九巴茶水站 (已結業)

還記得小時候反PT，總是打電話到九巴茶水站買晚餐那些碟頭飯跟飲料的味道很深刻，是簡單的美味～這陣子很想回味，可惜藍田地鐵站的那家牌子除下來了，我也不敢去問問所以就搭16號巴士到總站享用嚕!!很樸素的感覺，特別喜歡到這些餐廳裡用餐現在有太多的連鎖店了，怕怕而且定價合理，很划算選擇都蠻多，這次來吃下午茶炸雞中翼配薯條 ﹝$20 配熱飲﹞外香脆 內juicy的雞翼，調味很熟喔有點像小時候吃到的味道，很懷念份量很多的薯條，好吃這個下午茶不錯喔，雖然有點熱氣凍奶茶 ﹝凍飲+$2﹞很香濃，滑順但缺了點奶香喜歡這裡，回訪率很高相信很快就會再來～

係柏景灣等緊巴士，巴士遲遲也未有到達，肚又餓之際竟然。。。比我發現到有間隱蔽美食! 位於九巴站入面行到最尾，大大隻字寫住九巴茶水站，雖然見到「只招待員工」令我怯咗一怯，但係見到好多學生都入咗去我先放心入去哇! 入面既環境係久違咗好耐無見過既懷舊感覺CANTEEN，燈光暗暗，令人坐得更舒服!我點咗個 餐蛋麵+凍奶茶 都只係$19，真係嚇我一跳。呢個價錢，食物都有番咁上下既質素真係唔話得!!D奶茶係我鐘意既微茶香重奶味! 一流見到水吧做緊野D人好似係一班朋友咁，感覺好似屋企咁咁我坐都坐得好舒服!下次再去食先影番D相

知道這間餐廳好耐,不過一直不知實際位置在哪有次無意中行另一條路終於見到佢個入口啦!開頭見佢環境up dup驚好多麻甩佬,都唔係好敢入去!不過, 睇人唔好齊睇外表外表up dup ge餐廳都好好食!不只好食, 佢仲好抵食,火速係短短1星期內去左3次不過單身少女還是等過了繁忙時間去食好了少人點嘛!第一次食魚香茄子炒米,第二次食廈門炒米,今日就食黑椒豬頸肉炒米 (嘻嘻..炒米狂)次次都好有鑊氣, 又大碟!相信就算係D地盤哥哥去食都夠飽!而且價錢十分實惠,炒粉麵類$27, 飯類$25送熱飲, 凍飲加$2不過雖然大件夾抵食,味道依然有改進的空間,魚香茄子炒米D茄子炒LUM D更好廈門炒米唔好炒咁酸更好黑椒豬頸肉炒米...其實豬頸肉好食, 不過好似唔係好夾米粉, 又唔係好夾黑椒下次都係叫牛柳絲好了

唉！2年之前係依度食過一次飯，果時我覺得d飯又平又好食，個老闆娘又好服務態度，但前幾日去食lunch，唔見左個老闆娘，仲要食到勁火滾 果度既環境兩年黎都冇變，依然比較簡陋和狹窄！不過依d都算啦！我唔會話好介意！點知惡夢就開始發生喇！我等左勁耐都唔招呼都不特止！上一枱既客食完既碗筷等左好耐先執，枱又抹得唔乾淨！果兩個阿嬸又唔識落單！d飯俾錯晒d客食！d客落單就應該用筆寫低，唔寫低就應該要有好記性，記得邊個客叫左咩野飯！但佢地唔係，d客叫完野之後，佢地只係勁大聲喊俾個廚師聽！總之最後d單搞到亂晒好喇！等左勁耐終於有飯食，但明顯d飯難食左好多！碟揚州炒飯勁鹹同埋濕到爆！明顯係用新鮮飯黎炒，冇用到冷飯！而且有d飯仲要係黑色同埋硬架！賣相很差！好有可能用左d下等米黎煮！真係大不如前！食飯果時又周身唔舒服！不但冷氣唔夠，最大原因係果兩個阿嬸勁大聲吹水！佢地d獨特口音製造左大量既噪音！令人非常不安！佢地仲要係d客隔離食荔枝同龍眼！吐到成枱都係！非常嘔心搞到我都冇晒胃口食飯！食完碟頹飯之後，我見其他客都係自己去裝湯，於是我諗住裝碗湯飲啦，我只係想裝少少湯渣(冬瓜)黎食，點知果個紮孖辮既阿嬸勁大聲喝我！

未去過奧海城，於是今天和老公打算到那兒遊逛,順道光顧那兒附近的九巴茶水站，因為聽聞其食物很抵食‧ 根據網上的地址尋找，好不容易才找到九巴茶水站‧我們到達時已是一時左右，出乎意料地這間茶水站已坐滿九成客人，而且有一半是少男和少女‧最後，我和老公點了西炒飯，菜遠牛河和熱奶茶，味道則如下： 西炒飯： 賣相看似麻麻，然而味道卻唔錯，有鑊氣，兼且味道酸酸哋，好開胃‧菜遠牛河： 好大碟，兩個人share都得‧菜心煮得不太淋，而牛肉則唔'un'，同樣有鑊氣，味道都幾好‧熱奶茶： 茶有點澀，奶味又唔夠，不合格‧唔怪得有些茶客飲汽水或涷飲‧ 除了熱奶茶，其實此處都不失為一個好地方吃東西，有機會我們都會再來‧

叫了一份常餐︰火腿通粉、煎蛋腸仔、牛油方包、凍檸茶純粹以食物質素而言，不過不失只是牛油方包的牛油好像失綜了，塗多點牛油也不行嗎？十六元一份常餐，真係抵食到爛！如果大家不介意店內環境比較簡陋，不介意來自國內、文化水平欠佳的店員服務水平較差，這裏確是吃飯的不錯選擇

呢晚本來想去搵間平價西餐廳食晚飯，路經帝柏海灣的巴士總站，竟在無意中發現一直未有特別留意的九巴茶水站，橫豎未幫襯過，就去試一試吧！呢度的一切，無論係門面還是裡面的陳設都比較簡陋，除了兩個九巴的司機外，就再沒有其他人在內幫襯，同奧海城幾乎間間食肆都爆場相比，真係差天共地的分別，就連大廚都坐在一旁休息等有客叫嘢食才入去煮。不過這也正常，不足為怪，因為這裡只不過是巴士公司的茶水站而已，不能苛求。但講到價錢，這裡與一街之隔的奧海城商場內的食店便真係相差得遠了。這裡無論任何食物，價錢都非常經濟廉宜，好似呢晚咁，兩個人叫左一個濕炒牛河+熱朱古力（$24），一個洋蔥豬扒飯+熱檸水（$22），加埋都只不過係$46埋單，食物質素也及格，真係好抵呢！！！哈！估唔到無心插柳咁又搵到一個平平地食嘢，食物質素又ok的地方喎！

數月前，曾光顧柏景灣巴士總站的九巴茶水間那天是星期六，剛好趕及五時三十分進入店內諗住叫個茶餐吃啦，因為一個茶餐------餐蛋麵+凍檸茶，才不過$16，相當抵食的可是，那位看舖、操內地口音的阿姐，竟對我們說︰「對不起，現在是五時三十五分，沒有茶餐了！如果你叫餐蛋麵+凍檸茶，便要收正價了！」經我再三理論後，仍不果嘩！唔係呀？我剛好五時三十分入店內，妳竟然欺負我，想收我正價？竟然這樣做生意的...... 一怒之下，立即離去！平心而論，這間茶水間食物質素是OK的從過去光顧數次的經驗看，服務水平也不太差怎料當天竟找一個完全不懂做生意的阿姐來看舖，實在是下策

除左平抵食外,真係無咩特別22$,加氣水都係23$份量又足味道真係一般穩定就雜扒飯試過25$小炒,真係剛炒起,但味道是差到不得之了炒飯,應該是用新鮮飯,過濕,一般唔會試炒飯底唔推介,因為唔抵食老水雞比,差到不得之了叫外賣真係好有效率,3分鐘送到,係我見過最快的外賣

從 OpenRice 中找到這個地方, 留意了很久, 亦曾經找了很多次也落空, 原來自己一直在匯豐中心那邊找, 卻不為意帝柏海灣那邊原來也有一個巴士總站。是日放假, 心血來潮地想起了這個地方, 最後終於讓我找到了, 原來從奧海城那邊進入帝柏海灣巴士總站的話, 要行到最盡頭才會找到「九巴茶水站」。茶水站門口非常細小, 和家中的房門無異, 幸好牆上貼有「九巴茶水站」這幾個大字, 不然的話, 還以為是控制室或車長休息室。當然, 門外張貼了「只招待九巴員工」的通告亦令我猶豫了一會, 但記得之前的食友都沒有問題, 我便膽粗粗地衝了進去。甫進去, 看見坐位並不多, 只有四張四人檯和一張二人檯。自己一個到來, 看見最接近門口的二人檯未被佔據, 我也很自然地選擇了這張自成一角的檯子坐下。在看一看貼在牆上的餐牌, 原來到處都是驚喜。 $8 一杯熱飲, $9 一杯凍飲, $16 一個茶餐 (有齊粉麵﹑火腿/煙肉﹑煎蛋﹑餐包/多士﹑餐飲), $22 一個粉麵飯套餐, 連最貴的 金牌雜扒飯 (有六款 "扒") 和 瑤柱蛋白炒飯 連餐飲都只不過賣 $27, 凍飲亦只須加 $1, 價錢絕對令人難以置信。當然, 價

無意間發現巴士總站內，有一個司機的茶水間雖然佈置相當簡陋，甚有工廠canteen feel食物質素就OK啦，但價格真是相當吸引例如一碗餐蛋麵只賣九元正、一個下午茶餐(火腿蛋+公仔麵+餐飲)只是十六塊現時，也很難找到一間茶餐廳賣十六元一個茶餐吧？

很久以前, 乘工作之便經常於紅磡火車站外面的九巴茶水站嘆茶嘆三文治, 水準不錯又便宜. 但後來因為車站改建, 當年一切已成往事. 較早時看到Olivian 的九巴茶水站食評, 令我想起當年的巴士站tea break風味. 趁著休假, 便前往回味一下.這個茶水站位於巴士站的出入口之間, 一如以往慣例, 門口貼著"只招待九巴員工"的字樣, 相信是保險或租約上的限制吧? 但放心進去"坐一坐"吧, 如果你不用店員"招待"的話, 相信是無問題的..... 午餐已吃過, 還未太餓, 只要了一份餐蛋治, 跟餐凍奶茶一杯. 餐蛋治的蛋及餐肉皆即叫即煎, 熱辣辣的, 份量剛好, 白麵包亦新鮮軟熟,味道當然不會差. 凍奶茶夠滑夠濃, 但凍飲始終不及熱飲香, 下次還是要熱奶茶好了.不知是我還是那位負責落單的阿姐的問題, 我說要餐蛋治就跟我確認是否要餐蛋麵; 要凍奶茶就問我是不是要熱奶茶, 相當搞笑.這裡還有飯餐麵餐供應, 營業時間至晚上九時, 若不計較環境, 也算是附近居民醫肚的一個經濟選擇.

老豆極力推介這裡的港式奶茶，叫我一定要來評一評，趁著黃金週假期帶我試試。地點在帝柏灣樓下的巴士總站，一個不起眼的入口，口門寫著巴士職員才可進入，原來是無任歡迎的。價錢真是好平好平，全天侯早餐供應至下午5時，只需十多元，飯餐或炒粉麵餐只是$22已有餐湯及飲品。我第一時間點了滑蛋叉燒飯，叉燒蛋佈滿飯面。雞蛋又滑又多蛋汁，明乎其實的做到滑蛋效果，比「蛇竇」的做得更滑。叉燒份量亦不少，還有白菜墊底，這碟飯算幾「健康」。再叫兩份蛋治，炒蛋同樣的嫩滑，麵包雖是來貨，但質地鬆軟。媽媽的豬扒蛋麵亦不弱，她稱絕不是"出前一丁"，但麵身爽口，不像是平價公仔麵。主角的奶茶果然茶味香濃，沒有苦澀味，口感幼滑不"鞋"口。老豆果然無介紹錯，真是物超所值、價廉物美。