上海弄堂菜肉餛飩 (歌賦街) (已搬遷) 新店位置

吃上海弄堂最大的煩惱是有太多東西想要吃，而胃卻只得一個，在一人餐掙扎了很～久～才決定散叫因為太想吃砂窩雲吞雞了！每次必喝的豆漿砂窩雲吞雞(1/4隻)煮得奶白色的雞湯，浸著煮得軟嫩入味的的小棠菜，湯頭既清甜又好喝。雞肉有5、6件，配上出名的菜肉雲吞，是道素、肉、澱粉俱備的一窩湯。菜肉雲吞，滑順可口，菜多肉少，非常健康。賽螃蟹男友每次食上海菜都會點賽螃蟹拌飯吃。這裡的蛋白煮得很嫩，不會水汪汪或炒得太久變老，火喉很剛好！這裡的座位很闊落，員工好客有禮，不錯！

朋友介紹，呢間上海菜真係有上海人煮嘅味道，於是，我又山長水遠咁嚟試吓啦～鋪頭位置係上環站，行樓梯直上就到，附近都幾幽靜，果然係隱世美食～內裡裝修古色古香，好有舊上海嘅感覺～睇見菜單，好多都好吸引、好想試《醉雞擔擔麵》雞夠滑，酒味唔算濃，但好香～ 擔擔麵未到已經聞到佢嘅花生香味，試一啖湯，香味濃，辣味夠～唔係好食得辣嘅我都覺得辣得好吸引～麵身唔太粗，好掛湯，麵質軟硬度剛剛好，好咬口《乾拌麵》乾蔥加蝦米，再撈埋秘制醬油，咸香嘅麵愈咬愈香，好味都停唔到口～《鍋貼》鋪頭最出名雲吞，但見鍋貼白裡透紅好似仲吸引，所以決定試吓。果然係無揀錯，皮薄夠脆但唔易爛，肉餡鮮甜，而且咬落有陣特別嘅香味問番負責人，原來餡料會用新鮮豬肉制，所以會特別鮮甜，而醬汁係秘方，唔講得～ 

經常經過歌賦街，都見到呢間上海弄堂，今日就決定同朋友過來試試啦！Menu都好多選擇，最後就叫左幾道菜！酸辣湯大概是上海菜必喝的吧！湯料比想像中豐富！不是很辣，對於不是很好酸味的我，酸度剛剛好，甜度多了一點，但整體都不錯醉雞！嘿，醉酒味不錯，只是雞比較老🤣如果是滑肉的部分就會更加好啦這個菜不錯呀！清清地，味道不會太咸也不會無味！回鍋肉抄年糕！朋友說味道不錯，我個人認為比較味濃，有點甜..送飯會好一點！所以就叫左碗菜飯啦！ 整體這裡的食物分量都比較大份呀！建議多點人來吃可以吃到不同的菜式

豬仔今日喺灣仔上完堂中午時間肚餓要去食飯問問係上環返工嘅朋友佢都差唔多時間放lunch於是就過咗去搵佢食飯啦想食九記牛腩 過到去發現條隊好長企埋去排一陣就放棄左 排既隔離係間上海餐廳因為好肚餓既關係 唔想再諗 於是就同朋友入左去試吓上海小籠包一黎到熱辣辣即刻食 點上薑醋咬一口仔吸湯汁 湯汁滿瀉 充滿鮮味好味道酥炸排骨 配 擔擔麵另可選湯麵、白飯或菜飯等排骨大大份 炸得香酥擔擔麵花生味濃郁鹹肉炒津白其他地方既津白通常會比較淋依邊煮得較特別 比較清新爽口午市套餐跟野飲甜甜地既豆漿 同朋友一人一杯一個lunch咁既份量岩岩好有肉有菜 有營又健康

今日同老公出中環，取驗身報告後，途經歌賦街發現有間食上海小店「上海弄堂菜肉餛飩」就食埋中午飯才回家啦！進入餐廳內，座位寬敞，加上柔和嘅燈光好舒服啊！😌餐具都好整潔乾淨👍👍先來一碟《陳年花雕醉雞》＄78，酒味濃郁，吃到涼涼的雞皮下，結成透明啫喱狀的膏！正😋😋再來《香煎鮮肉餃》＄38，咬落肉質豐富，香脆可口😋😋再來《上海春卷》＄29，熱騰騰咬落香脆，香菇味道非常香啊！😋😋老公嘅至愛《小籠包》＄38，皮也算簿，肉餡有咬口，好味😋😋最後來《豆沙鍋餅》＄40，店員很細心安排最後入單的，豆沙是我的最愛，紅豆清香，甜而不膩😋😋吃到飽，很滿足的一餐😍😍

歌賦街有好多唔同種類嘅餐廳，但因為想食清淡啲，所以就揀咗呢間上海嘢嚟食。佢面類嘅選擇有好多，其他嘅食物選擇就同一般上海餐廳差不多，應有嘅都有。平時上海餐廳嘅份量都會比較細，所以我哋5個人，叫咗煎餃子、小籠包、炒飯、春卷、黃金排骨菜飯，糖醋魚塊、豆沙鍋餅同嫩雞煨面，仲有京蔥炒牛肉。呢度嘅份量俾我哋想像中多，所以我哋都幾乎食晒。以佢嘅價錢、質素同份量，性價比算係不錯。特別要一提嘅事佢嘅煎餃子，外脆內juicy；嫩雞煨面亦非常之清甜，係我最欣賞嘅。

有屋企人生日，想搵間坐得舒服而寧靜嘅餐廳好好地慶祝下，所以就放棄咗鬧市區，而選擇左歌賦街嘅呢間上海舖。一坐低，侍應就拎上小食，呢啲花生令人好有驚喜，因為佢係有麻辣味，非常惹味。以下眾多嘢食方面：我同屋企人特別欣賞佢個炸春卷，因為真係炸得好香口，但入面仲好juicy，一d都冇流失水份，再加上佢嘅餡，令人唔會感到油膩，而係非常清新。除咗食物之外，呢度嘅服務都值得一讚，侍應知道我地慶祝生日，都好細心留意我哋需要，幫我地準備碟、叉、同打火機，仲好熱心地幫我地影相，非常之Nice。

上個週五開始一連三日都要到Clockenflap睇show，不過場內的小食檔不是burger 就是pizza，實在不夠多元化，於是星期日趁Wolf Alice 開show 前的中場空檔，來到SOHO區的上海弄堂菜肉餛飩吃中菜。內裡老上海的裝修風格散發復古氣息，坐得寬敞舒服。餐牌選擇頗多，全是正宗傳統的滬式風味。茶錢每位$3，再加前菜收費為 $10。韭黃炒鱔糊 $128鱔糊炒得鑊氣十足，說不油膩就是騙你吧，但這才是舊上海的經典味道啊！以這個價錢來說，鱔魚份量確實偏少，反而銀芽比主角還要多。沾滿醬汁的鱔魚香濃惹味，只是略嫌肉質未夠爽滑軟嫩。黃金排骨菜飯 $59一小碗香香的菜飯，配上個下飯菜，就已是經典美味的開胃配搭。預先切件的排骨表皮炸得輕薄酥脆，肉質軟嫩，卻沒有半點肥肉，即使是炸物卻完全不覺油膩。菜飯煮得挺軟糯清爽而不膩口，米飯粒粒分明，吸滿蔬菜高湯精華，特別香噴噴。炸銀絲卷 $20金黃色澤極之誘人，沾上少許甜甜的煉乳，以最簡單的食材挑起最深層的味蕾享受。包子熱得燙口，口感外脆內軟，油份不會過多，一絲絲的銀絲卷比起炸饅頭質地更加綿軟。

早前在灣仔分店吃過晚飯，還記得好評，這次親戚來訪，便約到就近分店吃午飯。中午時段的午餐優惠性價比更高。首先便要了黃金排骨麵。碗麵份量十足，湯底依然是最值得一讚，味道清新，麵條滑韌。小籠包的做法正宗，包皮爽滑，內裡湯汁濃郁，肉餡鮮美不油膩。最值得一提的是前菜薰魚，薰魚一直是上海菜式中出名的特色小吃，別有風味，這家的薰魚味道濃郁，魚肉香脆，甜而不膩。沙鍋雲吞雞的性價比最高，湯底一如以往的出色，清香鮮味，味道剛好。雲吞六隻，加上小棠菜和滑雞，賣相和味道都很不錯。整體來說是很出色的上海菜館，價錢合理，出品上佳，值得一試。

今日要去中環元創方，諗住去吓好耐無去嘅九記牛腩，點知去到，門口勁多人排晒隊，起碼有50人，個個揸住旅遊書！原來九記已經成為旅遊熱門景點，遊客必到嘅地方！我哋香港人無謂同佢癲，要排成粒鐘先食到野㗎！於是行前幾步有間好似新新地嘅餐廳食上海野，一於試吓，餐廳叫做上海弄堂菜肉餛飩午餐都有很多選擇，我選擇了酸辣湯，醉雞，擔擔面加豆漿我喜歡乾淨有品味的餐具午餐時間都爆滿，我想是附近返工的人放飯好選擇先來一杯香醇的豆漿，充滿豆味唔算太甜每次食上海野我必定要酸辣湯，酸辣湯夠酸夠辣，鮮香美味醉雞洒味香醇擔檐面一定要撈勻來食因為花生醬喺底部，又香又濃，食指大動我慢慢嘆到所有人走晒我最後先離開，服務員都沒有趕我走🤣✌️好近元創坊㗎

難得同老公喺中上環hea😎，佢話想食上海雲吞喎，就下佢啦。走到歌賦街，見到上海弄堂，弄堂即小巷的意思，舖頭位於此街，好貼切。裝修走懷舊風，吊扇，屏風，掛滿懷舊相。先嚟個紅油抄手，細膩嫩滑皮包住新鮮嘅肉餡，配上香濃辣油，蔥花，好味，午餐仲送豆漿。擔擔麵，麵身煙韌。配上豬骨湯，碎豬肉，蝦米粒，炸菜粒，香蔥，花生，味道濃沃。陽春麵，雖然冇擔擔麵咁多配料，但係麵身夠得煙韌，唔會淋啤啤，加埋紅油抄手同滷牛腱一齊食。自製滷牛腱，呢個係冷盤，牛腱鹵得入味，加埋辣汁，好惹味。在小巷吃過上海菜後，繼續我哋嘅慢活之旅🌿

歌賦街除左有九記，仲開左上海弄堂。1人套餐 $88涼拌小黃瓜加香菇烤麩，配上湯麵(轉擔擔麵)。小黃瓜睇隻色就知入哂味 烤麩都係我其中一樣好鍾意食既上海菜，呢到都做得唔錯，夠凍同埋幾入味，如果可以再濃少少仲正。擔擔麵就中規中矩啦。脆皮素鵝($59)，炸到超級香脆既素鵝內包住蘿蔔絲木耳絲等等配料，素鵝既香脆加上配料既爽脆，口感好滿足，味道都唔會因為純素菜而太淡。小籠包($38)，包皮做得煙靭，湯汁充足，肉味都算濃。菜肉餛飩非常大隻，肉味都香濃，清清淡淡幾好食。

自從上一次喺黃大仙食完上海野之後，已經好耐冇再食上海野。今次我哋係工作環境附近搵到一間上海餐店，裏面最出名嘅係餃子！非常之適合我哋兩個。我哋一嚟就點左一個上海嘅砂鍋雲吞雞，材料十分之豐富！有差唔多大半隻雞，之後有六粒左右嘅雲吞。重點係雞湯味非常之濃郁。之後我哋重叫左一個一人套餐，裏面包括嘅上海春卷，呢個春卷可圈可點，不過不失。然之後就到上海其中一道上海名菜獅子頭，呢個獅子頭嘅做法同其他唔同，呢一個係比較水嘅，出嚟嘅效果亦都十分之好味，味道比較淡一啲🤤同埋最後就係有麻醬同埋辣辣地嘅擔擔麵，呢個係我哋最鍾意食嘅上海麵，可以話係講必食！

中午同同事一齊食lunch行到去九如坊咁遠老遠已經見到九記排曬長龍好彩唔係食佢餐廳對面有一幅壁畫幾靚不過冇影底午市真係好多人等左成15分鐘先坐得低響等位途中已經諗好晒食乜一坐低就即刻送咗杯豆漿上嚟先豆漿好甜冇豆味飲到最底有好多豆渣響度應該係午市太多人一早就倒好晒無錫骨同醉雞無錫骨幾好味不過肉滷到又硬又老醉雞好重酒味排骨同烤麩排骨冇乜特別普通炸豬扒烤麩有生根同冬菇少少甜幾好味擔擔麵估唔到個擔擔麵幾辣不過除咗辣味就冇乜層次湯底都唔夠濃亦都冇乜咸味同埋間野嘅服務態度真係麻麻地見我哋張枱仲有一個位就想坐多兩個客入嚟好彩個兩個人都覺得迫行返出去冇坐低同埋雖然見到佢出邊有五個喺度等緊枱但係都冇理由餸都未食晒就收走佢坐低唔夠15分鐘就俾人趕走左喇服務質素有好大進步空間茶記都坐得舒服過佢我估晚市可能會好啲掛

在中環上海菜館不多有日走到歌賦街找到了間正宗上海菜館餐廳四方企理，坐位舒適，店內設計裝潢很中國風，用上木椅，牆上又有掛畫大字貼午市有幾款價錢相宜的套餐我就選了黃金排骨配菜飯，還送熱豆漿($52)排骨炸得很香口惹味，感覺很上海風味，不會炸得乾，面香脆內肉腍味道很好，另外配菜飯豆漿 有益健康！在中環算是很抵食的午市套餐囉