上海婆婆 (黃大仙中心北館)

營業中

休息中

之前同婆婆一齊去咗黃大仙依間「上海婆婆」食晚飯，依度嘅出品唔錯，所以我婆婆都幾好胃口，食得好滿足。*此餐廳收取加一服務費。半隻燻香樟茶鴨（單點$148），鴨皮部分做得幾出色，上皮水上得好，令到鴨皮口感做到脆皮效果，食落透薄不油、乾爽、薄脆，鴨肉肉質嫩滑，食落充滿樟樹葉、茶葉、陳皮、肉桂味道，味道鹹香，而且食落帶有煙燻香味，略嫌鴨身出肉量不多、肉質瘦削，蒸荷葉餅口感軟熟，配以樟茶鴨、甜麵醬食用，味道更佳。婆婆粗炒（單點$88），上海粗麵口感煙韌，食落帶有雞湯、醬油味道，配料包括有豬肉絲、冬菇、椰菜、小白菜，味道正宗。川北麻辣粉皮（單點58），表面鋪有青瓜絲，口感爽脆，粉皮口感爽滑，容易掛汁，食落香、麻、辣兼備。炸銀絲卷（單點$32），即叫即炸，口感香脆內鬆軟，食落充滿麵粉味道，配以煉奶食用，味道香甜。綠茶芋泥餅（單點$28），外圍表面鋪滿芝麻，食落好香口，綠茶餅口感酥脆，茶味清香，芋泥份量多，味道清甜。茗茶（兩人$12），茶味濃香。

近期鍾意咗食中菜，我就去咗有好多分店嘅「上海婆婆」。我去嘅係黃大仙分店，木質系嘅裝飾內部環境都好寬敞。歡聚四人餐 $688江南三小拼分別有水晶肴肉、三喜烤麩和小排骨，一次過睇晒三款。我自己都係最鍾意水晶肴肉，口感好似啫喱一樣，入口即溶。砂鍋雲吞雞熱辣辣嘅砂鍋可以保存住雞肉嘅溫度，鍋真係有一隻好大嘅雞，分量十足。松子大黃魚魚肉一塊塊炸到豎起，淋上酸甜嘅醬汁調味。魚肉做到外脆內軟，酸酸甜甜好開胃。椰菜回鍋肉我覺得係最夠鑊氣嘅一道菜，椰菜口感爽口配搭鹹香嘅回鍋肉餸飯真係一流。高力豆沙最後當然唔少得甜品，甜甜哋紅豆餡真係食完都唔會覺得膩。上海婆婆 (黃大仙中心北館) (黃大仙)黃大仙龍翔道136號黃大仙中心北館地下低層LG05號舖

屋企人好鍾意食上海菜，一於帶佢哋嚟上海婆婆食晚餐🫶🏻 今次叫咗幾款菜式都好高質，下次一定會再嚟😆醬燒肉末茄子🍆口感豐富，茄子吸收了醬汁的精華，肉末的鮮香與醬汁的濃郁完美結合，每一口都充滿滋味，十分適合配搭白飯食！珍珠冬菇扒棠菜🍄‍🟫🥬 第一次食珍珠冬菇🤩 非常迷你口感一流！與棠菜的清脆形成了完美對比，搭配醬汁很不錯，係健康又美味的素菜選擇👍上海小籠包🌟 招牌必食！小籠包湯汁豐富，皮薄餡多，入口湯汁四溢，肉餡鮮嫩，搭配醋和姜絲，整個味道更加升華～婆婆粗炒🍜好惹味😍 麵條真係特別粗又彈牙，搭配各種時令蔬菜及香菇，加上調味炒得香氣四溢，味道有驚喜😋婆婆擔擔麵🍜🥜 湯底香辣惹味🔥 麵條滑順，搭配濃郁的花生醬和微辣的醬汁，配上肉碎，簡單又好味～

位旅黃大仙一間上海菜（上海婆婆），以大眾化價錢香港，今日嚟到黃大仙分店，三餸一湯價錢都係$402，點咗砂鍋雲吞雞，香濃雞湯加埋雲吞，大大粒菜肉雲吞非常足料，冬天飲上熱騰騰的湯，非常暖胃。酸甜排骨，入面有洋蔥菠蘿，菠蘿非常多汁鮮甜，半肥瘦排骨，外脆內軟，配搭白飯非常開胃。黃金四季豆，本身有味嘅四季豆，加左鹹蛋黃反沙口感，香氣十足。麻辣口水雞又麻又辣，煮得非常非常軟滑，麻辣醬汁加上芝麻非常香口，香辣口味好適合濃味的人。

天氣涼涼地，想食D暖笠笠嘅菜，甘啱經過食上海野，就諗起雲吞雞煲。甘就入去試吓啦。砂鍋雲吞雞煲：一煲過有菜有肉又有湯，雞件嫩滑，湯頭鮮甜，雲吞粒粒都好飽滿。最緊要上枱仲熱辣辣🥰麻辣口水雞：口水雞味道層次豐富，集鮮鹹麻辣香於一體。雞肉皮Q肉嫩，醬汁中佐料豐富又麻又辣，一上桌就令人食指大動。菠蘿黑醋排骨：黑醋的香氣均勻的融入排骨肉中，鹹香並且帶有微酸甜 嘅口感瞬間打開胃口，與菠蘿的清甜相互交織，色澤 棗紅油亮嘅外表讓人忍不住吃上幾口！真係好適合喜歡酸甜口感與豐富味道嘅人。黃金四季豆：鹹蛋的鹹香鮮味，搭配甜甜脆脆的四季豆，提出蔬菜本身嘅輕甜味，簡直係白飯殺手🤭

上海地道名菜-小籠包黃大仙必食上海菜，滬菜（另稱上海菜）由前菜到甜品🍧， 完美大鮑魚大蝦粉絲煲🍤🦐這道粉絲煲真係令人垂涎欲滴！大鮑魚鮮嫩多汁，加上大蝦的鮮味，整體口感十分豐富。粉絲吸收了鮑魚和蝦的鮮香，滑溜可口😋😋上海小籠包小籠包的皮薄餡多，咬開一口就有豐富的湯汁流出，肉餡鮮美，帶有淡淡的薑味。搭配醋和薑絲，味道更加出色。👍🏻 上海大雲吞（6隻）🥟🥟🥟雲吞皮薄，內餡勁juice，湯底清淡卻不失風味。每一口都是幸福的滋味，特別適合搭配一些香菜和辣油，增添層次感。one bite小饅頭小饅頭鬆軟可口，外酥內嫩。用來沾湯或者直接吃都好，特別適合作為開胃小食happy飯後甜品🍨飯後的甜品really nice！黑糖冰粉搭配芋圓和蜜豆，甜而不膩💛

今日去到黄大仙，一出地鐵站便到黄大仙北館，館內有不少食店。見就腳便來到這上海菜館吃晚飯。這店落單可用QR code, 餐牌清楚，落單十分方便。琥珀合桃芥末蝦球 （$148）大大隻的蝦球，外面香脆而肉質彈牙爽口。加上芥末和沙律醬的混合，令蝦球的味道更加豐富。再灑上一些黑芝麻為點綴，黑白色的配搭，賣相吸引。而合桃加上甜甜的蜜糖和白芝麻，口感香脆，健康美味。珍珠冬菇扒棠菜 （$75）細細粒的珍珠冬菇拌着大大棵的棠菜，形成很大的對比。烹調火候、時間合適，棠菜翠綠鮮嫩，也不會過淋。排骨擔擔麵 （$72）香濃的擔擔麵湯底充滿麻醬與花生的香味，幼滑的上海麵被湯底的香味所滲透。加上一塊外皮香口的豬扒為拌，滿足了我對肉的渴求。濃湯嫩雞煨麵 （$62）這湯底很清甜，雞肉切成一粒粒，看似豆腐一般，放便進食，而且肉質嫩滑。雞肉的份量也不少呢。（需加一服務費、茶芥每位$6）

冠冕堂皇之《上海婆婆 》平時成日食西餐、日本嘢，今日試下新野，同媽咪去咗放工附近嘅地方，位於黃大仙北館地下嘅上海婆婆，嘗試下上海美食。蟹粉小籠包：餐廳招牌小籠包，熱辣辣香噴噴，皮薄肉汁多，鮮味蟹肉味道融為一體🤤。陳年花雕醉雞(例)：上海菜當中傳統同經典嘅冷盤，陣陣酒香同嫩滑雞肉係不錯配撘，值得一讚，鐘意飲酒嘅媽咪每食一啖雞就用一配羹酒黎食🤣，話會越食越上頭🤭。松子素菜叉子：比較驚喜一道菜😊，見到menu有呢一味菜嘅圖片非常吸精👍🏻，此菜裏面有切成好細塊嘅甘筍、芹菜、粉絲、木耳、紅蘿蔔等等，相當健康嘅食材。蟹粉撈麵：最期待嘅蟹粉撈麵， 新鮮嘅蟹肉配合香濃嘅蟹粉，味道甘香，外觀金光燦爛嘅賣相令我同媽媽嘅視線亦都瞬間被吸引🙈，另外餐廳亦好貼心，畀咗一碗雞湯我哋，避免因為唔受得太濃烈同黏黏立立嘅口感而對此道菜失去興趣👍🏻。鮮豆漿：豆香味足，甜度亦適中，絲滑嘅口感，好適合今餐食得咁豐富🙈，可以中和返😂。總結：店員非常有禮貌，出餐亦好快。順帶一提，餐廳嘅位置正正就係2023年9月初，五百年一預嘅水浸位置🙈，不過唔知叫唔叫好彩，當年水浸後餐廳進行咗翻新，而家餐廳環境更加冠冕堂皇，坐位亦感覺上亦變得更

好一陣子無約呢位老友食飯喇，趁今晚老婆要上堂，屋企無飯開，就約佢出嚟食番餐。近近哋，就晌黃大仙一出地鐵行幾分鐘就到嘅「上海婆婆」，佢哋晌唔同地區都有好幾家分店，而呢家店就第一次到訪。個場都好大，樓底亦算高，所以，空間感唔錯；一淺木色系裝修，都幾雅致，加上擺咗唔少植物點綴，感覺舒服好坐。而侍應好有禮，招呼好唔錯，枱上嘅餐具都好精緻。照慣例都會影影餐牌俾大家參考，不過，本餐牌真喺好大本，成吋厚，着實有啲難影，所以，就照影咗個季節性餐牌俾大家參考，題外話，茗茶會收番$6位，另收加一服務費。魚籽煙燻蛋 $20呢款煙燻蛋喺小弟推介俾朋友試試，因為一來外間唔多地方有，二來確有特色。賣相已經好有亮點，色差嘅對比令賣相更吸引。凝香嘅蛋黃入口綿綿滑滑，蛋香濃郁，又有淡淡煙燻味；加入脆卜卜嘅黑魚籽，增加層次感。上海小籠包 $45嚟食上海嘢，點一客小龍包就大致了得解到店與店之間嘅水準差別。店員話小籠包即叫即蒸，所以，嚟到時熱氣騰騰，我哋都趁熱食先，雖然摺紋就唔算好靚好平均，但外皮搓得夠晒薄，咬開就見，肉饀鬆化唔在講，裡面仲有好多湯汁，食落又唔覺太多肥豬肉，都算得上有水準，沾上少少醋更好味。京蔥牛肉包 $48

幾個朋友約晚飯，一個提議食上海菜，一個話要坐得舒服，一個話最好近東九龍，我就提議黃大仙中心上海婆婆，一間食肆滿足晒三個要求，各人點選食物。 小黃瓜拌海蜇：清爽的開胃菜，口感脆嫩，海蜇和小黃瓜的搭配非常合拍。江南三小拼：包含四喜烤麩和糖醋骨， 四喜烤麩好入味， 咸甜之間掌握得剛好， 糖醋骨酸甜可口。上海小籠包：湯汁豐盈，皮薄餡多，沾點醋和薑絲，味道極佳。紅油抄手：醬汁香辣，抄手的皮薄餡多，吃起來非常過癮。醬香金錢展：鮮嫩的金錢展，配上濃郁的醬香，讓人食慾大開。糖醋魚塊：  魚塊外酥內嫩，酸甜味道平衡，十分美味。黃金蝦球：蝦球炸得金黃酥脆，內裡蝦肉鮮甜，口感一流。婆婆粗炒：食材新鮮，軟硬度適中，炒得入味。黑糖冰粉：黑糖冰粉清爽可口， 芋圓煙煙靭靭， 加上堅果碎， 口感有層次。總的來說，上海婆婆的菜色美味，環境舒適，非常適合朋友聚餐。每道菜都讓人滿意，值得推薦！

上海婆婆係其中一間我最鍾意嘅愛店，性價比高, 選擇多元化. 今次去黃大仙分店發現Menu比尖沙咀分店更豐富，簡直花都眼亂! 環境新又大, 上菜仲用秒速嚟計, 對佢嘅喜愛又多咗🥰❤️桂花蜜汁火方超特別將雲南火腿青瓜同炸腐皮夾喺蒸咗嘅包入邊食所有味道同口感出乎意料地夾🤤❤️婆婆粒粒炒飯好有婆婆味道嘅一道菜。粒粒臘腸、特製醬料嘅炒飯，忍唔住一啖接一啖😋❤️上海小籠包，炸一口小饅頭，生煎鍋貼更是必點。❤️酒釀湯圓最後唔好忘記上海嘅招牌甜品: 酒釀丸子嘅伴奏酒釀湯圓😊

今晚同幾個舊同事去咗黄大仙中心嘅上海婆婆聚餐，每人揀兩道菜，每道菜嘅味道都好滿意！小籠包皮薄餡多，師傅手工精緻，上枱時完全無漏汁，味道鮮美。紅油抄手分量十足，紅油嘅微辣味道適中，甚至不愛吃辣嘅同事亦能輕鬆享用。江南三小拼非常抵食，可以同時品嚐到三款口感多樣、風味各異嘅小食。每款都十分精緻，適合分享。金錢牛展切得薄而均勻，質地柔軟，醬香味濃郁。海蜇嘅爽嫩同小黃瓜嘅清脆，配搭十分開胃。黃金蝦球外脆內嫩，蝦肉鮮甜，份量十足，呢道菜不容錯過！糖醋魚塊炸得金黃酥脆，糖醋醬嘅酸甜比例啱啱，非常搶手。婆婆粗炒配料丰富，火候掌握得宜，味道濃郁而不油膩。黑糖芋圓、蜜豆冰粉清爽滑溜，黑糖嘅甜味與芋圓嘅軟糯相得益彰，作為甜品十分完美。上海婆婆嘅環境非常適合聚餐，有機會必定會再次光顧！

餐廳環境唔錯，坐落得幾舒服，適合同朋友聚餐。 👫首先，我點咗菠蘿黑醋排骨。呢道菜真係令人驚喜，排骨炸得外脆內嫩，黑醋嘅酸甜味配上菠蘿，簡直係一絕，食咗一口就停唔到！ 🍍🍖然後我試咗美極油爆蝦，蝦仁炸得金黃香脆，淋上濃郁嘅醬汁，味道超入味！ 🍤✨乾煸四季豆都幾值得一讚，炒得有啲焦香，調味做得好，食落去唔單止有豆香，仲有一啲微辣。 🌶️🥗當然，上海小籠包同蟹粉小籠包就一定要試！小籠包皮薄餡多，湯汁一咬就流出嚟，特別係蟹粉小籠包，蟹肉嘅鮮味真係好正。 🥟🦀我仲點咗紅油抄手，呢道菜嘅辣味啱啱好，配搭炸香嘅蒜粒，真係一流！ 🔥🧄一口小饅頭都好好味，炸得好脆，加埋煉奶一口一個，食得好開心。 🥯❤️接住嚟係濃湯嫩雞煨麵，湯底濃郁，雞肉軟嫩，加埋彈牙嘅麵條，真係食得暖心又暖胃。 🍜🍗黃金炒飯都好抵食，米飯炒得粒粒分明，配料仲有蝦！ 🍚🍤至於甜品，我試咗擂沙湯丸同紅糖糍粑。擂沙湯丸入面嘅芝麻餡香甜可口，而紅糖糍粑就係外脆內軟，好好食！ 🍡🍬總括嚟講，上海婆婆嘅菜色真係色香味俱全，無論係朋友聚會定係家庭聚餐，呢度都非常合適。下次我一定會再嚟，繼續搵更多美味！ 🎉🥳上海婆婆📍黃大仙龍翔道136號黃大仙中心北館地

今天與舊同事聚會，去了這間餐廳品味正宗上海菜。座位寬敞，很適合一大班人吃飯 😊🔸美極油爆蝦一上桌蝦的香味四溢！蝦炸得金黃酥脆，配搭美極醬油，非常惹味 🤩🔸菠蘿黑醋排骨色澤誘人，排骨外脆內嫩 😍 醬汁酸酸甜甜味道恰到好處，配上鮮菠蘿很好吃！🔸乾煸四季豆色香味俱全，炒得很香口！不會太鹹調味剛剛好 👍🏻🔸上海小籠包 / 蟹粉小籠包小籠包皮薄餡靚，一咬開就有湯汁流出 ❤️ 特別是蟹粉小籠包，鮮味十足 🦀🔸紅油抄手有一點點辣 🥵 搭配炸蒜粒香氣十足！🔸一口小饅頭炸得外脆內軟，一口一個，搭配煉奶一起吃好滿足 🫶🏻🔸濃湯嫩雞煨麵雞肉嫩滑湯底濃郁，喜歡上海麵獨有的質感❣️🔸黃金炒飯炒得粒粒分明，蛋黃和蝦肉的香氣令人無法抗拒 😆🔸擂沙湯丸 / 紅糖糍粑芝麻餡很香，很喜歡湯圓上面的黃豆粉！紅糖糍粑外脆內軟，裏面的紅糖餡料不會過甜，十分好吃 😋

今日午餐一行4人去黃大仙食上海菜,四人合共食了$320（平均$80人）. 菜式份量算多, 午市套餐算抵食. 一款小菜配一碗白飯&倒湯.乾貝賽螃蟹~味道清淡,我本人最喜歡😝蔥爆羊肉~京蔥爆炒羊肉超香口野味,但是羊肉騷味比較重（偏濃味）銀牙炒鱔糊~鱔糊的份量比例都偏多.不過味道也是比較濃味.上海粗炒~基本上它的味道與炒鱔糊及羊肉差不多.可能是用同一款醬油/味道調制😅一般般另外,套餐可以付款加配甜品（酒釀丸子~有驚喜,小小清甜配丸子~好好味）&小食（涼拌粉皮~正常味道,大約一人份量）整體來說味道偏濃,不過上海菜一般都是這樣的😅值得一陣就是上菜速度比較快,完全適合上班日子的短短午餐時間.上海婆婆（黃大仙中心北館）黃大仙地鐵站北館LG