上海弄堂菜肉餛飩 (歌賦街) (已搬遷) 新店位置

高質中環午餐之超濃花生味的擔擔麵 ～～～部門裡面有個家鄉在上海的同事 出國讀書多年 讀完書便直接回來香港工作 本來想工作時 找機會回鄉探望親戚 結果由於疫情關係 所以也沒機會回去 她說她最懷念的 是外婆親手做的擔擔麵🍜小時候不愛吃東西的他 總是能把外婆的擔擔麵吃過清光可惜在在這可怕的2020年 外婆已經離開了......為了讓同事重拾心情這段時間我們經常陪她去吃上海菜 希望能找到她心目中的外婆擔擔麵👵🏻～～～餐廳環境好優雅 帶點書卷氣 而且又唔會好迫整體幾舒適 適合中午過來放一放鬆 食個飯 佢哋有多款午市套餐例如有餛飩 擔擔麵 菜飯 各種上海小炒等等 我們則叫了無錫小排骨 蝦仁跑蛋 酸辣湯 菜飯 擔擔麵菜肉餛飩 和非常特別的法國🇫🇷鵝肝有機紫洋蔥餛飩～～～無錫小排骨：酸酸甜甜的小排骨甚是開胃 醋汁的味道令人一試難忘 配搭花生味非常濃郁的彈牙擔擔麵 想念外婆的同事亦非常滿意 她說雖然不完全是她記憶中的外婆味道 但如果外婆在的話 應該也會愛上～～～蝦仁跑蛋：爽彈蝦仁粉粉白白 非常漂亮 下飯到不得了 令人幾下工夫 就把菜飯扒個清光～～～菜肉餛飩：皮薄餡靚 菜新鮮 肉味濃 湯底仲可以自由轉換味

天有不測之風雲，正所謂放工先黎落雨，唔通連個天都唔鍾意我？本與男友有個在別區有個約會，風大雨大，懶得冒雨等巴士，索性就在公司附近快快食就算。上海弄堂是一直都幾喜歡的餐廳，最喜歡佢有一人套餐，包了前菜、主菜和飯。是次點了一個咕嚕魚塊套餐，另加了一個食上海野少不了的賽螃蟹。套餐小食要了鎮江肴肉，晶瑩剔透、爽口不膩，吃起來層次分明。咕嚕魚塊酸酸甜甜，拌飯一流，大概有五六塊魚肉。男友最愛的賽螃蟹蛋白水嫩，蛋香滿滿，拌勻蛋黃更是一絕！

一向都知道歌賦街出名多好味嘅小店, 今晚就黎左呢間食上海野餐廳室內環境非常中式, 有種舊上海嘅味道炸銀絲卷即叫即炸, 唔會好油膩, 口感酥脆而又帶 D 鬆軟, 配上煉奶更加好味上海春卷外皮炸到金黄色, 夠晒卜卜脆, 入面嘅餡料有豬肉絲、津白 & 香菇, 非常惹味嘅小食小籠包外皮唔會好厚, 入面包上豬肉碎餡料, 餡料蒸熱後會有好多湯汁, 雖然要趁熱食, 但一定要小心燙嘴菜膽獅子頭好花心機嘅一道功夫菜, 用上半肥瘦嘅豬肉碎, 令口感更滑, 獅子頭炸到外層金香, 再配上茨汁, 更添美味砂窩餛飩雞足足夠 2 人嘅份量, 材料豐富, 用左雞、餛飩、小棠菜 & 金華火腿, 湯底呈奶白色, 湯頭頭清甜得黎又帶點金華火腿嘅咸香, 雞肉非常多, 而餛飩係菜肉餡料, 大愛

疫情關係餐廳晚市只能處理外賣訂單，下班後我也不敢在街逗留太久，到了公司附近這一間經常過去午餐的餐廳選購晚市外賣，值得支持餐廳剛好正在做外賣優惠套餐，點了一份宮保雞丁菜飯，奉送的小吃選擇了鎮江肴肉，先說宮保雞丁份量不少，而且味道有驚喜，濃烈的調味，集有鮮甜辣於一身，一口雞丁一口菜飯非常滿足聽從店員推薦來了一份煎餃，餃子餡料飽滿，而且外皮煎得香脆，即使過了一段時間帶回家才吃，仍能感受到外皮的酥脆，同樣值得推薦

今日放工去咗公司附近買外賣返屋企，揀咗呢間食上海菜嘅。佢有晚市套餐，有小食，加主菜，再加白飯或者菜飯，大約一百蚊港紙。我就買咗兩個套餐，一個就菜膽獅子頭，配涼拌小黃瓜，我揀咗菜飯。另一個套餐，我揀咗陳年花雕醉雞，配酸辣湯，都係揀菜飯。獅子頭啖啖肉，配菜飯，特別均衡健康。而陳年花雕醉雞，就係一個驚喜，酒味比我想像中濃烈，酸辣湯啖啖都係料，酸辣恰到好處。最後買咗個甜品，一份豆沙鍋餅，好耐冇食過，食晚餐有個甜品係唔同啲嘅。我想提一提，佢外賣嗰個袋真係好靚，唔講以為我去完街shopping。

去完PMQ附近做野，都差不多八點，唔想番屋企煮，就買外賣回家同男友食。男友想食中菜，附近大部分餐廳都係西餐，open rice 完見到呢間上海菜，PMQ行落去都幾快一入去，就探熱同消毒手叫左一個一人餐$98再加其他菜式酸辣湯(1人餐) 我同男友都好鐘意食酸辣湯，鐘意佢夠開胃呢個湯都幾足料，味道不錯，酸酸辣辣的，作為前菜好啱陳年花雕醉雞菜飯(1人餐)醉雞係涼菜，大熱天時都好啱食呢個！男友好鐘意！睇相唔覺，其實份量都算多，右邊係雞胸，左下邊係雞脾，雞胸啖啖肉就梗係俾男友食，雞脾就我食！😂 雞肉好滑，酒香味夠濃平時少食菜，今次叫菜飯，感覺健康啲！自製滷牛腱$78牛腱炆得幾淋，滷水味好入味，只是醬汁有點太濃，有點遮蓋牛本身的味道酸辣湯餛飩$60酸辣湯就咁飲好好味，配面、配雲吞都好正！加多左個酸辣湯配餛飩！原因係見到呢度既餛飩標榜自家製，而我本身好喜歡吃餛飩所以就試下！佢可以配麵，不過我驚食唔曬，所以就配酸辣湯！外賣原來會主動將餛飩同湯分開，咁就唔怕啲餛飩浸得太耐會散曬！一睇就見到菜的比例算多，感覺上菜與肉是一半一半，調味適中，啱曬我。整體不錯，兩個人食都好足夠！

因為疫情影響下，起碼有三個月沒有到過中環區。  不論不街小巷內有不小的商店、食店都已經結業或變身， 經濟差人人不敢消費式以其他模式消費取代， 我們可以做的真是不多， 只有堅守自己岡位， 和疫情抗爭下去。  雖然中環區消費高是肯定， 但想食得好又不失預算也有可能。 我們行上小小， 來到歌賦街， 從前的歌賦街永遠都係人頭湧湧，今晚水靜河飛。 雖然九記牛腩冇左條長人龍，但我們還是去了至愛的上海菜 「上海弄堂」。七點來到是第一枱客， 這間店比其他的分店更好坐， 裝潢上也更顯特色， 地方較為寬敞。 做完基本動作 (量體溫， 酒精搓手) 後， 我們開始點菜。 計下點食最經濟先，先點一人套餐 $115 再加小寵包和冷盤 套餐可選一款小食和一味主菜。 [ 鎮江肴肉 ] 只有兩小粒， 當然唔夠喉。  膠質豐富，充滿彈性，點上香醋提鮮更好味。                            糖醋魚塊，配菜飯 份量亦不會太多， 魚塊雖非即炸，但亦十分脆口， 炸皮有點厚， 但魚塊亦厚，所以口感還可以，魚塊煮汁度滿分， 糖醋汁酸甜味突出 ，十分醒胃。菜飯不油超好味。 近排愛上冷盤 $62每間上海飯店用的

今日女朋友要ot，咁就派咗我去買外賣返去食！咁又好耐無食中餐咁就去咗上司介紹嘅上海弄堂食。我地就叫咗3樣野食，2個餸都好大兜好足料！我地食2個食飽都仲有淨，第2日lunch帶飯再食過！認真抵食呀👍🏻首先叫咗個糖醋魚塊，酸酸甜甜十分開胃。除咗有魚之外，仲有三色椒同埋洋蔥，健康得黎又好食！魚塊炸皮薄，食落啖啖肉又唔油膩。第二道菜就係芙蓉蝦仁，個人非常推介呢個。啲蛋白真係好好餸飯，滑嫩得黎又有彈性！加埋啲蝦仁食好爽口，真係食唔停口呀！最後仲有個銀絲卷，好香口。

每次過海完成公務，總要搵好嘢食獎勵自己。 今天於中上環行行行看看看，懷緬一番香港懷舊街道店舖。上環方向往山上面 走走看，會發現尚有一些上一個年代的建築物，街道店舖新舊合一，感覺有趣。今晚約了老闆同事開視像會議，買外賣返屋企唔使煮，慳番好多時間。隨意找找，於阿巴甸街上小小，經過舊式茶樓，轉入街就會見到上海弄。店內裝修雅緻，入門口左面一大幅壁畫，吸引我看了一會。脆皮素鵝~這個前菜返到屋企依然脆卜卜，餡料豐富，包括雲耳、蘿蔔絲，爽口。店員友善招呼，坐門口第一張枱等外賣。上海粗炒麵~使用豬柳做配料，加入椰菜絲，炒得香口，唔覺油膩，愈食愈美味。蔥爆牛肉~入上海菜館一定會點的，自己炒唔到咁有鑊氣，大蔥獨特的香味最吸引。

放假唔想走咁遠，打算係附近食個飯就算本身想食小南國，但呢間見佢咁多好評就一試，諗住小店點都會好啲..間野唔算好大，但坐得都ok不過野食總體黎講好咸，尤其個粗炒同年糕...食完無耐已經好口渴賣單唔算好貴. 但比同樣價錢其實已經有好多選擇.. 總括黎講唔會推薦..

上海弄堂菜肉餛飩-高質抵食上海菜今天母親中午時分來電，就今天不煮飯，派了一個任務給我，就是放工後買外賣回家，最後選了最近比較少吃的上海菜回家如母親大人品嘗。涼拌小黃瓜、鎮江肴肉爽口的小黃瓜，配上酸酸的辣椒蒜蓉汁 ，非常開胃。屬於冷盤的鎮江肴肉，味道清爽。上海春卷脆炸的春卷，內裡餡料有豬肉絲、津白和香茹，滿滿的上海原味道。糖醋魚塊炸皮脆身，魚肉軟腍的魚柳，配上菠蘿、青椒、紅椒和酸酸甜甜的醬汁，伴飯一流。紅燒肉百頁結豬肉採用五花腩的位置，經紅燒汁炆煮過後入味得很，整個顏色呈深啡色，非常有光澤，肥瘦肉梅花間竹，入口即溶。

放工老婆話要OT，叫我買野返屋企食，去了附近的上海餐廳，叫了兩個小菜，另外加碗粉及炸銀絲卷。餐廳用了可重用的膠盒，而且湯粉跟湯都分開盛載，所以唔會浸到淋。古法紅燒百頁結：紅燒肉肥瘦均勻，豬皮炆至入口溶化，豬膏唔油膩，反而有肉香，百頁結吸收了肉汁油香，比紅燒肉更好味。無錫排骨：排骨炆至骨肉分離，肉質嫩腍，還有些軟骨位，送飯一流。擔擔麵：花生醬香味濃郁，不過又唔會太杰，有些肉碎配搭，濃香帶滑。炸銀絲卷：就算返到屋企，表皮都帶點脆，麵包鬆軟，配上煉奶，更加好味。

上星期到中環附近上班，路經這一家上海菜館，想起了很久沒有吃過上海菜了，回味着酸酸辣辣和飽肚的感覺，決定買一頓外賣回家除了一些經典著名的上海菜外，他們亦有提供一些特色小菜，可惜本人未進來前已決定主打酸辣麵，有機會下次再試聽從店員推薦叫了這一道鮮肉餃沒有介紹錯，外皮煎得香脆，餡料飽滿，肉質豐厚，是高質素的餃子我最渴望的酸辣麵，先說配料豐富，而且味道香口，正宗上海菜口味，酸辣得來帶點鹹香味，而且面質彈牙，有驚喜上湯雲吞，同樣皮薄餡靚，配搭鮮香味濃郁的上湯，滿足鎮江肴肉，是一道我最喜愛的上海菜之一，這一間店的處理手法沒有失望，肉質彈牙，皮的部分彈爽

由於疫情關係，其實最近先開始多D出街食飯，今晚約就咗個朋友去中環食晚飯。因為唔想去啲咁多人嘅地方食飯，今次揀咗位於歌賦街嘅上海弄堂菜肉餛飩食上海野。一入去食店第一時間就係量體溫，桌面都有搓手液供客人使用。呢度除咗人手下單之外，仲可以用電話落單嘅！今次叫咗個四季豆，夾埋碎肉好嘢味。食上海野又點可以唔食小籠包😋小籠包我都係鍾意食原味嘅。另叫咗個蒸嘅銀絲卷，又熱又軟熟。食埋個大大碗的擔擔面，真係唔會唔夠飽囉。甜品就叫咗個桂花酒釀丸子，我個人真係好鍾意食呢個甜品，甜度適中，丸子又好味。

最近在PMQ附近工作關係 多了時間在周邊找晚餐吃 才得知九記牛腩這條街有非常多特色的餐館 其中又見到之前在天后食過的上海弄堂(這間店在港島區越來越多分店呢) 這分店的面積明顯較天后闊落 感覺較舒服 下餐的方式也選用電話QR code 非常方便易用 店舖必食當然是菜肉雲吞 用小棠菜做餡料 每粒都包到脹卜卜餡料非常飽滿 *原本很想點西洋菜雲吞 但原來是冬季限定 酸辣湯材料十足 每一口都好滿足 擔擔麵(小辣) 香煎鮮肉餃同樣岀色 每一粒都煎香到金黃 加上不會太油 小籠包一樣好吃 裏面肉湯很多仲有最喜歡的(蔥油)海蜇頭