平，但日本妹就覺得幾抵，因為折番日幣都係1400Yen左右，香港仲免稅tim，在日本兩個人「立食」都係上下錢，咁又係喎。