影片
港鐵牛頭角站 A 出口, 步行約5分鐘
繼續閱讀
電話號碼
36188772
95858500 (WhatsApp)
開飯介紹
裝修以狗為主題，甚至連餐牌、爐頭上也有狗狗的圖案。客人可以享用火鍋雞煲任食套餐，有多款湯底及配料選擇，食材新鮮。
繼續閱讀
營業時間
今日營業
07:30 - 16:30
17:30 - 00:00
星期一至六
07:30 - 16:30
17:30 - 00:00
星期日
17:30 - 00:00
公眾假期
17:30 - 00:00
公眾假期前夕
07:30 - 16:30
17:30 - 00:00
以上資料只供參考, 請與餐廳確認詳情
有關獎賞計劃
相關文章
喜歡打邊爐的朋友又約我打邊爐，但我最近已經打過幾次，所以就同朋友提議不如食半自助，可以滿足佢邊爐夢，又可以令我有新鮮感。 跟返餐廳順序吃，ROUND 1 餐前小食（可以任食，不過我地想留肚，只點了兩款）唐揚脆炸雞：炸得香口，熱辣辣，又多汁，配埋沙律醬很滋味。鮑汁雞腳：鮑汁味香，雞腳夠林又入味。 訂座可奉送響螺魚翅燉湯：湯底清甜，真係見到大大塊螺肉，好鮮味。 ROUND 2 前菜三點刺身盛合：三文魚夠肥美，北寄貝很新鮮，蝦大大隻又鮮甜。 ROUND 3 頭盤任食寵寵雞煲：朋友話唔食辣，我開頭都驚唔夠味，原來都好惹味，因為有醬汁，洋蔥，芫荽，芹菜等等，雞肉鮮嫩，雞脾嘅位置相對都多喎，而且雞肉斬得幾好，冇碎骨，容易食。 ROUND 4 火鍋濃湯豬骨：湯底清甜，仲有粟米同蘿蔔。 為食海鮮拼盤（開始打邊爐啦）鮮蝦爽口彈牙，蝦頭的膏很鮮甜。大蜆冇沙，口感彈牙。脆肉皖口感爽彈。白鱔片有鮮味。鮮帶子很大隻，夠新鮮。 火鍋配料特級牛頸脊：肉質鮮嫩，油花分佈均勻。和牛板腱肉：油香味比較多，很香口。千歲米豚：口感柔軟，帶豬的甜味。紫菜響鈴：很少任食火鍋店有紫菜的，響鈴帶有紫菜香氣，更加美味。 這間餐廳的老闆應該很喜歡毛孩，因為四處都是宣揚愛護毛孩的信息，值得支持。而且這裡的半自助火鍋性價比高，食材新鮮。
繼續閱讀
一講到 #火鍋放題，通常都係限時限刻，有時想同朋友仔傾多兩句都比人趕！不過最近我哋發現咗一個好去處，既冇時間規定，又有各式各樣嘅風味食物，啱晒為食嘅我哋😉由 #牛頭角港鐵站 出發，穿過 #創紀之城二期 就會搵到我哋嘅聚腳地「為食火鍋公司」。餐廳以狗仔🐶 #歌姬 做主題，就由大門口到食客區，都會見到可愛嘅小狗做佈置！真係好得意呀❤️ 餐廳最近慶祝四周年紀念，推出一個定價$288起嘅「無限時火鍋盛宴」，食物豐富，認真夠晒誠意！✨期間限定#響螺魚翅燉雞湯 - 熱辣辣嘅燉湯，入口充滿鮮雞湯嘅香氣，加埋大大粒嘅響螺，好豐富呀！#小食 - 先上枱嘅係 #青瓜蟹柳沙律，冰冰涼涼嘅口感啱晒夏日呢個季節！另外仲有 #炸豬大腸、#滷水雞腳 同味道非常香甜# 炸蕃薯條，好有港式風味！#魚生刺生 - 大大隻嘅 #刺生蝦，配埋厚切嘅 #三文魚 同 #北寄貝，加埋芥末一齊食，真係好爽呀！#雞煲 - 新鮮嘅雞肉，加埋 #紫洋蔥、#蒜頭 同 #芫荽 一齊炒，肉質鮮嫩夠晒所惹味！#火鍋 - 最後一道菜當然係呢晚嘅主角「火鍋盛宴」，我哋點咗個 #牛尾藥膳湯 做湯底，味道夠晒濃郁！#海鮮併盤，加埋 #任食 嘅 #火鍋料，選擇都唔少，除咗一般嘅 #蔬菜，#丸類、#鵝腸、#鴨血 ... #打邊爐 當然唔少得各式各樣嘅 #肥牛肉，而我就比較喜歡餐廳加推嘅 #特級牛頸脊，肉味濃郁得來又有咬口，真係好食到停唔到口😅 除咗任食之外，客人仲可以選擇自己喜歡嘅飲品，啤酒汽水樣樣齊！餐廳整體食物都唔錯，加上環境闊落，服務又幾好！放工約埋班同事/朋友過嚟聚會，真係一個唔錯嘅選擇😉📍#為食火鍋公司 (觀塘) 創業街15號萬泰利廣場地下C號舖
繼續閱讀
平時打邊爐多數都係得兩個鐘，有時想同朋友坐低慢慢傾吓偈，唔想食得太急，朋友搵到觀塘呢間無限時任食火鍋餐廳就啱晒啦💯有兩個套餐可以揀：$288 / $388，貴呢個套餐包咗多啲海鮮同埋有個和牛拼盤，我哋揀咗$288但已經好夠食🤪！！總共有4 rounds嘢食，食完一輪又一輪，好豐富🤣🤣Round 1 餐前小食有甜番薯條、唐揚脆炸雞、蟹籽沙律、酸甜炸大腸、鮑汁雞腳。每樣都會上少少 - 番薯薯條外脆內軟，而且夠甜，炸雞肉質嫩滑有肉汁，鮑汁雞腳好入味，全部小食都幾好味👍餐廳慶祝緊四周年，7月31號或之前會送響螺魚翅燉雞湯一盅，個湯好夠熱🔥，好足料，夠養生。另外仲可以免費升級成春季限定新品 - 和風昆布卜卜蜆鍋，見到有好多蜆。Round 2 有三款刺身（一次）：三文魚，大大隻又鮮甜嘅牡丹蝦，北寄貝，全部都好新鮮～Round 3 可以揀酸菜魚（一次）或者任食雞煲。我哋揀咗雞煲，每件雞肉都佈滿辣醬料，味道濃郁，雞肉夠嫩，好惹味，配埋洋蔥、芫荽、蒜頭更香口，兩個人輕鬆清晒成煲😎Round 4 火鍋湯底，我哋揀咗沙嗲金菇牛面肉湯底，沙嗲味道濃郁，最後嗌包公仔麵好掛汁好正！仲有是日五款海鮮拼盤，我哋嗰日有鮮蝦、大硯、元貝、脆肉鯇、白鱔片。肉類都有五款，最推薦頂級牛頸脊同埋和豚，呢款豚肉產量好少，肉質鮮嫩。任食火鍋配料都好多，超過30幾款。除咗自己掃QR code落單亦都可以自己出去自助區攞，一定要試濃汁澳洲牛肉丸，超爆汁好好味😋😋
繼續閱讀
今晚約了朋友去打邊爐，是印象深刻的一次。菜式豐富多樣，食材新鮮，無論是肉類、海鮮還是特色小食都有很高的品質。服務態度也很好，環境舒適。酸菜魚：湯底酸辣鮮明，酸菜脆嫩開胃，魚片滑嫩無腥，搭配花椒的微麻更添層次。寬粉吸飽湯汁，風味十足。濃湯豬骨火鍋湯底：湯底濃郁香甜，粟米精華完全釋放，搭配豬骨的醇厚，順滑暖胃。肉類及海鮮： - 特級牛頸脊：肉質鮮嫩，入口即化，有濃郁的牛肉香味。-脆肉鯇魚片：魚片切得薄厚適中，口感爽脆，沒有魚腥味。-牛胸腹肉：口感很有嚼勁，牛香味十足。三點刺身盛：刺身新鮮，肉質鮮嫩，搭配特製的醬料，味道很不錯。海鮮拼盤：拼盤包含了多種海鮮，蝦、帶子、魚片、蜆，新鮮度很高，性價比不錯。配菜：-手工雲吞：雲吞的餡料飽滿，味道鮮美，皮薄餡大，口感豐富。 -紫菜響鈴：響鈴在火鍋中煮後變得軟糯，紫菜的香味融入其中，口感獨特。 -炸魚皮：炸魚皮直接吃香脆可口，火鍋中煮後又變得軟糯，吸收湯汁後味道更佳。 -爽口白魚蛋：魚蛋Q彈有勁道，白魚蛋的味道比較清淡，爽口彈牙。湯品：-燉湯：湯品味道濃郁，用料足，在吃火鍋前喝上一碗，暖身又開胃。
繼續閱讀
從澳洲旅行回來，約咗朋友拎手信俾佢，朋友訂咗一間餐廳請我食火鍋放題，為食火鍋公司位於觀塘工業區，佔地都好大，室內燈光明亮，座位寬敞。主打無限時火鍋放題，客人可以邊食邊傾，唔洗限住時間，食得開心又自在。啱晒親朋戚友大伙人聚會，唔洗食到趕喉趕命。套餐分為食和豪食兩種，以食物分類。豪食套餐：奉送時令燉湯：燉湯足料夠火喉，湯色金黃透亮，散發出濃郁的雞香，味道鮮甜。餐前小食：甜蕃薯條、唐揚脆炸雞、蟹籽沙律、酸甜炸大腸、鮑汁雞腳。炸大腸炸得金黃酥脆，鮑汁雞腳入味又夠林，唐揚炸雞外皮酥脆，內裡雞肉軟嫩多汁。五點刺身盛合（一次性）：刺身新鮮，三文魚、油甘魚口感柔滑順口，油脂豐富。帆立貝味道鮮甜。赤蝦的甜味細膩，肉質彈牙。頭盤二揀一：為食酸菜魚（一次性）/任食寵寵雞煲揀咗為食酸菜魚，味道清爽酸香，搭配花椒的麻與辣椒的辣，再加上魚片的鮮嫩，湯頭層次豐富，令人垂涎。火鍋湯底五選一，揀咗濃湯豬骨，湯底濃郁鮮甜。豪食海鮮拼盤：是日新鮮海鮮8款（一次性），一盤新鮮的海鮮拼盤，擺放在碎冰上以保持食材的新鮮度。盤中包含有蟶子皇、鮑魚、脆肉鯇、精選蠔、大蜆、鮮蝦、白鱔片、鮮帶子。整體擺盤精緻，色彩豐富，給人新鮮、豪華的感覺。豪食牛肉拼盤 6款（一次性）：木盤上精美擺放的多款高級牛肉拼盤，每一款牛肉都插有標籤標示其品種與部位，有熊本雪花一口牛、SRF和牛肩胛肉眼芯、澳洲M8牛肩頸、澳洲M8和牛牛五花、SRF和牛三角肉、黃喉。牛肉切片色澤鮮紅、油花分布均勻，部分帶有明顯的雪花紋理，顯示出高品質和牛的特徵。特級牛頸脊、美國Prime牛胸腹肉、美國SRF和牛板腱肉，這幾種牛肉片各有特色，從油花豐富、入口即化到肉味濃郁、口感紮實再到油脂香氣十足，每一種都能帶來不同層次的味蕾享受。千歲 米豚（和豚）榮獲日本優秀獎 首次出口被稱之為和豚 產量極少，吃起來不油膩，入口更有淡 淡米香，肉質嫩滑。火鍋配料的味道是鮮美、香濃且多變的，每一口都能感受到食材本身的鮮甜與湯底、蘸料的調和，令人回味無窮。還有自助新鮮蔬菜，新鮮脆綠。所有套餐包非酒精飲品任飲。
繼續閱讀