上海豆漿大王

營業中

休息中

呢間餐廳真係由細細個果時開始食到大，食左10幾年🫢但依然都係會去幫襯既鋪頭。不過基本上次次都係外賣番屋企食，今次都唔例外。栥飯 ($20)微溫的栥飯真係好好食！煙煙韌韌既糯米飯包住依然脆身既油炸鬼，仲有甜甜地既肉鬆同少少咸既炸菜😋 每一份食材既比例都岩岩好，外層的飯又唔會太厚，好味道👍🏻豆漿 ($10)食栥飯當然要配豆漿！枝豆漿勁大枝，甜度適中，飲到底係有少少黃豆渣，係真材實料！

小弟又係新墟返工，好耐冇幫襯上海大王！懷念佢地既酸辣湯，其他食物不值一題！見佢推出新餐牌 大王特別推介！就試試酸辣湯飯，畢竟我都係為此湯而幫襯！因為我坐近廚房位，比較明顯睇到佢地既運作！先講炸春卷等等炸物，以為係自己包製夠擔鬼鬼鼠鼠係眾人面前拎個盒出黎，眾多炸物都好明顯就係工場製造買返黎再炸！完全冇上海餐廳既感覺，好想同老細講，點解唔入埋麥樂雞，薯條等等貨物，賺多一筆！然後到小弟碗酸辣湯飯，呢間舖真係好野佢個蒸飯爐預先同d菜擺到各一半！有菜飯就撈埋一齊黎食，冇就盡量分開飯上！然後擺落碗度再淋上酸辣湯我好欣賞！但當然，成碗酸辣湯都係碎菜啦！碗野終於到達我面前，不過不失！缺憾係薑絲同豬皮真係太多雖然我食哂成碗，但完全唔飽肚，因為飯太少！感覺好似食左碗公仔麵，完全唔飽！最後都係要打飽個粢飯外賣！整體感覺呢間舖唔食酸辣湯，其他野都唔抵食！個粢飯擺入口都真係好硬身，晨早整定哂！知道晚市渴求比較多！難怪食開呢間舖既人叫粢飯時都諸多要求！叫粢飯時永遠都會叫呢樣多d 或 走果樣餸50蚊一碗酸辣湯飯，我或許會一個月幫襯一次但唔值得推薦比各位朋友光臨！

屯門新墟地道小食店。。幫襯佢好耐，每次都要飲熱豆漿。食牛肉雲吞粉絲。😋仲有粢飯。😋今次去飲已經淡左好多！好失望。😞飲開超濃黃豆味！！😋問過阿姐話,師傅轉左人。。。

時日單拖的本橘想食個便飯，當然以便宜又大碗入手，C/P為本-行行下就遇上傳說中價廉物美之豆漿大王，見到餐牌上嘅數字就入了-因為時日宜食飯嘅關係，所以本胖叫左份麵底，一份煎餃，一份炸雲吞，一份豆花-1/ 上海排骨菜麵湯底非常之濃郁，雪菜豆卜都好多，排骨剛剛炸起好香脆亦吾會油淋淋亦唔會「乾爭爭」，其實相信平時來講食一份都已經會好飽肚，但係本胖戰鬥力高昂，當然能夠再接再厲2/ 煎餃子豬肉餡非常之多，湯汁充足，韭菜味道香濃，食落口非常Juicy，而且有半隻手掌咁大隻3/ 炸雲吞雲吞裏面有一隻非常大嘅蝦，雲吞有幾大蝦就有幾大，而且炸得好香脆，一咬入去入面湯汁爆出泥，下次食都係要小心唯上4/ 豆花最佳豆大甜品，香滑，豆香濃郁，凍食一流———C/P 值如此高嘅一餐，值得再次回味

上海豆漿大王（Tuen Mun)哩間可以話係小編嘅中學回憶💭 超貼地上海麵🍜 估唔到過咗咁耐味道、價錢依然不變 真係好難得～😋 ⌖ 上海排骨麵🐖🍜💰$34呢款上海麵附送雪菜或榨菜 同小編一樣想食淡口啲可以揀雪菜😙😙 上到枱見到份量超足 滿滿嘅雪菜鋪面 雖然湯底係清湯 但係夾埋上海排骨就啱啱好☺️ 排骨係落單後即叫即整 熱辣辣好多件 用麵包糠炸過相當香口 炸嘅時間亦好準確 夠嫩又保留到肉汁💦 完全係一件接一件 食唔停口🤤🤤 間中食到少少脂肪位置油香味十足 好推介！😍☻ 回頭指數：8/ 10

食過好多次呢間舖頭，環境衛生確實麻麻，但食物非常好味，特別係即製粢飯，仲有排骨上海麵，上海麵可選配炸菜或雪菜，我每次都係點呢兩款，食咗好多年，味道都冇改變，價錢又抵食。

🇭🇰屯門-上海豆漿大王呢間嘢相信係附近返學嘅中學生或者返工嘅人一定食唔少😼佢絕對係平民抵食之選～～好食得嚟價錢又相宜，大大份～～朋友仔仲好鍾意食佢呢度嘅粢飯㗎🤫而我就比較鍾意食佢既大大碟菜飯😎同埋喺入面食飯好有種懷舊嘅感覺 我嗰日平日夜晚去到叫外賣出面都好多人等㗎～～果然係傳統招牌老店 咁多年嚟都屹立不倒👅糖醋排骨菜飯 (⭐8/10) $34首先講吓嗰個糖醋排骨，一打開大概有6-7舊既糖醋排骨，大小不一既～～但我覺得份量都算多 食落甜甜酸酸的味道，好開胃，而且啲肉夠晒林唔會好難咬🤤菜飯正正常常，而家好少地方有得食菜飯，所以有菜飯食我覺得好幸福😚但有個小提示：下次我會叫佢俾啲糖醋排骨嘅汁，因為我覺得個汁多啲會再好食啲😋Btw係呢個時勢30幾蚊嘅飯仲要大大盒有質素真係要幫襯吓 冇咗晚市真係損失慘重🥺唔想呢啲懷舊小店一間一間咁無辜被執～～🎏地址：上海豆漿大王 (屯門)屯門鄉事會路129號康麗花園地下4號舖#hkig #foodie #hkfoodblogger#likeforfollow #likeforlikeback #香港 #followforfollow #food #yummy#l

上海排骨肉鬆菜飯飯嘅份量非常多，基本上一定食唔晒原來肉鬆飯都幾好食如果有更多肉鬆更加好排骨略嫌多油 但新鮮上上海酸辣湯味道係正常，但雲吞既餡料較少。粢飯係新鮮即時包起

 ☕️ 食物：👍🏻👍🏻👍🏻 👍🏻 /5💰CP值：👍🏻 👍🏻👍🏻 👍🏻/5🤵🏻 服務：👍🏻👍🏻👍🏻/5🛋 環境： 👍🏻👍🏻👍🏻 /5Lunch time 時間，有限午餐時間內，同事揸車過黎呢邊食個飯餈飯好耐冇食過餈飯，係細個先有機會成日食到，煙軔既糯米飯包裹住肉鬆、油炸鬼等等豐富的餡料豐富，配上一杯豆味香濃既豆漿 酸辣粉絲雙併上海排骨 及雞翼 酸辣湯好足料，除左口味層次高，酸酸辣辣的，食材都好令人滿足豆腐、豬紅、豬皮、及木耳真係啖啖都有！木耳令到成個酸辣湯增加口感！糖醋排骨菜飯 白菜仔做菜飯，大大粒既菜粒有咬口，糖醋排骨亦都做得好好，好岩送飯 

原本同家人好有期望又好耐冇食過上海嘢諗住嚟食碗酸辣雲吞，同獅子頭， 先唔講賣相同食味跟預期差超遠， 落單嘅時候有個阿叔幫我地落單，我哋落獅子頭，佢亦覆左2次單，都竟然落錯燻魚， 拎到埋嚟嗰陣仲同我哋講我親耳聽到你落燻魚諗住屈我哋， 豆漿要三杯又變四杯，完全將自己既過錯強加在客人身上，好失望，無下次， 唔係老人家就大曬，我哋都算係敬老嗰種， 但對住呢啲唔認自己錯仲要屈人嘅廢老真係感到無語， 完全感受到乜嘢叫做難食，服務差，環境污糟集於一身嘅餐廳，真係狗也不吃

最近重新迷上上海豆漿大王。記得細細個屋企人會買餈飯返黎食，漸慚定義左我對「餈飯」既印象，對我黎講，上海豆漿大王係正宗餈飯既味道。不過唔知幾時開始，餈飯慢慢係我生活中消失，已經好長一段時間冇再幫襯。最近舊地重遊，重拾兒時回憶中既味道，意外發掘店內其他美食。首先一定要提既係餈飯，必點之選，好受街坊歡迎。煙煙軔軔既糯米飯包裹住肉鬆、炸菜、油炸鬼，餡料豐富。肉鬆香口，炸菜爽脆，如果好彩遇上即叫即包的話，油炸鬼仲會係酥脆，呢個組合一絕！店員會問需唔需要剪開一半，如果唔係同人分享的話，建議唔剪，熱力保持得較耐。一個人食一條餈飯已經好足夠，配埋豆漿食十分飽肚。咸豆漿出於好奇心之下我點左咸豆漿，一試竟然上癮，呢排成日心思思想食。材料組合同餈飯有點相似，都有炸菜、油炸鬼，除此之外仲有蝦皮、蔥同埋熱豆漿。一睇就感覺好有營養，鈣質滿滿。咸豆漿要趁熱飲，放涼左會好咸，但要小心燙口，呢間既豆漿會煮到好滾。除左餈飯同咸豆腐外，酸辣湯亦非常值得推薦，用料好足，炸雞翼係雞全翼，抵食，不過有點咸。有好野當然亦有伏野，試過一次炸獅子頭，好伏，應該係麵粉多肉少，食落好粉。總體而言：味道：兒時經典，味道十幾年不變性價比：街坊

👍🏻上海排骨菜飯 $34豬扒唔算厚切，但大大塊炸得脆卜卜，肉醃得入味但偏咸塊豬扒比較瘦，肉質食落乾左少少🤥菜飯用左白菜仔，菜粒大粒有咬口跟左五香牛肉汁，不過味道比較淡😐呢個價錢黎講豬扒同菜飯既份量都好多，抵食🤰🏻！味道：7/10性價比：9/10-👍🏻五香牛肉菜飯 $34牛𦟌薄切，五香味煮得好入味好香濃😛煮到質地偏淋身，夾耐啲都會斷開個種🤣推薦菜飯跟冬菇鮑汁，冬菇味好濃郁，好食😋👍🏻牛𦟌都有7塊，抵食🙆🏻‍♂️！味道：8/10性價比：9/10-📍上海美美豆漿大王屯門鄉事會路129號康麗花園地下4號舖

呢間鋪賣既上海菜未必齊全但佢林立屯門好多年 係我由細食到大既街坊小店😂環境同裝修雖然麻麻地但價錢夠晒貼地 份量又足 星期六日好多人叫外賣 做到店員無停手但佢地服務態度仍然都好好👍🏻🥢 酸辣雲吞麵 $36酸辣湯配料幾足 有木耳絲 豬皮 豬紅 豆腐 微酸微辣 天氣凍凍地食好暖胃～仲有五粒雲吞 肉質比起平時食開既硬身少少 菜肉微辣好似食到類似胡椒味🥢 上海排骨菜飯 $34呢款真係我食足咁多年！之前買親外賣都勁大盒！菜飯裝滿成個飯盒 女仔既話真係可以分兩次食！堂食份量依舊多 上海排骨又係勁脆口 加埋辣椒醬仲好食 不過都幾多油下 但呢個價錢真係夠晒貼地.. 出面連鎖餐廳賣盒飯多數都$40起啦🥢 糖醋排骨菜飯 $34骨同肉好易分離 唔洗點用力咬 不過無乜汁🥢 熱豆漿 $8無糖要自己加糖 岩晒平時唔係點飲甜既人🥢 凍豆漿 $8飲到底有d豆渣 不過呢個甜度幾岩我跟住再叫多個外賣 4個人食$200都唔洗 抵到爆 不過如果想食豐富既上海菜呢間未必適合 但如果想食平又唔想食茶記可以一試😂😂😂

🧑🏻‍🎓唔知大家有無啲由細食到大嘅舖頭呢？P仔就有一間喺好細個就食開嘅餐廳，食到佢搬咗舖都仲有食緊，而佢就係上海豆漿大王！🍜呢間上海豆漿大王其實主打就係啲上海湯麵、菜飯、餈飯等到嘅嘢，好味之餘仲好抵食，HKD 50以下就可以食到勁飽，超級正👍🏻🍙餈飯 HKD 18喺呢到P仔必推嘅一定係佢哋嘅餈飯，即叫即包上枱熱辣辣，入面仲要勁多饀，有咸咸脆脆嘅榨菜、甜甜哋嘅肉鬆，仲有帶啲油香嘅油炸鬼，畀唔會太厚嘅糯米飯包住真係超好食！早餐或者下午茶食一個配杯豆漿就勁滿足！🍜上海排骨麵 HKD 32另一個都係推介嘅就係佢哋嘅上海排骨麵，勁平之餘又勁大碗，一碗加個小食應該夠2個人食飽！佢嘅麵係中式啲嘅上海麵，你可以揀要雪菜或者榨菜，P仔就食開雪菜嘅；而佢個湯清得嚟唔會話無味，不過P仔就鐘意加辣豆瓣醬，唔會太辣但係香好多！🥩至於佢哋嘅排骨其實好似係炸豬排咁，同麵會分開上，而且會幫你切好，份量都幾多！佢哋嘅排骨會有少少粉包住再炸，食落都幾脆，帶少少香料味，不過P仔就覺得好似有啲實實哋同太乾，但係整體都唔錯嘅！🥟炸上海雲吞 HKD 22 / 5佢哋嘅炸雲吞都好值得試，炸到勁脆，入面包

2021年1月15日(五) 到今日為止，我人生只吃過三次「鹹豆漿」第一次在上海蘇州，當時唔識寶，覺得怪怪的。第二次在台北阜坑豆漿，驚醒我的味蕾，原來咁好味。喺社交平台見到台灣朋友飲豆漿，突然間醒翻起，喺台灣嘅時候覺得鹹豆漿好味，立即上網搵吓香港邊度有鹹豆漿飲第三次在屯門上海豆漿大王，三個地方三碗都唔同味道。是日晚餐鹹豆漿$14佢嘅味道係鹹粉仔嗰隻味道，我鍾意食鹹粉仔，呢種味道及質感個人就麻麻哋。粢飯$18佢嘅飯唔多，薄薄一層糯米飯，包住仲有少少脆嘅油炸鬼、榨菜、肉鬆酸辣湯$20夠酸、夠辣，質感篇稀，水汪汪，材料唔算多想要套餐，遮遮用超級衰嘅態度、語氣、加眼神，回覆：晚市冇套餐。去得呢啲地方就千祈唔好講環境、衛生、服務，遮遮態度、語氣唔好，想食好嘢就要受下氣。雖然我喺屯門飲飲食食好多年，呢間上海豆漿大王我都係第二次幫襯。上次食左油豆腐粉絲、上海排骨，正常味道未至於會刻意再嚟食第二次今次幫襯係因為非常想飲鹹豆漿，搵左元朗屯門，得呢間有得賣，所以先有今次嘅第二次光顧。下次的第三次光顧，應該係試佢嘅「排骨粢飯」，因為第一次見，喺其他地方未見過咁樣配搭