上海坊拉麵小籠包 (已結業)

今趟經過百老滙呢頭,入左去食,唸住睇戲之前食飽個肚先..叫左小籠包同排骨擔擔麵,小籠包只可說是OK之下,希望唔好介意小小批評,D皮係厚左D,同埋唔夠熱..排骨比較肥利,豬肉味都有,但個炸粉味道較普通,湯底只算OK..職員表情較呆滯,如果親切點可能較佳,唔知係咪太攰..希望快D改善番,咁就多番間好嘅食肆..

好唔掂,d野食份量又細又貴,叫左紅燒獅子頭$48,得果2舊好似山竹牛肉咁上下,重要好咸,砂鍋雲tun雞,得隻雞比,同埋4粒雲tun,有3-4碗仔水啦,$68一鍋,,2人都唔夠食,如4人要叫2鍋,小籠包$20有4粒,口感好削,未夾已經漏晒d湯(以上重未計加一喎)我地2人叫埋個飯食左$160,重要d野又唔係好食,環境又好污糟,d服務員態度差,你話轉位佢黑面,重要好似趕你走咁,成日問你d野齊未,唔問你要唔要就收晒你d碟呀,連快子,碗都收埋,剩番杯水,重要唔同你加水,一定唔係因為睇唔到,因為有人搭,人地未坐已經有個伙計住個水壺等佢,佢一定見到我個杯冇水,佢望左幾次tim,因為我地剩番d水,面咩都冇,重要佢d伙計成日眼超超你,冇野快,最快係趕你走,你諗住慢慢食?唔駛指意...

星期六下午同傻鬼2人食上海野...見此店唔使排隊就來此店食野..2個人叫左一客麻婆豆腐飯+豆漿($35)及一個小食貢菜粉皮($25)2個人咁叫法就岩岩好, 再叫多一客set lunch就會浪費d野食啦.個麻婆豆腐幾醒胃..不過我唔係太喜歡佢地d飯"濕左d"...個粉皮唔錯幾好味.不過杯豆漿就有d渣啦..ok又無加一食物都ok啦...都唔係太差

星期五大約九點正左右, 我地9個人在旺角搵下有咩好野食, 但度度都多人到爆, 個間又有等4 個字, 另一間又要等5 個字, 跟住無la la 問呢間又有位wo. 我地太肚餓, 只好見有野食就算... 好入返正題...我本身幾鐘意食上海野, 雖然唔係話對上海野好熟悉, 但呢間野d 野食以這樣的價錢的確係絶對唔值!!我地叫左不同款的拉麵, 有四川擔擔麵, 炸醬麵, 上海排骨, 及其他煨麵之類, 仲有雞絲粉皮, 怪味雞, 炸熳頭.四川擔擔麵--不重味, 同其他出面$20以內的四川擔擔麵還要差, 但佢要賣成$28炸醬麵--好似係李錦記的醬油加落d 麵咁, 完全唔好食..上海排骨麵-- 淡而無味煨麵-- 我沒有食, 所以不清楚, 但食的朋友對些都沒有意見以上的麵類大約$28-32雞絲粉皮--好似係$28定$38唔記得左..... 可接受, 但十分之細碟怪味雞--又係勁細碟, d 花生同爪仲好過d 雞. 而且仲係雞粒! 根本就唔係雞. 我唔知正宗的怪味雞係點, 但呢款不論口感及味道都係完全唔掂. ($28定$38唔記得左)炸熳頭--OK 應有的口感! ($10 三個)呢間食店都有其好處, 就係環

今日去左同女友食呢間野因為諗唔到食咩好,而且自己又鐘意食小龍包所以就入咗去食叫左兩個湯面, 一個雞斯粉皮, 重有客小龍包..冇咩評語.. 唔係太好食,都唔算難食小龍包都算OK啦, 冇串到, D皮又OK好食~~我覺得個場都算OK, 可能因為我地要求低掛~~

2006年6月14日晚上九時我與我男朋友到該店吃晚飯,本身我和男朋友一心諗住去pizza huts食pizza,但可惜,太多人要等位,所以冇入到pizza huts食,經過隔離店有個好熱情o既reception,當然笑容就梗係好燦爛,我就係比佢o既笑容同禮貌熱情吸引住,入左去入面食野,其實我都唔係第一次黎旺角上海坊食飯,記得之前兩次黎d service雖然都唔算好好,但都不過不失,食物都叫ok,今次當我走入座位時,有好幾個侍應都叫我地"小心地滑",我覺得佢地好細心,之後有員工安排我地坐o係一張85號檯(因為收據上有寫),首先我形容一下我坐的環境,是一條一直線的八張檯,基本上我都知道兩個人應該坐一張檯(打對坐),但我當時坐o既位有d寒,咁我又見到當時又冇爆場,都有好多位剩,咁橋隔離張檯又冇人坐,我就調過去,之後我男朋友就調左去我隔離,即係話,我地當時係佔左兩張檯四個位,咁我都覺得唔好意思,好似生人霸死地咁,我就叫我男朋友坐返去我對面,點知突然之間有個女侍應(長曲髮,啡色shirt衫,身上有對講機,鼻上穿有鼻環那個)即刻好冇禮貌好串咁走埋黎同我地講,"呢d係四人位,你地要坐埋同一張",佢o

首先呢度係好多野飛來飛去蚊子定蒼蠅我都沒有深究了反正佢會停留係你個杯邊呀, 爬係你碟飯度呀咁啦三個人LUNCH 黎叫左兩個面餐+ 一個揚州炒飯+ 小籠包兩籠以為主打小籠包唔錯得啦~ 後悔叫兩籠~ 唔好食架兩個麵都唔得呀。我叫左少辣~ 真係辣到死最好食已經係個揚州炒飯喇不過有爬蟲爬過D飯~ 哎~ WAITER 唔得閑理你架就算週周圍冇咩客亦然

今日同男朋友仲有我老豆3個人一齊去左呢間野度食,,因為男朋友中意食上海野,,所以黎左呢度試下。今日叫左小籠包:皮夠薄又多汁,,夾既時候要好小心,,如果唔係會好易穿,,20蚊得4隻,,我老豆話如果唔好食既話就真係唔抵,,好彩都幾好食,,紅燒獅子頭:呢個無咩咁特別,,一碟有兩個大大個所謂既獅子頭,,有好多冬菇伴住,果D我唔識分係豬肉定牛肉,,不過D汁就真係好掂,,我老豆話用黎撈飯都幾好WOR,,哈哈,,食得唔好晒呀嗎排骨粗炒排骨幾好,唔太"奀",男朋友話既,,因為我一舊都無食,俾佢地食晒,,同埋都係有好多冬菇架粟米牛肉"巾":夠晒熱,,好多粟米,,口感一般,,我地叫左一窩,,都有6小碗度既分量家常豆腐:呢個真係好正呀,,酸酸辣辣咁.仲有D唔知係咪叫竹筍既野同埋青椒辣椒伴住,,D豆腐個樣好靚,紅卜卜咁,,真係好食!5樣野加埋一埋單$226.6果度有個2人餐$168,,要加一,,無叫到係因為我覺得個餐D野食太過清淡同埋唔值168囉,,不過就包埋飲品無記錯既話個餐都係有5樣野食度,,好似係上海粗炒,一碟唔知咩菜,,仲有清炒蝦仁,.,小籠包,,仲有唔記得左係咩喇…今次推介:家常豆腐同埋小籠包枱與枱

跟女友到朗豪坊採購完畢，到這兒吃晚餐。週六傍晚六點九，巳經六成滿。因為沒有吃下午茶，我們都好肚餓。點了一款小吃、一個麵食、兩款包餅，埋單約$91，唔算貴，但因味道唔得，所以有唔值的感覺。叉子燒餅（$10/個）：唔夠熱，份量細小。蒸銀絲卷（$12/條）：來貨的粗糙貨色，相當普通。北京蹄肉（$28）：乾乾的粗糙貨色，超市的廉價燻蹄肉片都似樣過呢碟：所謂的「京式豬蹄肉薄片」，簡直係不知所謂！菜肉雲吞湯麵（$32）：呢碗麵垃圾過垃圾！那四粒所謂「菜肉雲吞」，料少無味，就連「灣仔x頭」的急凍貨色都好過呢四粒嘢。湯麵應該係上海麵條，但係質地糊糊的…唔曉欣賞！呢間野，可以填飽肚子，但味道就真係麻麻地。

我地食左幾樣野..都唔差丫..不過水準比以前差左d...無咁好食

睇左d評語，好似彈多過讚咁~但係去試左都好味啊~尤其鍾意個籠小籠包啊~

今天和朋友路經該地,順道入去醫肚,因為之前朋友話這裡好好食.我們點了幾個set lunch(擔擔麵+豆漿,酸辣湯拉麵+cool蘆薈柚子蜜+小籠包),味道好好,擔擔麵味道夠濃,足料,好過同區的王家x的上海鋪,小籠包皮薄,味濃,可以見到湯在皮內,好食過x天.酸辣湯拉麵,cool蘆薈柚子蜜夠多料.好味......

我記得呢間o野o岩o岩開時係幾好食o架.. 冇o黎一排再試過先...2個人order 左:1) 醉雞: 份量少.. 雞肥.. 酒味ok 啦.. 但係總括o黎講麻麻地2) 生煎包: order 左唔夠5分鐘就上檯喇.. 好可能係整定o架.. 出面個包脆脆地.. 入面d 肉就入唒味..呢個ok 啦.. 幾好食..3) 小籠包: 個皮都簿... 但係好易穿呀.. 穿左! >.<!裡面d 肉同生煎包o個d 差唔多..不過比較多汁.. 幾好..4) 蒸銀絲卷: 好細條呀.. 同埋個銀絲卷底咪痴住張紙o既.. 好實呀.. 我地一"meet" 時個銀絲卷就散唒喇.. 最慘就係銀絲卷入面咪係一條條包o既.. 連o個d 都散唒.. 慘!! 最後係逐條逐條咁夾o黎食!! >.<!5) 咸肉津白: 個津白係咸到不能接受.. 下次唔叫!!6) 酒釀丸子: 少酒味.. 相比起以前難食好多!間鋪好細呀.. 我地隔離張2人檯係距離我地2cm 度..隔離o個2個女仔講8卦o野我地聽得一清二楚.. 完全冇唒私人感覺.. 唯有快快食快d 離開! 仲有一樣想投訴.. 落單時見個侍應姐姐唔駛用

昨天點了擔擔麵同埋上海雲吞麵擔擔麵湯底有少許辣幾野味，也有很重蝦米味，喜歡與否就見人見知，我覺得幾好。上海雲吞也有一定的水準，裡面菜與肉的分量適中，一碗四粒也不錯，兩碗麵也包飲料，價錢算合理。下次可以試一下他們的其他食物。昨天也有一兩檯日本客人自己點食物，可能是日本雜志提起過。

我以前食過一次,經己對呢間食店好反感,服務差,食品差,我可以選擇過一間好好多的上海食肆,食品完全係差到不得了,地方仲係非常骯髒,我覺得食大排檔也好得多,起碼食品有水準有鑊氣!