丸目背脂煮干

營業中

休息中

第一間係年頭去既新拉麵店叫做丸目背脂煮干係女人街近亞皆老街果邊對面就係一生懸麵雖然呢間拉麵一般般不過因為就腳而且黃我係耐唔耐都會去下但見到旺角店竟然大排長龍就覺得好痴線因為只係算過口癮級數香港咁多拉麵好過佢真係有需要咩講番丸目佢係香港少有主打背脂既拉麵店背脂即係豬背部既脂肪依稀記得弘一係有呢一款既拉麵我自己就未食過所以就買完戒指當日就去左試下我地去果時都仲係試業時間同對面相比係兩個世界星期六差唔多一點都可以walkin唔洗等而家有龍hi兩條L樣宣傳完又唔知要排幾耐先食得到餐廳就唔係傳統拉麵店風格廚房係餐廳既最入面雖然都有個窗口望得到入面但並唔係開放式設計亦都無吧檯變左係比較舒服既卡位同面牆位試業期間都算企理既小二當日只有一位阿姐負責而落單係手機落既見到佢地個分類有拉麵沾麵同油麵不過油麵暫時未有提供兩款麵價位唔過一百而且有糖心強一整隻我覺得價錢算可以另外小食都只有兩款因為我同朋友都係沾麵愛好者所以就無點到湯麵大約十分鐘左右就上個麵沾湯入面一petpet就係所謂既背部脂肪不過入口唔算油膩我覺得個湯幾濃味聽講之後可以叫幾倍脂令個湯更加豐富不過朋友就覺得好咸拉麵無跟原塊叉燒只係湯入面有零碎既肥

👆🏻Youtube食評，歡迎收看👆🏻話說這家東京過江龍拉麵一直很想去試，立刻wts朋友仔去探店我：”星期六有沒有時間？有一間拉麵想拍片，想起你喔~”朋友仔：”好！一於咁話”她很好呀，二話不說就答應了，果然是拉麵控！呢一間嚟自東京東九留米嘅拉麵，起源於三条市嘅背脂就系豬肉嘅脂肪啦, 煮干就係沙丁魚乾啦係用一個秘製方法加埋醬油做一個湯底湯底重可以加背脂（脂肪）背脂增量就可以揀脂增(2倍）加5蚊鬼脂（三倍）加十蚊, 脂地獄（四倍）加十五蚊每一枱會提供凍水 紙巾 芝麻 辣粉等等嘅 現場嘅環境好整齊乾淨企理嘅入邊廚房都好大啦用QR code掃碼店餐嘅, 見到有啤酒飲啦, 拉面有四款嘅我就叫咗呢個海老辛醬背脂煮干拉麵, 喺加左四倍脂肪嘅脂地獄呀! 試下齋油脂, 佢好似平時嗰啲乳豬嗰一層肥膏嘅感覺好得意都好多油脂. 我成口都係油，可能油脂太多開始蓋過咗煮干比較淡嘅, 拉麵都幾足料嘅，拉面幾彈牙喎因為麵粗呢掛湯都好唔錯嘅可能用嚟掛湯啦，所以冇得揀麵質嘅兩塊叉燒幾大嘅. 咁我想講佢幾足料啦因為而家喺香港食嘅拉麵呢都過HKD100，咁呢個HKD88一碗呢配料就好慷慨嘅有一隻完整嘅溏心蛋兩大塊叉燒，兩塊紫菜

來自東京久留米背脂煮干拉麵🍜平日夜晚只需要排2-3 檯好快入座餐廳一直播The First Take Menu 主打2款 海老辛醬同特製背脂干煮湯底配搭拉麵或沾麵 每款各一就滿足晒兩個願望❅ 海老辛醬背脂干煮拉麵 ❅第一次見到用紫洋蔥 唔係綠色蔥揀左硬麵 比一般拉麵粗身有2大塊慢煮豚肩同燒豚腩🦐辛醬湯底分①小辛 ②鬼辛 ③地獄辛食得辣拉麵人話小辛唔辣呀 對於十小辣嘅我 淨飲啖湯都火辣火辣🌶❅ 特製背脂干煮沾麵 ❅麵底揀左普通 鍾意食油脂香 呢款就啱晒沾麵湯入面豐富背脂肉🐷叉燒食沾麵好易彈汁 店長細心地提供濕紙巾

日本過江龍拉麵沾麵專門店-丸目背脂煮干🍜 香港係海外首間分店🤩選址旺角🫶🏻餐廳主打香港非常少有嘅燕三条系拉麵🍜燕三条系湯頭上覆蓋住濃厚嘅豬背脂油,即係背脂,係為咗令拉麵冇咁容易冷卻🫶🏻大家仲可以揀2、3、4倍嘅背脂增量添🥳鍾意重口味既朋友可以試下😛特製背脂煮干拉麵湯底用咗豬背脂油同沙丁魚乾熬製而成,加入帶有甜味嘅洋蔥粒🧄湯底表面會有一層濃厚嘅油脂覆蓋,以保持拉麵溫度♨️湯底味道甘香,層次豐富😋係來自煮干小魚精熬出黎嘅味道😍喺香港都食到一碗正宗日本過江龍拉麵🎌拉麵配料有味玉、慢煮豚肩、炙燒豚腩、洋蔥、木耳、紫菜同青蔥😚豚肉嫩滑入味😚特製背脂煮干沾麵🍜除咗拉麵外,亦可以選沾麵🍜麵條係人手揉粗身極太麵,由日本生產小麥製成🌾帶有小麥嘅香甜味,麵條新鮮彈牙有咬口😛沾麵同樣有背脂,另外仲有叉燒、味玉、紫菜同椰菜🤩

旺角一間來自東京的拉麵店「丸め背脂煮干」喺香港開設分店，未咁快有得去日本梗係去朝聖下先啦。呢間拉麵店專注做兩款拉麵及沾麵，「特製背脂煮干拉麵」「海老辛醬背脂煮干拉麵」特別用上豬背油脂熬制湯底，重油香而且入口濃厚。麵條則選用人手揉捏，口感彈牙。湯底再加上洋蔥，糖心蛋，木耳紫菜香蔥。再放上薄身的是鹽味慢煮豚肩叉燒，肉質軟綿，成碗拉麵更錦上添花。沾麵都係有兩款「特製背脂煮干沾麵」同拉麵一樣只係分別有冇辛辣，沾麵製法大致相同，不過湯底會更為濃郁，而且叉燒會厚身的豚腩叉燒並加入柚子平衡油膩感，喜歡濃味嘅一定要選這個。每個拉麵客人都可以隨意選擇自己的喜好，包括面嘅煙靭度，脂增，配菜及辛辣度，令到大家可以都食到一個啱口味的拉麵。飲品系一個蜜瓜味梳打，一開個蓋已經聞到蜜瓜嘅香味，好香又不太甜，I like it.

未有得去旅行之前，唯有周圍搵嘢食，食返餐日本拉麵過過口癮！今晚嚟到旺角嘅丸目背脂煮干拉麵，八點左右撞啱晚餐時間，諗住過嚟食飯嘅話就要預一預時間喺門口等一等啦～坐低之後店員就會提供QR code用嚟落單，呢度有兩種拉麵同埋兩種沾麵，我哋今晚揀咗特製背脂煮干拉麺同埋特製背脂煮干沾麵。因為背脂煮干湯用豬背嘅脂肪＋魚干＋日本醬油熬煮湯底，所以味道會比較濃厚。跟拉麵嘅炙燒醬油豚腩叉燒，唔單止厚身而且味道香濃，而薄身嘅是鹽味慢煮豚肩，肉質較軟，簡單一碗麵都可以一次過試曬兩款唔同口味嘅叉燒呢～兩碗麵嘅配料都非常豐富有溏心蛋、紫菜、木耳絲同洋蔥，仲可以因應自己喜歡嘅程度選擇硬身或者軟身嘅麵，我同朋友就啱啱好相反，佢揀咗硬嘅，我就鍾意食軟身嘅多啲，食落麵條彈牙，落單嘅時候仲可以選擇加麵架，啱晒大食或者肚餓嘅朋友，滿足大家唔同嘅需要。

之前喺YouTube睇到大島與龍威介紹呢間拉麵，所以忍唔住去旺角，一睹廬山真面目。🤣🤣見到餐牌其實選擇唔係好多，就知道店家對自己嘅王牌商品非常有信心。我點咗有辣醬個款拉麵，以為咁樣可以解到油膩感，但係我大錯特錯，因為我自己重點嘅三倍脂（鬼脂）。拉麵上面係有一大炸泡沫，全部都係脂肪，個湯底係唔錯嘅，拉麵亦都有少少似油面，口感唔錯而且掛湯。不過我真係頂唔順個湯咁多油，食完成碗面，我全日都冇晒胃口。個湯底係唔錯㗎，不過真係太油啦🥲

😎黎自東京都東久留米市—背脂煮干拉麵店係香港都有得食啦🤓香港比較少見既特濃豬背油脂熬製既湯底～唔洗去日本都可以係香港試下，不過如果想去食就要早d去排隊啦～當日食都要排半小時左右！以下係詳細食評🥰.▫ 特製背脂煮干拉麵（$88）雪花背脂湯底用左豚骨、豬背脂、魚乾熬出美味濃厚湯底，雖然湯底較濃厚一點，但食落一d都唔會覺肥膩口感！食到淡淡的魚乾香味，炙燒叉燒亦都好肥美，拉麵麵質柔韌，都做到掛湯效果！配料都唔好足，包括包括溏心蛋、紫菜、木耳絲、洋蔥！食落更有層次感，能夠幫助解膩！令口感更清爽~.▫海老辛醬背脂煮干拉麵 $98⭐️強烈推介⭐️辛而不辣的海老辛醬背脂煮干拉麵，味道比起特製背脂煮干拉麵我更為喜愛，用左日本靚蝦頭及海老辛醬做湯底調味之一，重口味人士表示好味！味道層次更多，加上湯底既蝦香味提鮮！同樣配上炙燒叉燒、溏心蛋、紫菜、洋蔥！整體更出色呀！

好彩果晚一放工即刻閃過嚟呢間日本過江龍新餐廳食拉麵，6點鬆啲店舖內仲有幾個位，過多十零分鐘店外已經排晒長龍。呢度用QR code落單方便快捷特製背脂煮干拉麵> 做咗成日嘢肚仔餓，追加咗慢煮豚肩(+$20/2片)、木耳(+$8)、紫菜(+$8)和麵替玉(+$10)，食咗先算無眼睇！個湯底浮滿油脂，由豚骨、豬背脂、沙丁魚乾加醬油熬成，脂香味突出但不霸道，夾雜著豚肉的甘味和魚的鮮甜，湯質較濃和杰身。麵據講係由人手搓製成的極太麵、較粗身彈牙亦掛湯，咬落煙韌嚼勁十足。跟麵的炙燒醬油豚腩叉燒香烤味濃，半肥瘦的黃金脂肪比例甘香豐腴幾好食。淡粉紅色慢煮豚肩則香軟富肉味、各有特色。味玉也煮得剛好，調味適中、溏心程度唔錯。木耳“脆輯輯”好正，仲有洋蔥方粒、紅蔥等食落幾香又清新日本三得利生啤 > 食親麵搞到成身熱辣辣、飲杯冰凍啤酒爽晒！奶白的泡沫幼細綿密，味道甘甜微澀易入口，好快飲勝* 值得一讚當晚男店員好勤快動作乾淨俐落，招呼客人/出菜/收錢/清理枱面處理得井井有條

💙日本過江龍背脂拉麵💙大家係咪好耐無番鄉下食拉麵呢😏用背脂黎做主打既拉麵你又食過未?黎自東京東久留米市既背脂煮干拉麵店開到黎香港啦!等我去試下先~咩係背脂?即係豬油同煮干,同時都係沙甸魚干做秘方熬製拉麵湯底,加埋日本醬油.香港人真係好中意食拉麵~平日晚上去到已經有好多人慕名而來💙細細舖位總係比人感覺有人情味,雖然唔可以同一時間接待好多客人,但係都好有日本既風味🇯🇵等左15分鐘左右就有位啦~同行朋友叫左一碗湯拉麵一碗沾麵試一試💙💙特製背脂煮干拉麵 $88好特別既係佢有大量新鮮洋蔥碎係上面,令到成碗麵食落好Fresh,上面分別有兩塊叉燒(炙燒過豬腩叉燒同埋慢煮豬肩叉燒),兩個口味一次過享受😋個麵同沾麵相同,軟硬度都係可以自選既,💙海老辛醬背脂煮干沾麵 $108沾麵既湯底好濃郁,好香海老既鮮甜味道,拉麵揀左軟,食落覺得係適中~湯底有一層厚厚既油脂,但係食落去一啲都唔會覺得油膩,反而令到成個感覺升左level💙靜岡綠茶可樂/靜岡蜜瓜梳打  $18兩款飲品都係日本直送既~綠茶可樂飲落去似綠茶加左梳打水,又冇可樂甘甜,而蜜瓜梳打飲落去好清爽,配拉麵食岩岩好

見到好多人話呢度除左重口味，仲非常油膩 啱晒我~ 所以緊係要挑戰呢間過江龍拉麵店喇~🌟海老辛醬沾麵 (🔥鬼辛🔥)餐廳提供冷/熱麵底。上到黎時你會發現沾麵比較幼身，食嘅時間應該較易掛湯，而麵條好在都好夠彈性。我order 咗個鬼辛🔥🔥 湯底鹹香帶濃，對於食得辣嘅我，雖然覺得個鬼辛都係小辣，但終於食到唔係死辣☺️ 加埋佢入面肉質帶嚼勁角切豚肉粒，非常好味，值得！🌟特製背脂煮干拉麵呢度可以根據大家喜好自選背脂份量，由兩倍到四倍。 女友叫就揀左増量2倍 。拉麵份量比一般的大，麵都比較粗。滿碗配料糖心蛋、紫菜、炙燒豬腩叉燒，慢煮的豬肩叉燒同埋加上甜洋蔥、木耳同青蔥解膩。而湯底就唔多同，係用濃郁既魚湯，可能因為有一層豚脂肪，味道會較重。味道不錯~ 但兩碗比較之下，沾麵就好食好多了。 🌟南蛮炸雞 正常發揮，勝在佢俾左好多沙拉醬總括黎講，性價比ok，沾麵可以Encore

🦭同男朋友行街經過旺角見到有間日本拉麵店出面排長龍👯🏻‍♂️👯🏻‍♂️👯🏻‍♂️埋去一望先發覺原來係新開嘅背脂拉麵/沾麵店😳 背脂即係豬背脂🐖即係日本重味拉麵嘅表表者😂之前同男朋友都未試過背脂拉麵/沾麵😋既然有新發現 就一定要試下先得！排左半個鐘左右就可以入去👯🏻‍♂️湯底除左背脂之外 原來仲係用魚乾同豬骨熬成嘅煮干湯底🤤好期待湯底嘅味道！我們最後嗌左一碗特製背脂煮干拉麵同一碗特製背脂煮干沾麵🥣試晒背脂湯底嘅拉麵同沾麵嘅口味🥰特製背脂煮干拉麵 $88第一次試背脂🐖我們揀左入門級嘅標準背脂😂如果想食再重口味啲😳可以另外嗌2倍、3倍甚至於4倍嘅背脂😂碗麵黎到嘅時候已經見到湯面有滿滿白色嘅油花❄️標準嘅背脂絕對唔少👍🏻湯底油香滿滿😌加上魚干熬煮嘅味道！即使佢油膩都忍唔住一啖接一啖😋麵身比一般拉麵更粗更有口感🤯而且掛湯份量啱啱好😝啱晒同哩款重口味湯底一齊食！炙熱豚腩同慢煮豚肩都好出色🐷肉味濃郁 一樣充滿油花🤤溏心蛋 蛋香十足🍳成碗麵材料好豐富😋CP值絕對唔低👍🏻特製背脂煮干沾麵 $98 (加豚腩 +20)沾麵湯底比起拉麵更加濃郁😳味道更重！而且加左柚子令佢更清新🌿麵質非常乾身！一啲水都冇剩💧乾身隔水哩個

東京過江龍系列～煮干意思係以小魚乾製成既湯底，飲落去湯頭有重回甘，好似平時食小魚乾零食咁🐟幾鍾意呢種有別於一般豬骨湯既湯底，拉麵麵條係粗身既，掛湯一流👍上面仲有d豬背脂增加風味，不過食到後面就略為膩左d～❗️4倍背脂地獄❗️其中一碗加錢試左脂地獄版🙈賣相真係會嚇一嚇，成個碗面都舖滿左背脂🤣食落去真心重口味，油脂令煮干湯底個味冇咁出，感覺有d可惜...而且食幾啖開始油到擔心心血管頂唔住既感覺🤣有興趣試既朋友要三思🙈

東京東久留米市既背脂煮干拉麵店開到黎香港，香港以背脂做主打既正宗日本拉麵店極少，所以引起一眾拉麵控既注意，紛紛前往一試究竟。.香港首間丸目背脂煮干拉麵店開係旺角女人街，好方便。背脂煮干拉麵既發源地係新潟縣燕市同三条市，因為當地天氣寒冷所以以背脂，亦即係豬油同煮干，亦即係沙甸魚干做秘方熬製拉麵湯底，另外再加入日本醬油。藉厚油保持拉麵既溫度，就好似正宗過橋米線既保溫原理一樣。.到訪當天一早已經全場爆滿，門口有好多慕名到訪既食客等待中。餐廳本身提供兩款唔同口味既拉麵：原味同海老口味，再細分為湯麵同沾麵即係一共四款選擇。可惜海老口味已經售完，所以同友人一人一款試哂兩種拉麵食法。.特製背脂煮干拉麵 💲88招牌主打款，食客可以依喜好自選背脂，増量由兩倍到四倍。叫左普通版本，即叫即煮都等左一段時間。拉麵份量比一般的大，連配料滿滿一碗。拉麵基本已經包括溏心蛋、紫菜、炙燒豬腩叉燒以及慢煮的豬肩叉燒，唔需要額外加點。拉麵湯頭是濃郁既魚湯味道，可能因為有一層豚脂肪，味道會較重。兩款叉燒口感各有不同，肥瘦適中。小麥粗麵條掛湯，彈牙有嚼勁，加上甜洋蔥、木耳同青蔥解膩。.特製背脂煮干沾麵 💲98沾麵規格基本上同拉

鐘意食沾麵，所以經常都搵唔同嘅沾麵店黎食。沾麵要好食，醬汁一定要夠熱同唔可以稀，而丸目背脂煮干嘅沾麵醬汁唔只好食，仲有好鮮味嘅肉汁！呢間黎自東京嘅拉麵店，以豬背脂油為主題，湯底加入咗嘅豬背脂同沙丁魚乾熬製，鮮味得不得了！因為想試埋拉麵，所以最後選咗一碗沾麵同拉麵，另叫咗兩枝靜岡綠茶可樂。🍜特製背脂煮干拉麵 背脂、麵量、麵軟硬度都可以揀碗拉麵包括背脂油、味玉 (半熟蛋)、慢煮豚肩、炙燒豚腩、洋蔥、木耳、紫菜、青蔥🍜特製背脂煮干沾麵 沾麵包括背脂、味玉、叉燒唔只背脂、麵量、麵軟硬度都可以揀，連個麵凍定熱都可以揀，而重點嘅湯汁真係好正。好鐘意呢度嘅日式裝潢同keep住播日本歌，真係好似返咗日本咁🥹要一提嘅係雖然全店當時只得一位樓面，但佢負責帶位、上菜、落單、收銀、執枱，真係辛苦佢了🥹今次黎嘅時候，出名嘅海老辛醬背脂煮干沾麵/拉麵已經冇晒，下次再黎，希望可以試到呢個！🍜丸目背脂煮干 香港店 (旺角)📍旺角通菜街74號地舖#旺角新餐廳 #拉麵專門店 #沾麵 #秘製湯底 #日本過江龍 #日本料理 #旺角 #通菜街 #特製背脂煮干沾麵 #特製背脂煮干拉麵