每次經過沙田都想食返餐好嘅, 今次終於食到喇, 冇錯依然服務好好, 引領我坐低之後, 立即奉上熱茶, 仲給我介紹刺身啱啱返貨.
我點咗個雜錦刺身, 同埋吉列二人餐, 跟住店員奉上芝麻, 及介紹芝麻用法.....打圈磨碎跟住加豬扒醬汁, 好正等嘢食. 好快好快上咗刺身, 真係好新鮮不過掛住食無影到. 唔使好耐二人餐上枱喇, 炸得真係好靚, 首先梗係食咗炸蠔先, 炸得鬆脆好味仲好 Juice 添, 跟住炸蝦啖啖肉好味, 炸豬扒唔使講肥瘦適中送飯一流, 店員仲不時問我添椰菜絲同白飯, 呢餐真夠飽. 又係時候來個完結, 今次原來轉咗玄米茶, 正, 茶夠熱配清涼西瓜好舒服.

食過咁多間吉列專門店, 依間都係首選, 疫情放緩下, 心情都要放緩, 緊係去食番餐好既, 今日在Openrice book定位食番餐, 唔知係唔係Openrice既關係, 所有嘢都好稱心, 一到門口男店員幫我check咗booking後, 就給我量體溫36.8度, 指示我地用酒精搓手液清潔雙手, 十分體貼, 及引領我地去窗口位, 九龍公園個view好正, 環境真係一流, 我同老婆order咗個吉列二人餐及加咗個大刺身, 男店員給我地送上餐具及二人餐既飲品, 等咗大約十幾分鐘刺身就到. 刺身十分新鮮, 牡丹蝦彈牙, 我地仲加錢炸咗蝦頭, 蝦頭香脆可口, 仲有膏添, 海胆味厚濃郁, 帶子味鮮帶甜, 厚切三點刺身都非常新鮮唔腥.  跟餐軟殼蟹有4件, 一人起碼要食兩件至夠喉, 香脆有膏.主菜到, 蠔juicy, 好食, 蝦香脆, 豬柳好淋, 好有肉味, 不過最正都係件豬排, 好淋, 好似完全無根咁, 仲有白飯同菜任添, 配合紫菜汁yummy.

呢排日日都要樸口罩, 一係叫外賣, 一係係屋企食, 悶死, 好耐無出街食飯.  今日點都要豪食翻一餐.  以我兩公婆黎講, 呢間吉列係首選. 一去到門口已經好窩心, 有酒精搓手液清潔雙手, 同埋店員幫我探熱後帶我哋坐卡位, 又問我哋要唔要信封袋口罩, 依個時期, 做得好.... 先嚟幾個小食(枝豆, 醋蕃茄同甜泡菜), 醋蕃茄酸酸咪咪幾開胃, 泡菜甜辣適中. 刺身到啦, 嘩 好新鮮, 實在太耐無食過呢d嘢, 好似放監咁,  唔駛講, 牡丹蝦頭緊係加錢炸, 海胆大大件, 味道濃, 吞拿魚好肥美, 勁厚, 牡丹蝦鮮甜, 油甘魚勁厚, 好食, 玫瑰花型帶子切功細緻, 仲有幾粒三文魚籽添, 有心機.炸軟殼蟹同炸蝦頭到啦, 蝦頭有膏, 炸軟殼蟹香脆, 好食. 主菜係大車海老拼大帶子, 日本米晶瑩掦透, 海帶紫菜味僧湯, 好第一時間將大帶子點上他他汁, 大啖大啖食咗先, 炸得剛剛好, delicious!  大車海老全隻夾起嚟食, 好豪, 肉質豐富彈牙, 好食到要添飯, 仲有任食既棷菜絲, 配合食吉列唔會油膩, 飲埋個湯, 好滿足!最後, 店員給我清潔枱面並奉上生菓及熱茶.

我諗大家都知咖啡嚟講Pokka無得輸, 我差不多一個禮拜都會嚟幾次, 依樹地方就腳方便, 坐卡位的話, 傾計一流, 店長及店員服務又好.
呢個禮拜剛剛做緊大優惠, 大大戰斧牛排半價, 買 coupon $498, 堂食正價加一 $98.8, 不過要三天預訂, 今日終於有得食, 店長細心問我要幾多成熟, 及薯菜, 我跟住問佢幾成熟最好, 佢話7成再擺多陣就perfect, 結果係Master Chef節目大廚成日要求既粉紅色, 充滿肉汁, 好淋, 點牛排燒汁洽到好處, 我哋兩公婆食一件, 好飽, 對於食肉好獸嚟講好滿足, captain仲好醒目, 上菜時另外俾一把比較鋒利既牛排刀, 芥茉醬及茄汁. 件大牛排響大酒店食要 $1500 加一, 依樹真係好抵食.完美粉紅色, 充滿肉汁. 好淋, 肉味濃. $498 coupon 最後, 加杯蘇門塔臘萬特寧咖啡, 香滑味濃, 最啱食肉獸.

忙碌中, 途經沙田食個午餐, review下吉列啦, 今次可能lunch time關係, 店員不停打轉, 忙個不停, 無他ge, 人人到我一樣食飽開工.

今次點咗個蒜片牛柳粒定食, 加咗一隻吉列蠔同刺身, 吉列以外嚟講, 牛柳好淋, 蒜片甘香, 配洋蔥好味, 加上香軟日本米飯, 真係食多兩碗飯. 刺身方面, 新鮮好味, 吉列蠔香脆juicy,  最後加埋甜品, 日本綠茶雪糕加大福, 味濃香滑, 同大福好配合, 再嚟個清涼西瓜+熱茶. 滿足! 

今日原先諗住同老婆在沙田食lunch, 不過遲咗收工, 無辦法就上七樓兜個圈睇吓有乜嘢食, 見到Tonkichi四點鐘仲開緊, 好奇怪, 平時收三點左右, 點解仲有哩食既, 問個店長原來啱啱開始逢星期六, 日及公眾假期三點至六點加開下午茶, 咁我緊係一於同老婆試一試啦. 睇個餐牌, 好吸引, 唔貴, 有麵, 有炸物, 有烏冬, 仲有cake同包埋嘢飲添. 一於點翻個牛肉擔擔湯烏冬及high tea二人set (吉列豬柳, 炸蝦, 炸蠔, 炸雞翼, 香味飯糰, , 牛奶布甸及蛋糕) 醫醫肚, 店長話由於牛奶布甸沽清, 用其他甜品代替, OK OK牛肉擔擔湯烏冬, 湯底好濃郁, 有好重炒香既芝麻同花生味道, 真係好濃郁, 好濃郁, 配合稻庭烏冬, 呢個價錢連嘢飲超值, 我問店長平時有無得食架, 佢話剩係星期六日下午茶時段先至有, 好食過大酒樓, 真材實料, 我無誇張到. High tea二人set, 炸物唔駛講啦, 鬆脆好食, 專門店嚟麻, 蜜糖雞翼有檸檬味, 唔知係唔係仲有少少香茅添, 好食. 香味飯糰裡面有好多粒粒, 荔枝雪芭配清酒啫哩好清新, 朱古力芝士卷朱古力味濃郁, 配埋杯香濃咖啡, 好嘆.

又到聖誕，又到聖誕，唱隻歌仔食大餐．今曰23號平安夜前夕，在尖沙咀街上好多人，尤其蘋果店，不如上十樓食飯，在門口睇睇原來已經做緊聖誕餐，一於試一試，３款餐我都係鍾意大車老海，有生蠔，有刺身，仲有吉列，同埋加個番茄及毛茄，食多d疏菜麻，嚟個二人前．等咗一陣間，先嚟醬汁及飲品，指定動作磨芝麻，芝麻好鬼香，再加豬扒汁，跟住２個小食到了，番茄加洋蔥及醋，味道好清新，毛茄健康有益． 主角來了，炸軟殼蟹非常香脆，蟹膏甘香，所以每次來到都必定要點炸軟殼蟹，剛剛食完，就即上刺身，生蠔好新鮮肥美，加上三文魚籽味道配得好，大大隻帶子食得好開心，三文魚及上赤都好好食． 吉列大車海老，大帶子，大蠔，豬柳終於出場，擺得好靚，２隻大蝦好似叫我快d食咗佢，好大隻，差不多10吋長，仲有膏添，其實應該食大帶子先，不過睇見隻蝦咁吸引，拿拿聲一啖飯一啖蝦，d飯又好食，日本米，煮得剛剛好，赤麵豉湯裡面仲有隻蜆添，肥幾磅都無辦法啦，帶子同炸蠔好juicy，點他他汁好味，豬柳配芝麻醬，特別香，待應不時幫我添加菜及白飯，經理及待應都好nice，服務週到．又到尾聲，待應好細心給我執枱及清潔，並奉上清甜西瓜，雪芭及熱茶，好完滿．食到飽一飽，好開心，繼續去買野．

今日剛剛同老婆經過沙田新城巿, 又要搵嘢食, 八樓酒樓多人到 暈, 不如落七樓睇睇啦, 咦又經過吉列, 尖沙咀就去得多, 呢樹只係初初去過一次, 見到佢d店長及侍應好似唔同咗, 不如入去review下, 睇吓有無進步, 在門口攞飛, 好彩唔駛等好耐, 前面仲有地方坐住等, 好! 到我喇, 侍應給我帶進二人卡位, OK幾舒服, d醬汁器皿好乾淨, 我點咗個刺身盤及二人餐, 有前菜, 有嘢飲, OK OK.侍應給我先來芝麻, 仲教我點樣用醬汁, 好有心機. 等咗一陣, 冰凍啤酒及檸檬什飲,  跟住炸軟殼蟹送到, 好鬆化, 要嚟送啤酒好掂, 軟殼蟹香脆有膏添. 剛剛好軟殼蟹食曬之際, 刺身盤送到, 超級豪華, 咩都有, 海膽好甜, 牡丹蝦蝦肉好彈牙, 帶子鮮甜, 魚生非常新鮮. 等緊炸物, 好似多咗客人等位, 繁忙時間, 店長不停埋單, 好! 有得食, 一大盤炸物, 有飯有面豉湯, 仲有咖哩汁添, 剛剛炸好, 辣嘴, 炸豬排加上豬排芝麻汁, 香脆可口, 完全不覺油膩, 炸蝦好彈牙, 炸豬柳好淋, 炸蠔亦非常鮮味, 侍應不時幫我加菜及添飯. 飽曬, 指定動作, 清涼西瓜加熱茶, 總括來說, 比起之前來食, 有進步, Good 

再次同老婆來食吉列大餐, 今次特別加咗車海老試一試, 成十吋長, 上枱已經覺得好美味. 整開個頭, D膏走曬出來, 再配合其他吉列一齊食, 一定肥多幾磅, 唔緊要啦, 慢慢減, 樣樣都好食, 例如: 豬柳, 豬排, 蠔, 配上醬汁更特顯味道.. 食到蝦尾, 條蝦膏仲係道, 真係肥美, 唔單止D肉質好結實, 仲彈牙.今日真開心, 好食好食.

經常遊走旺角, 尖沙咀既我, 今日試一試雅蘭大和.

店員殷勤給我帶到一個清靜位置, 環境舒服, 面向朗豪坊大街, 人流川流不息. 打開午餐牌, 各色其色, 有炸物, 有拉麵, 有魚生刺身, 仲有火煱及燒烤, 真係適合每個同事既胃口, 緊有一樣啱你.而我就點咗什錦刺身飯$92, 及用咗一張優惠劵-柚子椒鹽雞翼, 好快趣就已經嚟齊, 賣相幾好, 以旺角來講唔算貴, 先試一口魚生都幾新鮮肥美, 加上washabi醬油, 好味, 跟住食一口雞翼, 香脆可口, 柚子椒鹽好突出好味, 好窩心, 雞中翼係一開二, 很方便, 餸啤酒一流.總括來講, 食物多元化, 值得再來試試.