个園竹語

營業中

休息中

今日同媽咪提早慶祝母親節，去咗尖沙咀一間上海菜館食飯，整體都算滿意！ 首先個**砂鍋餛飩雞**好正，湯底好鮮甜，餛飩皮薄餡足，雞肉都算嫩滑。跟住試咗個**鐵板上的小籠包**，上枱時仲滋滋聲，皮薄多汁，咬落去真係爆湯，不過要小心燙嘴！ **五年陳皮爆汁牛肉餅**有驚喜，陳皮香氣好突出，牛肉餡 juicy 又唔會太膩，值得一試。 主食方面，**揚州蛋絲炒飯**炒得夠乾身，蛋絲同配料份量足，味道唔會太鹹。**上海粗炒麵**就正常發揮，麵條有咬口，醬油香夠濃，但略嫌油咗少少。 服務幾好，店員有禮貌，上菜速度合理。今餐食得開心，媽咪都話滿意，可以再encore

得個薰魚對得住價錢個松鼠魚細到得炸粉，又乾又柴，又凍又鞋，個汁過甜過酸，個汁都係凍，唔知係放左幾耐訂枱但比廚房circulation位人坐，明明周圍都有包廂位空置，但都比走廊位你住，d侍應出出入入，你成程飯就係望住佢地出出入入。無服務，未食完就收野，五個人，但比得一本menu，要主動問先拎多本比你。堆經理掛住傾計，又唔上菜上茶無問過你，移開你個茶杯，除左氣氛，其實同茶記無分別，侍應無禮貌之餘，亦無咩衛生意識。簡單講係無下次！

今日我同朋友去到尖沙咀个園竹語食飯，呢一間餐廳主打上海菜，餐廳裝修富麗堂皇，座位寬敞，非常之舒適。招牌鐵板煎小籠包依度嘅招牌菜式之一，鐵板仲係熱辣辣嘅，小籠包嘅皮煎得非常之香脆，加上小籠包入邊嘅肉汁非常之豐富，令到呢個小籠包味道非常好。紅燒獅子頭獅子頭嘅份量好多，入口充滿肉汁，有香濃嘅豬肉香味。呢個菜式由於比較肥膩，所以建議可以同多幾個朋友分享。擔擔麵擔擔面嘅份量唔少，麵條彈牙，入口唔會覺得太過辛辣。湯底有淡淡的花生香味，味道唔錯。拉糕依個甜品非常之特別，入口煙靭彈牙，味道唔會覺得太過甜。高力豆沙外皮唔會炸得太過油膩，入面有香蕉蓉同埋豆沙等等，作為甜品嚟講非常之唔錯。整體嚟講，我覺得今餐嘅食物都好有特色，食物質素亦都好高。

今日係自疫情後第一次同好朋友食生日飯，當然要食餐好揀咗个園竹語因為佢坐得舒服，傾計都開心啲。我哋懶得睇Menu 所以一坐低已經選好食套餐唔使煩。呢個套餐好吸引，有兩小碟、醬燒原隻虎蝦、紅燒竹笙魚翅、珍饈四寶（有鮑汁扣海參，鮑魚，花膠，花菇）、招牌海鮮炒飯、金牌蒸小籠包同芝麻湯圓，睇到個陣容都好期待歎完成個套餐我同朋友都好滿意，每人＄498不算平但食物質素絕對令你覺得值回票價，尤其係虎蝦、紅燒翅、同海參花膠鮑魚都好有水準好味到我連啲鮑汁都唔放過，清碟仲有夠姜湯圓做甜品簡直係 perfect，夠姜味，仲可以係呢個潮濕嘅天氣去去濕但可惜又係犯左一個香港食肆嘅大錯，限時90分鐘，明明冇人等位都要叫我地埋單走人，真係有啲掃興，又要轉場繼續傾

同家人到尖沙咀食上海菜，選擇了裝修復古典雅又不失現代感的个園竹語 整個用餐環境挺有氣派，卡座寬敞亦有半包廂 私隱度高～ 茶位$23/位 龍井茶香味都夠前菜 $25白飯魚仔花生🥜酸蘿蔔 泡椒毛豆蒜泥白肉 $108白肉切成薄片，陳醋調味帶甜，底部墊了粉皮乾燒蝦球 $298 明蝦球大大隻口感爽彈，醬汁帶甜多於辣上海粗炒 $178粗炒份量足，口感煙靱有嚼勁鐵板上的小籠包 $90將一般小籠包底部煎至金黃香脆，咬開一口爆汁食得多一般小籠包想試新野推介呢款！

今次試到一間好正嘅高級淮陽菜餐廳，環境典雅，充滿咗東方古典味，啲傢俬同佈置都好有格調，食飯氣氛真係一流，特別啱啱想同家人或者朋友一齊享受一餐精緻嘅淮揚風味。菜式方面，店家用料新鮮，烹調手法精細，味道層次豐富😋首先係蜜汁燒白鱔 ($288)，係用新鮮白鱔燒得外脆內嫩，蜜汁帶出甜香同微焦嘅味道即刻爆發。鱔魚肉質滑溜，帶啲彈性，蜜汁唔會太甜膩，配上啲芝麻同蔥花，食落好開胃，質素同份量都值回票價，絕對係一啲高級嘅享受！接住試咗鐵板上的小籠包 (五件) ($90)，呢個創意菜真係令人驚喜！小籠包蒸得皮薄餡嫩，湯汁濃郁，鐵板好熱，啲湯汁同肉餡嘅香味四溢。食法係要小心咬開啖啖吸湯，皮軟滑又唔會破，味道傳統又帶啲新意，五件份量啱啱好，作為開胃菜真係抵讚！再黎係原條椒鹽小黃魚 (兩條) ($148)，小黃魚煎得金黃酥脆，表面啲椒鹽調味恰到好處，鹹香中帶啲微辣，魚肉鮮甜無腥味。兩條份量唔算大，但炸得夠香，食落一口脆一口嫩，配上杯清茶或者啤酒，超級開胃！仲有鮮肉鍋貼 (三件) ($66)，鍋貼煎得底層焦脆，皮薄餡多，肉餡汁多味鮮，咬下去啲油香同肉香即刻爆發。店家用咗高質嘅豬肉，配上啲韭菜同蔥，味道傳統又正宗

呢間餐廳係我encore得最多次嘅上海菜！ 每次食，D食物質素都keep得住～今次試左新野，叫左松鼠桂花魚，招牌海鮮炒飯，海膽醬柴火老豆腐，同埋蘭梅桂花拉糕。佢個松鼠魚炸得好靚，睇見都開心～ 醬汁酸酸甜甜，皮脆肉嫩，我自己一個人KO左大半條！ 老豆腐原來唔係平時食開嘅硬豆腐，原來佢本身帶有煙燻味，所以味道都幾濃，幾特別～海鮮炒飯都好好食！米飯粒粒分明又唔會太油，令人想一啖接一啖。桂花糕有d 糯米酒味，飲酒釀丸子feel, 都幾好食～整體都唔錯，會繼續幫襯

平時食中菜都缺少儀式感，攞盤通常都好悶。今次介紹嘅「个園竹語」就主打中式嘅精緻料理，每道菜都整得好靚。同朋友、家人過嚟都會有驚喜。繁花年華套餐（2位起）（優惠價＄588）前菜个園煙燻溏心蛋•蜜汁脆膳•陳醋海蜇頭香濃煙燻流心蛋、香脆膳片、爽口微酸海蜇頭。湯品紅燒蟹肉竹笙魚翅熱辣辣嘅魚翅湯，足料蟹肉和竹笙。一絲一絲魚翅好有滿足感。主菜乾燒原隻虎蝦橙黃色新鮮大蝦，醬汁滲哂入蝦肉入面，口感彈牙又入味。脆皮安格斯牛肉煎到好靚嘅三角形，仲要加咗紅葉脆片做裝飾。外層煎到香脆，內層微粉紅又多汁。揚州蘿蔔扣鮑魚店員話蘿蔔先係主角，差唔多入口即溶嘅感覺。鮑魚就有嚼勁，肉質就軟腍。最後仲有上湯浸時蔬、鐵板上的小籠包和豆沙香蕉配什果杏仁豆腐，真係好豐富。

今日同女朋友喺海港城行街，晚飯時間就揀咗个園竹語開餐。鐵板上枱時熱辣辣，小籠包包得好好，夾嗰陣時無漏汁情況出現，咬開口勁多汁，而且有好多餡。燻魚味道甜甜地之餘炸到脆卜卜非常香口 😋 仲要每嚿都係冇骨嘅。自己本身唔鐘意食魚，但呢條馬友真係超級正，香口又鮮味，所以即刻叫咗碗白飯。蜜餞火腿第一次食，食之前要好似片皮鴨咁自己落手整，將夾餅放底，再放上薄脆、火腿、蓮子，起初以為火腿會甜到好油膩感，估唔到食落味道清甜一啲都唔漏。

小妹前排同屋企人系尖沙咀食左餐勁高汁既上海菜，到而家都仲係好回味🤓我地食左：⬇️⬇️✨私宴老上海燻魚✨$158燻魚外酥內嫩冇細骨，醬香甜味好特出，味道濃郁夠正宗👍🏻👍🏻✨紹興醉雞✨$138醉雞光滑Q 彈又乾淨既雞皮、粉嫩幼滑既肉質再加上恰到好處、香而不嗆既酒香之後清爽入味，－食就停唔到口🥰✨上海醃篤鮮✨$268湯料好多，好足料👍🏻用左火腿、鹹肉、豬肉、百頁結煨煮既上湯色澤乳白，鹹香鮮味超濃郁，入口正到叮－聲😍✨金牌小籠包（5件）✨$85皮薄餡靚又多汁，高質👍🏻👍🏻👍🏻👍🏻✨豆沙窩餅 ✨$88外脆內軟熱辣辣既窩餅入面包住滿滿都系口感綿密既紅豆餡，簡簡單單咁就已經好好食👅🎋个園竹語 (尖沙咀)📍尖沙咀廣東道3-27號海港城港威商場3樓3202號舖

唔中都會去尖沙咀海港城嘅个園竹語 ，中菜環境都可以咁有型，上海菜玩得咁有驚喜！我食咗$498一位嘅午市套餐，睇得出用左好多名貴食材，絕對物超所值！呢個套餐每道菜都令有好唔錯：* 鎮江牛肉配蜜汁脆鱔：牛肉醋香酸酸甜甜，鱔魚炸得外脆內嫩，咬落去香氣撲鼻，開胃到飛起！大愛😍* 乾燒原隻虎蝦：虎蝦乾燒到香噴噴，醬汁微辣濃郁，蝦殼焦香一流！* 花膠雲吞燉雞湯：花膠好大條！！雞湯鮮甜濃郁，雲吞餡料飽滿，飲落去好暖心！* 京蔥燒原條遼蔘：遼蔘炆得好腍好入味，醬汁濃郁，第一次食口感好特別！* 脆皮燒安格斯牛肉：我最鍾意呢道菜，外皮酥脆，咬落去好香牛肉味！* 蟹粉小籠包：皮薄Q彈，蟹粉濃郁，湯汁噴出嚟！* 薑汁甜湯糯米團：糯米團Q彈有咬口，薑汁湯甜中帶辣，暖暖地好舒服！我朋友唔食牛，餐廳好好改咗紅燒獅子頭俾佢試，話好好味！我覺得呢個餐性價比高，食到好多高級食材，整體好值得一試！

為慶祝媽咪生日特意book咗海港城呢間主打淮揚菜「个園竹語」, 個個食完都讚口不絕!餐廳走中高檔路線, 復古傢俬同裝修更顯貴氣, 餐廳大多座位都富有私隱度, 坐得舒服。入座先送上熱茶跟前菜小食。【蜜汁脆鱔】HK$148常溫小食, 每條鱔條表面平均被包住了甜甜蜜汁, 但鱔條依然keep得香脆可口不黏牙, 就算慢慢食, 好一段時間後, 口感同樣香脆。【鐵板上的小籠包】HK$90 (5隻)原個蒸小籠包食得多, 呢款蒸完再係鐵板上煎, 果然有創意又有特色。鐵板熱辣辣上檯, 小籠包底部被煎至金黃脆口, 小籠包皮厚薄適中, 一咬肉汁流出, 肉汁豐富又鮮甜, 推介必食!【紅油抄手】HK$88 (6隻)抄手皮薄, 盡吸甜甜辣辣汁醬, 再夾集蒜蓉一齊食, 非常惹味!! 而且豬肉餡料肉質鮮嫩, 正!【石鍋竹笙蟹粉燉豆腐】HK$208石鍋熱辣辣滋滋聲上檯, 香氣撲鼻, 大量滑得入口即化嘅豆腐同埋盡吸湯汁嘅竹笙, 每啖都食出蟹粉嘅鮮香味, 個湯底仲夾集些少蟹粉碎, 真材實料!【四川擔擔麵】HK$88 湯底易掛汁, 富有濃郁花生醬味, 但唔辣, 配有些少肉碎增添口感層次, 麵條林滑, 稍為吸咗湯汁, 濃郁美味。

餐廳剛推出了一個CP值高既特別套餐，相約朋友們一嚐結合淮揚同滬菜既傳統創新菜式。餐廳裝潢新穎有氣氛，有包廂位置，私隱度高。前菜以个園煙燻溏心蛋、陳醋海蜇頭同蜜汁脆鱔開場，蜜汁脆鱔香脆可口，令人食指大動！接著是暖暖的紅燒蟹肉竹笙魚翅，湯底濃郁，蟹肉鮮味。主菜部分，乾燒原隻虎蝦彈牙鮮甜同酸甜醬汁配合得宜，脆皮安格斯牛肉則以外脆內嫩既口感贏得好評。揚州蘿蔔扣鮑魚醬汁鮮美，上湯浸時蔬更為整體增添一絲清新。第一次食鐵板上既小籠包，香氣四溢，湯汁滿滿，好邪惡😎最後，甜品以高力豆沙香蕉作結，搭配什果杏仁豆腐，完美地收尾整個用餐體驗🫶🏻

去咗海港城呢間中菜餐廳，裝修復古雅致，非常適合一班朋友去❤️繁花年華套餐 （2位起） （優惠價$588）前菜个園煙燻溏心蛋·蜜汁脆膳·陳醋海蜇頭溏心蛋煙燻得啱啱好，蛋黃流心滑溜，蜜汁脆膳嘅口感香甜脆卜卜，陳醋海蜇頭又爽又彈🥰湯品紅燒蟹肉竹笙魚翅用料極為高級，湯底濃郁，超多蟹肉同竹笙，魚翅嘅口感爽滑，超滋補❤️主菜乾燒原隻虎蝦虎蝦煮得啱啱好，蝦肉鮮甜彈牙，醬汁濃郁🥰 脆皮安格斯牛肉牛肉外皮脆香，內裡肉質嫩滑，配埋特製嘅醬汁，味道濃郁而不膩🫶🏻揚州蘿蔔扣鮑魚鮑魚軟腍入味，蘿蔔吸晒鮮味，非常出色❤️上湯浸時蔬蔬菜新鮮爽口，湯底鮮甜清香😍點心鐵板上的小籠包用鐵板上，底部煎到香脆，包入面滿滿湯汁，一啖爆汁👍🏻甜品高力豆沙香蕉配什果杏仁豆腐高力豆沙鬆軟香甜，豆沙同香蕉絕配，而杏仁豆腐滑溜細膩，加埋新鮮水果作點綴🥰

✨鐵板上的小籠包 小籠包皮薄 底煎得薄脆 肉餡鮮嫩 湯汁豐富 每次必食✨海魚一夜情煎馬友魚 魚皮酥脆 魚肉結實 味道鹹鮮 ✨揚州臭豆腐臭豆腐 聞落幾臭 食落唔算好臭炸得金黃 外脆內軟 沾上甜醬 味道更豐富✨紹興醉雞醉雞入味 肉質嫩滑 酒味溫和清香 ✨雪裡紅梅菜紅燒肉梅菜 用上雪裡紅梅菜製作 味道鹹中帶微甜紅燒肉 用上黑豚五花肉燜煮 肥瘦相間肥而不膩 甘香軟滑 肉質鬆化 好惹味總結：食物賣相吸引 味道唔錯 環境地方夠大 座位舒適 卡位私隱度高服務正常 價錢可以 可以一試