上海飽餃店

營業中

休息中

唔係又平又好食平，自然要求低d，食落又唔錯喎小籠包$10四粒，入面係豉油湯汁，ok；不過個皮一般，會穿菜肉蒸餃$10四粒，幾好食，不過有大有細，入面竟然都有d豉油湯汁~ 但係係好食o既我諗呢間野叫蒸的食物會好d，因為係即叫即蒸，而煎的食物係預先煎好的。不過食左三個生煎牛肉包，都幾好味~ $2個…邊到搵…？店員親切有禮~

本身自己都好鍾意食d包包餃餃o既野,上網見到呢到咁多個笑, 就決定一定要試下...尋日特登捉老公黎呢到陪我試下,老公一入到去, 就周身唔自然, 因為呢到真係好細, 又唔靚, 食物供應又唔多,不過都算乾乾淨淨~叫左2籠小籠包, 5隻鍋貼, 1籠蒸菜肉餃, 2隻煎牛肉包&3隻生煎包再黎2杯豆漿呢到有o既野, 都差唔多比我地叫齊.佢地呢到"樣樣野都好好味!!"鍋貼皮薄, 煎到好脆, 正!小籠包皮薄多汁, 一口咬落去....嘩~ 真係難以形容!牛肉包&生煎包都好好味, 一d肥豬肉都無, 又唔會油淋淋, 仲好多汁添.不得不提呢到d豆漿, 係佢都自家制o既,我咁大個女, 都係第一次飲唔係響機到"針"出黎o既豆漿咋... 又唔甜, 夠健康!食到好飽, 都係60蚊, 真係抵抵抵!!以佢地o既水準, 真係好過哂出面所有咩咩大集團

今日早午餐一齊食, 叫左豆漿,蔥油餅一件,小籠包一籠四只,鍋貼x2,牛肉飽x1.蔥油餅呢次少少熱,係整好無耐,皮脆,好香,仲唔油.鍋貼皮薄唔黐牙,又多汁..美味.牛肉飽多肉汁到呢... 我黎呢度食咁多次都已經醒目架喇, 好小心咁食, 但都係唧晒出黎,差d整污漕件衫呢..呢度o既d小籠包全部都係即叫即蒸, 有時如果包定係雪柜o既用晒, 佢仲會即刻包一籠添.. 小籠包一般要等6-7分鐘.. 不過抵o既.. 食時一定要叫佢拎只更, 因為好多汁, 又熱, 無更會好狼狽... 皮薄多汁. 10蚊一籠, 好多咩咩上海舖都無咁o既水準呀.

兩日經過, 一日忍唔住外賣左兩個生煎包,一日買左兩個鍋貼, 生煎包因為係新鮮煎好, 好熱, 個底好脆:9...兩個鍋貼, 雖然唔係岩岩煎好, 但都熱, 皮薄多汁, 好好味... :9四蚊有交易, 好滿足呢..

I like coming here to have dumplings with my boyfriend. People here are very nice. Though it's small, its cosy! Everything's fresh, esp. the soybean milk

我以前時常去買外賣食的, 因為他的飽點真的好好味, 但自從一次行過見到個老闆一隻手搓碎肉另一隻手在挖鼻屎, 從此以後就唔敢再食啦!

有時覺得呢度嘅食評誇張兼有少少失實...呢度竟然有三十個笑臉vs 零喊臉...價錢平係平，但水準亦都跟價錢成正比...生煎包包底煎得唔夠脆，汁亦唔算多；葱油餅算OK，但若果可以再多D葱會好D...端上嚟嘅時候係凍冰冰嘅，扣分...應該只此一次...

已經係第ｎ次幫親...中意佢甘耐都keep倒水準....價錢又唔係貴..今日行開附近又買左蔥油餅...好好味!! 唔會食落成口粉甘..好香脆...另外買左d 鍋貼同生煎包比屋企人... yummy

一向對小籠包呢樣野唔算太喜愛，但老公同阿女都鍾意食，平時係唔同上海鋪都會買返去俾佢地食，果日放工行過見到問鋪，門口擺左蒸籠係度，心諗買D返去俾佢地食都好，於是買左兩籠小籠包，返到屋企已經凍左，心諗味道一定唔好得去邊啦，點知試過之後竟然有驚喜，包雖然凍左，但個皮一D都無穿到，包入便好多汁，加埋佢個加左薑絲既醋，味道出奇地好。如果熱食一定仲正！

今朝同朋友仔黎開呢頭專登黎試下呢間聞名已久又平又好味既食店叫左生煎包,生煎牛肉包,菜肉包,素菜包各1另外仲有菜肉蒸餃同花素蒸餃各4隻鍋貼同豆漿各2食完之後飽到午飯都無食生煎包同生煎牛肉包都煎得脆口,但因為牛肉包煎完好耐,所以只係暖暖地,兩個包身都唔係厚身O個種,豬肉包D汁多得很,搞到我唔小心整到一檯都係,牛肉包個餡幾野味,但因為凍左少少較失色菜肉包聽聞同菜肉蒸餃&鍋貼都係同一種料,菜肉比例大約五十五十,包身據聞都算鬆軟菜肉蒸餃個皮幾薄但唔會一夾就穿,因為係店方新鮮用麵粉即搓即蒸關係,口感較其他街外買好,加少少豆瓣醬簡直係perfect花素蒸餃同素菜包又係同一個餡,有雲耳同菜等等材料,清清地幾好,素菜包包身亦見鬆軟豆漿～甜味適中又有豆味,不錯因為d餃係即叫即蒸,所以要食最好一坐低就叫定喇兩個人食咁多野都只係44蚊抵!!

星期五嗰日八點鍾經過,見到門口仲有生煎包同鍋貼賣,試過之後,覺得唔錯,可是生煎包凍了,下次一定要做些來!

Obviously you are not looking for comfortable sitting here. And clearly, you are not looking for decor or cleaniness of the establishment. But...Both the grilled buns and the scallion cakes were wonderful. It is no different, or even better, than many of the cleaner, more expensive, and better decorated store. I had 2 grilled pork buns, 2 grilled beef buns, 2 grilled dumplings and the scallion cake, for $15!Would go back again anytime I am up for some Shanghainese dumplings!

見咁多人讚,自己係紅磡住的,於是同男友黎試下.入去坐低, 環境都ok呀,店內好明顯有翻新過, 檯子椅子都很新, 廁所門也是新的. 所以坐得都舒服,感覺亦乾淨. 肥哥哥態度都好親切呀,主動話比你知邊樣野係岩岩煎好.又幾好禮貌又有笑容.叫左生煎包, 牛肉包, 煎餃, 同埋小籠包, 幾樣野都煎起冇耐,好熱的. 生煎包同埋煎餃好好食, 牛肉包同埋小籠包就ok. 煎既野都煎得岩岩好,底好香脆,又保留到肉汁. $2一隻真係去邊度搵呀. 對面有對中年夫婦,坐低後發覺冇麵叫,於是走左話去隔離食麵,我心諗你地走寶了. 另外都有幾檯人坐低食, 不過好多人買外賣, 我覺得都係坐係度即刻食最好味.兩個人埋單$30, 食得飽飽又滿足呀.同土瓜灣另一間出名的貴記比較,個人覺得呢度較便宜好味,飽餃也整得較為精緻, 重要的是較衛生.下次試埋豆漿先.又一證明,平野都可以好好食, 食上海野,唔一定要去d"新派"店, 百幾蚊都係食呢d野姐..

早前見到這間食生煎包的店，想起很久沒有吃過，於是相約朋友一起去試。舖頭細細間，賣的都是包點。店裏頗簡陋，只有幾張檯，相信大部份人都是外賣帶走。坐下後，我們點了小籠飽、生煎牛肉飽、生煎豬肉飽、蔥油餅及豆漿。先來我的最愛之一小籠飽有點失望，略乾沒有湯汁，有點像超市買回家的那一種。而且店舖提供的是黑醋，我比較喜歡浙醋。生煎牛肉飽、生煎豬肉飽，個子小小，底部煎得脆脆的，兩款味道都ok，但我比較鍾意豬肉飽。蔥油餅很香而皮又脆，厚薄適中，有很多芝麻，又不會太油，好味。當然還有包點的絶配------ 豆漿。豆漿很有豆味，但對我來說略為甜了。今餐幾經濟抵食，兩個人只是幾十塊錢。但如果你想找個舒適的地方晚飯，這裏便不適合了，一來坐得不舒服，二來是食完便走的舖頭，兼且店裏有陣怪味，應該是麵粉和醋的味道。尚有菜肉包、煎餃、花素蒸餃、鍋貼和饅頭，但一個肚子試不得那麼多。

o係呢頭出入o左咁耐，真係好少o係呢頭食飯...今日係例外。因為個熱情靚姐。間斗室咁細既舖頭（3 檯四人位），o係個星期日朝早竟然有成6 個靚哥靚姐o係度埋頭苦幹，你都唔好話幾夠勁。D 包包餃餃一籠籠、一盤盤o係你前前後後棟到高一高，你都唔好話幾震撼。最抵死既係，$10 五件既包包餃餃可以自由配搭。要o左$10，包括兩件生煎包、兩件生煎牛肉包，同一件饅頭：生煎包同生煎牛肉包都「醬爆」（當然多油）無流汁，新鮮熱辣...坐o係度食，睇住個個買外賣，覺得自己口裏面o個舊都新鮮D。饅頭就真係純粹「搭住食」，清清味蕾同油膩感之用；論味道而言，還是生煎兩食好。初時以為$5 豆漿係普通貨仔，但原來佢比坊間大杯之餘，仲勁豆香...雖然不及o係北京/上海既平同好。好耐無試過$15 食得咁飽同咁開心。（下回預告：仲有間隱世上海舖）