中華小館

營業中

休息中

同媽咪兩個人中菜館約會🥰 今次係我揀嘅地方 食完之後我地母女👩🏻‍👧🏻都覺得不俗！👐🏻口水雞 $88-個盤唔算大 但係雞好似層層疊咁疊上去 所以其實分量比想象中更多😲 -雞肉嫩滑有雞味 加上辣油好重口味 我鐘意😌👐🏻芥末鮮魷魚鬚 $78 -魷魚夠彈牙 食落都新鮮 因為佢夠粗身所以好有肉感😜-調味偏清爽 加埋黃瓜絲好開胃😻👐🏻脆皮咕咾肉 $138-價錢唔算平 不過同質素成正比🙌🏻 肉塊偏大 瘦肉嘅比例偏多 所以唔會好似其他地方果啲咬咗一啖油咁 反而比較有嚼口😎-酸甜嘅肉塊非常可口 完全停唔到落嚟🤩👐🏻整體而言十分推薦 ❤️

從地鐵站出來不久，便能看到整條街燈火通明💡，但其中卻有一間格外不同，無論是裝修或風格或菜式都不一樣，別樹一幟😊，讓人一眼便被吸引。於是我們便走進了這家小飯館。現在想來果然一切都是緣分😇。一進餐廳便遇到了老闆的熱情招待🤗，老闆招呼我們坐下，便幫我們拿來菜單，我們不太能吃辣🥵，詢問他有何推介，他便告訴我們今天的脆皮燒腩仔格外好吃😋。最後我們點了脆皮燒腩仔，桂花山藥及雙椒溏心皮蛋，且老闆特意幫我們少辣。脆皮燒腩仔切成了一塊塊，一口大小🤏🏻，入口首先感受到硬脆的皮，然後是油脂爆發出來的香味🤤。加上秘製的芥末醬，既解膩又豐富，味道很是不錯。接著是桂花山藥。聞著就已經聞到桂花的清香🌸，吃進口更是感受到香甜的味道，跟爽口的山藥混合起來格外美味😍。最後還有雙椒溏心皮蛋。說實話，一開始因為怕辣所以有些忐忑😨，不過最後發現辣椒只是微微的辣味😮，作用在於引出皮蛋的濃郁氣味，喜歡皮蛋的我們都覺得不錯😚。緣分到了，自然能發現一家好餐廳。😎

🔆本日menu🔆🔆牛雜🔆蝦球🔆辣子雞🔆🔆牛雜🔆📌量大實惠 一大煲嘅牛雜 蘿蔔只係有淺淺一層 省低全部都係牛嘅不同部位 未到一百蚊就咁多算係好抵食📌味道香濃 汁嘅味道入曬去 唔會有太大內臟嘅腥味 證明洗得好乾淨同浸得好入味📌口感適中唔會煮到爛曬碎曬 仲係一舊舊不過好易咬🔆蝦球🔆📌味道新穎同一般嘅咕佬蝦球唔同 佢用士多啤梨做汁 會多咗一陣果香 既酸又甜 非常特別📌賣相精緻一個一個排列 加上係粉紅偏紅色 望落好夢幻好靚📌 不俗口感外衣唔會炸得太硬 而且厚度比較薄 所以食落啖啖肉 🔆辣子雞🔆📌味道正宗麻辣味唔係辣椒精嗰種死辣 而係真辣椒嘅香辣 加上麻味都夠重 所以調味好出色📌雞肉嫩滑雞肉粒嘅口感好好 雞肉汁水都多 完全唔會太過乾硬 

推薦指數：9/10菜品🥗：9/10服務💁🏻‍♂️：9/10環境☯️：8/10🥗菜品🥗唔係第一次黎啦，上次就覺得食物無論係味道定分量都很不錯，今次黎發現好似仲進步咗？！😯😮😲尤其係嗰炒飯，今次好有鍋氣，夠乾身，飯粒全部粒粒分明。加上仲有蛋香同油香，係一個出色嘅炒飯！！！加埋上面嘅蝦好鮮甜，我總共添咗三次🫣🫢跟住嗰個溏心皮蛋都變得更加好味🥳🤩 今次個溏心真係好溏！！又好濃味，好似我呢啲鐘意皮蛋嘅人必試！😘😋💁🏻‍♂️服務💁🏻‍♂️一入座就收到服務員嘅親切招呼，好自來熟，不過都唔會令人唔舒服，有種好溫馨嘅感覺。另外上菜嘅時候都會介紹吓菜名，唔會擺低就走。☯️環境☯️無論門面定內在都好中國風，入面仲要掛咗啲水墨畫，係食飯嘅同時都可以欣賞到傳統中國特色，值得一試！

真係好耐無正式食過中菜啦(一應該有幾個月? 耐到有啲唔記得🙈)因為媽咪煮飯真係一言難盡 我打算帶佢試吓呢間中菜(偷吓師都好啦🫣) 我哋一共嗌咗3個餸 最後食唔曬要打包拎走① 霸王辣子雞聽人地話辣子雞要係茫茫辣椒海入面搵辣椒 不過其實呢個辣子雞嘅雞嘅分量都頗多 食極都好似仲有啲(我地已經算大食😳) 上面嘅芝麻好提香 令到雞肉多咗一陣油香 (＾▽＾) ② 脆皮咕咾肉媽咪都整過呢個餸 不過當時炸衣淋曬 汁都唔夠酸 今次嚟呢度先知差別有幾大(😂連阿媽自己都尷尬笑:-D) 肉嘅外殼薄同脆 入面好軟嫩 至於調味就夠曬酸甜 好正宗③ 蝦子柚皮呢個就真係全新體驗啦 我地連聽都無聽過呢個 媽咪都話以佢嘅廚藝可能一世都無可能整到(好有自知之明) 味道好特別 好似食緊肉咁但係其實係柚子皮 睇嚟食完呢餐更返唔到轉頭 睇嚟要多啲帶媽咪嚟呢度學吓嘢(🥲希望佢廚藝可以突飛猛進啦XD)

之前同屋企人嚟呢度食過夜晚，覺得唔錯，都拎得出手，所以今次推薦咗比boss同同事，同佢地一齊嚟聚餐。想知有咩推薦？睇落去啦👇🏻蝦子柚皮可能係餐廳最有特色嘅一個小菜，老闆一睇menu就睇中呢個菜，話佢好耐之前食過，一直無機會試返，今次竟然又見返好懷念。上到嚟見到金黃嘅色澤，好衝動咁想夾起佢擺係口入面，但係突然唸起有同事係度，都係忍住咗。👆🏻👇🏻惹味牛雜佢無呃人，真係好惹味，尤其係蘿蔔，吸曬啲滷汁嘅味道，仲有啲牛嘅香氣，至於牛雜，唔會有令人反胃嗰陣腥味，連我呢個唔係好常食內臟嘅人都食咗好多，可試！👆🏻今次氣氛比較正式，所以唔係好適合影相，淨係影咗一張全家福，大家請見諒。

▸八味一口豆腐◂好惹味！😜😜 不過食嗰陣要小心，入面豆腐嘅溫度真係好高，食得太急就會辣親🥵🥵。神奇嘅係放得耐咗層外皮都係脆嘅，同埋好香好上癮，一啖一個停唔到口。仲試咗佢地嘅▸招牌牛雜◂，一開始仲唸緊點解咁正式嘅中餐廳會做牛雜呢個餸🧐🧐，不過食咗就知佢地做得好用心，牛雜嘅調味同軟度都好合我地口味😆😆，唔似街邊牛雜有啲燉到爛曬或者入唔到味。🥲🥲▸桂花山藥◂都好味架！山藥仲係脆脆地，加埋桂花嘅清甜，食上去好清新。😉😉又唔會有香精味，係開胃菜嘅好選擇。👍🏻👍🏻至於▸脆皮燒腩仔◂真係重頭戲！一份有十幾件，全部整成一口大細，咬落大滿足！又有脆脆嘅皮，又有軟軟嘅肉。重點係食完唔會覺得好膩好罪惡，幸福。🥰🥰

中菜係令我又驚又喜嘅菜系。一方面係因為中過嘅伏太多，另一方面又好想搵返以前嘅味道。最近見到一間望落唔錯嘅《中華小館》，見到入面都幾乎full曬，就同daddy入去試吓啦。果然係父女👨🏻‍👧🏻，我哋兩個都無雞不歡，無辣不歡，所以入到去睇menu真係好驚喜ga，因為有兩個菜係完全符合我哋嘅期望😎～～～～～⬛️🐔➕🟩🌶➕🔥🟰😍😍😍烏雞當然都係雞，仲係雞中嘅極品添！所以我哋毫不猶疑地嗌咗呢個，果然我哋眼光好好。見到烏雞嘅分量仲比辣椒多，真係抵食。對於我地嚟講辣椒都唔算太辣，所以可以直接擺落口食咗佢，辣椒仲要有啲雞嘅鮮味，認真滿足。～～～～～🐔➕🌶️➕🟥💧🟰🤩🤩🤩口水雞夠常見，不過都係我哋如果見到有嘅必嗌，幾乎食過十幾廿間嘅口水雞，呢度可以排上頭幾位。雞件大大塊，唔會太多肥膏，皮仲係少少爽脆嘅feel，加上有辣油同辣汁，balance得好好，雞有雞味，亦有辣味，認真值得試吓。～～～～～都有溫馨提示：呢度有茶位同加一，不過加埋呢啲都係人均百幾

👨🏻‍👩🏻‍👧🏻一家一齊食中餐👨🏻：我鐘意嗰個皮蛋，雖然似講緊廢話，不過皮蛋有好濃嘅皮蛋味，香而不漏，鐘意皮蛋嘅人應該一定會鐘意，至於辣椒就係點睛之筆，有提鮮嘅作用，又非常夠味，雖然係涼菜但已經可以餸一碗飯。👩🏻：我就鐘意酸酸甜甜嘅咕嚕肉，瘦肉部分佔一大半，唔會好似之前食嘅食到太多肥膏，而且佢酸甜嘅比例拿捏得好好，啲汁攞嚟撈飯都係一絕。👧🏻：估唔到係中餐廳都可以搵到一個純純嘅甜甜嘅小菜桂花山藥，而且做得咁出色，山藥本身就好新鮮好脆甜，加上淡淡桂花嘅清香同清甜，真係食得好幸福，滿足咗我呢個甜品胃。

中華小館 (灣仔)灣仔駱克道128號地下及1樓🧡重味之選🧡🟧雙椒溏心皮蛋🟧菜入面有辣椒同皮蛋，辣椒係剁椒，兼備辣味和鹹味，而皮蛋係溏心嘅，夾起直接流咗啲蛋黃，其實我之前未食過流心嘅皮蛋，估唔到液態嘅蛋黃更加濃味，而且唔會咁癡嘴。💛酸甜之選💛士多啤梨蝦球炸蝦球加上少少士多啤梨碎點綴，入面嘅蝦肉夠大，係爽彈同鮮甜嘅，唔會霉咗。而外皮就係酥脆嘅，沾滿咗糖醋汁，十分之入味。加埋士多啤梨碎一齊無唸過會咁夾，比正常嘅糖醋更加濃味。💚油香之選💚🟩脆皮燒腩仔🟩腩仔切得工工整整，上面一層脆皮，下面唔會太多肥膏。食起上嚟好似有層好脆嘅薯片，下面就係瘦肉肥肉間中，好多汁但係又唔會太油。💙鑊氣之選💙🟦羽衣金蘭雙蝦炒飯🟦炒飯入面有羽衣甘藍，蛋，蝦肉，櫻花蝦，菜等等，十分豐富。因此口感都好好，每一吓都食到料。炒飯唔會淡而無味都唔會太鹹。

最近疫情反反覆覆咁，所以我哋一班好姊妹飯聚，選擇餐廳做飯聚都要小心啲，姊妹介紹這間位於灣仔駱克道的中菜館，這裏環境寬敞，私隱度高， 枱與枱的距離隔很遠，感覺很安全。💮脆皮燒腩仔 - 燒腩仔切得大大件，厚身卻是脆皮，脆得卜卜聲，而肥瘦雙間的腩肉吃來鬆化又不會感到太膩，鹹度亦剛剛好，讚❤️💮口水雞 - 口水雞望上去像是很辣，但其實不是的。辣油香而不膩。雞肉嫩滑，雞皮爽脆💮惹味牛雜 - 用砂煲裝住啲牛雜，分量多都幾大分，最緊要夠熱，牛雜處理得幾好唔會有陣羶味，有我最愛既牛筋同牛肚，正😋😋😋

正呀正呀🥳！同你地講，試過咁多間嘅叉燒同燒肉，好少地方可以做到兩樣都啱我口味🤩，而且兩個嘅價錢都唔貴😉，睇嚟呢間可以成為我嘅食堂啦。首先就係佢嘅叉燒，一上嚟就聞到豬肉嘅香氣🤤，簡直食慾大開，顏色上嚟講幾乎滿分💯，蜜汁十足之餘仲亮晶晶咁，重點係，仲有少少燶邊😎。入口超級juicy，唔係放的耐咗乾咗硬咗嗰種。加上啲蜜汁調得好好，齋食都已經係人間享受🥰。呢個時候嗌一碗飯，加埋啲汁真係無得頂👍🏻。跟住就係佢嘅脆皮腩仔，呢個一上檯就聞到焦香同油香😚，讓人忍唔住塞落口，入口首先係脆皮，跟住感覺到一層肥一層瘦嘅口感，肉汁同油一齊爆曬出嚟，嗰吓真係爽🤪！食腩肉我通常唔鐘意沾醬，不過佢嗰醬都唔錯！

E間中華小館係daddy mammy最愛嘅中餐廳，佢地向我極力推薦，所以我哋weekend夜晚🏙就嚟到E間餐廳小聚一下！想知食物質素到底如何？睇落去啦！首先，入去映入眼簾的便是燒味窗，見到師傅賣力咁切緊各種燒味👨🏻‍🍳，我地嗌咗脆皮燒腩仔，見住師傅將一條條嘅腩肉切成一粒粒，跟住再細心咁擺盤，係視覺盛宴！味道嚟講都真係唔錯👌🏻！其次，我地叫咗蝦子柚皮，我係第一次食呢個餸，不過daddy mammy食過話好正宗👍🏻，係我呢度純粹覺得佢好鮮美好夠味。另外，我地仲叫咗桂花山藥。睇上去好似寡淡無味咁，但係其實有甜味，都有花香味，桂花蜜真係好啱我E啲年輕人嘅口味😚。唔知大家睇完之後又想唔想試吓呢，我就覺得真係值得一試！😘

▪️兩個人嗌咗三個餸係好大嘅勇氣！(亦都係好大嘅不自量力)。▪️嗰日我同男朋友行完街超肚餓😵‍💫，就唸住搵個地方填飽肚肚，入到呢間鋪見到大家桌上面有好多吸引嘅菜式，簡直睇花咗眼🤩(搞到我地真係選擇困難)。▪️最後食肉獸嘅我地嗌咗辣子雞，烏雞，同蝦球。我地唸住辣子雞應該唔會太多啦，點知上嚟發覺我地錯咗😳，有食唔曬嘅雞，仲有啲腰果(當然仲有一大堆辣椒)▪️烏雞分量就無咁多，不過味道比辣子雞仲好💕！佢唔似辣子雞有超重嘅香辣味，反而係青椒有啲麻麻辣辣嘅感覺，加上烏雞嘅肉質本身就比較好，所以非常值得一試💓！▪️ 最後蝦球係我嘅最愛！食咗咁多重口味嘅餸之後嚟一個酸甜嘅好特別❤️‍🔥(同埋搞到我地又食得更多😩😩)，蝦球大大粒，一口都塞唔落😂

今晚同男朋友出動搵食，餐牌上面有好多特色小菜，而且價錢都幾抵👍今次揀左幾款特色小菜: 尖椒炒烏雞、蝦子柚皮、同桂花山藥😍🥳尖椒炒烏雞: 烏雞肉質比較嫩，營養價值高，搭配了尖椒粒，賣相和口感都非常好蝦子柚皮: 柚皮首先要花時間處理，將青綠色的表皮及內裡的白色表層囊衣削除得非常徹底，才能去除柚皮的天然苦澀；剩餘的部分就是全白色的軟身柚皮，這兩塊柚皮腍滑、綿糯，入口不需任何咀嚼、有點入口即溶的感覺。完全沒有一點苦澀，炆煮柚皮的金華火腿鮮雞上湯濃郁鮮味，柚皮表面的一大撮蝦籽更加是畫龍點睛，增加了鹹鮮香氣👅👅👅桂花山藥: 山藥食落爽口並充滿桂花香，亦是一道帶甜的前菜，被桂花蜜包着又幾好食👍🏻👍🏻💯