影片
港鐵堅尼地城站 B 出口, 步行約5分鐘
繼續閱讀
開飯介紹
主打即叫即燒串燒，款式多樣，如秋刀魚、台灣腸、紫薯等。餐廳亦提供港式糖水，自選湯飯等。
繼續閱讀
營業時間
星期一
全日休息
星期二至日
15:00 - 04:00
以上資料只供參考, 請與餐廳確認詳情
招牌菜
6:30嚟到呢間餐廳唔算多人，叫咗個晚飯套餐包嘢飲，一碗飯同幾款串燒，不過當然唔夠喉，所以就再嗌多咗啲串燒最好食就係雞翼，係超級濃味同埋控制得火喉好好，雞翼好juicy，食到停唔到口😅😅仲有豬頸肉係用蜜汁燒，雖然份量唔多但係勝在質素取勝，叫咗兩round豬頸肉同雞翼都都keep住高水準仲叫咗每人一隻燒帶子，帶子好肥美，不過朋友嗰隻就咁啱有沙，不過呢啲都好睇運氣同埋帶子嘅處理手法帶子同埋啲蒜蓉汁好夾，店員問我哋使唔使用啲帶子剩低嘅汁撈飯，不過好似太邪惡同埋怕會食得太鹹所以就冇咁做
繼續閱讀
好chill好Western既西環後花園(我吹既) - 堅尼地城海旁，大部分都係西餐呀bar呀咁，突然開左間港式串燒梗係要試試舖位唔大，裝修普通正常野，raw raw地咁，飲住支樽裝可樂等食餐牌都算多款既串燒黎講，特別海鮮個list都幾多先黎第一轉，都算幾快就有芝士丸就正正常常咁，汁燒雞肉串居然就係平時買返屋企整熱個隻雞串仲要無咩燒烤味水魷魚味道係唔差但就唔特別好味有啲失望海鹽一口牛好似係幾招牌下，點知原來個海鹽係放係側邊俾你點，而唔係燒時落，扣分，不過牛肉都算有牛味既，豬腩肉串較薄片，口感好左，估唔到咁脆咁惹味第一次覺得豬肉好食過牛肉燒豬頸肉都係有水準既，夠香又好味，同孜然味都夾台灣腸就失望啲，同想像中好唔同，賣相較淺色，食落都幾香腸既，台灣腸就係食佢臘腸既風味但無乜，廚師腸好味啲雞翼就穩陣野而都算大隻，少少燶係正既但無乜「燒烤味」煙肉荔枝卷都算係好特別既串燒，煙肉香脆而濃咸味，配落滑腍多汁既荔枝係中間，個人覺得予盾得幾特別又幾值得一試既最後到左最正一刻 — 燒扇貝雖然價錢唔平，但唔一定同質素有關，但上枱估唔到咁大隻手掌/成隻碟咁大，主要係蒜味豉油同豆䜴味，調味都算ok，唔太搶又夠味扇貝勁大粒，入面唔會熟過頭，好有鮮味好甜好正呀！係好滿足既感覺然後食埋冬菇同多春魚，冬菇汁幾夾，唔太乾，正多春魚好味，鬆脆口感又唔錯成餐講真普通，燒烤味要濃啲，但都有啲值得一試如煙肉荔枝串正既就係豬腩肉、豬頸肉，而最正、最值既就係扇貝，性價比高大家都可以試下其他海鮮🦞#態度值得讚好好人#望住出面其實幾唔錯#啤酒有冷杯加十分
繼續閱讀
係度住咗咁耐都係聽朋友講起先知有呢間串燒，唸住試下同屋企人嚟食，可能困咗太耐叫咗好多野，第一下先食海鮮，好鮮甜，所以推荐海鲜👍好新鮮如果唔係飽咗應該食多2隻扇貝，茄子好juicy，👍佢地舖上面個醬好味又夠多，足料，另外烟肉荔枝，雖然本人第一次食但係煙肉同荔枝好夾，D荔枝大粒😍,真心羊肉😙食咗咁多間串燒呢間羊肉最好食，仲叫咗2支红酒，紅酒口感唔錯，員工服務幾好，最緊要一家人開開過心心食咗餐飯，希望呢間串燒繼續開落去，起碼多個地方食野，仲開到凌晨4點，對於我嚟講好緊要，下次一定再黎
繼續閱讀
有日夜左收工，諗住搵啲嘢食，落咗電車諗住夜麻麻11點幾，都應該冇乜選擇，見到呢間串后食評雖然小但系寫OK，所以就入去嗌左幾樣嘢食，當係宵夜⋯⋯點知賴哂嘢先來翠玉瓜、秋刀魚就咁睇都覺得正正常常，點知食條秋刀魚⋯⋯系臭嘅，可能係平價貨嘅關係，再加上內臟無清理乾淨，睇到已經唔開胃茄子正正常常煙肉荔枝嚟到嗰陣時，總覺得怪怪地，後尾發現佢係將啲煙肉煎到金黃色再去包荔枝，真心冇下次咁嘅質素浪費左食嘢嘅quota
繼續閱讀
尋日同朋友幾位想食串燒，見近近地就過嚟！我哋食咗鹽焗烏頭，仲帶咗扇貝象拔蚌仔燒蠔等等！味道非常鮮味good！仲可以預早致電老闆幫你留定海鮮！本地小店值得推介，老闆娘又熱情友善，大家要幫襯本地小店有人情味嘢食又做得好好
繼續閱讀