丼吉日式吉列豬排專門店 (新城市廣場一期)

營業中

休息中

炸豬扒都系要食返呢間😬😬😬😬中午入座，唔算多人，叫左個炸豬扒，大概等了15分鐘就上了。等餐時間會給你一個碗讓你親手磨芝麻，配上醬汁吃豬扒。現磨的芝麻很香，味道出曬來。豬扒炸得剛剛好，多汁，而且好有豬肉味。佢嘎配料都唔簡單，超好食嘎野菜絲，好清甜，食完豬扒再食野菜正好可以中和下豬扒油膩。服務員見到你食曬d野菜仲會問你加唔加。我加左，仲要超大份量👍🏻👍🏻。最後它家的麵豉湯唔鹹，系喔鐘意果隻，好飲。食完後仲有小小甜品比你食，系西瓜杯。食得好飽

心血來潮想吃吉烈豬扒定食，於是搜尋沙田區有冇專門食吉烈的餐廳，幸運地發現這間午市定食有許多選擇，但我還是對吉烈豬扒一心一意，希望牠不會令我失望定食未來前發現枱面上有三種調味汁，心情很雀躍，一陣可以試哂等了一會先上芝麻，好好玩，由自己親手麻成碎粒，也是用來點豬扒食定食來了原來還有鹽、檸檬、椰菜配搭吉烈豬扒吃首先豬扒赤裸入口、沒加任何調味料，咬一啖脆脆裂開，牙齒再遇上嫩肉的豬扒好味到飛起 真的沒有令我失望，恍如日劇中描述的口感之後陸續用不同汁、芝麻碎、鹽、檸檬汁配搭，樂趣無窮，好多種食法另外發現椰菜絲加豬扒汁吃是超級好味，百食不厭還有定食的麵豉湯裡有蜆肉，很驚喜這一餐吃得很幸福又好玩

準備叫嘢食嗰陣，見到員工喺廚房拎嘢食出嚟冇戴口罩，即刻失望離開。同經理講返事情發生，佢第一句否認，我再叫佢望返同事有冇戴口罩佢即刻話會繼續改善，完全對食客唔負責任嘅餐廳。

幾年前，友人話呢間吉列豬扒餐廳既食物水準好高，令佢非常回味，但一直未有同佢試。由於今年無得去旅行，加上上年係日本食過一間非常美味既吉列豬扒飯，所以決定去試下呢間連鎖餐廳，睇下係咪真係好似D食評講既咁好味。LUNCH時間人流唔多，被安排坐卡位。座位寬敞，地方整潔，加上日系裝潢，令人身心舒暢。點左一個LUNCH SET，吉列豬扒定食 $148職員首先比個研磨缽我磨芝麻，邊磨邊聞到芝麻香，令我對呢個吉列豬扒更期待!!套餐仲包一碗麵豉湯、漬物同飯後生果，當中飯同椰菜絲都可以任添，所以一定食得飽。湯中有一隻蜆，但其實作用不大，唔會因為佢而有海鮮味，所以個人覺得味道同一般麵豉湯分別不大。至於我期待已久既吉列豬，賣相吸引，大塊又厚身，但個人覺得味道實在一般。豬扒好瘦，肉味偏淡，肉質較實，完全唔鬆化，亦無乜肉汁，唯一優點係炸得夠乾身，唔會好油膩，炸衣唔會太厚亦夠脆。椰菜絲刨得好幼細，無乜草青味，配柚子汁或紫菜汁都非常開胃解膩，我同友人都refill左幾次。友人點左炸大蝦丼定食 $188三隻大蝦連蝦頭垂直放係丼飯上，非常吸睛!! 大蝦既size比想象中大隻，蝦頭亦炸到好脆，蝦頭比蝦身更有蝦味!! 炸粉同

炸的東西平常不多吃，偶然想吃日式炸豬扒，就會來這裡。這裡水準穩定，性價比高，基本上不會失望。我們點了：「鹿兒島特等厚切豚肉定食」：比起豬柳，我更喜歡豬里肉扒，鮮嫩多汁。雖然是厚切，但是一點也不硬，炸得剛剛好，不會太乾身，也不油膩。配上自己磨碎的芝麻、炸豬扒醬，非常有口感。「滑蛋豬柳丼伴吉列大蝦」：比較優惠的午市定食。豬柳炸得不錯，只是有一點硬。滑蛋飯調味很好，蛋跟洋蔥也不會過熟。吉利大蝦新鮮，很大一隻。沒想到附送的味噌湯也做得認真。有濃濃的紅味噌味道，連蜆也放進去！最後，追加的吉列生蠔也不錯，大大一隻，鮮甜多汁。

呢度嘅吉列一向有水準，今次都無令我失望平時食黎食去都係吉列豬扒，今次仍然有叫佢嘅定食大概百五至百八蚊，其實並不便宜，但吉列要做得好又真係吾容易，何況香港好食嘅吉列店亦吾多，所以想食的話係要俾錢嘅個湯味噌味吾自太濃，我本身麻麻地味噌湯，但可能佢加左蜆一齊煮過，所以有少少甜味，叫飲得下豬扒今次炸得有少少乾，但個吉列皮好鬆脆，食落吾油膩，加上椰菜絲可以無限添，中和左只食吉列嘅膩不過今次令我驚喜嘅係佢限量嘅吉列蝦。蝦好香，蝦味濃，肉彈牙而且炸得吾乾吾濕，恰到好處，難怪佢貴咁多，$188

本身對炸物和肉類不是太感興趣，一來怕肥膩，二來怕熱氣。但唯獨這間吉列豬扒專門店是我會幫襯的，其最大賣點是可以添加白飯和椰菜。白飯由日本米煮成，富有濃厚米香，飯粒黏度很高，好好味。椰菜很鮮甜和爽脆，和炸物配搭得天衣無縫，完全可以解膩和清除熱氣。值得一讚！店員為我們安排卡位，座位很寬敞，坐得很舒適，心情特別暢快！我們點了二人前（黑毛豬扒豬柳和生蠔）定食。點餐後，店員會先把芝蔴送到枱上給客人將芝蔴磨碎，順便可以消磨時間。食客可以選擇將豬扒醬倒在盛芝蔴的碗裡，沾上豬扒來提升味道。過了一會，熱騰騰的一份大餐送來我們面前！先試豬扒，脆漿很薄，肉質也十分鮮味，不會鞋。之後試豬柳，豬柳的肉質較豬扒嫰滑，雖然未至於入口即溶，但已算不俗了。再試生蠔，生蠔非常肥美鮮甜，令人回味無窮！最後店員送來兩客西瓜作飯後甜品，為這頓豐盛的晚餐劃上完美的句號！

今日去了沙田，順便食吓這間吉列專門店。以前已經試過，今天重遊舊地看看這幾年有沒有分別？怎知，十年如一日，這句話真係無錯。叫了二人餐，有吉列豬，蝦和豬柳。吉列豬就沒有失望，水準依然；吉列蝦，炸粉好簿，蝦大隻又彈牙，不錯之選。

好耐好耐之前已到過這家吉列專門店記憶中，最特別是晚市可以自己磨的芝麻芝麻碎後加入醬汁用的還有是像椰菜的沙律菜可以的話要多食，這菜是下火的食吉列再下火，好搭配。今次午時來到，試試午市定食豚肉生薑燒份量很多的，肉隔離就是像椰菜的下火菜薑味足夠，好味！吉列鰻魚尚可，鰻魚可以加厚一點點日式蒸旦太差！不行！就是家里的蒸水蛋，沒有調味一樣！失手之作！有提供各種醬汁下火菜可配不同醬汁甜品有一磚磚的西瓜粒切得很完美，四四方方。整體ok吉列物當然無得輸香脆不油膩！⭕️進店前量度體溫 ⭕️提供酒精搓手液 ⭕️全店職員戴上口罩 ⭕️座位間有添加隔板

又係新城市廣場啦，全盛時期，究竟我一星期會有幾多晚晌新城市開餐呢？好彩選擇夠多，但係都好花錢呀，喊喊呢間主打食吉列豬排，真係好熱氣架，所以都唔敢食得太密。除左豬排，伴碟個沙律都好好食架，仲有免費添食呀。食完吉列仲食d沙律好似無咁熱氣，at least心理上啦，哈哈個芝麻醬都好好味，可以自己磨，感覺好治療呀。個碗底係有d紋理，然後有d原粒芝麻，自己磨，磨既時間就可以嗅到好香。試過出去搵o個個碗，但係都搵唔到woo，唔知邊到有得賣呢個白飯都好似架，係珍珠米，好有咬口

行下行下 見到間食吉列豬扒 就行咗入去食當醫肚 雖貴 但好味 肉汁好多 好juicy 炸得好脆Tim 一定再返嚟食過(by the way) 此post原定元旦post 但忘記 所以現在先post.

叫左吉列豬扒豬柳生蠔二人餐，加埋一$548 我想講，好味😋好好味首先店員會俾碗芝麻你自己磨，磨得多就自己香啲濃味啲然後加豬扒醬汁落啲芝麻度😌我想講我超鍾意個汁，酸酸地，令到個人食炸野都唔會濟，仲要開胃！炸豬扒只有薄薄炸粉，唔會食到成口油，豬肉滑嫩有肉汁，都係果句最怕啲野鞋烚烚，油膩就更加唔得！再點一點個醬🤤嘩，正呀炸蠔都竟然好食喎，好juicy, 完全唔un飯同椰菜可以任添，個椰菜加個柚子醬油又係一流 😌我好少食炸野，呢間真係推薦

呢排日日都要樸口罩, 一係叫外賣, 一係係屋企食, 悶死, 好耐無出街食飯.  今日點都要豪食翻一餐.  以我兩公婆黎講, 呢間吉列係首選. 一去到門口已經好窩心, 有酒精搓手液清潔雙手, 同埋店員幫我探熱後帶我哋坐卡位, 又問我哋要唔要信封袋口罩, 依個時期, 做得好....先嚟幾個小食(枝豆, 醋蕃茄同甜泡菜), 醋蕃茄酸酸咪咪幾開胃, 泡菜甜辣適中.刺身到啦, 嘩 好新鮮, 實在太耐無食過呢d嘢, 好似放監咁,  唔駛講, 牡丹蝦頭緊係加錢炸, 海胆大大件, 味道濃, 吞拿魚好肥美, 勁厚, 牡丹蝦鮮甜, 油甘魚勁厚, 好食, 玫瑰花型帶子切功細緻, 仲有幾粒三文魚籽添, 有心機.炸軟殼蟹同炸蝦頭到啦, 蝦頭有膏, 炸軟殼蟹香脆, 好食.主菜係大車海老拼大帶子, 日本米晶瑩掦透, 海帶紫菜味僧湯, 好第一時間將大帶子點上他他汁, 大啖大啖食咗先, 炸得剛剛好, delicious!  大車海老全隻夾起嚟食, 好豪, 肉質豐富彈牙, 好食到要添飯, 仲有任食既棷菜絲, 配合食吉列唔會油膩, 飲埋個湯, 好滿足!最後, 店員給我清潔枱面並奉上生菓及熱茶.

今日下午三點左右，見呢間日本餐廳門面都幾靚，一家四口第一次去試吓。叫咗三個定食，等咗15分鐘，上第一道菜，便發現一隻蟑螂。職員聽見，便立刻將菜收走。我們也擔心呢間店廚房衛生情況，所以其他菜沒上，我哋便說走了。 希望呢間店多加注意衞生，食環署也多點巡查此店，以免客人食物中毒。

間唔中都會跟朋友到這間餐廳吃晚餐，我最鍾意食佢嘅吉列蝦同埋吉列蠔定食，我同有人點左雞泡魚干，由於貪心想食多款吉列所以我同朋友每人叫咗個雙拼定食，一個係吉列蝦帶子定食另一個係吉列蠔豬柳定食，我記得佢沙律🥗菜係任添，我會用柚子醋來食，酸酸甜甜好開胃，個人就覺得豬扒汁味道偏濃，可以唔使加芥末醬都得如果係海鮮吉列的話佢會比沙律醬，我覺得員工服務態度都幾好而且會周不時問我地需唔需要加菜，但可能晚餐時間比較人多冇咩人得閒加茶🥴餐廳有獨立洗手間🚻，算乾淨，我訂枱二位指定要卡位，佢都比到我👍🏻👍🏻