中華小館

營業中

休息中

開始有少少秋冬天嘅感覺🍂所以羊腩煲又係時候出動了🍲估唔到依家連羊腩煲都有得無限仼食，今晚要瘋狂食羊腩儲肥自已過冬天了🙈《90分鐘無限仼食羊腩煲》依個無限仼食羊腩煲每位$198，會送一份蔬菜🥬羊腩嘅皮非常有彈性，有羊味但唔羶，好高質👍🏼加埋個南乳湯底好入味，尤其係啲腐竹吸收哂羊腩煲嘅精華，好好味呀✨食到一半左右就可以叫店員加多啲羊腩同枝竹俾你，羊腩煲嘅汁一路滾就越濃厚，所以食到最後超級入味，汁用嚟送飯🍚食好正🙊我哋追加咗一碟美國肥牛片🥩油份真係好足，牛脂肪喺口入面化開，好肥好正😈偶然一餐半餐緊係食盡佢啦❤️‍🔥

今日同哥哥見到中華小館好有懷舊中式感就入去試下，比哥哥認識下懷舊小菜😊睇完菜單哥哥覺得呢個「鳳凰展翅」名好得意😆就叫左黎試吓原來是【酥炸小黃魚】擺盤好靚，仲係成條都食得嫁🤤黎到見到好大條成隻大雞髀咁😆一咬落去非常脆口😋炸得卜卜脆，咬落仲啖啖魚肉，配埋小小辣粉同炸蒜帶少少微辣非常好食🤤天氣凍就叫左個「蘿蔔胡椒豬筋煲」我好少食到豬筋覺得幾唔錯，咬落彈牙，蘿蔔仲好入味好甜，胡椒湯岩岩好可以暖下胃👍🏻 飲完馬上感到渾身有股暖流😆哥哥第一次飲佢話飲完成身暖晒😆最後叫左個又係好正既名「包你撈起」豬筋撈粗麵👍🏻加上蔥花同京蔥蒜再倒撈起汁撈埋一齊食😁哥哥第一啖食就話好好味😋佢話估唔到望落去簡簡單單一個粗麵都咁令人回味👍🏻👍🏻哥哥話下次要帶埋婆婆爸爸黎試下😚

A very authentic Chinese restaurant Just 1 min from wanchai mtr station-wings of phoenix The entire Yellow croaker is deep fried into a state where the bones turned edible It’s definitely perfect for people like me that cannot eat bonesIt’s fried just perfectly and extremely crunchy with slightly chewy skinThe white flesh is still moist and soft Full of flavours with all the spices sprinkled on top -radish pepper pork tendon potThose I have had before are usually made from pork stomach which is

接近農曆新年當然唔少得同家人朋友食返餐開運宴🥰 呢間古色古香嘅中菜館位於灣仔地鐵站旁邊，供應多款美味嘅傳統粵菜，由於餐廳位置唔多，建議先前打電話預約！天氣凍凍地飲返碗蘿蔔胡椒豬筋煲久最合適不過了☺️ 湯頭濃郁，胡椒帶點微辣，白蘿蔔大大嚿，香甜冇渣，豬筋十分矜貴，聽聞一隻豬得四條筋，咬落嚼勁，感覺充滿骨膠原，邊食配料邊飲湯真係夠晒暖胃呀😚私心推介鳳凰展翅小黃魚，外皮炸至脆身，好似食緊薯片咁！呢款魚含有蛋白質，營養豐富，魚肉味重，肉質鮮嫩，老少咸宜，懷疑一個人食三四條都OK😬應節打卡賀年菜，新年流流撈個風生水起！呢道菜名為包你撈起，粗麵香靭，同時帶點爽彈，配上自家調配嘅醬汁撈吓撈吓，玩得又食得👍🏻

🍴片皮鴨 $338 一隻 (7.5/10)片皮鴨新鮮燒起，個皮好香脆，好有鴨嘅油脂香味，加埋青瓜同京葱絲非常香口，增加爽脆口感，甜麵醬甜甜哋都幾濃郁。🍴鴛鴦蝦球 $188 (8/10)外層包住炸粉裏邊係一隻鮮蝦，炸粉有一定嘅厚度，非常香脆，蝦肉好爽口，其中一個係Wasabi芥末，都幾刺激攻鼻，非常過癮，另一隻就係偏酸沙律醬，酸酸地都幾開胃！🍴 鳳風辰翅 酥炸小黃魚 $138 (8/10)即叫即炸，非常酥脆，係原條嘅小黃魚，上面有好多炸蒜，魚肉有魚味又好嫩滑，好重椒鹽嘅味道！一啲都唔油膩！🍴 麻辣嘻哈炒桂花 麻辣雙蝦炒粉絲 $168 (8.5/10)入邊有啲蛋花肉碎，蝦仁，蝦乾乾，粉絲都炒得好乾身，好香口，辣得嚟同時又帶有麻香，好過癮，幾好食😋推薦指數: 8/10真心好有質素精緻中菜，價錢唔貴，服務都好好好有禮貌，會再帶屋企人嚟食！

灣仔出名多嘢食，亦都有好多酒樓同埋中菜館，今日同屋企人提早食團年飯，搵咗一間比較新派嘅中菜館，環境裝修都比較新穎，但又不失氣派，所以決定過嚟試吓餐廳以片皮鴨，乳豬，花膠鵝掌，海鮮出名，所以book位嘅時候已經預訂左一隻片皮鴨✨片皮鴨$388片皮鴨外皮酥脆鬆化而且肉質嫩滑，喺廚房剛剛新鮮熱辣燒出嚟，每隻片皮鴨約有24片，餅皮上菜嘅時候仲係熱辣辣，晶瑩剔透，厚薄適中，配以甜麵醬、京蔥條及青瓜一齊食一流✨芒果🥭及芥末大蝦球$168蝦🦐球非常大粒，有成個乒乓球咁大，外面包上一層炸粉，炸到非常香口鬆脆，裡面咬開仲有一粒一粒蝦肉，好有口感，仲食到蝦肉嘅鮮甜味，配埋淋上去嘅芒果汁🍹同芥末汁，更加提升到另一個層次✨鳳凰展翅小黃魚$138賣相造型非常吸引，第一次食新鮮炸嘅黃花魚，炸到非常香口，餐廳好貼心，俾埋手套你揸住條魚一齊食，魚頭炸到好似薯片一樣咁脆，魚身仲可以保留魚嘅鮮味，魚肉肥嫩，細刺少，無腥味，配合嘅炸蒜，辣椒🌶️粉一齊食更加香口✨麻辣嘻哈炒桂花 $168 個名超特別，其實係麻辣雙蝦炒粉絲，雙蝦係鮮蝦同蝦乾，一間中菜館廚師嘅功夫好唔好，主要睇餸菜夠唔夠鑊氣，呢碟炒粉絲完全可以體現出廚師嘅實力，粉

📍中華小館裝修中國風🏮 兩層招呼客人，有房坐👍💕都幾多人，好彩我哋早到，遲多半粒鐘要等位💞重點推介🤤📌 鳳凰展翅 🏆🏆🏆成條可以食晒落肚，好蘇脆🥰 而且唔會話食落好油膩❤️最巴閉係啲魚肉仲好嫩滑青BB果朵原來係炸羽毛甘藍🥬第一次食，似紫菜得嚟有啲甘甘地📌 片皮鴨即燒即食，皮好脆😝面皮好煙韌☺️📌 鴛鴦蝦球 好正好大粒🍤 好鮮甜，勁彈牙🤭 配埋芥末沙律醬，好開胃😋 而且外面炸粉好薄，加分👍📌 麻辣嘻哈炒桂花啲料好足，而且係融入晒係啲粉絲到🤩偏麻多過辣，有蝦乾、韭黃鮮、新鮮蝦、蛋粹⋯⋯口感起豐富🥳

每年見到大閘蟹都忍唔到口，適逢灣仔🏮中華小館🏮推出咗「大閘蟹任食放題」，冇理由唔食返夠啦😻call埋一班老友嚟食好嘢先😻❣️主角 大閘蟹 好靚仔，即叫即蒸落咗單之後好快就有得食😺每次會上兩隻，質素好穩定，每隻都有滿滿蟹膏，蟹膏係軟滑type，亦都係我鍾意嘅類型❤️❣️每人一碟 鮑魚花菇扣鴨掌 好有誠意😽花菇好厚肉，鮑魚腍得嚟有咬口，送嘅質素都好高👏🏼❣️泡椒鮮魚皮 好有膠質，魚皮經凍水浸過爽彈度⬆️ 泡椒唔會好辣，整體感覺舒服，食完濃味嘅大閘蟹食返淡味嘅鮮魚皮平衡返😽❣️桂花鮮淮山 清新健康，淮山對身體好，桂花嘅淡香味配搭淮山原來都唔錯喎👍🏼

大食嘅你有福了🙈今次挑戰⭕️大閘蟹仼食放題⭕️，每位$498（未計加一及茶價）可以無限仼食大閘蟹2小時🕑仲有小籠包、乳鴿、炒菜都可以仼食，所以基本上一個人食到8隻或以上已經回本，呢個數量當然難唔到我😚⭕️鮑魚花菇扣鴨掌⭕️唔係任食每人會有一份✔️三樣食材都炆得入味，好淋一咬就化開👅⭕️大閘蟹⭕️係蟹公，有軟綿甘香嘅蟹膏🙊蟹膏嘅鮮味喺口入邊揮之不去，最重要嘅係上蟹嘅速度一路都keep到，唔會食食吓就停咗要等好耐先有得食下一隻👍🏼⭕️蟹粉小籠包⭕️同⭕️紅燒乳鴿⭕️都係仼食，所以等緊蟹嘅時候就可以食住依兩樣嘢先，把握每一分時間😎小籠包皮薄多汁，乳鴿燒到卜卜脆，咁多嘢食我哋實在太忙啦🤣

今日放工同同事去happy hour, 梗係去返公司附近嘅中華小館到食飯。嗰度嘅環境又乾淨又衛生，而且座位又大又舒服。啱晒我哋成班人吹水食飯！今次我哋叫咗個乳鴿套餐🤩個餐有十道菜式。啱晒我哋呢班大胃王😍。但我覺得最特別嘅係呢幾道菜！《紅燒乳鴿》🤩乳鴿餐一定要有乳鴿先得！肉質鮮嫩，味道突出，但唔會覺得膻。口感外脆肉嫩。每人一隻，真係唔夠食！《椒鹽海蝦》🤩🦐海蝦好新鮮，口感爽口彈牙。味道非常鮮甜，就算加咗椒鹽一齊炒，都唔會覆蓋左蝦原本嘅鮮味👍🏻。《清蒸鮑魚》🤩鮑魚味道濃郁，只係加咗少少調味，就已經突顯左鮑魚嘅鮮味。呢個絕對唔可以錯過！總括嚟講，我覺得最難得嘅係呢間餐廳食咗咁多次都仲保持到好高嘅水準！真係好難得！絕對值得encore一間餐廳😍

男朋友知道我鍾意食大閘蟹，所以特登Book咗大閘蟹放題同我去食個夠本！未去已經超級期待😍去到第一件事當然要叫咗大閘蟹先！因為佢係即時蒸，需要一啲時間😋！等緊嘅期間，我叫咗以下呢幾樣嘢食！🌟紅燒乳鴿。 呢度嘅🦆乳鴿都好岀名。每隻乳鴿都好多肉。味道濃郁而且鮮甜。連埋卜卜脆嘅外皮一齊食。味道同口感都好豐富！真係食到舔舔脷😋🌟泡椒鮮魚皮。🐟魚皮好新鮮，一啲腥味都冇，索哂🫑泡椒嘅味道，食落口少少辣。口感超爽脆，咬落去索索聲！讚！🌟桂花鮮淮山🌼。🥗淮山味道鮮甜，配埋特製嘅🌼桂花醬一齊食。味道清甜可口。俾人好清新嘅感覺。啱晒食大閘蟹之前清清個口。🌟大閘蟹。🦀大閘蟹紅卜卜入面勁多膏。每一隻蟹都好新鮮，食嘅每一啖都鮮甜美味，真係超正！我完全食到停唔到口。超滿足！

今年媽媽生日，我哋book咗佢最鍾意嘅中華小館到食飯慶祝。年年都係食佢，今年都唔例外🤣最重要係個到有媽媽鍾意食嘅乳鴿！我哋叫咗個乳鴿套餐，入面有好多唔同嘅食物每一樣都非常好食！但最吸引我嘅係以下呢幾樣！💯紅燒乳鴿🕊係每次嚟到一定要食嘅菜式， 乳鴿皮燒到非常香脆，肉質嫩滑多汁。味道香濃，而且好入味。超級好食。媽媽勁鍾意！💯椒鹽海蝦🦐廚師將海蝦炸到脆卜卜。味道鮮甜，口感彈牙。加埋椒鹽一齊去炒，味道少少辣，十分香口惹味😋！💯清蒸鮑魚🦪鮑魚好大隻，只係加咗少少蔥同豉油一齊蒸。味道就已經好突出。而且肉質好腍。 就算老人家都可以咬開！正！💯金沙鍋巴🍚鍋巴炸到勁香脆，完全唔覺得油膩。加埋鹹香嘅鹹蛋黃一齊食！口感脆卜卜，好似食緊薯片咁！💯楊州炒飯🍛呢個值得推介！飯炒到勁乾身，完全唔覺得油膩。而且食材同飯嘅比例岩岩好！真係估唔到連炒飯都咁好食😍

片皮鴨任食放題，鍾意食片皮鴨既真係唔可以錯過!晚市$498/位，兩小時任食（兩位起）。餐廳好近灣仔地鐵站，行幾步就到，超級方便。無限添加食到飽既野有：片皮鴨!!!屋村碗仔翅!!!四季時蔬!!!燒味飯!!!!迷你臘腸卷!!!!桂花淮山!!!!泡椒魚皮!!!!每樣水準都好高!!!雖然睇多款都係懷舊菜式，但全部都用新派煮法製作而成，所有菜式精緻好味之外，賣相非常適合打卡!!️即叫即烤片皮鴨!!餐廳為左確保最佳口感，呢款菜式需要等大概15分鐘左右，包鴨既薄皮非常通透，唔會覺得好厚粉，鴨皮超脆但又有D肉，好juicy有油香，沾海鮮醬再加埋配菜，包起大啖咬一口，真係好滿足。放題贈送每位客人鮑魚花菇扣鴨掌一份，呢款菜整得非常好，所有野都好入味，個汁亦較得岩岩好。鮑魚係岩岩好唔會韌，用刀一下可切開，鴨掌有肉又爽嫩，獻汁濃稠掛汁。冬菇都係好厚肉又爽口又香。小食桂花淮山，清甜爽口；泡椒魚皮，爽脆香辣。我同家人唔算食得辣，發現原來兩款小食一齊夾埋食，係會冇咁辣味同埋更清更好味。初頭覺得小食會食唔晒，最後清晒!!燒味飯係叉雞飯，真材實料，叉燒半肥瘦香軟，雞肉非常嫩滑。️臘腸卷宜家已經好難搵啦。卷內有晒臘腸潤腸，食

最近見到灣仔既中華小館有中式放題 仲要係片皮鴨當然都試下😆🦆片皮鴨任食放題除左任食片皮鴨 仲有多款中華美食可以無限添加 性價比真係不錯🌟片皮鴨即叫即烤 外皮烤得脆 肉質又夠嫩配上薄餅皮 再將青瓜,京蔥同甜面醬夾埋一齊食 實在太滋味💯🌟鮑魚花菇扣鴨掌 每位客人都會贈送一份 鮑汁好香濃 鮑魚口感彈牙 配爽滑可口既花菇同燜得夠腍既鴨掌再吸收哂鮑汁既精華 好味😋🌟燒味飯燒味好出色半肥瘦叉燒同脆卜卜既燒肉🌟泡椒鮮魚皮晶瑩半透既魚皮 食落非常爽脆撈左泡椒 辣度十足 好惹味🌟桂花鮮淮山滋潤之選 以桂花糖鋪係准山上面食落香甜爽口🌟屋村碗仔翅好足料既碗仔翅 濃稠適中有肉絲,荀,金菇,冬菇等 熱辣辣好暖胃🌟迷你臘腸卷 即叫即蒸 軟綿綿既包皮捲住鹹香既臘腸呢款懷舊點心真係好少地方有得食🌟四季時蔬小棠菜用蒜蓉清炒 清甜蒜香味十足另外餐廳本身提供不少懷舊菜式 再以新派煮法製作而成 所有菜式賣相都好精緻 岩哂打卡💯

位於灣仔嘅中菜館，近來推出片皮鴨任食放題，$498一位，嘢食非常唔錯仲有啲懷舊菜式，每位客人贈送花菇鮑魚鴨掌，每人只限一份～🔘花菇鮑魚鴨掌鮑魚大隻肉厚之餘鮑魚味也濃，個汁味道恰到好處，而各食材都煮到非常入味，鮑魚當然係主角，但鴨掌都非常唔錯，大隻多肉食!! 片皮鴨同以下其他菜式就係任食~🔘片皮鴨即叫即烤，肥瘦適中嘅片皮鴨，鴨皮夠脆唔會黐住過多肥膏，有油脂香味，要讚一讚佢個嬤嬤皮，夠薄而且煙韌度啱啱好，可以任食一次過食返夠本!! 🔘碗仔翅足料碗仔翅，有金菇、筍絲、木耳、粉絲、鴨肉絲等等，無啦啦喺酒樓食到呢款街頭小食幾驚喜!!🔘臘腸卷唔係咁多地方食到，係潤腸同臘腸嘅配搭，裏面仲有類似叉燒汁唔會乾爭爭!! 🔘叉燒燒腩仔飯兩款燒味都好有水準，燒腩仔個皮夠脆，好搶手好快俾人食晒，好彩可以再嗌，叉燒半肥瘦肉質軟熟!!🔘蒜蓉炒時菜白菜仔唔會煮到超腍又炒到好有蒜蓉味!! 🔘桂花淮山淮山爽脆有桂花清香，可能個汁落咗少少蜜糖甜甜地~🔘泡椒魚皮泡椒係經過酸醃的辣椒，魚皮辣得嚟幾惹味，口感有啲似海蜇但更加爽，完全冇腥味!! 想瘋狂食片皮鴨嘅朋友記得訂位，分兩個時段分別係5:30pm同7:30pm開始~