上海坊拉麵小籠包 (已結業)

Today, I went with my friend to straighten my hair in somewhere nearby, so we have lunch here. We order 排骨擔擔麵as a set with 豆漿and 雞絲粉皮. 排骨擔擔麵is my friend choice while 雞絲粉皮is mine as I love 王家沙's one and would like to try everywhere for something smiliar. Well for 排骨擔擔麵is a bit of surprice as we have no idea that 擔擔麵is spices, however we both find it not quiet spices as expected and we felt comfrontable with that. To me, I think the bowl is large, but the noodle is small. We only both have two lit

我只係去過一次,重係食lunc h嗰隻.叫咗一個酸辣麵跟熱豆漿,D 麵一啲都唔掂,好諗(係啱老人家食),D酸辣湯就係暖暖哋(唔覺好飲),而D豆漿就好似叮熱比你飲,只係暖身.不過佢個買相又真係呃到人.

上海一向都好肥膩,但佢做到好清,而不失上海菜風味."小籠包"勁正,皮夠薄,一咬落去汁"bid" 哂出,裏面豬肉又唔太大件.因為裏面汁真係好新鮮熱辣,要食得好小心."東坡肉"好正,一盅4小件,肉好軟好入味.連我減肥中都忍唔住食小小肉(當然唔係表面層肥膏啦)."雲吞雞"抵食,湯好清甜,真係有半隻雞係入面.環境都ok,唔知係咪因為太多人等位關係,佢依家門口出面多一台礦泉水水機,等得太耐可以飲水,真係幾好服務喎.一定會再去食!!!!

尋日(15/11)下午茶時間去上海坊, 諗住間餐廳夜晚排隊排咁耐一定正啦, 誰知非常失望!服務方面1.一入到去企左起碼三十秒都無人帶位, 之後先見到個經理施施然咁舉一舉手, 咁我同朋友就跟住佢就行左去啦點知完來佢係行緊去茶水間而唔係示意我地坐邊度!2.到叫野食果陣, 個waiter係用非常惡劣既語氣問"食咩呀"同"飲咩呀", 仲慘過唔洗錢!3.後來隔離位黎左兩位身穿短裙化濃妝既小姐坐低, 頭先幫我地落單個waiter態度係180度大轉變, 仲同另一個waiter(佢帶兩隻錶既, 好易認!)不停咁望果兩位小姐同陰陰咀笑唔知笑咩!咁即係咩意思?4.對面有一台客走, 之後執台既waiter係極晦氣咁話"三個人洗唔洗要咁多隻杯呀" 我覺得身為waiter就算有咩都唔好係其他客面前咁講lor, 呢d態度真係唔要得5.有一waiter執完台之後係將d碟飛去架車仔度(準備拎碗碟去洗果架車), 好似玩雜技咁.......食物質素方面1. 熱豆漿=微波爐叮, 仲要係連熱都唔熱下,仲有d酸味!2.麵=一夾就斷, 都唔知咩麵黎既,湯底d味係公仔麵d湯一樣既!差!3.小籠包皮太厚太硬,小籠包個籠又好污糟...

之前在尖沙咀那間吃過,覺得幾好;知道旺角開了一間,一直也想試試.昨晚和太太同朋友一起去吃晚飯.叫了小籠包(麻麻地,皮太厚又少湯).砂鍋津白(OK啦).三鮮兩麵黃(D麵好差,硬硬的又無味,D汁更差).蘿蔔絲酥餅(皮太厚,味道麻麻,還是返炸的,實在很差)最氣的是,就快吃完時,伙記便立刻問你還要不要,匆匆的收走所有東西(只有一坏茶).之後還眼望望,好像問你:.看到這樣,本來還未夠鍾,也只好走了.原本是$134元的(心想給$6元tips,也不少了).他們竟然找回一好張$50,其餘全部零錢,就像叫你唔好意思拿太多.就這樣,無端端給多了tips,真氣人.這樣的食店,我一定不會再去.食物又唔好,服務又差!

尋日同太座去旺角shopping，旺角人山人海，非常之咁多人。到搵食的時候，當然又係由太座話事，佢話呢度幾新淨，想來試試。心諗單看門面，實在不存厚望，但在太座的堅持下，就來了幫襯。兩點幾，差不多坐滿客人。呢度原來舖內有舖，都算幾多位的，檯與檯之間不算擺得太密，如果可以坐到卡位就更好坐。餐牌是時下流行的京川滬一網打盡，叫了一濃一淡，濃的是擔擔麵，淡的是上海湯年糕，另加了鍋貼及擂沙湯丸。呢度的湯麵碗是超大，比日式拉麵的標準大碗還要大。擔擔麵賣相不俗，渴口湯底，是辣但不是十分辣，味道意外地又不差，有蝦米及花生的香味，撈一撈，果然是材料豐富，唔錯；麵可能是手拉的，因鋒度不一，但入口不夠爽，不過廿幾蚊一碗已經交足功課；湯年糕就相反的味淡，但不是無味，湯底乳白色，微鮮，算不錯。有不少黃芽白及冬菇絲在內，材料豐富。年糕也是不俗，條條煙韌滑溜，喜吃年糕的都可以一試；麵不錯，其他只普通。鍋貼一客三隻，熱辣辣，底部脆，中間的肉餡有點實實的，亦一咬就皮餡分離，可以再好一點；擂沙湯丸糯米皮幾厚，芝麻餡亦不夠甜，可以再甜一點。不收加一，埋單連貼士80蚊。雖然小吃麻麻，但麵及年糕不錯，平平地，一試無妨。當然不要去

今晚同一個朋友黎呢度食飯, 叫左以下食品.小籠包-- 有些人食小籠包喜歡一上枱就第一時間, 仲要一啖食晒一個, 但呢度肯定唔得, 因為D汁很燙, 而水準也不錯.北京水餃&九菜水餃-- 唔識形容, 總之幾好食.鍋貼-- 一般水準.春卷-- 夠脆, 水準中上.蔥爆牛肉-- 牛肉唔"un", 唔錯.西瓜汁&香芒飄雪-- 香芒飄雪甜甜地, 幾好味.埋單$240, 但其實係叫多左食物, 否則$200已足夠.食物水準不俗, 但價錢大眾化, 令人滿意.

小籠包唔錯, 入面好多汁,價錢okd 麵好大碗,食完好飽

昨晚第一次光顧,二人吃了一個小籠包,鍋貼,上海湯年糕和高力豆沙。小籠包:中規中矩,咁既價錢差不多了。鍋貼:本身麻麻地食鍋貼,怕佢硬掘掘,尋日食嗰碟又幾好味喎,幾香同埋靭度o岩o岩好。不過三舊我食得一個有o的唔夠喉。上海湯年糕:好味呀!本身都好鍾意食湯年糕,加上佢o的年糕好彈牙,個湯的味道o岩o岩好,又好大碗添。高力豆沙:這個最後食,食o個陣已經飽了,但還是吃下兩個,實在太好味了。不是是否因為我以前未食過所以大驚小怪呢!我本身不吃太甜,佢就只係個面既糖甜甜地,好清,而且口感一流,好軟熟,而家諗起都想再食多舊!埋單八十多元,非常抵。在花園街食米線都要七十蚊啦...(美中不足是廁所很多水,差點跣低了。)

坐得幾舒服，環境都唔錯!我地兩個人點左個砂鍋津白、小籠包、春卷同埋餃子!個小籠包做得幾好，係個皮厚左少少咋，但已經比我係出面食個d好好多!春卷就炸得名脆，但係又唔會太油!最好都係個砂鍋津白，湯底夠甜，飲得出冇味精，又足料，有蝦、津白、蝦米、海參、粉絲、肉絲...

星期四三時許來吃下午茶,入面都ok多位,燈光暗暗地,d凳都OK舒服,不過D 同餐具就好似好污糟咁.二人叫左:一個五香牛肉拉麵($24,包一杯飲品)一個小籠包($20,包一杯飲品)一個豆沙鍋餅($20,不包飲品)五香牛肉拉麵- 好清的一個麵,冇乜味,大大個碗,份量唔見得多,雖然唔算少,但相對之下有點兒失望.小籠包- 每隻小籠包o既大小唔係好均勻,好遺憾地與前面幾位食家一樣,d小籠包勁易穿,漏哂d汁出黎(由於已經流到冇乜水,我唔敢斷定佢入面o個d係汁定水),其中一次係因為佢黐實左張紙所以拉穿左...豆沙鍋餅- 皮就幾脆,少少香,冇乜油,豆沙唔係好夠,唔多甜,共切成十件.檸檬茶檸檬篤到爛哂都唔係幾夠味,相比之下糖水落得多左d.唔知做乜期間有個侍應(中年阿嬸,但又唔係清潔咁)示意佢埋黎佢又唔埋,我開口同佢講野佢先走過黎(因為佢聽唔到)廁所個洗手盆o係出面,初初望唔到仲以為冇得洗手...嚇死我!總括而言,唔會對佢d野食有咩期望,但係如果冇咩人,又想坐下食個飽肚d o既tea都ok o既!

感覺上好像差了。今次點了賽螃蟹、蘿蔔絲酥餅同素菜蒸餃。蘿蔔絲酥餅皮太厚，內裡的蘿蔔絲切得太粗和太少；素菜蒸餃今次的皮也過厚，咬糊口，冇上次咁好食；至於賽螃蟹，蛋白很口，不夠滑，但味道不俗。可以一試

兩個人行旺角, 行到倦倦地又肚餓, 五點鐘左緊入去下午茶. 叫左佢地既特別推介砂鍋雲吞雞($48), 同埋熱生薑蜜($12).熱生薑蜜, 薑味同蜜味都好重, 但似乎太甜. 砂鍋雲吞雞就怪左dd, 並唔係砂鍋上, 而係用d西式容器上, 湯味好香濃, 煲湯既雞肉亦唔錯, 不過d雲吞就痳痳地, 太軟淋淋咁, 好鬆散下, 唔係幾討好.服務方面好有禮服, 價錢亦算合理。

今晚同男友去試下，發覺都唔係好差，而且全日免收加一及茶芥，的確唔錯。點了︰擔擔麵--麵條夠彈牙，湯底滲著濃濃的花生醬香味，不錯。素菜蒸餃--皮薄餡多，雖說是素菜，但味道一點也不寡，醮些辣醬更滋味，不過一定要趁熱吃。上海熗餅--個人覺得叫香蔥餅更貼切，煎得很香口，香蔥更混入少許豬肉鬆，味道頗討好。酸辣湯--料夠多，味道偏淡，若能酸、辣味平均點會更好喝。埋單$78，很便宜，值得一去。

第一次去點炸銀絲卷,卷外卷內都係油,筷子一夾,哇哇!漏油呀!八寶炸醬麵無味道!