上海飽餃店

營業中

休息中

復活節假的最後一天，要去紅磡幫朋友辦點事。經過附近，口痕痕的，原本行去買鹹斑戟，但見隔離呢邊有新鮮煎起的生煎包，十蚊五隻，平得發笑，又有位坐，就來五隻試下。生煎包有牛肉及豬肉餡的選擇，就叫「三牛兩豬」，一於兩款都試勻，加一杯豆漿。生煎包熱辣辣的，個子小小。先吃豬肉包，表皮鬆軟，豬肉餡夠味之餘又不會死實實，底部也煎得脆的，拍得上任何坊間的「京川滬」食店。兩蚊一隻，絕對是超水準；牛肉餡跟豬肉餡製法不同，下了冬菜，味濃一味，口感又實一點。都好味道，但如果與豬肉包相比，當然是後者較好。但又是兩蚊一隻，兩款試勻也不錯。埋單15蚊，非常之經濟抵食，下次再經過要試試其他食品。

蔥油餅真係必要吃...好香好脆...唔會好似某d 鋪咁"實得得"...3 蚊真係抵到喊..呢間店係無鍋貼的...只有菜肉煎餃...10 蚊5 隻...味道好好...小龍包10 蚊4 隻...味道不過不失..已比好多其他鋪頭好...生煎包/ 生煎牛肉包都係10 蚊5 隻...其實係可以散買2 蚊隻的..後尾想試牛肉包...又怕食唔晒...佢都話可以散叫的..兩種包味道都不錯女店主(我估係...負責收錢/ 落order) 非常友善同好人..小龍包(4隻) + 生煎包(5隻) + 蔥油餅(1塊) + 菜肉煎餃(5隻) + 生煎牛肉包(2隻) + 豆漿(1杯) = $42....真係唔知仲可以o係邊度搵到!?前面版友說店裏的怪味...相信係黑醋同麵粉積存的味道...其實此店也算乾淨...不過店內較細...只有4 張檯...大約只可坐20 人以下...臨走時見到佢仲可以預訂壽包...12 小+ 1 大...好似好吸引~

放學後專程行過離試下係咪真係值咁多笑面. take away叫左2個牛肉包同1件蔥油餅.之前無咩機會試過牛肉包, 感覺新鮮. d牛肉夠"lum", 有味, 唔錯. size都夠.蔥油麵到番屋企先食. 唔會一味油淋淋, 有香蔥味ga!個阿姐態度唔錯.雖然on diet, 但係都會再去. 下個目標係素菜包

放學四圍行, 諗唔到食咩, 竟然比我見到呢個鋪頭~一直都想試因為都聽到不少好評, 平靚正嘛~!!可惜去到無生煎飽同蔥油餅, 我最想試呢兩樣呢!!叫o左三個牛肉包, 六隻煎餃, 兩杯豆漿, 牛肉包唔熱, 無咩特別, 味道都唔錯, 煎餃就好味道喇, 又多汁~豆漿都好味, 唔會太甜, 而且都幾香~一行三人, 每人十蚊有找呀~一定要搵機會再食過~

去過咁多次都只係試過佢地既生煎包,牛肉飽同蔥油餅,今次終於試到小籠包了!生煎包,牛肉飽同蔥油餅都係推介!由其係牛肉飽,個汁好惹味,仲有洋蔥粒同菜圃粒(定梅菜黎呢?=P呢樣以前食唔覺有),好正,今朝又整左兩個做早餐!$2蚊隻抵到爛XDDD蔥油餅($3)又香又脆,出面好少食到,抵食夾大件呢!至於小籠包,就有d失望,個皮略為硬左d,又無咩湯汁,無咩鮮味,麻麻地....不過$10四隻就合格有餘的

呢次老闆話新鮮煎起.. 先黎三個, 皮好薄,唔黐牙, 個底好脆, 又多汁, 仲熱辣辣.. 好滿足..環境好似有小許改善... 空氣清新左d..

由於趕住出門口的關係, 唔記得睇地圖,搞到搵左兩個幾鍾, 搵左好耐終於搵到喇,但係唔多唔少有少少失望, 因為一見到個門面,真係差到無人有咁濟, 我同女友都滴住汗咁行入去,睇均哂成間店數埋最多得15個位細得可憐,選擇又少到無人有, 但係成3點幾都未食Lunch,都唔理得咁多喇, 有咩叫咩狂食一返, 記憶中, 佢餐版上的任何有肉的包點餃子都叫均!!味度與價錢極度唔合比例, 只說食品質素可謂超哂班,記得上次尖東小南國食果個死人小籠包就火都滾, 同呢一度10$籠比, 呢度好食過佢9萬幾倍!!加上即叫即蒸, 正到無得好講!! 最後食到我兩個飽哂,都只係50落樓......真係邊度搵丫!!只要你唔怕地方細,而且又唔怕地方烏joy + 有陣味, 呢間食店真係頂級!!讚!!!!!!

見各位食家甘支持, 就拿拿聲約左個朋友一齊去試, 我地8/9晚去差唔多八點幾去, 去到都差唔多收舖, 但好熱心甘招呼我地入去坐, 我地叫左小籠飽, 煎餃, 蔥油餅, 仲有兩杯豆漿, 煎餃好正, 杯豆漿又好飲, 小籠飽又香又多汁, 雖然環境真係一般, 但有時間一定會再去食多次!!!!

八點左右去到，佢話小籠包賣哂…咁佢間舖係八點收…冇辦法啦…試o下生煎牛肉包…超平…兩蚊一隻…食落真係值兩蚊…因為一叫就有，好明顯係一早煎定等收舖…寫落唔熱，冇肉汁，或者係俾個飽皮吸哂？等我仲特登走去試…不過咁多網友話好食，下次如果路過附近都會去試o下！間舖真係有陣酸味…座位好少，係一間一食完就會即刻走的舖頭！每月一號及十五號休息，今日31號，見佢響度清潔抽油煙機…

可能見到門面就要求不高, 食起上來就更喜出望外!小籠包好食, 皮是稍稍厚了點, 不過整體不錯, 只是佢只提供黑醋, 無我較喜歡的浙醋生煎牛肉包, 味道很好, 只是唔夠熱豆漿係好正宗的豆漿味, 唔太淡亦唔太甜蔥油餅香而皮又'翠', 唔係飽的話實要多件!平!!!不過d饅頭沒蓋的放在後面, 有烏蠅攪, 即使會弄熱或蒸熱先會食都會覺得好核突!

上星期日專登坐車去試,我好中意食小籠飽架,好多地方好食但幾貴,這間店的小籠飽好平,味道只算過得去,但10蚊有4粒喎,算抵架啦.反而佢地D煎餃好好食,好多肉汁,生煎飽都幾好,但店面不太大,坐位不多.此店勝在平宜,用三四十蚊食到咁既質數好抵食.

我都係住紅磡, 都未試過附近間"上海飽餃店", 雖然食左晚飯, 但都想試下.小籠包- 一籠4隻, 即叫即蒸. 皮夠薄, 入面好多肉汁.環境方面就唔好抱咁大期望, 成日聞到D酸味.下次我會再嚟試下其他美食.

見好多人講依處，自己住紅磡，都未食過，真瘀！尋日一早落樓，就係想去買早點，點知無開，收工又去，都無開。今日唔順氣，唔順路都要去買，終於有開，一個箭步，就要我鐘意的生煎包兩個，加塊蔥油餅打包，買到後第一時間放個包入口，o依，味道幾好，有肉汁，包皮幾好，唔厚。識埋塊蔥油餅，幾香口，但就油左d，食完有d 滯滯地。順便問下個亞姐，點解尋日無開，原來係逢一號同15號休息。

我身為紅磡人..見咁多人介紹呢間上海野..我一放工返到屋企第一時間就變身超人飛去試下啦..不過我係外賣...因為我都要照顧下我爸爸媽媽既晚飯走到身水身汗去到...好彩其他食家都介紹左佢既環境係好簡陋..所以我都有哂心理準備...一見到個個大家都話好人既老闆娘..佢又真係好好人咁幫我落單我就叫左三樣大家都係推薦既野由於我係外賣..雖然我行到好似飛咁快..不過d食物一定唔及岩岩蒸出黎咁正..所以我用外賣左返屋企既感覺話俾大家知啦小籠飽(10蚊4隻):我要左兩籠...雖然暖左..不過一口咬落去..d湯就彈到四圍都係...肉質又好..汁又夠味..皮又夠薄但係唔易穿...我話唔好食..你信唔信丫??^^花素蒸餃(10蚊4隻):菜同埋d好似唔知雲耳定木耳既料..雖然暖左不過個皮都唔硬..素得黎好清..清得黎又好香....香得黎又好入味....我就話唔抵食啦...你又信唔信丫.?? 哈哈生煎飽(10蚊5個):呢個就因為係整定既關係...當然就比較遜色少少啦...不過肉汁仍然好好味...一口咬落去...完全搵到我失戀..唔係..係衫戀時候既感覺...仲要係諗住2蚊一個咋............ 我唔

得1條友, 食唔到咁多野. 試0左:生煎飽1個: just ok, 唔似樓下講咁爆汁, 有d失望.花素蒸餃1籠: 有4隻, 餃皮幾薄, 隱約見到綠色0既餡料, 餃入面有木耳同唔知咩菜(白菜?!), 夠清新!蔥油大餅1塊: 微暖, 都ok脆口, 真係幾香芝麻同蔥味喎, 不過對於我呢個食白粥都要落蔥0既人0黎講, 再多d蔥就好喇~豆漿1杯: ok, 唔會過甜.下次再試小籠包先~