丹麥餅店

營業中

休息中

落堂後又到銅鑼灣搵食，今次就黎到丹麥餅店!難得黎到, 當然要試一試呢度既皇牌熱狗喇,價錢便宜只盛惠$8!外面微脆中間軟軟的麵包加上熱辣辣的腸仔,配上少量牛油同沙津醬, $8仲想點?如果沙津醬再多少少就會更加好!但而家都可以滿足我個胃喇!傳統老店真係唔可以消失, 要一直流傳俾下一代!

自從食過一次之后，每次到銅鑼灣都必會再食孖腸熱狗只要茄汁，而魚柳包只要沙律醬包烘得脆，醬又夠多，仲有牛油香味，熱辣辣即刻食好味到不得了！下次會試埋豬扒包同炸雞脾

由於今朝一早要出中央圖書館，亦都因為搭車搭錯站，就要由利園一路行過去～不過行行下就經過呢間丹麥餅店，想起有集少年食神MICHAEL 推介話佢以前日日都食呢間做早餐，一於就一試啦！！舖頭係好舊式的餅店，舊到應該係我出世前的年代，先喺門口收銀阿姐流水式收錢，之後係即叫即整，不過都係３０秒內就有的啊！！見到好多人食漢堡扒呀、豬扒包呀！不過一大朝早其實都未訓醒，都係叫個熱狗食啦！！呢個熱狗$8.5，其實真係超值，依家喺Ｄ連鎖麵包店買一個普通腸仔包都要$6.5！熱狗包外脆內軟，腸仔亦係即煎，再加上很MATCH的沙律醬，正呀！！如果我公司或屋企樓下有，我一定日日買黎食啦！！舖入面仲有奶茶咖啡、豬扒包，漢堡扒包等等～～全部都係即叫即整，好吸引啊！！下次再經過一定試下佢個漢堡扒同豬扒包呢！呢種舊式舖頭真係買少見少，希望佢長做長有吧！

ordered pork burger and the fish burger as takeaway for breakfast. boss-man had to deepfry the fillets on the spot as the previous customer bought the last one available. it took around 3 min and i had my burgers. it cost me 26 HKD for both.tucked into the burgers while at work. The fillets were very crispy. This is because they were deep-fried in very hot oil. I ate the pork burger first, then proceeded to the fish burger. The burger is actually quick big for an Asian stomach. So halfway throug

雖然我不是銅鑼灣原住民, 我認識這古老麵包鋪是因為早於幾年前大S及小O在附近上幼稚園, 在等待期間周圍遊蕩時見到每次都有很多人排隊買嘢食。 既然這天是為尋食而來, 點可以唔食髓知味, 一吃再吃豬扒包$13...麵包是甜餐包, 薄薄的一片炸豬扒原來肉質鬆軟而且邊緣會帶點肥根, 甜餐包裏塗上一小圈茄汁及沙律醬, 合起來一咬: 餐包的甜+茄汁的酸+炸豬扒的脆及柔軟, 好滿足大S及小O放團集會後便嚷着肚餓~肚餓~ 忽然想起剛才排在我前面那位大太買的炸雞肶...嘿嘿...好耐無食過淮鹽炸雞肶$13 熱辣辣...皮脆肉嫩, 應該不是生炸才有這效果, 我見他把雞肶放入炸喱時, 隻雞肶似是預早滷過的好好味呵

要到大球場附近工作，當然會經過這間時間停留在7、80年代的丹麥餅店。既然經過，當然來一個豬扒包。豬扒薄切的，所以就算即炸也很快有得食。加上自製的茄醬和沙律醬，以及即烘的包，就是一個街知巷聞的豬扒包。因為豬扒薄，所以相對地漢堡是較吸引的，較厚身嘛。自製的醬汁酸甜適中，配合烘得脆的包，邊行邊吃，就是一餐，一餐方便又快趣的簡餐。這裡的確有存在價值的。

行開銅鑼灣又黎左丹麥餅店買熱狗～今日人多過我上次黎，所以等左一陣～ 店員比我個陣個包係燙手的＠＠ 而且即刻食個包邊有D脆～～～今日比平時入面多左唔少沙律醬～ 好正但今日比較飽，其實我仲想食魚柳包架～～下次再黎食

之前聽同事講呢間好出名, 但係佢地通常都係食熱狗。今日突然間心血來潮諗住去試啦, 不過我本身麻麻地熱狗, 見有人叫芝士漢堡, 我又跟人叫芝士漢堡 ...點知... 衰咗囉 !阿姐俾咗個已經整好咗, 唔知放咗幾耐嘅漢堡俾我, 真係一啲都唔算得上話暖....番到公司, 個漢堡基本都已經係凍晒 -,-不過都算啦, 心諗可能好食呢, 食咗一半已經好唔想食, 佢塊漢堡嘅口感好怪 !好"稔", 好冧, 無口感, 好似有少少"聲聲"呢嘅味道。好在只係負出咗十一蚊啫!

也是另一間慕名而來的食肆,因為所有電視節目來到銅鑼灣都是指定推介的.當然必叫熱狗和豬扒飽.時值下午大約二點半,都不斷有大約五至六人排隊.可能是充滿希望的關係,覺得包本身比較乾和(鞋),軟熟度不夠,坦白說,隻熱狗不算好食,絶對是名過其實.至於豬扒包,塊豬扒真的非常脆,亦夠熱,此點值得一贊,但豬扒要同包配合才算一個好食的豬扒包,所以整體上有點失望.

突然之間,很想吃熱狗,便想起少年食神,說什麼孖腸芝士熱狗。五點鐘,走來碰碰收工了有沒。仍在營業,便問婆婆,營業時間,是6:30am-7:00pm,六日會收早D我叫熱狗,可不可以加芝士,婆婆說乜都有得加(extra@$3)。麵包外皮微脆,麵包芯很軟!!芝士味被沙律醬味蓋過,腸是廚師腸。主要麵包做得好吃,已十拿九穩。

跟朋友到銅鑼灣逛街，友人突然想食豬扒包，但忘了餅店的路程，憑著友人的直覺，最終都被我們找到！店鋪鋪面沒有華麗嘅裝修，店內更沒有容納到企位堂食，不過偶然可以企係街邊食野，都係一個唔錯嘅選擇要購買食物，先要到左面寫單(記住唔好攞住張500大元去買野呀！佢冇咁多散紙找俾你)然後到右面憑單等待即叫即製嘅豬扒包~我跟友人都要求多醬XD，佢亦順從我地之後就企左係鋪頭附近食埋先，免得浪費人地一番心機去炸ma個包好軟。豬扒真係好脆，唔會食到成口油！罪惡感減少XP不過睇黎佢加過價黎，$12個間中食下都ok ge~下次想試蝦多士

好多次經過丹麥餅店想試卻未試的hot-dog, 這天終於見識到~聞名不如一試, 當今時今日咩都貴的情況下, 哇, $8的價錢, 一個新鮮熱辣的熱狗, 足以令人感動~顧客A 要一個芝士漢堡 ; 顧客B要一個雙腸熱狗..... 好快就輪到我的hot-dog ......軟豬仔烘得外脆內軟, 暖暖的, 塗上牛油即溶入包中, 夾起烤熱的香腸, 加上沙律醬, 師傅的手勢超純熟 !!不到半分鐘做好一件, 我急不及待拿起咬一口....... 哇, 熱辣辣的, 果然, 食hot-dog真的要趁熱~ YUMMY !!!

昨晚因為突然好想食熱狗所以上openrice睇定，跟住就決定去丹麥餅店試一今日上午係對面海做完野，決定即刻坐mtr去銅鑼灣找依間傳說中好好食既熱狗店去到cwb，其實我對對面海Ｄ路唔熟，所以用iphone既gps找一找依間店，起初以為好遠，點知原來行下行下就到啦，都幾近，但我都未行過，哈哈去到見到間店既盧山真面目啦，真係好有懷舊feel，有一種小學生返學前買個早餐先返學既感覺，因為佢既外表真係好陳舊呀，而且入而係用左以前果種藍綠牆紙，同白光管，同出面既環境好唔襯，都幾有時空交錯感，哈哈我叫左雙腸熱狗個look 好好味，又新鮮，因為我點完單就拎去另一邊拎熱狗，見住佢加Ｄ汁入去同放雙腸入去，好快整完，就倖我啦，我當然立即食啦，咁先夠新鮮同夠熱點知，食左第一口，唔夠汁，個心已經唔開啦，因為熱狗係要多汁先好味，因此令到整隻熱狗太乾啦，口感差唯一可取既係雙腸熱狗令到成隻熱狗好飽滿，個感覺好開心所以整體真係一般，唯有下次試下另一款，睇下會唔會好Ｄ啦，食物真係一般，但感覺好好，好亂呀><"

1月15日, 行開呢頭, 個肚又餓餓地, 已經俾條人龍吸引住, 再附帶麵包香, 更加不能抗拒~ 馳名嘅漢堡包熱狗, 難以取捨~ ::: 熱狗 ::: $8最後都揀咗熱狗, 其實都只不過係簡簡單單一個熱狗包夾住一條香腸, 此價錢亦唔夠附近ikea平… 但係吸引之處就在於一個字 – 鮮! 不論係麵包或香腸都係即叫即製, 熱狗包烘到脆一脆, 辣得燙手~ 而香腸都係即叫即煎, 少少燶十足bbq貨色~ 再加上沙律醬, 簡單得嚟充滿風味! 一咬, 有麵包香脆感, 沙律醬酸味, 同香腸嫩肉地, 十分之夾~ 三樣材料同樣簡單, 卻配合出非凡嘅味道, 食一個真不能滿足~雖然位置非處於銅鑼灣中心地, 但係人流卻不少, 若非喺附近都冇乜機會行到嚟… 但係, 位置係佢嘅優點, 否則遲早被昂貴租金淘汰…

考完邪惡的AL, 同b去左CWB..走去YOGO之前,,因為一直都好肚餓..加上我們兩個同時都血糖低 見到丹麥餅店 我又依稀記得丹麥好似都幾出名..就立刻走左入去買野食喇係左手面排隊寫單比錢, 右手面拎野食 小插曲:: 明明我同b都排緊隊..等緊老闆娘(唔知係唔係..)寫單..但後面有個著得好OL既阿姨行左過黎..大聲講左句: "熱狗" 老闆娘就立刻寫左單..仲收埋佢錢.. 點解可以咁插隊呢? 算, 我同b都叫左1個芝士漢堡包($11), 拎左單就去右面拎野食其實塊芝士係值$3! 因為普通漢堡包都係$8, 所以想睇下佢$3 既芝士究竟有幾好食. 見佢係個焗爐到拎個已分左一半包出黎, 心情即刻好左d, 因為熱既包包永遠都係好味d既, 之後佢將茄汁同沙律醬搽係包既兩面, 放上一塊岩岩煎好既漢堡扒,再放一塊芝士, 之後就拎得喇 芝士漢堡包($11) 個包只有1個手掌心的大小, 但拿上手是暖暖的, 就不管了咬了一啖,, 第一次吃到這種貿地的麵包, 自家製包身是出奇的鬆化,, 密度低, 經熱烘過後包身更鬆脆! 與茄汁,沙律醬同暖暖的漢堡扒都很夾!! 沒什麼特別的漢堡扒, 相比起時新的漢堡扒,