串后 (已結業)

6:30嚟到呢間餐廳唔算多人，叫咗個晚飯套餐包嘢飲，一碗飯同幾款串燒，不過當然唔夠喉，所以就再嗌多咗啲串燒最好食就係雞翼，係超級濃味同埋控制得火喉好好，雞翼好juicy，食到停唔到口😅😅仲有豬頸肉係用蜜汁燒，雖然份量唔多但係勝在質素取勝，叫咗兩round豬頸肉同雞翼都都keep住高水準仲叫咗每人一隻燒帶子，帶子好肥美，不過朋友嗰隻就咁啱有沙，不過呢啲都好睇運氣同埋帶子嘅處理手法帶子同埋啲蒜蓉汁好夾，店員問我哋使唔使用啲帶子剩低嘅汁撈飯，不過好似太邪惡同埋怕會食得太鹹所以就冇咁做

好chill好Western既西環後花園(我吹既) - 堅尼地城海旁，大部分都係西餐呀bar呀咁，突然開左間港式串燒梗係要試試舖位唔大，裝修普通正常野，raw raw地咁，飲住支樽裝可樂等食餐牌都算多款既串燒黎講，特別海鮮個list都幾多先黎第一轉，都算幾快就有芝士丸就正正常常咁，汁燒雞肉串居然就係平時買返屋企整熱個隻雞串仲要無咩燒烤味水魷魚味道係唔差但就唔特別好味有啲失望海鹽一口牛好似係幾招牌下，點知原來個海鹽係放係側邊俾你點，而唔係燒時落，扣分，不過牛肉都算有牛味既，豬腩肉串較薄片，口感好左，估唔到咁脆咁惹味第一次覺得豬肉好食過牛肉燒豬頸肉都係有水準既，夠香又好味，同孜然味都夾台灣腸就失望啲，同想像中好唔同，賣相較淺色，食落都幾香腸既，台灣腸就係食佢臘腸既風味但無乜，廚師腸好味啲雞翼就穩陣野而都算大隻，少少燶係正既但無乜「燒烤味」煙肉荔枝卷都算係好特別既串燒，煙肉香脆而濃咸味，配落滑腍多汁既荔枝係中間，個人覺得予盾得幾特別又幾值得一試既最後到左最正一刻 — 燒扇貝雖然價錢唔平，但唔一定同質素有關，但上枱估唔到咁大隻手掌/成隻碟咁大，主要係蒜味豉油同豆䜴味，調味都算ok，唔太搶又夠

係度住咗咁耐都係聽朋友講起先知有呢間串燒，唸住試下同屋企人嚟食，可能困咗太耐叫咗好多野，第一下先食海鮮，好鮮甜，所以推荐海鲜👍好新鮮如果唔係飽咗應該食多2隻扇貝，茄子好juicy，👍佢地舖上面個醬好味又夠多，足料，另外烟肉荔枝，雖然本人第一次食但係煙肉同荔枝好夾，D荔枝大粒😍,真心羊肉😙食咗咁多間串燒呢間羊肉最好食，仲叫咗2支红酒，紅酒口感唔錯，員工服務幾好，最緊要一家人開開過心心食咗餐飯，希望呢間串燒繼續開落去，起碼多個地方食野，仲開到凌晨4點，對於我嚟講好緊要，下次一定再黎

有日夜左收工，諗住搵啲嘢食，落咗電車諗住夜麻麻11點幾，都應該冇乜選擇，見到呢間串后食評雖然小但系寫OK，所以就入去嗌左幾樣嘢食，當係宵夜⋯⋯點知賴哂嘢先來翠玉瓜、秋刀魚就咁睇都覺得正正常常，點知食條秋刀魚⋯⋯系臭嘅，可能係平價貨嘅關係，再加上內臟無清理乾淨，睇到已經唔開胃茄子正正常常煙肉荔枝嚟到嗰陣時，總覺得怪怪地，後尾發現佢係將啲煙肉煎到金黃色再去包荔枝，真心冇下次咁嘅質素浪費左食嘢嘅quota

尋日同朋友幾位想食串燒，見近近地就過嚟！我哋食咗鹽焗烏頭，仲帶咗扇貝象拔蚌仔燒蠔等等！味道非常鮮味good！仲可以預早致電老闆幫你留定海鮮！本地小店值得推介，老闆娘又熱情友善，大家要幫襯本地小店有人情味嘢食又做得好好

平時收工夜麻麻都會落西環飲杯嘢食啲嘢，但抗疫期間乜bar restaurant都收晒門，咁啱見到有間鋪開到咁夜，就膽粗粗入去填肚點知就好有驚喜。所有串燒唔似平時啲舖頭剩係得七味粉味，同埋佢啲串燒唔會好乾，咁有啲似中環好出名嗰間但乾少少。味道就好野味。當中當中個人認為鴨舌同扇貝最為出色，鴨舌燒得多汁鮮嫩，扇貝大過手掌，新鮮冇沙仲燒得岩岩好，應該係老闆娘日日新鮮入貨。仲有好多其他海鮮不能盡錄，如果有其他海鮮想食，仲可以提前講俾老闆娘聽訂定👍🏻至於價錢我覺得咁嘅質素真係物超所值，雖然海鮮係貴少少但係質素搭救。環境來講都係一般小店格局，可能抗疫期間，擺位同空間都唔會迫，張枱都夠大。另外服務態度更加係一流，老闆娘和藹可親，會問你道O唔OK夠唔夠辣，有得揀辣度之餘如果真係唔夠辣，仲話有指天椒可以俾我哋😂😱第一次去我哋兩個人食，食左好好好食野，埋單本身450，點知老闆娘話齊頭收400算叫我地多啲幫襯。第二次去，老闆娘見我食物食到出晒汗，仲私人醒左個糖水俾我，雖然糖水係送但一啲都唔媽夫👍🏻👍🏻👍🏻推薦👍🏻👍🏻👍🏻👍🏻

係西環，我試過好多間燒烤店㗎，唯獨尼家好鍾意，對於食物的成熟度都掌握得幾好，可以剛剛好到個火候，尤其是佢哋嘅一口和牛粒，雞中翼，羊肉，秋刀魚，等。但係我一定要推介嘅係，佢哋嘅扇貝，蠔等海鮮好新鮮，非常正！可以任意加辣，仲有一支辣椒粉俾你使用。佢嘚的凍飲，係金屬杯，有提前凍過杯的，好細心。你有冇見過邊度嘅支裝可樂倒出嚟嘅時候可以有冰。簡直係太過於窩心。最主要最主要就是好抵食，有新鮮，比嗰啲凍肉烤出嚟嘅好食好多！

估唔到喺香港都可以食到咁重孜然味嘅串燒，叫咗台灣腸、扇貝、豬肉串、四季豆、龍蝦丸同埋煙肉荔枝。樣樣都好食，特別係扇貝因爲超大隻而且又唔會燒到好老。老闆娘落單會問埋咩辣度，我揀咗唔辣係真係唔辣，唔似得其他地方都係辣到癲。大家要有耐性始終串燒需時人手唔多，所以事頭婆好貼心咁有波子棋俾大家解悶價錢合理始終地舖，環境乾淨企理冇油煙味，另外老闆娘話如果有需要可以提早打電話留定食材如果唔夠可以帶埋自己想食嘅佢幫你燒不過詳情要問返老闆P.S. 還後仲請埋我哋食糖水，希望生意興隆之後老闆娘繼續請大家食啦

其實係第二次食，叫咗3樣野，$62蚊，完全唔抵食。$18 一串雞肉，少到十分可憐，有圖有真相。呢個價錢，出面有好多選擇。個市咁差，仲諗住好心幫襯吓佢地，無下次lu。

上次同朋友夜晚10點幾搵唔到野食，見到有間新開食串燒嘅，見佢幾乾淨都幾靚咪試吓囉，點知有我最鍾意食嘅海鮮，叫咗扇貝，蟶子皇，鮑魚，啲海鮮燒得好好味，仲叫咗燒茄子，骨腸好好咪，值得推薦，下次再嚟