九記牛什粉麵

營業中

休息中

12月6日，星期一食九記三餸車仔麵加凍檸茶，首先真係要食炸魚餅真係好食又新鮮,牛腩就味道普通冇乜特別,整體嚟講呢個價錢35蚊3餸真係好抵食,不過杯凍飲就比較貴咗少少啦要加9蚊！我呢個禮拜食一次調劑下都吾錯！

講講歷史先：九記是現在老細的爸爸，佢已經仙遊，啲老街坊鍾意叫現任老細(二代目)做九仔，好親切。上班族的午餐天堂，原因是𝗖𝗣值超級高，而且選擇多又好味。九記平時一至五早餐和午餐人多到見不了龍尾🙈🙈🙈就因為太受歡迎，要避開𝗟𝘂𝗻𝗰𝗵 𝗧𝗶𝗺𝗲的𝗣𝗲𝗮𝗸 𝗛𝗼𝘂𝗿，見好耐無食，專登星期六早上未到12前人吾算多的時候食，啲位有八成已經坐滿，係冇咗條人龍排隊買嘢。12點後人龍已經吾知去到邊🍜三餸車仔麵 $𝟯𝟰撈粗麵，煎魚餅，豬大腸，豬皮（附送自製炸雲吞）魚餅魚肉鮮甜推介豬大腸清洗得好乾淨🍜三餸車仔麵 $𝟯𝟰米粉，豬紅，蘿蔔，牛筋腩蘿蔔入晒味牛筋腩醃製特別有風味辣醬是與桌上提供的不同是自家製的辣醬（放在炸雲吞的盒子旁邊）

N 年前中學時代已經開始幫襯，當時鵝頸熟食街市尚未有建立空調系統。。。今日週末晨咁早起咗身諗住想食乜嘢呢，原本想去東大街食碗魚蛋粉（不過已經今非昔比。。。），突然醒起九記牛什，一於廢話小說，馬上出發！建議去九記最好係避開早、午餐繁忙時間，早上9點半左右到達見人小小唔洗排隊，即刻同掌廚啊姐講油麵湯底，之後再同隔離另外一個啊姐話要牛什+件煎魚餅，跟餐即礳熱咖啡，5 分鐘不用就可以舒服地捧住碗麵坐定定開餐，效率超高。先先呷一口湯頭，係清魚湯底，熱辣辣已經加曬分，再加上淡淡鹵汁味道，正！ 牛什係用屠房新鮮貨，入口味道、質感同坊間粉麵鋪用嘅入口雪藏貨真係兩個世界，新鮮牛什不但相對價高，而且每日要花很多人工清洗及處理，呢啲堅持嘅小店係香港真係小一間就無間，聽前輩話全港九新界重願意花錢同花功夫用緊新鮮牛什招呼客人嘅粉麵店唔會超過五間。。。牛什+煎魚餅，油麵底牛什份量足，有帶肥膏靈魂嘅牛小腸同大腸、軟滑草肚、金錢肚、牛膀同牛肺，另外招牌煎魚餅剛剛煎好熱辣辣，夠厚身，入口皮脆肉彈牙，真係千萬不要錯過。跟餐即礳熱咖啡 合格（喉急得滯、差不多飲晒先記得影相）唔夠喉整多份兒時回憶西多士餐（配熱奶茶）西多士出品

週六早上不用趕頭趕命返工，間中，又知醒，我會落銅鑼灣四圍行吓晨個運。呢個活動最引人入勝嘅地方，就係晨完運之後會去探下鵝頸橋街市熟食中心嘅九仔記。九記是現在老細的爸爸，佢已經仙遊，啲老街坊鍾意叫現任老細(二代目)做九仔，好親切。九記平時一至五早餐和午餐多人到痴晒線，插針都插唔入，嗰陣咪搞我。星期六早上8:30左右，都唔算人少，啲位有八成已經坐滿，係冇咗條人龍排隊買嘢。先旨聲明，我由細到大除咗呢檔牛雜之外，其他牛雜唔好搞我，原因係呢度啲牛雜唔腥、夠乾淨、夠入味、夠腍。唔會腥因為佢哋淨係用新鮮貨，聽講新鮮牛雜少啲腥味，加上洗得乾淨、烹飪得宜，所以唔會腥。我最怕食啲粉麵嗰啲肥膏喺個湯度飄下飄下，大佬，睇見都飽晒！喺九記唔會發生呢啲事，因為條大腸入面啲膏都洗走晒！聽講話呢度啲牛雜要洗幾個鐘頭先至開始去煮，我信！每次嚟食到啲嘢樣樣都咁入味，又夠腍，見到條粉腸乜膏都俾佢清走晒，呢啲下欄嘢要經過很大的努力先會變咗咁嘅樣，一碗牛雜麵先收你30零蚊，諗到呢度，有啲小感動…

上班族的午餐天堂，原因是𝗖𝗣值超級高，而且選擇多又好味。但就因為太受歡迎，要避開𝗟𝘂𝗻𝗰𝗵 𝗧𝗶𝗺𝗲的𝗣𝗲𝗮𝗸 𝗛𝗼𝘂𝗿，否則就要有排隊的心理準備，不能被看不到盡頭的龍尾嚇倒。🍜三餸車仔麵 $𝟯𝟰首推手打魚餅，新鮮炸到金黃色，外皮鬆脆，大大塊彈牙夠味！牛雜也在我的最愛名單之上，處理乾淨毫無雜質異味，更可以選擇指定牛部位，個人最喜歡牛筋腩，膠質豐富，入味又帶點嫩肉。其他出色配料還有肥大的冬菇、一咬就肉骨分離雞腳、酸齋等……還有不定期限定配料，絕對是誠意之作！這個價錢，在銅鑼灣區大概連一個稍為豐富的早餐也吃不到吧！

🇭🇰#香港捐窿捐罅記Instagram : foodkiller_dk香港島新鮮牛雜最大買家🌋有罕有部位🥰今日介紹一間正嘅車仔麵檔比大家😈佢最出名係佢哋嘅新鮮牛雜🤔 由於一日香港只係殺十幾隻牛，所以全香港都係得十幾間餐廳賣新鮮牛雜，而今日呢家一日已經用咗兩，三隻😂而且佢有好多罕有嘅部位，有牛嘅第四個胃牛沙瓜🐮 出現好少地方有，水記一日都係得兩碗🌝 而且仲有牛雙連等等佢仲有手打魚餅，打到好彈牙，大家都記得一定要叫😈-🐮牛胃小知識🐮介紹下牛既四個胃🐄 第一個胃係「🐄牛肚」平時經常食到既 第二個胃係「🐄金錢肚」第三個胃係「🐄牛柏葉」第四個胃係「🐄牛沙瓜 」最細既一個牛胃😂-🍜 #六餸車仔麵 🍜（$59）（7.5/10）牛沙瓜好香好重牛味😌而且口感軟淋,好正👍 有啲仲好厚好有口感😌牛腸就清得夠乾淨啱啱好，所以唔會太肥但都夠香金錢肚夠曬爽口，而且浸得夠身😇魚餅好彈口，幾有魚味 外皮炸到幾脆吓😌呢個必食必食👍總結來說 又平又正 早去少人 go go go🐲-🎈 灣仔寶靈頓道21號鵝頸街市1樓鵝頸熟食中心8號舖平均傷害：$60好味值：7.5/10

以前係銅鑼灣返工，鵝頸橋街市有兩間我經常幫襯吃 lunch, 其中一間就係九記，每次去到見到條長龍就係九記，證明有幾多人鍾意呢間野。今次好彩係2點後去吃，叫做唔太難搵位，佢除咗有湯麵仲有撈麵，我個人比較喜歡撈麵，其實湯麵都好吃架～我今次叫咗2個麵底，粗麵加油麵，連個碗都要大D既，基本一個麵底配三個餸係34元，非常抵食。佢D餸都好好味，首推魚餅，大大塊好夠味，D牛根煵煮得又焾又入味，份量又多，冬菇又肥又大又入味，呢個價錢吃到又好味又飽肚既車仔麵，相信唔多地方可以，值得經常去吃

#breakfastforlunch, #cheapest, #causewaybay, #wanchai, #localcuisineI come to here countless times with my wife, it is definitely her favorite place... not one of... but the only favorite place...I like it too, just not as much as my wife does... but i am going to use my view to comment... and here you go....there are 2 section, one sell the wood cart noodles and another one is regular local cuisine restaurant

鵝頸街市上的熟食店, 應該是銅鑼灣午氨最抵食的地方, 除了清真惠起外, 九記牛雜是我最常吃的一家, 同樣叫九記, 應該和中環那家沒有什麼關係, 而且後者主打牛腩, 前者主打牛雜, 而車仔麵形式點餐, 吃多吃少, 豐儉由人. 這裡的牛雜就是傳統的味道, 最欣賞是它清洗牛雜十分乾淨, 沒有雜質和異味. 除了牛雜外, 魚餅和雞腳也是我的至愛. 魚餅鯪魚肉豐富, 口感不會死彈, 軟實有致, 魚肉和蔥的香味結合, 就是傳統但越來越少機會吃到的味道. 雞腳煮得十分軟糯, 一咬就肉骨分離, 膠原感再配上熱呼呼的暖湯, 在這個陰涼的十二月天, 是舒緩人心的廉價美食.

今日特登黎銅鑼灣試這間出名車仔麵，係市政街市內，一上到去就已經係麵檔的龍尾好誇張。但都黎到，就排一陣吧！希望味道不要令我失望我叫左必食既魚餅,牛肚豬紅果然好好味，尤其魚餅仲飲左凍奶茶同凍咖啡！我覺得咖啡好飲d!!

這間在熟食市場裏的角落位置，平時一點都不起眼但在午膳時間大排長龍，今天的起心肝去排隊，等了約20分鐘到我的時候急不及待多點兩個餸，點了雞腳，牛雜同炸魚餅，非常足料坐著一邊吃一邊心中猛讚。估不到在香港鬧市仍然有這麼真材實料味道又好的車仔粉麵，牛雜鮮嫩味道一流完全感覺不到過重過量的調味，而且煮得味道及火候剛剛好。雞腳沒有炸過，非常滑及入味，煎魚餅又是新鮮鯪魚肉泡製吃過不能不上癮，真的是一定要再來，常來，常常來!

經開銅鑼灣係OPENRICE 搵到呢間比較抵食之選,睇到呢間之前都黎過幾次就諗住再拜訪一下。疫情之故,搵到張枱但仲有上手客人食淨既野食同幾張紙巾係度, 叫一叫執枱位姐姐幫忙執一執, 呢個人立即黑面, 仲比說話人聽。佢對住我大聲講話有人(可能係老細)而家叫佢要去煮面, 好唔好老脾,粗粗魯魯就執完走左去煮面,枱上客人用過紙巾係隨手拿,無手套。我當時心諗咩服務態度?你煮面同你要執野關我咩事,駛唔駛咁無禮貌咁比說話人聽?本住疫情期間扶持下小店心態我無怪佢。屋企人坐左埋位我就行去排隊買面,又遇到呢位無禮貌的傢伙係度煮面。見住佢哥仔前哥仔後咁稱呼前面買面果位, 到我一去買就粗粗魯魯大聲講"食咩野?"我同佢講想要咩既餸, 佢就即唔耐煩彈一句"面底先呀",睇住前面位仁兄都呆一呆。你老闆,我火都黎。你咁Q無禮貌又大細超待客,你比龍肉我食我都背脊骨落。扶持小店仲要買難受?我都未等呢個阿姐講完我都無意欲再落單,轉身就走。

我很久沒有自己一個吃午餐了，事緣又是要到銅鑼灣一帶辦事，於是我選擇了來到鵝頸橋街市吃車仔麵。本來擁有期望可以吃到不同的餸菜，可惜時間已慢了，絕大部份的車仔麵餸已經買了，於是我只好選擇菜、煎魚餅、蘿蔔作為我的午餐。我認為店員有點不禮貌，雖然餸菜買賣光了，職員也不用說你們先看看有什麼還有剩的因為很多已經沒有賣掉了，很像一副不完做生意的樣子。我本來很怕湯水太多，蓋過面的質感，於是我要求少湯，可是職員只是很少，沒有湯便不好吃了，於是我完整吃完一碗車仔麵後，發現真的淨下很少湯，而我在吃東西前，喝了一口湯，感覺不錯，適合我喜歡吃淡的東西。我認為蘿蔔很林身，可是太太淡，沒有太多滷水的味道。菜只有兩條，不化算。魚餅以鯪魚肉打成，是招牌菜吧，即使其他食物已賣掉，也繼續有補給

三餸 都係 $ 31最正係魚餅！必食嘅蘿蔔都好甜，無筋嘅！呢度嘅米線都好好食，淋身又夠滑！有時候會送埋一個炸餛飩通常食飯時間都會排隊，買完之後再搵位坐，宜家唔洗搵位啦，個個都外賣🥡哈哈

成日去sogo做野都未去過，見今日有時間即刻去。我平日未到1點到，已經有人龍，還好人不多。叫了粗麵，大腸牛膀魚餅。33元一碗呢個價真係低食。粗麵都幾爽口，大腸有咬勁，牛膀新鮮。反而魚餅味道都幾突出，所以好多人點。環境就一般啦，下次有機會再去食。