不籽是咖啡 (藝里坊・1號)

營業中

休息中

帶朋友來到西營盤站嘅“藝里坊”睇graffiti，睇完搵食來到間清新的cafe“不籽是咖啡”食嘢。點咗“龍蝦湯配牛油果大蝦稻庭烏冬”，點解，都係因為鍾意海鮮之故，雖然唔係次次都滿意，但今次真係冇揀錯，首先龍蝦湯和烏冬係分開上嘅，而龍蝦湯用個好靚銅壺盛住，可以自己控製烏冬的味道，雖然沒有龍蝦，但湯嘅味道真係好濃郁，好勁的龍蝦味，大蝦亦好彈牙，牛油果係我鍾意好味道，仲有仲有，我食到蟹肉吖，一梳梳的蟹肉味道鮮甜，心諗，老細對我呢個“海鮮迷”嘅特别照顧？anyway，真係好開心。另一美食係“炸雞煎蛋牛油酥窩夫”，一聽，一睇都係超豐富，唔錯唔錯。“韓国柚子蜜梳打”和“野莓梳打”對呢個熱辣的夏天，唔係，熱辣的春天至啱，都係一個好好的選擇。

不籽是咖啡 Not just coffee喺油麻地分店就幫襯過一直都係我非常滿意嘅cafe 之一因為佢並非只係一間打卡cafe佢不止環境舒服 野食更加係非常高質 今次到西營盤新分店 果然水準依然 煙三文魚牛油果滑蛋牛角酥窩夫 $88牛角酥窩夫超鬆脆 唔油膩加上滑蛋煮得啱啱好 加上煙三文魚及牛油果本身有咸味非常夠味 但完全唔膩 高質之選 炙燒鮭魚腩蘆筍明太子燉飯 $148燉飯好creamy 炙燒後嘅鮭魚腩肉質都好滑加上明太子粒 味道相當有層次除咗食物飲品都濃郁唔水 酸酸甜甜 開胃解渴 值得一訪😋

生活繁忙,當然要搵D好relax既地方chill 下!今日就同朋友來到位於西營盤的,非常文青既地方tea 下!!環境闊落…跟城市既餐廳唔同,好優閒,好舒服…岩曬傾計!!傾一小時都無問題既地方!!我地order左兩款美食同飲品蟹子蟹肉炒蛋牛角酥窩夫$88口感豐富,窩夫脆博博,難以抗拒嘅美食火龍果北海道干貝燉飯 $148好特別嘅燉飯,好友驚喜，完全估唔到火龍果係可以咁match 個燉飯葡萄柚高山茶 $45茶味香濃，解渴一流，夏天啱晒韓國柚子蜜梳打 $43滋潤喉嚨,邊飲邊講，講足一日都唔會喉嚨痛!呢個地方真係好啱小聚,佢哋都同朋友嚟chill 下

西營盤是我長大的地方，親眼目賭它的轉變。自從港鐵到達後，西營盤和其它舊區一樣快速變身。所不同的是，西營盤沒有大面積的舊樓同時被拆，拆卸後的地盤偏細，新建的多是一座起兩座止的屋苑或單幢大廈，因而沒有大型商場，反而有個性的特色小鋪眾多。無論是新大廈還是舊樓，都有新進駐的小商店，其中特色café特別多。今天到訪的café就在西營盤著名的打卡勝地：藝里坊。藝里坊包括奇靈里、石棧里及忠正街3條無車進入的小街，也是9名本地和外國藝術家為西營盤打造的壁畫街。16幅大型壁畫就在這3條小街的建築物外牆和樓梯上，色彩鮮豔，風格迥異。西營盤港鐵站B3出口就會見到。我娘家就在附近，卡一早就打完了，來訪的目的是帶朋友去飲咖啡，食牛角酥窩夫，chill一下。其實餐廳本身都已是打卡位，尤其門前的佈置相當有心思，餐廳內裝修簡約，空間感十足，出面還有露天大平台和座位，室內室外任君選擇。火龍果北海道干貝燉飯 燉飯即是risotto，加了火龍果汁燉煮，顏色艷麗，口感creamy。飯面有兩大粒刺身級的北海道帶子，只是輕輕煎過，仍保持嫩滑。燉飯入面還有鮮魷魚和洋蔥，魷魚爽嫩，為燉飯加添了口感和鮮甜味。蟹子蟹肉炒蛋牛角酥窩夫 牛

Adorable cafe for some good vibes ☕️ Udon with Lobster Soup 🦞 🫖 fulfilling and rich lobster bisque which matches perfectly with the udonSoft shell crab risotto 🦀 in pesto sauce 🌿 just cooked right but not too surprising

又係explore syp cafe既時間啦🤣 今次繼續去藝里坊既cafe~ 呢間cafe係油麻地有主店 呢1年先進駐埋syp~~ 佢門口面好靚 好岩打卡🤣 但因為有人坐左我地就坐入面~ 餐廳都好大 唔會放太多張枱 好闊落👍蟹子蟹肉炒蛋牛角酥窩夫 ($88)呢排真係好興croffle! 成日都心郁郁想買個機返來自己整 不過覺得呢D野整兩次就唔會再玩 都係出去食算🤣 平時係cafe食開甜croffle 今次就試試咸既 好好食! 就算D送放左上croffle面都唔會整淋左個窩夫 仍然keep到脆身🥰 仲有好多蟹子同蟹肉 唔洗就住就住食! 火龍果北海道干貝燉飯 ($148)本身見到係火龍果覺得好奇怪 但朋友話想試下 就一於試試佢🤣 上碟係真係紅身! 但食落唔重火龍果味 都係重cream味 同平時既risotto差唔多 而份量好大 我地兩個人都食到勁飽🤣 飯上面仲有兩粒北海道干貝~~ 外面燒左一燒 而裡面仲有好生! 好似食緊sashimi咁本來想叫埋蕃薯條 但太飽食唔落 🥲 下次再叫!!另外仲叫左兩款野飲 葡萄柚高山茶($45) / 野莓梳打($50)好清甜解渴 同埋唔會好甜👍

西營盤是一個懷舊得黎又潮嘅地方，近期亦增設左好多cafe,今日黎到呢間我好中意嘅：不籽是咖啡。之前都試過佢地油麻地嘅店，知道佢地開分店，一定要黎支持。今日試左大蝦意粉，蝦肉好爽，好彈牙，配上香口嘅辣椒絲，完全唔洗再額外加調味已經食到佢地海鮮嘅甜，配料嘅香口，蒜片嘅獨特香味。另外叫左蟹肉酥皮waffle,蟹肉超級足量，每一口都有海水鮮甜味，蛋質好滑，waffles 雖然用左酥皮，但唔會油，食晒都唔會滯胃。配上一壺花茶，感覺清新又舒服。約埋好友黎輕鬆飯聚，的確好正

對於我地九龍人黎講，今日去左一個好遠嘅地方西營盤，本身已經好少過港島區，疫情關係更加減少左出街嘅意欲，但係今日難得出下街就去搵間好食影相又靚嘅cafe打下卡先。一出地鐵站行唔洗2分鐘就到呢間Not Just Coffee，門口就有個好靚嘅位置，我地等左一陣，好好彩就可以被安排到呢一個位置。煙三文鱼牛油果滑蛋牛角酥窩夫 $88我叫左呢個牛角酥窩夫，好好食，唔好以為佢嘅外表咁簡單，但係味道相當唔錯。三文魚、牛油果、牛肉酥窩夫都係好膩嘅，但唔知餐廳用左咩魔法醬汁食落又冇乜油膩感。乾炒大蝦蒜香意粉 $118男朋友對於個意粉大讚，無論係味道，意粉口感，大蝦嘅彈牙，都相當有驚喜。不過份量就差少少，女仔黎講就會岩岩好，男士就未必好夠食。Espresso soda $45夏天飲返杯有氣嘅咖啡，真係好舒服涼爽。Dirty $48凍牛奶加熱咖啡就好似飲緊咖啡加奶蓋咁，好飲又靚。Overall黎講呢間餐廳真係打卡得黎好食又好飲，離地鐵站又近，雖然意粉份量就差少少，不過整體食物質素同環境都係一個唔錯嘅體驗，店員態度又好好，加分。

好耐冇黎呢間位於西營盤嘅不籽是咖啡。呢間分店地點非常方便，喺正西營盤港鐵站出口附近，不過其實係喺內街寧靜嘅一角。餐廳門口傢俱擺設好有特色，入到去樓底好高，空間感足。裝修以木材為主，仲有綠色植物同仙人掌，似置身園林。餐牌主食有燉飯，烏冬，意粉，全日早餐，沙律，小食，牛角酥窩夫，吐司同甜品。飲品除左咖啡之外，都有茶，朱古力，梳打，花茶，水果茶。冇加一。之前次次都食招牌菜式，今日一於試新野。乾炒大蝦蒜香意粉 $118乾炒大蝦蒜香意粉上枱唔算大大碟。意粉係幼身扁意粉，非常al dente，味道好有蒜香之餘又唔油，我鍾意。撈埋菇仔同洋蔥片一齊食好有口感，仲加左少少碎紫菜喺面增添味道。去殼蝦仁3隻，鹹香又爽口。蟹籽蟹肉炒蛋牛角酥窩夫 $88牛角酥窩夫即係將牛角包壓到窩夫咁，於是普通窩夫就變左有勁多層次嘅酥皮窩夫，除左當甜品食，都可以鹹食，今次呢個蟹籽蟹肉炒蛋牛角酥窩夫就係啦。牛角酥窩夫上面先放上厚身炒滑蛋，再有蟹肉同蟹籽，最後加上少少菜苗同香草。先空口試吓蟹肉，好鮮味喎。用刀切開個窩夫聽到清脆嘅切酥皮聲，食落都仲脆口，配滑蛋同脆卜卜蟹籽食仲有多重口感。伴有沙律菜同半粒車厘茄，沙律加左香甜柚子醋開胃

試勻每一間西環cafe計劃終於有進展（鞠躬）。藝里坊（平日）係一個旺中帶靜的細小區域，基本上人流唔多，都係以街坊為主。依到嘅餐牌上有好多別具特色嘅餐點選擇，未必係一般cafe搵到。今日胃容量太少試唔到好多款，交比大家黎試下～〔推介！〕❝乾炒大蝦蒜香意粉❞ ($118)好多時蒜香都係聞得到就食唔到，依款意粉無論聞落定食落都有陣陣蒜香，而且麵身係我最最最喜愛嘅偏硬type！大蝦肉質有彈性，採用鮮菇增添香氣，調味平衡得剛好，就算無醬汁都不損風味。〔推介！〕❝海鹽焦糖雞翼❞ ($68)好少見以甜味為主調嘅雞翼，炸皮厚度適中，雞肉亦夠入味，係炸皮外層加多一層焦糖夠哂特別。而且餐店貼心地將雞翼製成單骨雞翼，比較方便進食。〔推介！〕❝韓國柚子蜜梳打❞ ($43)黎到cafe唔飲咖啡好似有啲哂料，好彩依杯梳打夠好飲。甜度偏低，冰量適中，梳打水上枱後依然保持氣泡滿滿。友人點選嘅❝野莓梳打❞ ($50)同樣不錯，睇下大家鍾意咩口味啦嘿～𓂃𓈒 𓂂𓏸 用餐提示 𓏸𓂂 𓈒𓂃咖啡店空間感十足，放置餐枱後依然大把位剩，加上樓底特別高，無咁大壓迫感係比其他cafe優勝之處。裝潢主調以木色系配搭綠色植物為主，室外位置嘅

西營般無論怎樣變化也難不到我。因為我是地頭蟲。邊到有好的餐廳，咖啡店，我一定知道。帶朋友來到藝里坊一間咖啡店，她很喜歡店內環境和食物。Hazelnut Latte今日好熱，想飲番杯凍飲。點了杯榛果latte。心想一定會甜膩，卻不是。甜度適中，榛果味顯著，好飲。海鹽焦糖雞翼份量頗多，抵食。外層脆脆，內裡軟熟，係一班朋友聊天的最佳小吃。乾炒大蝦蒜香意粉三大隻蝦，爽脆彈牙。簡簡單單的蒜片，洋蔥…己另意粉增添了香氣。

今次就去咗呢一間好有風格嘅咖啡店度食嘢，真係好有文清嘅風味啊！同朋友影相打卡都係好好嘅活動！叫咗一份龍蝦湯配牛油果大蝦到庭烏冬，呢一度嘅烏冬真係好好食，配合埋呢度嘅大蝦同埋牛油果真係冇得輸，完全冇諗過呢度嘅龍蝦湯真係咁吸引，好香濃不特止仲要係好鮮甜！牛油果亦都係大大隻仲要係非常之新鮮！

之前一直都好想試吓呢一間”不籽是咖啡”，有一間分店位置座落於西環，於是去潮聖一下，店舖入面好闊落，淺木色傢具、簡約的藤籃設計，用一啲仙人掌盆栽作佈置，顏色好和諧好舒服，門口位置都係一個打卡位，整體感覺上都好舒適龍蝦湯配牛油果大蝦稻庭烏冬 $128 店舖的招牌菜式”龍蝦湯烏冬”吸引左我專程慕名而來，龍蝦湯以金屬茶壺盛裝，隨自己喜愛自行添加龍蝦湯，龍蝦湯鮮甜濃郁，烏冬煙韌彈牙，大蝦彈牙爽口，配上牛油果和紫菜，感覺很清新，整體上都好飽肚。黑松露醬薯條 $68薯條炸得香脆，配埋黑松露醬，令薯條味道上昇華左，不可缺少的小食。焦糖香蕉楓糖核桃雪糕配牛角酥窩夫 $88 賣相十分靚，味道方面又配搭，牛角酥窩夫我都係第一次食，感覺上好鬆脆，食落又唔會好油膩，雪糕方面好香滑，入面有粒粒既合桃，都幾特別，另外，窩夫上面有濃濃榛子醬，配埋焦糖香蕉，感覺上有點甜，不過都可以接受。野莓梳打 $48 飲品方面無咩特別，酸酸甜甜，飲落幾開胃的。

星期日有時間終於同朋友嚟咗呢間bookmark咗好耐嘅cafe門口位置超級靚 而且好chill我哋就嗌咗 佢哋嘅推介龍蝦湯配牛油果大蝦到庭烏冬($128) 上枱湯同麵係分開上 本身上網見呢個評價麻麻，但我哋食個日又ok喎，好有鮮味，大蝦好彈牙，如果個湯熱啲就更加好啦味噌蟹醬蟹籽蟹肉扁意粉($148)比想像中細碟 不過味道都ok 蟹籽好足，但都係唔夠熱炸雞煎蛋牛角包酥窩夫($88)呢個相較之下係比較失色嘅一道菜 炸雞外表唔脆食落就正正常常。日本海鹽蜜糖甘薯條($78)呢個係最有驚喜嘅一個，可能因為外表平平無奇，但食落係外脆內軟 好好食飲品方面就嗌左Dirty 同 熱情果高山茶 飲品方面我就覺得有啲失望啦 不過總括嚟講都值得一試

🦀️ 溫泉蛋軟殼蟹青醬蟹肉燉飯 ($𝟭𝟰𝟴)有一大隻炸軟殼蟹 好正😍不過個青醬蟹肉飯雖然好香 不過真係太油啦!! 望都望到層油 😅所以食到好滯 🥑龍蝦湯配牛油果大蝦稻庭烏冬 ($𝟭𝟮𝟴)食呢個烏冬真係好好玩🙈倒個熱既龍蝦湯落去既時候好有儀式感 又好香 已經超想食😋夾埋哂一齊 又有蝦肉同蟹肉 好豐富 個湯都濃郁 好食👍🏻☕️ 𝗔𝗺𝗲𝗿𝗶𝗰𝗮𝗻𝗼 ($𝟰𝟬)ok derr!! 無咩好特別 偏fruity😚overall 其實環境 食物各樣都OK‼️‼️不過真係不得不提及一下 當個龍蝦湯烏冬黎到既時候 個盤上面有條蟲蟲🐛 無錯！真係嚇死🥲好彩職員都即刻話sorry sorry 跟著換左碗新既比我地 不過真係….😵‍💫♕ ʀᴀᴛɪɴɢs ♕😋味道: 👍🏻👍🏻👍🏻🤩賣相: 👍🏻👍🏻👍🏻👍🏻🌝環境: 👍🏻👍🏻👍🏻👍🏻💰價錢: 👍🏻👍🏻👍🏻🙈服務: 👍🏻👍🏻👍🏻👍🏻🗣回頭率: 👍🏻👍🏻☞︎ ᴜsᴇғᴜʟ ɪɴғᴏʀᴍᴀᴛɪᴏɴ🙅🏻‍♀️ service charge🙅🏻‍♀️ time limit 🙋🏻‍♀️ reservations➪ ᴀᴅᴅʀᴇss📍 不籽是咖啡 (藝里坊) (西環)西環西營盤忠正街8號藝里坊地