丼吉日式吉列豬排專門店 (新城市廣場一期)

營業中

休息中

今日係到食午餐，因為星期日冇lunch set. 我地同兩小朋友一家四口，因我同妹妹都食得唔多，所以叫左3 人 set . 黎到炸物個樣幾好，但味道冇其他分店好味. 叫set 應是免費加飯的. 哥哥食完飯後想叫多個飯，但女仕應竟然說要加一個飯錢，先可以加飯，因為我地叫3人set, 但父親節當天，我們這分店也是order 三人父親節餐，也同樣四個人，也是可免費加飯而不需另加一個飯錢. 同樣情景，為何有不同的處理方法？ 父親節享受了優質服務，所以買了現金卷，想著以後再來. 經過今次體驗，價格並不便宜，3 人set 加一埋單要$9xx. 但被氣了一下，不會再考慮此分店. 最後又不知為什麼要送上四人份飯後西瓜和原米茶. 我沒吃因為已經一肚子氣. 但埋單時，原來係要收茶錢的，四人茶錢. 好嬲，一肚氣…..

在沙田丼吉日式吉列豬排專門店，點了「特上吉列豬扒豬柳定食」二人套餐，整體用餐體驗非常滿意😋餐廳位於新城市廣場7樓，環境舒適且帶有濃厚的日式風格🎊主角是鹿兒島優質豬肉豬扒和豬柳，吉列豬扒外皮炸得金黃酥脆，內裡肉質鮮嫩多汁，毫無油膩感🐷豬柳則更加軟嫩，搭配店家自製的芝麻醬汁，風味絕佳🧂配菜中的椰菜絲新鮮爽口，且搭配自家調配的柚子汁，能有效平衡炸物的油膩感🥗值得一提的是，套餐內的白飯和椰菜絲都是無限量免費添加，讓人吃得非常飽足且滿足🍽️此外，套餐還附有味噌湯和漬物，味噌湯熱辣鮮味，漬物酸甜開胃，整體搭配恰到好處🍲用餐最後還有西瓜作為甜點，為整餐畫下完美句號🍉總結來說，沙田丼吉的「特上吉列豬扒豬柳定食」二人套餐不僅食材優質，烹調精細，份量充足，而且白飯和椰菜絲的無限添加更提升了用餐價值🎖️香港美食家蔡瀾更曾稱讚丼吉的炸豬排品質超越日本一些老字號品牌，進一步肯定了餐廳的品質與口碑🏆推介喜歡日式吉列豬排的朋友👍

今日黎到沙田食呢間好出名既吉列豬扒鋪頭嗌左個2人餐 有吉列豬扒，吉豬柳同吉列大蝦，大概600蚊左右啦初頭見到人哋食得好好味咁樣咁我都好有期待，到嘢食送過嚟嘅時候見到啲食物過埋上都覺得唔錯，相機食完到我食第一樣是嘅就係吉列大蝦，我食嗰一嚿大蝦第一啖咬落去，粉多，肉爛爛地咁，但食到最尾係ok正常既有番啲咬口然後試個吉列豬扒啦，我第1啖食落去，咦？無乜味既？咁ok啦我自己掂汁食，跟住繼續食，佢係有肥但偏瘦，肉質係睇得出韌，點知真係韌，我女朋友有其中一舊用盡全力先咬得開最後試個吉列豬柳，我食第一啖真係嘩左一聲，點解可以咁難食真係老實講，平價雙餸飯都好食過佢好多，整體真係唔得，係得個湯正常少少。 成6舊水比啲咁既質素？？？？

今日同朋友去咗丼吉日式吉烈豬扒專門店食晚飯，真係好滿足！😍 我哋叫咗個「吉列上級豬扒定食」同「吉列豬柳定食」，兩款都炸得超正，金黃色嘅外皮脆卜卜，咬落去仲好juicy，完全冇乾柴嘅感覺！🤤 豬扒嘅肉質好鬆軟，上級豬扒仲有啲油脂香，正到爆！ 最抵讚係佢哋嘅菜同飯可以任添，啱晒我哋呢啲大食嘅人！🍚🥬 個味噌湯都唔錯，唔會太鹹，配埋啲炸物食好夾。雖然今次冇乜特別驚喜，但水準依然穩定，絕對係穩陣之選。如果鍾意食吉列豬扒，呢度真係可以放心encore！👍 服務都幾好，店員有禮貌，上菜速度合理，整體體驗好舒服。唯一可以挑剔嘅係價錢有少少貴，但質素對得住個價錢，值得一試！💯 #丼吉 #吉列豬扒 #日式料理 #香港美食 #大滿足

-呢間吉列豬扒以前食過一次，覺得好好食，不過有啲貴😂，所以好耐冇食了呢排又心思思想食返，二人前除左有吉列豬扒、豬柳同大蝦之外，每人有一個味噌湯，入面有一隻蜆，仲有前菜，係酸菜嚟，同埋兩碗飯，飯同椰菜都係無限添加主食賣相好靚，醬汁有鮮磨芝麻豬扒醬、芥辣、鹽，我覺得豬扒醬同主食最夾☺️，我最鍾意豬柳，肉咬落扎實鬆化，個炸皮做得好好😙，勁脆勁好食，炸蝦大大隻，咬落除左有蝦之外仲有蝦膏味，好好食🥹，比得上日本啲吉列蝦同吉列豬，再食豬扒，吉豬花紋好靚，唔會好肥，都係好好食，不過豬柳同蝦更出色😌，完全唔捨得食哂飯後甜品有西瓜同埋玄米茶，玄米茶比起一直都飲緊嘅麥茶可口，同時可以消滯，好想可以再食，再儲下錢先算🥲-▶︎上級吉列豬扒、豬柳、深海大蝦定食| $548 二人前-📌#sorriso_沙田 #sorriso_沙田區-🏠【丼吉日式吉列豬排專門店】📍沙田沙田正街18-19號新城市廣場一期7樓707號舖🕑星期一至日 11:30 - 22:00-#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #f

【食評】丼吉Tonkichi精品吉列二人套餐｜酥脆炸物盛宴🔸 吉列日本產特等豚肉：外酥內嫩 主角吉列豚肉選用日本產特等豬肉，外層金黃酥脆，麵衣輕薄不油膩。切開後肉質粉嫩多汁，搭配自家研磨芝麻醬，鹹香惹味。高麗菜絲清爽解膩，可無限添加，平衡炸物的厚重感。 🔸 炸深海大蝦：鮮甜彈牙大蝦尺寸驚喜，炸至恰到好處，蝦肉飽滿鮮甜，咬下去外脆內彈，蘸上他他醬更提鮮。相比之下，廣島生蠔稍遜一籌，蠔味濃郁但略帶腥氣，若炸粉再薄些會更完美。 🔸 定食配套：細節用心味噌湯溫潤甘甜，米飯選用日本米，粒粒分明。隨餐附漬物和茶碗蒸，增添日式風味。 🔸 綠茶雪糕：完美收結甜品是綠茶雪糕，茶香濃郁而不甜膩，冰涼口感為這頓炸物大餐畫上清爽句號。 📝 總結丼吉的吉列技術確實出色，尤其是豚肉和大蝦，絕對值得一試。二人套餐份量充足，性價比合理，適合情侶或朋友分享。唯一小缺點是生蠔稍膩，建議可單點其他炸物替代。

間嘢態度好好嘅，但係啲嘢食真係搞唔掂，我碗飯成碗都係水唔講以為我嗌咗湯撈飯。跟住換咗俾我第二碗有蛋殼。。。講真其實打蛋唔小心有蛋殼我真係完全接受到，但係佢第一碗已經成碗水真係好燥。。。本身冇寫評價嘅習慣，我個friend話好誇張叫我寫，仲要特登email認證真係第一次用。。。

Tonkichi 日本吉列豬扒尋晚路經沙田，去咗沙田新城市廣場揾食，老婆話好耐冇食過吉列豬扒，想試e間，老婆對吉列豬扒非常一般，因為有好多食肆做嘅炸漿粗硬嚡口兼油膩，吉列變成拮脷，食到成口傷痕纍累。七點左右已經好多人，睇到餐廳已經擺成Halloween佈置，好彩仲有幾張枱剩。太太order個傳統吉列豬扒飯，我喜歡有湯汁，蛋汁煑炸豬扒就最啱我，兩塊豬扒都炸熟炸透，略為乾身，好彩豬扒肉質好，咬落去好腍有肉味無柴皮，至於炸漿就乾身無油冧冧，日本人做嘅炸漿有水準，食完唔會有油膩感覺。醬汁就有三種選擇，紫菜，柚子及傳統味，我鍾意紫菜味同埋柚子味，傳統味就比較偏甜偏酸，好似加左糖嘅Worcester Sauce，伴碟椰菜絲冰涼爽口，食完仲可以免費再加，我較喜歡同紫菜醬汁一齊食，配豬扒飯常合襯，至於麵豉湯味道濃郁，仲有一隻蜆，但係飲唔到有海鮮味，都算不過不失，唔會得個鹹字。飯後仲有西瓜甜品同埋一杯玄米茶，西瓜同玄米茶就非常之一般，唯一可以講嘅就係杯玄米茶夠熱。俾錢時發現此食店要收$9一位茶錢，幾時食吉列豬扒會有咗去茶樓嘅規矩！至於服務員有禮貌，又會跟客人溝通傾偈，唔會木口木面，服務小哥工作勤快滿頭大

日式吉列豬扒專門店「Tonkichiとん吉」首家門店於1995年在銅鑼灣世貿中心開業，是香港唯一一家高級日式吉列豬排專門店，將最正宗的日式吉列文化引進香港，於過去廿多年間，在港九新界共開設了7間分店。今天光顧這家沙田分店位於港鐵沙田站上蓋的新城市廣場內，裝修相當舒適，服務員笑容好又殷勤招待，落完單後又細心介紹枱上醬汁如何配搭，上菜後經常問需否加飯或沙律菜，整體優良所以是食得開心又滿足的。唯最不滿是要收茶錢，從未聽過食日餐會收茶錢，亦沒有在餐牌裏面寫明，怪不得在上生果時服務員問要否換杯熱茶。員工更會熱情推介食物優惠券套票，買了$1200套票送$200回贈，覺得好抵所以買了，因為隨便散叫都要200幾至300幾一個餐，所以買套票很快會用完又多$200著數！文章及更多圖片

如果壞食物也有水準，那麼今天吃的無疑是王者！ 吃完飯後，我有舔盤子的衝動。 不是我餓得想吃盤子，而是這道菜給了我“美味”的新定義。食lunch使我成幾百蚊，真的不如去搶。 我不會再來了。

今日同老婆仔女行完沙田新城市廣場，就諗住食個晚飯先返屋企。見丼吉就腳就入咗去。一坐低就叫咗碟前菜拼盤，有枝豆、凍豆腐同八爪魚芥辣秋葵。枝豆熱辣辣，鹹鹹地好醒胃；凍豆腐好滑好香，配埋木魚絲同日式醬汁，食到停唔到口；八爪魚爽口，秋葵配埋芥辣一齊食，好爽脆。成個前菜拼盤都新鮮，做宵夜一流。跟住個主菜吉列豬柳定食，有漬物、味噌湯同生果。漬物開胃，甜到漏；吉列豬柳炸到金黃色，肉質軟綿，一咬就散；豬扒金黃香脆，食落爽口唔會太膩；豬柳同豬扒配埋芝麻、豬扒汁同海鹽一齊食，口感豐富。炸大蝦炸到金黃色，啖啖肉，有層次；定食配埋椰菜絲同白飯，椰菜絲新鮮爽口，白飯軟綿，仲可以任食添；味噌湯鹹度適中；最後個生果西瓜，清甜解膩。成個吉列豬柳定食材料足料，口感正。丼吉坐位闊落，嘢食好食，口感豐富，我哋一家四口食得好滋味。

位於沙田新城市廣場一期七樓既日式吉列豬排專門店，今次是第二次去dinner，原來時間上都格左差不多兩年了。今次照舊order二人套餐，吉列豬扒，吉列豬柳，吉列大蝦味道沒有變，依然十分十分的好味啊😋👍！而今次更加特別感覺到服務態度十分好，笑容好又殷勤招代，所以系食得開心又滿足的。🙂最後我提醒大家，最好不要order“汽水”啊，因中途在沒有看餐牌下点了一罐Zero coke....埋單竟然收$38罐😲🙄🫣，連加一服務費即是$42，太貴太離譜吧！😵‍💫提示： 沙津菜同飯是可以免費添加的， 西瓜同玄米茶在飯後免費提供的！

今日和老婆往新城市丼吉食午餐,我們點了特選吉列定食二人前,我們升級了凍咖啡和日式朱肉湯,特選吉列定食前菜有八爪魚芥辣毛茄,薯仔沙律和醋蕃茄,八爪魚芥辣毛茄辣度適中,八爪魚食落彈牙,毛茄爽口,薯仔沙律食落味道爽脆,醋番茄食落醒胃,主菜特選吉列盛合有宮崎牛肉,鹿兒島厚切豚肉,大蝦和廣島生蠔,特列特選盛合賣相吸引,宮崎牛肉炸得金黄,肉質香濃,鹿兒島厚切豚肉肉質食落爽脆有油花,大蝦食落新鮮彈牙,廣島生蠔食落鮮甜肥美,白飯飯粒軟綿,椰菜新鮮鮮甜,味噌湯咸度温度適中,凍咖啡飲落味道香濃,最後甜品是綠茶雪糕食落茶味香濃,紅荳甜度適中,餐廳座位舒適闊落,食物炸得香脆金黃而不油膩,我和老婆食了一餐好味日式午餐

特上吉列豬扒豬柳定食（二人前）$468吉列豬扒帶有油脂，脂肪分布並唔均匀，食到邊邊嘅肥膏位會好膩，但肉質較豬柳軟腍；炸粉係脆口嘅，不過好鬆散，一咬炸粉就同舊肉分離，而且未係好做到酥脆嘅感覺。每個套餐都包白飯、麵豉湯、漬物同生果；白飯同椰菜絲仲可以免費refill添。椰菜絲配上柚子汁或紫菜汁，食落好fresh，可以balance返食吉列豬嘅油膩感。〰️〰️〰️〰️〰餐廳主打食吉列，但我覺得吉列嘅質素未算好出色，炸粉粉漿偏厚，而且一咬就會皮肉分離，普普通通。店員嘅服務都好好，會主動問要唔要refill白飯或椰菜絲，雖然都好進取咁問我哋會唔會join會員，但會比足空間你諗同埋唔會死sell爛sell，唔join都唔會轟炸你😂特別一提係餐廳會收$9一位茶錢，係日式餐廳嚟講都比較少見，如果介意嘅話，就自己衡量下😅〰️〰️〰️〰️〰️食物: 3.5/5性價比: 3.5/5 環境: 4/5服務: 4.5/5Revisit: No〰️〰️〰️〰️〰️

裡一家用的料還是不错的（沙田新城市廣場）今日送耳機返去保修，路過裡家TONKICHI🦐🥩定食🦐裡面還有汁，超級大，外面很蘇脆，好爽口彈牙，好新鮮，好好味🤤用的豬肉沒有腥味，吃起來很細膩，外面的炸衣唔厚，炸的啱啱好😋7F，這份328，淺吃一頓吧。咁其實價錢方面仲有茶位費（玄米茶），9蚊米飯用嘅係日本米，幾好食，仲有好多菜絲，都係可以免費加的，可以食到非常飽，飯後有西瓜爽口，西瓜幾甜雖然貴小小，但係值得！