上海豆漿大王

營業中

休息中

#搞串個pantry今次我哋有同大家嚟到#屯門 搵嘢食啦，今次就搵到一間非常街坊嘅上海平民菜館🥢，主打一啲豆漿🥛、粢飯🍚、糖醋排骨🍖、上海燻魚🐟等等。舖頭同普通茶餐廳嘅裝修冇分別，座位唔算闊落，高峰時期應該幾逼🤯。今次我哋就嗌咗🟠糖醋排骨菜飯($42)、🟤油豆腐配上海排骨上海麵($45)、🟡鮑汁冬菇(半碟$27)。糖醋排骨菜飯🌟🌟🌟🌟菜飯個賣相唔係咁好，有啲散，不過食落去口感唔錯🤩，飯粒同菜嘅比例剛剛好。糖醋排骨係另外用碟上👍🏻，望落感覺好似滷水汁，但係食落味道竟然係似咕嚕汁，都幾好食🤤。江蘇一帶，包括上海菜都偏甜🧐，但呢味糖醋排骨又未去到好甜。口感方面，肉質好腍好入味💕。油豆腐配上海排骨上海麵🌟🌟🌟油豆腐即係豆卜，而呢度嘅油豆腐入面釀咗啲肉末菜末😋，食落口感同味道都冇咁單調😝。而上海排骨亦都炸得好鬆脆🔥，但略嫌口感有啲乾身。鮑汁冬菇🌟🌟🌟呢個鮑汁冬菇就普普通通😗，同外面車仔麵嘅冬菇，口感味道都好相似。但係以$27💰呢個價錢嚟講，呢個份量都幾抵食💕。

今日行開屯門， 朋友話帶我食兒時味道😌. 就試左哩間上海小店. 店面環境一般啦，就好似平時果d 舊式既街邊雲吞麵舖, 唔好太大期望😃我今日試左店豆漿 同 栥飯😌個栥飯新鮮即包，拎上手仲係熱嫁. 仲好足料添. 玉眼估計有成半條油炸鬼. 望下個橫切面就feel倒幾強勁啦😆😆😆俾多個大頭照你地先👇🏻我今日想試d 特別既野, 就點左咸豆漿. 個咸豆漿勁多蝦乾囉🤩🤩🤩 不過你地就得要攪勻佢先飲，我冇攪飲到底就好咸🙈🙈🙈

屯門很少上海食肆，很多街坊會幫襯。一想到豆漿，栥飯，炸雞翼，就會來。炸雞翼，不是全隻，中間那段加尾段尖尖，沒有雞搥部分，味道有兒時在家吃過回憶，媽媽做的效果。腌料，估計有少少盬，糖，胡椒粉，酒。每次吃两隻，不多不少。上海排骨，即是炸豬扒，都好味，剪開了一件一件，感覺有點乾，腌料多一糖份，會好些。炸菜上海麵，炸菜不辣，好味；上海麵，正常水準。湯，也可以。這两餸麵餐，只是$47. 加1杯凍豆漿($8），簡單清淡，少糖，入口舒暢。

絕對肯定轉了手啊～慘。因為一入座，眼見2位男師傅在角落廚房整野已經估到7成了，之後侍應姐姐對客態度極好，好到令人有點不安(犯賤)，因為之前食過啲姐姐都係一如既往態度對客，唔算差但未至於好好，所以應該估到8成了，點了酸辣湯，一直有食開，今次比以往的辣，估到9成了。朋友就點了炸獅子頭外賣，留待回家晚餐食，之後朋友打俾我，話食獅子頭時發現裡面有芫荽，唉～估中10成了。我和朋友都極討厭芫荽，所以。。。。可一不可再了，又一間老店沒落。

經過一間上海野，叫上海豆漿大王，睇落有番d 歷史決定試下叫左一個雙併上海面，配上海雲吞+上海排骨上海面可以揀雪菜或者榨菜 雲吞足料夠味，啖啖肉👍🏻上海排骨略有油味，但勝在份量多👌🏻湯面味道比較清，面份量充足👍🏻埋單$45 性價比高👍🏻

童年回憶沒了食左24 年味道沒了估計係轉左手，上次收工食左次覺得怪怪地今次放假再挑戰多次證實不可一不可再一入門口，無乜客人都估到賴野呢廿年黎都係keep 住起碼有幾枱客任何時段叫左淨雲吞炸雲吞炸豬扒菜飯凍豆漿淨雲吞個皮唔熟，生既，但d 肉熟即係分開煮再過滾熟個皮上枱食多兩粒，仲有一粒入面成pat 粉炸雲吞，上枱仲有白色粉響表面以往用炸爐應該無可能有粉響面而家可能轉左氣炸窩但心仲有d 生炸豬扒，算合格，又係有粉響表面菜飯偏咸，撈得唔雲，唯一賣點係無之前甘爛，但d 菜有味精味。豆漿，好明顯溝水，無豆味。anyway ,簡單明快都可以食既，不過見到無乜客，應該d 街坊同我都係甘諗，知道當年既已不可再。

長征屯門🤣試試呢間老字號人均都唔洗$40有質素亦有良心個個都話自己正宗計我話 正唔正宗有咩所謂😋好食咪得囉⍥ 熱豆漿 ❙ $8熱度足😋零甜味 豆味濃大大碗 八蚊係良心價！嫌唔夠甜可以自行落糖而我鍾意原味道喎😘⍥ 粢飯 ❙ $21可以幫手一開二即使唔係即叫即包 但依然好有溫度！糯米睇落好乾好硬🫶🏻🫶🏻慶幸食落去幾軟糯我呢個呀婆胃都無投訴🤭油炸鬼唔脆要扣少少分肉鬆份量幾多 夠晒香榨菜對我黎講非常鹹！！！但史生就覺得味道岩岩好😅食到尾尾仲有餡架Overall餡料比例幾balance 我都覺得係好食既😋👍🏻⍥ 上海燻魚·上海排骨·上海麵 ❙ $48史生想食而我本身唔好燻魚雖然唔熱但都聞到香味燻魚偏乾偏硬 😯浸係湯到會有改善但都得唔到我既芳心🥺另外 原本叫糖醋排骨😬但黎錯左上海排骨好多人食架 應該都係招牌之一唔係厚身豬扒炸衣薄而且微熱仲keep到鬆脆比燻魚加分得多🤤呢個餐可以揀雪菜/榨菜 我地揀左後者 落係湯到相對無咁鹹☺️跟上海麵我覺得係完美配搭

老公今日收工塔巴士係新墟附近落車，經過上海豆漿大王，就買左個香炸雞翼菜飯（加糖醋汁）比呀仔。香炸雞翼菜飯 $37： 今次入面啲菜粒比平時大粒，搞到呀仔揀晒啲菜出黎吾食（激死我），我同老公都覺得飯盒size比以前細個左，而價錢係比以前貴左，但仍算抵食。我先筆起左一碗飯比呀仔，跟住自己加左佢既辣椒醬用黎撈飯，佢個辣辣椒醬我覺得好好食，但因為我吾記得少飯左，所以變到好咸。呢間餐廳最大問題係成日都等好耐，啲態度又好惡。

今日由 👦🏻 帶大家尋找佢學生時期既飯堂即使到宜家都要去幫襯呢間既粢飯平日下午兩三點去到都幾多人幫襯既多數都係附近老街坊或者學生裝潢設計都有啲歷史 😂 十分舊式雙拼菜飯 𝖧𝖪𝖣𝟦𝟩 建議叫少飯😂真係好大碟🦁炸獅子頭大大粒 外脆肉嫩 有咬口又𝖩𝗎𝗂𝖼𝗒～🍬糖醋排骨醬汁酸酸甜甜 十分開胃排骨入哂味 肉質軟腍 推介❤️🍗香炸雞翼估唔到係雞全翼 正正常常🦴上海排骨薄切豬扒 即叫即炸 不過炸到有啲乾柴🥛 豆腐 𝖧𝖪𝖣𝟪無糖 超香濃豆味 完全無添加呢間老鋪入面全部都係有啲年紀既姐姐想要服務就唔好諗啦 😂 衛生上 間唔中都蚊仔不過呢間價錢 真係大件夾抵食！𝖳𝖺𝗌𝗍𝖾 ♥︎♥︎♥︎♡♡𝖲𝖾𝗋𝗏𝗂𝖼𝖾 ♥︎♥︎♥︎♡♡𝖣𝖾𝖼𝗈𝗋 ♥︎♥︎♥︎♡♡𝖧𝗒𝗀𝗂𝖾𝗇 ♥︎♥︎♡♡♡𝖢 / 𝖯 ♥︎♥︎♥︎♥︎♡

諗住好耐無食栥飯就試下，買埋酸辣湯，排骨上海面首先，收錢阿叔見我係門口望食乜，都唔打個招呼/介紹下都算入到去落單，態度其差，仲話「你叫三樣野下話，企出面等」點呀？似住開左咁多年，都係做附近生意，可以咁講野？收錢講句多謝都冇栥飯糯米九成，硬到生米咁，又乾酸辣湯稀當當，兩條木耳個面一餅野貼錢買難受！都唔明點做咁多年，呢個價錢附近大把選擇，駛鬼揀你？好快被淘汰，期望開過新

今日下午好大雨去到屯門，見到呢間上海小店有粢飯同鹹豆漿，加上分別只係$21同$16,粢飯餡料都足有榨菜，肉鬆同油條，鹹味好夠，鹹豆漿有蝦皮，葱粒，榨菜同油條等，整碗鹹豆漿食落幾濃郁，呢度d上海小食價錢相當親民！

屯門數一數二嘅上海茨飯，即叫即製經過一定會買一個當早餐！仲有足料鹹豆漿，有蝦皮，榨菜，有炸鬼，食一碗已經好飽好滿足‼️菜飯都讚，用小白菜整，仲要都好多菜🔥環境就係普普通通啦 服務都無咩，不過尼個價錢都唔要求咁多啦😂

本來一向都好鍾意食呢間上海麵，間唔時都會叫下外賣，以往都唔使加錢分湯，剛剛去買嘅時候，收銀嗰個阿叔主動問我要唔要分湯，話加兩蚊，我話好呀要分湯，咁佢收咗我$42，之後到我攞外賣嘅時候，已經見到得返一碗，即係冇分到啦，我就同阿叔理論，佢一口咬定大大聲話我冇講，仲問我比咗幾錢，我話唔知$41定$42，當時我俾佢大到，以為真係佢冇收我錢所以冇分湯，返到屋企回想返成件事，我好肯定我有同佢講我要分湯而佢又真係收多咗我兩蚊，我打返落去同佢再理論，我話唔係我冇講係你主動問我要唔要分湯，我話要，而我又真係比多咗兩蚊你，佢之後先話係呀係呀係呀係呀係呀，講咗好多下都唔知係乜，仲話下次唔知點樣又乜乜乜。總結已經唔係兩唔兩蚊嘅問題，係條氣唔順比多左仲要咁樣俾你屈😤😤

套餐C $44炸獅子球+上海排骨 配粉絲 好味指數 3/5 🍭🍭🍭{獅子頭外表炸得很香脆 裡面係帶點肉汁既肉碎 一份有四粒 份量很多 上海排骨炸得較乾身 肉質較實 湯底可選炸菜或雪菜 粉麵亦可選上海麵 粉絲 米線 份量超多}糖醋排骨米線 $34 +熱豆漿 $8好味指數 3/5 🍭🍭🍭🍬{排骨軟腍入味 酸酸甜甜很開胃 一份既份量很多 豆漿豆味很香很滑}粢飯 $20好味指數 3/5 🍭🍭🍭{一個粢飯很大個 一個人食絕對超飽肚 餡料亦很豐富}

好多年冇食過這間豆漿大王， 但唔記得咗好唔好食， 見佢開咗咁多年都押立不倒 ，應該都有一定水準 ， 所以行下行下就入咗去食 雪菜五香牛肉麵$34五香牛肉，即是鹵水牛展， 滷得入味， 麫係傳統嘅上海麵 ，又大碗 ，雪菜也不吝嗇 ， 又不會太鹹，不過像我們這些重口味的人來說就略嫌湯頭太淡 。 雪菜上海雲吞麵$32有五隻上海菜肉雲吞， 味道不錯， 對於我嘅口味來講湯頭淡咗少少， 我加咗佢放在桌面上嘅蒜蓉辣椒醬和黑醋來自製一個酸辣湯 鹹豆漿$15櫻花蝦太多， 櫻花蝦味濃郁， 如果唔喜歡櫻花蝦嘅人就會覺得櫻花蝦味道蓋過豆漿嘅豆香。