九記牛什粉麵

營業中

休息中

我由29蚊食到佢而家33蚊，九記一直都係銅鑼灣裏面抵食嘅車仔麵之選。如果你係糧尾咁就非常之合適啦！九記必定要揀嘅就一定係佢哋最出名嘅煎魚餅， 煎得非常之香，老細亦都會幫你剪開佢一條條方便食。份量都唔細，大概有2/3隻平時茶餐廳裝隻奶茶嘅碟咁大。而另外其他餸我通常都係食白蘿蔔，份量都唔少，大概有5舊，抵玩。今次就嗌咗牛筋腩，炆得好冧好易咬。九記我通常都會選擇食撈麵多過食有湯嘅，今次就揀咗撈粗，加埋佢嘅炸蒜同醬，大滿足。

今日返工，食晏時間，同同事去鵝頸橋嘅熟食中心，食車仔麵，呢間九記牛什粉麵嘅煎魚餅同牛什最出名，熟食中心裏面，咁多間檔口，佢地午飯時間，排隊買車仔麵條人龍最多人，要排最少十五分鐘先落到單。我點咗三餸油麵，牛筋腩、煎魚餅同蘿白，$33，平時D油麵通常鹼水味好重，而佢地嘅油麵唔太粗身，麵條少少彈牙，完全冇鹼水味😋，煎魚餅厚身大塊，食得到係用新鮮鯪魚打成魚膠，加埋葱粒來煎成魚餅，鮮味香口😋，兩條長長嘅牛筋腩，估唔到佢可以炆到又腍又爽，五香味又唔太重，好好食呀😍,唔怪得排咁長嘅人龍買佢地嘅車仔麵啦🤪

難得到銅鑼灣街市，當然要幫襯讀書時期最愛的九記。由於這裏的座位較平常餐廳的多，所以讀書時候通常會一大班同學一起來。這裡環境沒有太大變化，由以前到現在都不變的，一定要長長的人龍！點了牛筋、豬紅、大腸 油麵，這裏每碗面都會附送一粒炸雲吞。在這裡用餐最好先搵位，再派代表出去買。大家都先排隊點菜然，後付款，再拿回座位慢慢吃！豬大腸乾淨肥美，煙靭有咬口。朱紅滑嘟嘟，有點甜甜的味道。牛筋軟腍，膠質豐富，非常入味。

銅鑼灣有一間人氣既車仔麵成日都大排長龍，特別係呢一家 每次午飯時間都大排長龍，我上次都等左半個鐘先有得食🌝🌝🌝🌝你間餐廳啲食物好高質 聽講全部都係新鮮，新鮮嘅牛雜同牛腩🤪 而且價錢都唔係太貴 只係$33就可以揀三個餸🤪🤪 唯一缺點就係要排超耐 佢就會每人送一舊炸雲吞😂 雖然入邊冇乜料不過係送嘅就唔好咁多要求 😂最正係佢哋完全唔會孤寒啲炸蒜，你可以大量咁拎 食落味道算唔錯 車仔麵來講都有中上嘅水平如果唔使排隊嘅話我覺得可以一戰🤪🤪🤪

又是叫做九記，尖沙咀最近都見到有一間叫九記，類似吃牛腩粉麵的；土瓜灣的九記，就是我們最熟悉，吃蒸各式海鮮非常著名的，原來這一間位處於鵝頸橋街市上邊熟食市場的車仔麵店，同是叫做九記。這間車仔麵店處於鵝頸橋街市的熟食市場，本地的熟食市場，的確非常特別，有些就好像環迴型，建築風格迥然不同。我之前都只是經過過，可以從對面的街市，乘座自動電梯，然之後走天橋過來，上邊都有不少類型的食肆，桌子甚多。車仔麵店，亦即是以往的所謂那渣麵，顧名思義，其實因為以前在街邊的小食攤檔，甚至毛是無牌熟食小販，給你一隻碗，煮個麵，隨便夾幾樣餸，但是，現在的新式車仔麵店，加個什麼特式小食， 10多元一個餸；加一支普通低級涼茶，又再加10多元。這間九記車仔麵，向來享負勝名，這天既然剛好經過，儘管一試。看見企檔阿姐在裏邊煮麵，又會用筷子挑一下麵餅，看來手勢熟練而具功架我沒有點湯麵，因為見到前面有個女士的撈麵，看起上嚟，或者有弄得不錯，煮麵期間，亦都會用單支筷子將麵餅挑開，然之後加啲看似豬油以及醬油，成為了撈粗麵。結果，粗麵亦都沒有令我失望，撈了些豬油，香得來不算極之肥膩，麵條還有少許嚼勁不會完全軟林。看到食評，就知道，這兒

煎魚餅雞腳筋腩撈粗[$32]提提大家最好中午12點前/下午2點後先去😋🥳避開食飯人潮🤩之前試過一點去排成20幾人😵😵😵😵［煎魚餅］幾乎是每枱必叫的非常彈牙同香脆😙之前自己試過叫Double (2份)魚餅諗起都好誇張😎不過真心好吃

今日趁着五一勞動節假期睇完戲後就找地方吃午飯，想起很久沒有食過車仔麵就和太太去了附近的鵝頸橋熟食中心。這家車仔麵已吃過了幾次每次都遇上長長的人龍不過今日上到去人比平時少好多。看了一會兒太太點了一個魚餅、牛腸、牛筋腩撈油麵，而我就點了一個豬大腸、牛肚、豬紅湯粗麵。雖然很久沒有來過但係仍然不會令你失望，大大碗又足料，三餸都只是 $32呢個價錢十分超值。味道方面不咸也不油膩，只是粗麵的質素不是太好，其餘的全是好味的。另外可惜今日嘅豬粉腸和牛蒡賣晒唯有下次再嚟食啦😀😀

街市中的熟食中心永遠都是一個臥虎藏龍的地方，幫襯九記牛雜粉麵已經好幾年了在此分享一則笑話:記得第一次自己去幫襯時，見到三餸車仔麵賣$27終於輪到自己叫餸既時候，同老闆講要三份牛雜，老闆當堂O咀，問我係咪姐係要十幾個餸我先意識到一份牛雜已經=3個餸，因為入面有牛腸，牛肚等等...7了的我梗係即時頭DUP DUP話唔係啦...次次去都係食我最愛既湯麵再配搭我必食既三寶: 牛肚，牛腸同埋魚餅今次諗住膽粗粗試下撈粗麵啦，因為每次去見到好多人食！撈粗加三寶之外今次再特別加多個餸湊夠整數$40埋單，揀o左豬紅每位客人亦會被加送一粒炸雲吞(其實麻麻好味，唔算好脆，可能已經放o左好耐既關係)三寶一如以往水準: 牛肚(夠淋)，牛腸(一口咬落去連埋D肥膏，濃濃牛味滲出)，魚餅((真係好有媽媽在屋企煎既感覺，要盡快食，比湯或者撈麵汁浸到淋o左就無咁好味啦)但豬紅認真麻麻，無豬紅味，而且一夾就散...胱絕不推薦坦白講，我不太懂得欣賞這個撈麵，汁唔出色，沒什麼味道，還是湯麵先係我杯茶，但亦無損佢係我心目中第一位既車仔麵！

🧐我住喺摩利臣山咁耐，竟然唔知附近有呢間車仔麵! 要由一個住喺香港仔嘅人帶我去，真失敗! 貪心的我選4餸 🤤 牛筋腩🐄 (又淋又滑) 雞腳 🐔👣(入味又唔會爛晒，漲卜卜) 豬大腸🐖 (滑滑又有咬口) & 牛肚🐄 (爽口，肉厚) 撈粗麵🍲! 麵煮得好好，軟硬適中，🌶辣椒油好香，夠辣!🐟最出名係煎魚餅，我偷左朋友一片試味，煎得好香，奈何我唔 like 鯪魚! .🔎註: 星期日中午12點幾去到，大排長龍! 😯 有大枝裝可樂飲 😋

今日難得無帶飯，就跟同事出去食平價之選。在銅鑼灣食個晏基本$50位都係閒事，但行遠兩步黎到鵝頸橋街市的熟食檔就不同了！今日同事帶我黎食呢間九記，返咗十幾年銅鑼灣都未黎過，就係講出黎都無人信！無法啦，我差不多日日帶飯！我黎到既時候，同事已經幫手揾好位同埋排緊隊買車仔麵！眼見條龍相當長而且KEEP住有人黎排，就知道係好地方！$32有三個餸真係平呀！今次我揀左豬紅、煎魚餅(被推薦)和魚蛋配米線，相當足料呀！以我平時咁大食，我食完都有8成飽！煎魚餅果真好味喎！魚蛋雖然無長洲嗰D咁大粒，但都算大同埋好彈牙！豬紅都好好！普遍黎講以咁既價錢來計，我相當滿意！環境雖然係逼逼地，但都叫坐得舒適，都叫乾淨，而且室內有冷氣，夏天黎都唔怕啦！

朋友喜歡食,排隊係最大敵人. 排 20分鐘才買到我不可以用好好食來形容,可能這地區欠缺好食的牛雜面食同類食物環境比以前好.我從無冷氣年代開始食,但真正不想排隊.味道不太濃味,魚餅比較好味.牛雜要看你當天運氣,可能排隊到你.就賣完了,你想食的部份

十年前係灣仔返工，lunch 行去九記來回要30分鐘，但都會成日去食。今日帶阿女過海行街，順便去食碗車仔麵。同阿女一人叫左一碗，佢食幼麵、蘿白、豬腸、雞腳；我食米線、蘿白、豬腸、牛腩。蘿白好甜無渣；豬腸唔肥又爽口；雞腳比較淋但好入味；牛腩有牛筋，偏淋但好香腩味；湯底比較清，但佢加左好多蔥，如果喜歡辣油朋友，加一小匙就啱啱好。而每碗都會送一粒炸雲吞。第二次帶阿女黎，佢勁喜歡呢間既豬腸，阿女自己可以食哂三餸一麵，兩母女開開心心食左一個平凡既午餐，但好幸福！

呢間喺鵝頸橋街市2樓熟食中心裡面既九記牛雜粉麵。又係一間我由細食到宜家既食店。從細已經麻麻地呢間既清湯，所以多年以來一直都食撈麵。里度啲麵麻麻地，麵香欠奉，煮得也時好時壞。不過我要重點介紹係里度既車仔餸。今日中午叫左撈粗，牛雜，筋腩，冬菇，豬紅，魚餅加送一粒炸雲吞，加杯凍齋啡。呢度啲牛雜係新鮮貨，通通都好食特別中意牛腸 - 我只能用肥美黎形容呢度既鮮牛腸。筋腩牛筋大件，林但唔係軟坺坺。牛腩可以乾脆叫“牛三層肉”，肉香同油香兼備。冬菇厚身，無乜菇味。始終係車仔麵小店我唔會expect佢用靚花菇。煎魚餅係呢度既招牌之一(其實呢度樣樣餸都好食，樣樣都可以做招牌)。煎得唔算好油，魚肉彈牙同時保留到魚味。相信打魚餅嗰陣無落太多粉。豬紅中規中矩，粒送既炸雲吞堅脆又唔會好油。

港島區最好食的車仔麵，我會選擇這間九記牛什粉麵，位於鵝頸橋熟食街市一樓，長期都大排長龍，可知他受歡迎的程度十分誇張，無論是附近工作的打工仔，街坊，或是慕名而來的人，總是讓人龍不退雖然要排隊，但是等待的時間不是太長，店員非常熟手，當輪到你點菜的時候，不消3分鐘，一碗熱騰騰的車仔麵就呈現在你的眼前。無論堂食還是外賣，都是要排隊，首先選擇要米線、米粉、還是面底，之後才選擇要什麼配菜不要看這裏的選擇好像不太多，出名的就是全部都好食。今次選擇了煎魚餅，豬大腸，牛腩等等，煎魚餅，必食大推，份量多，真材真料，超好食，湯底清甜，一定要加秘製辣椒醬，整個車仔麵的味道提升了，湯底變得非常香濃，不是太辣，米線煙韌爽口，就算外賣回公司吃，也不會淋曬。

This restaurant is located inside the government building and the mixed noodle is cheap and delicious, you can choose whatever food you like adding to the noodles and eat. The stafff here is very like. I would recommend the beef here. It is really good.