更多
2013-11-27
1915 瀏覽
中學年代,一放學便會約埋三五知己到禮頓道加路連山道口既丹麥麵包店買下午茶,什麼腸仔卷﹑炸薯條﹑炸雞髀﹑魚柳包﹑芝士漢堡等,反正總有一款啱你心水。價錢又平,當時既腸仔卷(白麵包或麥包包著腸仔,再加秘制蛋黃醬)只係$3,芝士漢堡都係5蚊7蚊左右,總之係學生負擔得起既價錢,味道又好,所以成日幫襯。到讀大學,撞正大球場有比賽,我地入場睇波前都必到此店買炸髀薯條,生炸雞髀固然好吃,薯條熱辣辣只有少許鹽更係無得頂,諗起都回味呀!不過出嚟做野後,已冇再入場睇波,就算間中經過此店,都係飯前飯後冇位放佢,所以已好耐冇幫襯。最近睇雜誌,話附近一帶都將被重建,擔心以後冇機會再吃此店名物,於是約朋友喺附近開餐時,先到這裡買小吃。一入店,格局咁多年都冇變過,一邊係賣舊式西餅(好似椰撻﹑紙包蛋糕嗰啲)既櫃台,對面就係整腸仔﹑漢堡同炸髀等食物既簡單廚房,後面係麵包工場。油煙味瀰漫舖頭,甚至路過既行人都聞到,油炸既聲音不絕於耳,但無損客人既心情,收工時份天已黑,仍然不斷有人來買吃的,大家都係要炸髀薯條,又或雞翼,呢個時候,所有包呀漢堡已沽清,我地只能買腸仔及炸雞翼呢!味道十年如一日的好味,炸雞翼新鮮生炸,又香又脆口,
到讀大學,撞正大球場有比賽,我地入場睇波前都必到此店買炸髀薯條,生炸雞髀固然好吃,薯條熱辣辣只有少許鹽更係無得頂,諗起都回味呀!不過出嚟做野後,已冇再入場睇波,就算間中經過此店,都係飯前飯後冇位放佢,所以已好耐冇幫襯。最近睇雜誌,話附近一帶都將被重建,擔心以後冇機會再吃此店名物,於是約朋友喺附近開餐時,先到這裡買小吃。
一入店,格局咁多年都冇變過,一邊係賣舊式西餅(好似椰撻﹑紙包蛋糕嗰啲)既櫃台,對面就係整腸仔﹑漢堡同炸髀等食物既簡單廚房,後面係麵包工場。油煙味瀰漫舖頭,甚至路過既行人都聞到,油炸既聲音不絕於耳,但無損客人既心情,收工時份天已黑,仍然不斷有人來買吃的,大家都係要炸髀薯條,又或雞翼,呢個時候,所有包呀漢堡已沽清,我地只能買腸仔及炸雞翼呢!味道十年如一日的好味,炸雞翼新鮮生炸,又香又脆口,只以鹽簡單調味,已經好好味!腸仔雖係普通貨式,但用嚟夾麵包一流,如果加埋老闆秘製蛋黃醬更正!
老闆娘同店員知我以前喺附近讀書,算是老顧客,本來崩緊既臉霎時寬容起來,大家有傾有講,提到我以前最愛吃的腸仔卷原來已停售多年,感覺有點可惜。走時同大家笑著講再見,真有點回到以前既感覺,好親切。問到大概營業到什麼時候,中氣十足既老闆娘話"有排呀!"但願如此!
張貼