上海弄堂菜肉餛飩 (歌賦街) (已搬遷) 新店位置

豬仔今日喺灣仔上完堂中午時間肚餓要去食飯問問係上環返工嘅朋友佢都差唔多時間放lunch於是就過咗去搵佢食飯啦想食九記牛腩 過到去發現條隊好長企埋去排一陣就放棄左 排既隔離係間上海餐廳因為好肚餓既關係 唔想再諗 於是就同朋友入左去試吓上海小籠包一黎到熱辣辣即刻食 點上薑醋咬一口仔吸湯汁 湯汁滿瀉 充滿鮮味好味道酥炸排骨 配 擔擔麵另可選湯麵、白飯或菜飯等排骨大大份 炸得香酥擔擔麵花生味濃郁鹹肉炒津白其他地方既津白通常會比較淋依邊煮得較特別 比較清新爽口午市套餐跟野飲甜甜地既豆漿 同朋友一人一杯一個lunch咁既份量岩岩好有肉有菜 有營又健康