串燒王 (祥興樓)

營業中

休息中

串燒王 🍡📍旺角砵蘭街147號祥興樓地下A號舖今晚去左旺角食串燒😃呢間串燒王開到凌晨～又唔限時可以慢慢坐有多款不同種類串燒✅豬肉、牛肉、雞肉、海鮮、燒素菜、錫紙系列料理都有～辣度自選🌶️枱面設有調味粉😈可自行調味價錢合理✅唔收加一～都幾抵食🤩我叫左以下禁多食物～埋單二百零蚊。扇貝帶子 $38。墨魚咀 $25。魷魚鬚 $25。韭菜 $15。豆卜 $13。蒜蓉茄子 $38。雞腎串 2串 $28。雞皮 2串 $28

旺角宵夜好多人都鍾意食串燒，宜家天氣炎熱，坐街邊熱辣辣，想坐得舒服又食得開心，就要到串燒王啦。位於祥興樓樓下既串燒王，一眼就望到。五顏六色的霓虹燈，十分搶眼。裏面位置也坐得舒服，除左宵夜串燒，來呢度食晚餐也不錯，今次我就自己一個來食碗花甲粉同燒茄子，花甲真係超新鮮大大隻，味道很鮮甜，燒茄子也很新鮮，加上超多蒜，真係好惹味好，慢慢食碗花甲粉再撈下茄子食，就perfect 啦。呢度仲會播放住好地道既音樂，真係啱曬食串燒，食野聽音樂真係好享受。

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥 📍串燒王 🔍旺角砵蘭街147號祥興樓地下A號舖🔹魷魚鬚💰25外皮酥脆，內部保持佐嫩滑的口感。🔹金針菇💰13細緻開口感同豐富嘅風味。烤得剛剛好，帶有一點炭燒嘅香氣。🔹花甲粉💰65以新鮮嘅花甲為主要材料，有成一打咁多，搭配入味的湯汁和彈牙嘅粉絲。有豐富嘅海鮮風味，夠曬飽肚～🔹雞軟骨x2💰28雞軟骨外脆內嫩，具有濃郁嘅雞肉風味。🔹一口和牛💰38肉質鮮嫩多汁，口感極佳。一口大小嘅和牛串燒在烤制過程中保持了肉汁，帶有微妙嘅炭燒香氣。🔹五花腩肉串x3 💰42富含油脂，因此口感豐潤。烤完後肉質鮮嫩好juicy

又到了開心放鬆的一天，食返 幾串串燒 加點澱粉質，又是開心的一餐。串燒種類選擇不小，蔬菜肉類來一點，再加個炒公仔面。串燒等左陣，就到了，雞翼、司華力腸、多春魚：）雞翼肉還嫩著，調味落得岩岩好，小小辣，食落過癮。司華力腸 份量夠， 大啖大啖夠滿足。多春魚燒得岩岩好，好味，今晚最佳😋食到差唔多，錫紙燒雜菇跟餐蛋炒出前一丁都整好上枱了。熱辣辣既燒雜菇，滿滿既蒜香，微微既辣，沾滿醬香既香菇，食落夠香夠好味。炒出前一丁味道正常，份量足：）

很久沒有吃串燒了！這天來到旺角這間串燒王，見到串燒有很多款，包括海鮮、肉類和蔬果類。這間店地方不大，但是位於旺角地鋪，十分方便。外賣的客人都很多。我們點了：- 蒜蓉生蠔2隻鋪滿蒜蓉的生蠔，烤香，十分惹味。- 豬大腸烤得很香脆，肉質爽。- 牛舌心每片都很大片，很爽口。- 一口和牛肉味濃郁，肉質厚實。-韮菜一串有起碼7-8條，很長，加了調味料烤很juicy。- 菠蘿串燒少不了燒菠蘿，這裡一串有三大件，每件都很大，爆汁，很香甜。

再訪高質素串燒店，充滿港式地道風味😍 位於旺角鬧市，最啱食宵夜😋 有牛 豬 雞 羊串燒、海鮮、小食、蔬菜、甜品及粉麵飯，質素有驚喜😚 食物即叫即製，香辣惹味🔥 餐廳環境氣氛熱鬧，好適合同一班朋友聚會～✨食評✨💟川北炒米粉 ($68/份)份量十足，好抵食！食材簡單，味道有驚喜🔥 加入辣椒，非常香口惹味，味道不會過鹹，好正🤤🤤 配料豐富，混有雞蛋、香腸及生菜，要小心食到辣椒😆💟法式焦糖鵝肝多士 ($68/份)推薦！十分香甜😋 軟腍鵝肝配搭香脆多士，絕配！😋 好邪惡呀～💟蒜蓉美國大生蠔 ($58/2隻)燒得好有水準😍 鋪滿蒜蓉，超正！💟鮮冬菇 ($16/串)燒得剛剛好，不會乾身，配上調味粉很不錯～💟烏龍茶 ($16)

喺旺角行完街頭痛緊食咩嘅時候，畀門口嘅五光十色吸引咗。睇睇menu，非常抵食又選擇多就入去試下～小店價錢相當貼地，大部分都係十幾蚊一串，肉類就貴少少。另外如果嫌齋串燒唔夠飽，仲有主食可以叫。我哋今晚除咗叫咗一啲必食串燒之外，再叫多個炒米粉。味道有驚喜！似家的味道，但炒得好有鑊氣，食落唔會太有重口味，好食！其他串燒都燒得恰到好處，味道調得正。值得一提 有饅頭串燒：唔係用普通牛奶饅頭，上面搽左蜜糖再燒，加少少調味，鹹鹹甜甜又香脆，幾特別！甜品食埋條燒香蕉就啱啱好～😋😋

今晚又心血來潮想食串燒啦🍢👑今次試呢間串燒好值得推介～蒜蓉原條燒茄子🍆有冇人同我一樣好中意食茄子？呢個真係獨一無二茄子～經過炭燒 質地軟熟 蒜蓉完美入味💓一啖下去有種香濃嘅口感!!司華力腸同雞軟骨🌭🐔都係我嘅推介之一(๑❛︎ڡ❛︎๑)☆︎外脆內嫩 燒至金黃色嘅外觀✨肉汁豐富💓雞軟骨更係口感爽脆 仲要好好咬口😋雞全翼同燒韭菜🍗🌿呢兩樣都係串燒王餐廳嘅招牌之一🫶🏻雞全翼經過特殊醃料入味 炭燒之後好酥脆｜燒韭菜一樣都燒得香香脆脆🥰厚切牛舌心🐮牛脷經過細心處理 每啖入口都軟滑加埋特製醬汁 一試就愛上🔥💖ෆ推介菜式ෆ 蒜蓉原條燒茄子司華力腸雞軟骨雞全翼燒韭菜厚切牛舌心ෆ串燒王 ෆ 旺角砵蘭街147號祥興樓地下A號舖

今次我哋叫咗小辣，佢哋嘅調味粉係好惹味嘅孜然粉同七味粉😋▫️墨魚咀🦑 ($25)👉🏻 食落有彈性得嚟又一啲都唔會韌⭐️⭐️⭐️⭐️.▫️雞軟骨($28 兩串)👉🏻非常爽脆有咬口⭐️⭐️⭐️⭐️.▫️ 雞腎($28 兩串)👉🏻 唔會有腥味亦都好有爽口⭐️⭐️⭐️⭐️.▫️ 雞中翼($36 兩串）👉🏻外皮燒得好夠脆，一串2 隻完全唔夠喉🤭⭐️⭐️⭐️⭐️.▫️牛舌心($45）👉🏻 超級厚切！但又一啲都唔會韌，咬落好整爽彈⭐️⭐️⭐️⭐️.▫️ 一口豚($36）👉🏻 豚肉帶少少肥肉，燒到外皮脆卜卜，咬落有啲Juicy⭐️⭐️⭐️⭐️⭐️.▫️ 菠蘿🍍($44）👉🏻必點之選！菠蘿嘅鮮甜再帶點燒過嘅香味，無得輸，仲可以解膩🤤⭐️⭐️⭐️⭐️⭐️——————評分：7/10.平圴消費：~$130

放假出旺角行街，串燒引起經過見到串燒王就入去試下。我地叫左燒魷魚鬚, 麻辣蒜蓉娃娃菜, 麻辣蒜蓉燒雜菇, 燒韭菜, 蒜蓉燒茄子, 燒雞軟骨, 燒沙嗲雞肉串燒魷魚鬚爽口，唔會咬唔開, 加埋辣粉好香, 推介!蒜蓉娃娃菜同蒜蓉燒雜菇, 好濃郁的蒜香, 辣辣地, 娃娃菜的口感十分清脆，燒雜菇口感豐富燒韭菜係食串燒必點，呢間孜然粉唔會好重手，味道岩岩好蒜蓉燒茄子，茄子真係好大份，加埋勁量蒜蓉，好食雞軟骨串同沙嗲雞肉串，燒得恰到好處，唔會乾左, 調味亦做得好推薦串燒迷可以試下呢間

同朋友約咗出旺角掟鏢，難得玩一定要盡慶，掟完鏢已經十一點，開始有的肚仔餓，一於附近搵下有乜好嘢食。《串燒王》位於砵蘭街147號祥興樓地下。啱曬我哋呢啲出旺角玩嘅朋友仔，地點方便行兩步就到。又口渴又肚餓，坐低食番幾串串燒、仲有炒粉麵飯、又可以飲番兩杯啤酒吹吹水。鍾意辣到飛起嘅，必食《虎皮青椒》（$13/串）超抵食有兩隻大大隻，最緊要係辣，越食越辣至過癮。《手拍青瓜》（$35/份），即叫即做，青瓜超爽脆，微酸辣，清新開胃。《錫紙燒雜菇》（$42/份），份量不少，蒜蓉辣椒香濃惹味，辣度都有番咁上下。結果最後飲咗三罐加多寶，解辣解渴又可以消下熱氣。見到師傅的串燒真係燒嘅，吾係油炸，夠熱夠味，咁先至真係串燒。

食串燒地方唔使大咁先有風味檯同櫈都好乾淨唔油膩好加分！播既歌又好聽店員+廚師哥哥又勁靚仔又加分🤩😆串燒大部分都以食調味料為主有辣度揀今次揀左唔辣但都好夠味最正係調味粉落得岩岩好食起黎有味又唔辛苦已加入自己encore list!～土豆片～$13/串大片夠乾身正～豬大腸～$28/串外脆內軟～鰻魚炒飯～$70/份大推！🤩係濕潤既炒飯但超好食勁有鰻魚味好香好食～牛肉串～$28/串🤩食落估佢唔到外表燒到脆香入口肉又大粒又juicy 必點！～紐西蘭羊架～$48/隻點呢個就係為羊肉臊味！冇令人失望肉質嫩又鎖住肉汁～原條牛油粟米🌽～$35/條個樣同粟一燒一樣樣😂呢個就冇調味粉既食到粟米自身既香甜好耐冇食過咁原材料既好味超正呀整體好高質牛肉串望落平平無奇但最surprise係呢款！

尋晚放工之後，同太太係旺角行街睇戲跟住就去搵嘢食，我地係砵蘭街經過見到呢間「串燒王」，見到都唔少人幫襯，又好想食串燒，好耐未食過啦😂咁就入去試吓先😋魷魚鬚🦑 $25/串燒好出黎就聞到好香嘅魷魚味😋熱辣辣！聞到見到就流晒口水🤤清酒花甲 $58/份份量都算多，我同太太食極都好似食唔完一樣😂花甲肉都算大粒！而且都幾鮮味☺️韭菜 $15/串一食就知新鮮！食落「索索聲」😂金針菇 $13/串水準之作，不過不失！😬翠玉瓜 $15/串亦係相當新鮮，食落有咬口！😋豆卜 $13/串呢個豆卜真係不可不叫😂外脆內軟，仲熱辣辣！趁熱就好快啲食啦😝蒜蓉原條茄子🍆 $38/條呢個亦係不可不叫之選！非常之大條嘅茄子🍆而且加埋秘製醬汁 同 多蒜蓉！十分之好味😋雞軟骨 $28/2串脆卜卜 熱辣辣😋厚切牛舌心 $45/串水準之作，不過不失！😂

旺角原來有間港式串燒🍢幾惹味 又唔洗話得好耐 價錢合理。我地2個人叫左9串串燒，蒜蓉金菇，炒米粉 都係2百蚊鬆啲 幾抵食呀👍🏻👍🏻串燒叫左雞翼2串，雞軟骨2串，墨魚咀，豆卜，五花腩肉3串。要左小辣 都好夠味，而且上菜速度都好快。雞翼個皮好脆 配埋辣椒粉食👍🏻另外叫左個錫紙蒜蓉金菇 一份$42，但份量都好多下 2個人都好勉強先食得晒，同埋好多蒜蓉 上面仲有指天椒🌶️💯呢間餐廳仲有主食 飽肚之選🫶🏻 我地就簡左川北炒米粉.. 配料比較簡單 有雞蛋同埋腸仔 不過調味辣辣地 都幾食架。

😋喺旺角，做完Facial，行過聞到好香燒烤味，跟住入去諗住食一兩串串燒唔會咁飽，點知樣樣都想食！😂▶️坐低咗，見到隔籬枱食緊成條茄子，已經勁吸引又大碟😻因為佢啲孜然粉鋪滿晒成個茄子！忍唔住，叫咗一條，燒茄子真係冇得輸🫂佢鋪咗好多蒜蓉，同孜然粉辣椒粉，超級好味🗣️▶️再叫咗個羊架，估唔到係羊架超嫩口，下次做完Facial都會再食！▶️再叫咗個大頭蝦，佢比勁多蒜蓉同蔥，真係好好食😹仲有個鯖魚，都唔錯，都好大條，但係如果佢有檸檬汁之類，可能唔會燒得太乾！但都俾咗好多蒜蓉同蔥！夾埋一齊食，真係勁好食。。。有重慶串燒嘅靈魂！🤩呢間串燒檔喺砵蘭街開到凌晨3:30！雖然我唔會咁夜喺嗰度出現！但可以介紹俾人如果想食宵夜，呢個啱晒！👍🏼