个園竹語

營業中

休息中

🍴 金湯水晶獅子頭（$188/位）獅子頭用上黑豚肉加長江鮰魚肉切碎打成，入面包左蟹粉，面頭放上燕窩，魚子醬同乾貝絲，淋上金湯，再用加熱蠟燭熱住上枱；獅子頭鬆軟細膩，金湯濃郁鮮甜，難怪以前清朝揚州鹽商官宦會用呢道菜來宴客，呢道獅子頭係即叫即整，要等10-15分鐘🐿️ 松鼠桂花魚（$398）呢道菜係將桂花魚去骨、剖花、炸製呈松鼠狀，再澆上用菠蘿同燈籠椒整成嘅甜酸汁，面頭仲有大量好香嘅松子；桂花魚魚肉炸完仍然保持鮮嫩，甜酸汁惹味開胃，用嚟送飯一流，亦都好啱食魚怕有骨嘅朋友🥟 紅油抄手（$88）抄手皮薄，餡料包左滿滿嘅豬肉餡，細緻好吃，面頭放有蔥花同炸蒜，香濃惹味🥢 餐前小食（$25）有香辣雲耳，酸甜醃蘿蔔同魚乾花生；雲耳涼爽開胃，蘿蔔清脆爽口，魚乾同花生酥脆🫖 茶位（$23/位）✨ 餐廳裝潢雅致，設有卡位同私隱度高嘅包廂，無論係三五知己飯聚定商業聚餐都非常適合

今日食嘅係海港城嘅一間上海菜「个園竹語」，我哋今日食嘅係晚市套餐，環境走雅致中式風，走廊係青磚同深綠頂梁，古樸沉穩；餐區用大理石枱配精緻餐具，壁燈好柔和，氛圍溫馨高檔。// 煙燻溏心蛋·糖醋小排骨溏心蛋嘅煙燻味好舒服，蛋黃流心夠細滑，配住魚子嘅鮮脆，口感同味道都幾夾，食落清爽又有層次。糖醋小排酸甜度啱啱好，醬汁裹得勻勻稱稱，排骨肉嫩唔柴，帶住汁，食落順口，幾開胃。// 紅燒竹笙魚翅魚翅湯色澤濃郁，膠質豐厚嘅魚翅浸喺醇厚湯底入面，配料竹笙等增加層次，口感稠潤黏滑，鮮香喺舌尖蔓延，體現到精緻同厚重。// 珍饈四寶珍饈四寶匯聚一盤，海參嘅彈糯、鮑魚嘅緊實、花膠嘅膠潤同埋花菇嘅肥厚互相映襯，喺濃郁鮮香嘅鮑汁裹浸下，鮮甜醇厚中帶住菌香同膠質嘅甘潤，口感豐富有層次，鮮香濃郁唔膩口。// 金牌蒸小籠包金牌蒸小籠包鹹鮮中帶少少微甜，肉香、面香交織，薄皮軟糯有韌性，肉餡鲜嫩彈滑唔膩，鮮爽多汁，一口咬落去滿滿嘅满足感。//招牌海鮮炒飯：粒粒分明.鮮味爆發.香氣撲鼻.從米飯的香氣到海鮮的鮮甜.每一口都令人滿足。//夠薑湯圓 一口湯圓配一口薑糖水.香辣交融、甜中帶勁.令人回味無窮。

今日陪表姐買手袋，喺尖沙咀附近搵間餐廳食午飯，揀咗間中菜試吓😆呢間中菜裏面好大！環境好高雅，座位非常寬闊，格調有氣氛，而且服務員的態度非常好，招呼周到！😃砂鍋雲吞雞$320一份砂鍋裏面嘅上湯，好鮮甜，真材實料，唔會太鹹，而且個雞嘅雞肉鮮嫩，就算唔掂醬都好香雞味。啲肉唔韌。雲吞皮薄，裏面是韭菜豬肉餡，一樣真材實料，很飽滿，娃娃菜更加上湯入味😍鐵板上的小籠包$85用鐵板上的，來的時候鐵板仲係熱到自己煎緊，個底好脆，先吸咗啲肉汁，好香汁味道，皮一啲都唔厚，個肉好腍，十分正😇个園蔥油鮑魚片拌麵$168拌麵好夠味道，麵質適中，唔會太硬太軟，中間夾雜一些肉碎同洋蔥，質感、味道10分好😋上海生煎包$66/3隻個皮唔算厚，先飲咗啲肉汁，非常鮮甜，個肉好有口感，而且味道剛好，唔會太鹹，好正！☺️

今日食嘅係海港城嘅一間上海菜「个園竹語」，我哋今日食嘅係晚市套餐，環境走雅致中式風，走廊係青磚同深綠頂梁，古樸沉穩；餐區用大理石枱配精緻餐具，壁燈好柔和，氛圍溫馨高檔。// 煙燻溏心蛋·糖醋小排骨/溏心蛋嘅煙燻味好舒服，蛋黃流心夠細滑，配住魚子嘅鮮脆，口感同味道都幾夾，食落清爽又有層次。/糖醋小排酸甜度啱啱好，醬汁裹得勻勻稱稱，排骨肉嫩唔柴，帶住汁，食落順口，幾開胃。// 紅燒竹笙魚翅魚翅湯色澤濃郁，膠質豐厚嘅魚翅浸喺醇厚湯底入面，配料竹笙等增加層次，口感稠潤黏滑，鮮香喺舌尖蔓延，體現到精緻同厚重。// 珍饈四寶珍饈四寶匯聚一盤，海參嘅彈糯、鮑魚嘅緊實、花膠嘅膠潤同埋花菇嘅肥厚互相映襯，喺濃郁鮮香嘅鮑汁裹浸下，鮮甜醇厚中帶住菌香同膠質嘅甘潤，口感豐富有層次，鮮香濃郁唔膩口。// 金牌蒸小籠包金牌蒸小籠包鹹鮮中帶少少微甜，肉香、面香交織，薄皮軟糯有韌性，肉餡鲜嫩彈滑唔膩，鮮爽多汁，一口咬落去滿滿嘅满足感。//招牌海鮮炒飯：粒粒分明.鮮味爆發.香氣撲鼻.從米飯的香氣到海鮮的鮮甜.每一口都令人滿足。//夠薑湯圓 一口湯圓配一口薑糖水.香辣交融、甜中帶勁.令人回味無窮。

第一次食間野，位置安靜服務好野食都吾錯。第二食，諗住帶屋企人食慶祝生日，結果就有伏。前幾道菜上菜速度正常，最後一道係小炒肉，等左9個字以上，催左3次，次次都同我講話整緊。後尾問番個似係經理既人，先同我講話得一個淮陽菜師傅，所以需要時間。如果係甘，應該一開始就同客講要等耐d，同埋見到新既枱都上晒菜，我個枱連主食都上埋，食得差吾多都涷晒，個小炒肉都未上。如果話係因為我張枱嗌既野吾夠貴，所以拖住黎做，甘呢間餐廳不如吾好開係商場，開係酒店俾vip。如果大家係慶祝生日/紀念日既重要日子，慎選擇去食，因為可能會俾佢地搞到好吾開心食到成肚氣。

餐廳平日晚市都差唔多爆滿，裡面裝修環境係中式奢華風，座位寛敞舒適，店員服務態度良好本幫糖醋小排骨糖醋排骨色澤紅亮，醬汁酸甜適中，每一口都充滿經典嘅上海風味蜜餞火腿一共有4份，蜜餞火腿甜鹹交織，入口濃郁又唔會膩，夾埋脆片及蓮子一齊食，口感豐富鐵板上的小籠包小籠包用鐵板上，可以保持溫度慢慢食，一啖咬落去，鮮美湯汁係口中爆發，皮薄肉嫩蔥油鮑魚片拌麵面層有4塊鮑魚片，入口嫩滑鮮甜，拌麵口感彈牙，味道濃郁高力豆沙香蕉一定要點上糖霜食，咬落軟綿綿，裡面係香甜嘅豆沙➕香蕉，食落香甜而不膩

尖沙咀港威商場有間高級中菜，一直好吸引我嚟試，放大假終於有機會早啲過嚟品嚐一下，入面氣氛格調高尚，菜式種類又多又精緻，挑選食物都睇得花多眼亂🥢陳醋海蜇頭 $158口感爽脆，陳醋味十足但不會過酸，原來可沾上芥辣醬一齊食🥢東坡草扎肉 $188原件烹調，店員會再剪開四件方便食用，煮得入味，質地軟滑，酸酸甜甜好好食，十分喜歡呢道菜🥢五年陳皮爆汁牛肉肉餅 $98 三隻食嘅時候真係要小心，入面有牛肉汁熱到我辣親，外皮酥化，入面牛肉多汁軟滑🥢个園揚州蛋絲炒飯 $188米飯炒得粒粒分明好細緻，蛋香十足，蛋絲幼身，有幼細叉燒粒，炒飯炒得好好🥭楊枝甘露 $68雖然冇芒果肉，但係味道都幾香濃，不會太甜🚩个園竹語 (尖沙咀) 📍尖沙咀廣東道3-27號海港城港威商場3樓3202號舖

今晚同朋友去咗海港城一間好有氣派嘅中菜館，裝修豪華，坐得舒服，服務員招呼周到，就算平日夜晚都爆滿，好熱鬧！首先叫咗個砂鍋雲吞煲，湯底鮮甜，雲吞皮薄餡足，咬落去爆汁，正！小籠包都唔錯，皮薄餡多，一啖咬落去湯汁湧出，但要小心燙口。醉雞酒香濃郁，雞肉嫩滑，入味得嚟又唔會太鹹，好食！最後個翡翠蝦仁炒飯夠鑊氣，蝦仁爽彈，飯粒分明，加咗啲翠玉瓜粒，口感豐富。整體來講，食物質素高，環境同服務都一流，雖然價錢唔算平，但絕對值得再encore！

第一次因為機緣巧合來到這裏吃飯，覺得食物和環境質素都很好，今晚和太太專程來到這裏。這裏位港威商場，環境舒適，裝修格調高尚，是請客的最佳選擇。一夜情馬有$198 ，這個馬友經過醃製之後再煎香，肉質結實，帶點鹹香味，連皮和魚骨都很香脆可口，用來佐酒，非常合適。上海醃篤鮮$268，雞湯味道香濃，帶點火腿的鹹香味道，加上筍的爽口和雞肉的味道，是正宗的上海特色。嫩雞煨麵$98 ，煨麵吸收了雞湯的味道，軟腍可口，如果雞肉待多一點更好。五年陳皮鮑汁牛肉餅$98（3隻）＇牛肉餅的表面鬆脆可口，內裏肉汁豐富，喜歡牛肉餅的別是。

跟老友在尖沙咀海港城的港威商場閒逛時，發現有間食上海菜的～个園竹語，好耐冇食過上海菜，稍等一會後便可入座開餐囉。鐵板上的小籠包，小籠包在鐵板一直煎，令底部更香脆可口，豬肉新鮮肉汁豐富，美味😋。薺菜鮮肉餛飩，餡料是薺菜跟豬肉，皮薄餡料新鮮，湯飲落鮮甜。雪菜毛豆炒百頁，食材是雪菜、毛豆加百頁，調味得好好，簡單又營養豐富。 青菜煨麵，內有小棠菜同菇類，麵條吸收了湯汁和蔬菜的精華，口感豐富，滋味十足。蔥汁鮑片拌麵，鮑片很有彈性，蔥油加上爽彈的麵質更加香滑，好捧啊。

下班後到海港城探索一間以中式精緻料理為主的餐廳🍴入口設計時尚，黑色大理石櫃檯，外觀讓人眼前一亮灰色磚牆和綠色皮革沙發，營造出一種高雅的氛圍將江南園林的寧靜融入飲食文化，每道菜都像一幅藝術品餐前小食包含三款精緻的前菜，完美喚醒味蕾煙燻溏心蛋外觀金黃，切開後蛋黃流心，口感軟嫩紹興醉雞色澤誘人，雞肉入口滑嫩，酒香濃郁，回味無窮白頁結紅燒肉皮脆肉嫩，肥而不膩，醬汁甜中帶咸蟹粉小籠包外皮薄透，內裡蟹肉鮮甜，湯汁濃郁

最近同閨蜜成日心思思想搵間「坐得舒服又靜靜哋」嘅上海菜，即刻諗返起呢間位於尖沙咀嘅餐廳。今次再訪，依然保持水準，仲多咗份熟悉嘅親切感～💕 ✨煙燻溏心蛋溏心蛋嘅極致演繹！輕輕咬開，琥珀色蛋漿緩緩流出，煙燻香氣先至鼻腔，繼而係濃郁蛋香，最後回甘帶淡淡茶香，三重滋味一次過滿足！ 🐟松鼠桂花魚每日新鮮到貨嘅桂花魚，師傅巧手起肉切花，炸至金黃酥脆如松鼠尾。外層「咔嚓」脆響，內裡魚肉嫩滑如豆腐，配上秘製酸甜汁，開胃得嚟又唔膩口～ 🍯蜜汁脆膳選用肥美鱔段，先炸後燜，外皮香脆帶蜜糖光澤，咬落「索索」聲。蜜汁甜度剛好，仲帶微微陳皮香，層次分明得嚟好有驚喜！ 🔥鐵板小籠包傳統小籠包玩出新花樣！鐵板炙烤令底部形成金黃脆皮，一啜開滾燙湯汁洶湧而出，肉餡鮮嫩多汁，麵皮煙韌有咬口，冷熱交融嘅口感超特別！ 環境方面每個位置都好似有自己私密空間咁，有一個開放式嘅隱蔽位置好似一個房間一樣，咁樣無論傾生意或者同閨蜜一齊girls talk係最適合不過呢🫣💓

餐廳用新派做法混合傳統滬菜菜式做出別具心思與風味佳餚,環境雅致帶古典氣氛.而且下午茶菜式矜貴又豐富,性價比極高!先來兩層竹籃裝著前菜與點心各4款,精緻吸睛.【煙燻溏心蛋】其煙燻味巨突出,半流心質感,蛋味香濃. 【蜜汁脆鱔】炸至猶如魚皮,片片酥脆,調味濃稠又香口.點心的【炸芝麻湯圓】外脆內軟,帶芝麻香氣又有嚼感, 【招牌煎小籠包】一咬湯汁爆發,令人心癢癢的單點了【鐵板上的小籠包】,一入口「嘩~」一聲,在鐵板上熱度令湯汁更帶肉香,餡皮柔軟,底部更煎至脆底,是傳統小籠包變奏版,必叫必叫!!!再來的重頭戲~ 【鮑汁扣鮑魚】及【開邊龍蝦湯麵】是每人一份!前者Q彈入味;後者龍蝦新鮮彈牙,湯頭清甜帶鮮味.當日與家人共享,滿意度爆燈!忍不住多點了【个園蔥油鮑片拌麵】蔥油味與醬油味融合極香,麵質彈牙. 【蘭梅桂花拉糕】口感如麻糬,帶出淡淡蘭梅桂花微甜軟糯.樣樣都心愜意滿!!

一直鍾情於中式庭園風格建築早早已經收藏咗呢間餐廳 日前終得嚐所願由著名獲獎室內設計公司打造🌿獨一無二嘅幽雅別致庭院風設計猶如喺園林美景中用餐 令人心曠神怡仲特別設有半開放式包廂 餐廳主打淮揚菜及滬菜 經典與創新菜式並存🥢3道前菜豆鹹鹹辣辣 非常惹味 係一道開胃前菜脆口花生配魚仔 送酒一流酸蘿蔔非常爽脆入味🥢百頁結紅燒肉原本想試嘅招牌雪裡紅梅紅燒肉已經賣晒店員推薦我哋試呢一款百頁結有油香豆味 非常有咬口腩肉炆到好軟腍 入口即化 層層分明 每層口感唔同一啖咬落去有驚喜 味道甜甜哋 平衡返腩肉嘅油膩感絕對令人一試難忘 適合3-4人開心share店家好細心咁用蠟燭暖住 保持溫熱🥢黑松露花菜梗一片片黑松露 份量大方 齒頰留香綠＆紫色椰菜花、黑松露片與三色椒 喺碟上構成一幅色彩繽紛的畫🥢蔥油鮑魚片蔥油麵熱氣騰騰嘅招牌滬菜 影咗咁耐相依然出晒煙鮑魚片調味恰到好處 仲好有咬口啖啖蔥油香味 麵條煙韌入味 十分推介 記得要趁熱食😋🥢豆沙鍋餅每次食上海菜都必點嘅飯後甜點餅皮煎得香脆可口 豆沙餡料甜甜的可中和膩感

之前朋友講過呢間上海菜唔錯，襯住放假前一晚，放工去左尖沙咀試下。餐廳以深綠色及竹為主題，剛行入去就見到左面係箱房，右面係梳化卡位，座位好寬敞，私隱度頗高。鹹肉煮津白：可能因為鹹肉，略為偏鹹，但津白清爽脆口，湯汁鮮美。慢燒煙燻脆皮雞：開蓋時真係聞到煙燻味，外皮金黃色同埋很酥脆，肉質鮮嫩。鐵板上的小籠包：小籠包有5粒，因為係用鐵板上，外皮微脆，而裡面有滿滿湯汁，口感層次豐富。整體用餐體驗良好，環境清幽舒適，食物味道不錯，另外，值得一讚既係職員服務態度好，很有禮貌。👍🏻