不籽是咖啡 (藝里坊・1號)

營業中

休息中

星期一聖誕節假期中午，全日早餐價錢$138（7款食物），有黑松露炒蛋，日本腸，牛油果，沙律菜，雜菌，牛角包，煙三文魚，平均每款$19.7。早餐有兩款，可配煙三文魚或煙肉，兩者價錢相差$20。總結先俾錢後送餐，冇加一。炒蛋混合黑松露一切炒，啖啖黑松露，好味，不似坊間只係將黑松露擺上蛋面。早餐價錢略貴，份量偏小，輕食可以，地方較大，坐得舒服，鄰近地鐵站出口，交通方便，可坐室內，亦可坐室外，行完壁畫街，絕對係一個充電嘅好地方。

香港近期多左好多好chill嘅cafe,  呢間不籽是咖啡好有日係休閒風格，裡面嘅裝修擺滿好多植物，視覺上好似去左渡假勝地咁休閒。如果天氣唔錯嘅時候坐室外其實更舒適，以佢亦都有室外茶座位置，而且仲好有打卡特色，如果想食嘢打卡記得要早啲嚟，因為室外茶座位置唔多，而哩個位都好搶手。 佢呢度嘅signature 絕對龍蝦湯配牛油果大蝦稻庭烏冬，龍蝦湯味道十分濃郁，放係茶壺度保溫，亦同稻庭烏冬分開上，方便打卡之餘又唔會令到烏冬淋得太快。牛油果配龍蝦湯十分夾，索左龍蝦湯嘅味之後佢變得香濃又creamy，至於大蝦就好爽口，完全係水準之作。乾炒大蝦蒜香意粉，如果鍾意爽口彈牙意粉嘅人，一定十分欣賞呢嗰蒜香意粉。  佢蒜香味濃，配埋大蝦，好香口。Matcha Latte，作為抹茶 Latte，抹茶味都幾濃，奶亦都夠香滑，唔錯。玫瑰茉莉花茶，一個真係超大壺，好抵飲，重點係茉茶同玫瑰花都唔會互相搶左大家嘅味。用一個雅緻嘅茶壺裝住，再配一個精緻小玻璃杯，完全感受到慢活人生嘅快樂。

第一間「不籽是咖啡」係油麻地，而家係西營盤開埋分店！西營盤分店面積更大，入面有好多植物作裝飾，加上木製傢俬呈現出波希米亞既氣氛。- 乾炒大蝦蒜香意粉扁意粉口感偏硬，配上好多蒜蓉同雜菌，味道非常惹味，另外仲有三大粒爽口鮮甜既大蝦。- 龍蝦湯配牛油果大蝦稻庭烏冬當然要試下餐廳招牌菜，龍蝦湯同烏冬分開上，龍蝦湯用左金屬茶壺盛載，客人隨自己喜好加落烏冬入面。龍蝦湯濃郁鮮甜，烏冬煙韌掛湯，另外仲有大量蟹肉同兩隻大蝦，不過牛油果有少少格格不入。- Caramel Latte拉花係一隻小貓，令我唔係好捨得飲😍，味道都唔錯。- Matcha Latte Matcha Latte完全不含咖啡因，味道略甜，非常順口。整體而言，環境令人坐得非常舒服，食物都唔錯，咖啡上面既拉花更令人心鄺神怡🥰

不只是咖啡，仲係好嘢食！拍拖諗去邊諗到頭都大，最舒服嘅當然係搵間日系簡約打卡Cafe，同另一半慢活下！呢間開喺文青區藝里坊嘅Cafe就絕對係好選擇！乾炒大蝦蒜香意粉上枱時蒜香味濃，大蝦鮮甜彈牙，意粉炒得乾爽唔油膩仲好入味，加埋爽口香菇好惹味！龍蝦湯配牛油果大蝦稻庭烏冬烏冬口感煙韌，配料有牛油果同爽口大蝦，湯頭更夾雜濃濃龍蝦味，鮮甜味突出，豐富整體味道層次。Latte / Mojito Soda咖啡nuts味重，奶同啡比例啱啱好；Mojito Soda嘅檸檬味同薄荷令味道更清爽，甜度適中。

之前去過位於油麻地嘅「不籽是咖啡 Not Just Coffee」，印象都唔錯 👍🏻 原來佢哋宜家喺西營盤都開咗分店，位於藝里坊，好襯cafe嘅文青休閑風格 😝龍蝦湯配牛油果大蝦稻庭烏冬係cafe嘅招牌菜 🤩 宜家天氣咁凍，可以食碗暖笠笠嘅龍蝦湯烏冬真係正 🤤朋友嗌嘅乾炒大蝦蒜香意粉好足料，炒意粉充滿蒜香油香，配上爽口大蝦同雜菌，非常惹味 😚嗌抹茶拿鐵收到可愛拉花，好開心 ❤️ 拿鐵味道偏甜，奶味重但茶香略淡 🍵 朋友嗌咗熱情果高山茶，味道清甜，果香自然，飲完茶仲有菠蘿粒食 😉

今晚收工之後想靜一靜，於是去左西營盤既不籽是咖啡，呢間分店地點非常方便，喺正西營盤港鐵站出口附近，不過呢條街好靜局。入到去Cafe入面發現空間感十足，而且室内裝修木系設計，感覺清新。呢度主打西日Fusion菜式，餐牌主食有燉飯，烏冬，意粉，全日早餐，沙律，小食，牛角酥窩夫同甜品。飲品除左咖啡之外，都有茶，朱古力，梳打，花茶，水果茶，酒類。冇加一。龍蝦湯配牛油果大蝦稻庭烏冬 $128龍蝦湯用迷你水㷛熱辣辣上枱，好熱，小心燙手。飲啖湯先，龍蝦味唔錯，幾好飲wor。牛油果大蝦稻庭烏冬用木製大碗擺得靚靚。3隻大蝦爽脆鮮甜，另外仲有蟹肉碎，食得出有蟹膏味。蔬菜有牛油果半個，仲有少少新鮮沙律菜同紫菜絲。稻庭烏冬就超滑溜。好食呀。乾炒大蝦蒜香意粉 $118乾炒大蝦蒜香意粉係幼身扁意粉，非常al dente，味道甜甜地帶蒜香，好好味道。3隻去殼大蝦非常新鮮爽脆，好好食。其他配料有雜菇同洋葱絲，為意粉加添口感。最後撒上少少紫菜絲同香草。Cold Matcha Latte $47Matcha Latte有熱有凍。今次沖得又滑又香，奶香十足，而抹茶味適中。今次得一粒冰，可能見天氣凍，體貼。熱檸檬柚子茶 $4

-之前食過油麻地分店而家西營盤都開左分店～環境幾舒適清幽 空間感十足繼續走文青打卡路線門口幾張枱凳簡直係打卡熱點🤣🤣本身想試下啲Risotto 但咁岩果日無🥲🥲🥲唯有試其他~ 味增蟹醬蟹籽蟹肉扁意粉 $138黑松露雜菌扁意粉 $88兩個意粉都不過不失～海鹽蜜糖甘薯條 $78甘薯條配蜜糖醬 意外地match🤩🤩好好食 甜甜地幾開胃🍯🍟不籽是咖啡 (藝里坊) (西環)西環西營盤忠正街8號藝里坊地下1號舖

係一個寒冷嘅夜晚,我哋決定到訪不籽是咖啡,希望飲啲熱飲暖下身。坐低就即刻叫咗一杯熱朱古力($40)同埋熱嘅Hazelnut Latte($45),2杯嘢飲嘅奶花都好靚餐牌上面寫朱古力係用法國可可粉製作,飲落去唔覺得有粉感,反而係滑嘅。飲落有淡淡嘅朱古力香味而Hazelnut Latte 就比較甜,飲落去好舒服之前食過佢哋油麻地嘅分店都知道佢哋嘅招牌就係龍蝦湯配牛油果大蝦稻庭烏冬($128),再叫呢個係因為龍蝦湯真係好香,加上一啲紫菜,吊番鹹味出嚟。採用嘅蝦唔錯,所以蝦食落去係爽彈。不過就真係要趁快食,如果唔係就唔夠熱另外試左乾炒大蝦蒜香意粉($118),作為蒜嘅愛好者真係幾鍾意食呢個意粉,蒜味夠出,略微帶點甜味,如果意粉淋返少少嘅話會更加好食

呢兜嘢係災難。個味好奇怪，啲醬滑潺潺，啲飯撈咗喺兜秋葵汁咁，已經唔係麻麻，而係難食，唔想再食。帶子無味，明明係煎咗但係個白好似烚咁。其他意粉好普通，偏淡，似屋企都煮啲意粉。完全唔值咁嘅價錢。

龍蝦湯配牛油果大蝦稻庭烏冬 $128仲話係店內既招牌菜 本身都滿懷期待，點知湯得香味 食落淡 蟹肉無味 蝦還好，整體係有得倒下湯幾得意。味增蟹醬蟹籽蟹肉扁意粉 $138作為店內既另一個招牌菜，味道還好，但食唔出有味增味，蟹肉又零零碎碎，都有啲失望，實在overpriced 海鹽焦糖單骨雞翼同埋berry梳打算ok，但係價錢呃秤，68蚊其實得4隻服務態度直頭係零枱～搖搖欲墜 櫈～椅背爛嘅 成間舖嘅植物得兩棵係真 全部都假嘅簡單啲嚟講除咗打卡 別指望其他

平日下午最開心就是可以到西環享受慢慢的節奏，這間cafe 的本店食物很高質，但當時沒有機會喝咖啡，這次特意到新開的分店，空間感和設計都有點不一樣，分店的光線很充足，不同角落都可以打卡，重點是樓頂高有強大空間感，坐起來很舒服。🔹Dirty $48這杯dirty偏奶，口感非常滑溜，nuts 味重，比例上做到恰到好處，是一杯出色的dirty，值得純點它來品嚐！🔹龍蝦湯牛油果大蝦稻庭烏冬$148這個烏冬是餐廳代表菜式，的確龍蝦湯好香，也算濃郁，如果用來點麵包吃真的不錯，不過淋在烏冬上，因為烏冬偏軟和粉，所以口感有點怪，而且很容易覺得飽，旁邊有沙律減膩，而且紫菜很脆口都拉回不少分數，可是放在裡面的牛油果有點不太搭，整體來說有點不上不落，但大蝦是彈牙的。

作為一名 Cafe 控～ 平時 bookmark 住好多想去想試嘅 Cafe，今次就去左呢間波希米亞風設計嘅不籽是咖啡啦～ 舒服又柔和的米白色裝修，好適合傾計同 chill 個一個地方 😆 有啲位個地下有碎石仔，真係好有大自然的感覺，佢裝修都有落左心思的 😉炙燒鮭魚腩蘆筍明太子燉飯賣相 fancy 又好好食！充滿魚香又唔會太漏，配埋明太子嘅香味，味道豐富又有咬口，但又唔係死硬 👍🏻 炸雞配蜜糖芥茉醬都算清新，雞唔會好油膩，個底鋪滿生菜可以中和個熱氣感，不錯不錯 😌焦糖香蕉配榛子醬牛角窩夫 第一次食牛角窩夫，好得意好好食！窩夫樣但有牛角包鬆鬆脆脆的口感，必食 😍 伴碟嘅核桃雪糕好多核桃粒粒，麻麻地雪糕嘅我都停唔到口 🙈Matcha Latte & Hazelnut Latte口感順滑，奶嘅比例幾好，啡底夠香～呢度真係坐得好舒服，空間感都幾好，坐滿都唔會話好壓逼，燈光傢俬同配色都會令你好放鬆，出面仲有好靚嘅打卡位，不過長期都有好多人謀住的 😂 本人極力爭取下次再去可以打下卡 🙈

煙三文魚牛油果滑蛋牛角酥窩夫超正好少見到啲牛油果同蛋炒埋一齊個窩夫好香口啲沙律菜都算新鮮Latte 好飲今日仲有下場所以試唔到咁多下次可以再試吓其他嘢食環境舒適文青打卡必選

ɢᴇᴛᴛɪɴɢ ᴡᴏʀsᴇ🥲不籽是咖啡ʀᴇᴠɪsɪᴛ?: ɴᴏ去過四五次的ᴄᴀғᴇ，由一開始的驚艷到不錯到十分普通，感覺只有ᴄʀᴏғғʟᴇ能保持水準，曾做得好但無法維持令人傷感 ᴀᴠᴇʀᴀɢᴇ ᴄᴏsᴛ：~$150sᴇʀᴠɪᴄᴇ ᴄʜᴀʀɢᴇ ?：ɴᴏ

最近先得知「不籽是咖啡」登陸西營盤，其實好似都開咗一段時間🙈。朋友好少過九龍，所以之前未有機會一嚐，不過終於等到餐廳嚟港島喇。西營盤店門口比起油麻地店更打卡Able📸，即使天氣咁熱，都有客人選擇坐出去Chill，而店內環境就保持一貫小清新嘅風格，簡約舒服。餐廳嘅食物定價屬中等水平🍽，主菜平均一百蚊鬆啲，係大路Cafe價格。佢份量OK，而且賣相吸引。龍蝦湯配牛油果大蝦稻庭烏冬($128)，呢個係餐廳嘅首席招牌菜，相信有唔少人都係為佢而來。🦞龍蝦湯分開另上，咁就唔怕浸淋啲麵。熱湯裝喺茶壺入面，能夠保溫，但麵條始終無㷫住，所以要盡快食。龍蝦湯幾濃郁，而且加咗唔少蟹肉一齊熬煮，以添鮮香🦀。扁身烏冬口感彈牙，其他餸料包括大蝦、🥑牛油果、昆布同沙律菜等，頗豐富的。北海道干貝火龍果燉飯($148)，Risotto呈紫紅色💜，造型非常吸睛，佢嘅色素係來自天然食材：紅火龍果。除咗顏色之外，飯粒中仲混入打碎咗嘅果籽，感覺健康。🍚燉飯口感濕潤，但唔爛；而且份量好多，夠晒飽。帶子有兩大粒，係刺身級數，味道鮮甜；而爆漿蟹籽撈飯食亦都正。飲品方面🥤，我哋要咗熱情果高山茶($48)同Mojito Soda($55)