三田製麵所 (金朝陽中心二期 - Midtown)

營業中

休息中

叫咗個大、熱沾麵套餐（麵、餃子3隻、氣水），麵攞上黎居然無肉！熱沾麵啲麵簡直係啱啱係雪櫃攞出黎，個湯點熱啲麵食落都係凍冰冰，非常難受！服務態度差就唔駛講啦！埋單$133.10.

登龍街都有幾間拉麵,今次黎試下三田製麵所,套餐價錢都幾抵食,一個餐有埋小食同野飲,而且個麵有分冷麵或熱麵,大中小都係同一價錢,唔洗驚食唔飽,不骨大份都真係幾大份,真係唔會食得晒😂《濃香豚骨魚介沾麵 $121》呢款豚骨沾麵比較膩,較重口味,味道相對濃郁🙈個汁都幾掛麵,質地比較濃稠,唔會太咸!《鯛魚沾麵 $131》呢款係期間限定既,食落比較清新,魚味幾鮮,而且冇豚骨沾麵咁膩,個人中意呢款多啲😎每碗麵都有半隻溏心蛋,一片叉燒同筍絲🍜跟餐既小食叫左兩款,分別係《日本唐揚協會 金獎炸雞》同《自家製炸雞翼-唐辛子口味》炸雞🍗其實好普通,唔覺得有咩特別,反而炸雞翼就好食啲,加左唐辛子會有小小辣,但係幾好食😋個餐包埋野飲,都係罐裝烏龍茶同檸檬茶,冇特別🙈整體覺得呢間性價比幾高,好抵食!三田製麵所銅鑼灣登龍街1-29號金朝陽中心2期Midtown地舖[⭐️5分為滿分]味道⭐️⭐️⭐️環境⭐️⭐️⭐️服務⭐️⭐️⭐️價錢⭐️⭐️⭐️推薦⭐️⭐️⭐️

唔影相啦。魚介沾麵湯唔夠熱，麵太淋，餃子同雞翼太濕、唔脆。我上次係去尖沙咀果間，點解銅鑼灣呢間差咁遠嘅😂另外都嗌左辣嘅沾麵，比較死辣，可能會有人鐘意嘅，但我個人不太prefer。同埋餐廳入面比較污糟，好多昆蟲飛黎飛去，雖然唔係話驚定點，但係一坐低就有幾隻係你附近飛飛下，都米話唔煩😂員工態度就有好有唔好啦，唔開名話係邊個啦，不過就有一個比較冇禮貌，好似唔知得罪左佢啲咩咁不過可能大壓力啦，都唔太在意了。最後，個set性價比太低啦。總之今次係比較失望

銅鑼灣人氣日式沾麵🍜濃香豚骨魚介沾麵🍜$84豚骨魚介湯名不虛傳💞濃厚唔油膩🥰兩者咸淡配合剛剛好🧡食到魚介嘅咸鮮🐟豚骨嘅濃厚😆沾麵可選凍麵/熱麵😄熱麵入口舒服😙唔會整凍啲湯一人拉麵套餐$120（配拉麵🍜小食🍖飲品🥤）辛辣濃香豚骨魚介沾麵🌶️抵食套餐配搭😄每碗沾麵都有一片叉燒，半隻溏心蛋同筍絲叉燒肥瘦適中溏心蛋嫩滑麵質富蛋香，有彈性辛辣口味偏咸黑椒雞翼兩隻海量黑椒😂嘅雞翼非常重口味可口可樂@tonkotsu8_hk @mitaseimenjo_hk三田製麵所(銅鑼灣)銅鑼灣登龍街1-29號金朝陽中心2期Midtown地舖

晏就係銅鑼灣行街，突然勁想食沾麵，即刻上網睇下邊度有，就搵到有人推薦呢間，未食過就試下餐牌寫得好清楚，圖文並茂，佢有細中大特大帶四個份量，寫明幾多g，可以根據個人食量選擇😛教大食嘅我簡左中size(210g)沾麵湯底好濃郁，麵揀咗凍嘅，識落感覺好似烏冬，爽口彈牙，肉肥瘦啱啱好☺️非常滿足。

諗起沾面就諗起佢創立於東京 仲記得初初在香港開分店的時候門口成日大排長龍就為了食出名嘅濃厚豬骨魚介沾面湯底有濃厚豬骨魚介和辛辣濃厚豬骨魚介兩款除非想食特大 如果唔係大中小都係同一個價錢要抵食 就梗係要大啦濃厚豚骨魚介沾面大($88)成碗滿嘅粗麵 入口爽口彈滑能掛上厚厚湯汁湯底濃稠 味道唔太鹹 飲咗差唔多一半嘅湯都唔會覺得口渴配半肥瘦叉燒和半隻溏心蛋另外有湯麵 半熟蛋拉麵中($96)拉麵彎彎的較幼身 湯底較稀除了叉燒 還有筍、葱花和溏心蛋

店就在滿滿食肆的登龍街裡，門面滿大的，內裡也寬敞，不會枱貼枱～木系餐桌，舒適度加分🙌🏻👍🏻一人套餐（拉麵+小食+飲品） $121 👉🏻辛辣濃香豚骨魚介沾麵身為沾麵專門店，當然要試沾麵～沾麵汁濃稠度滿滿，不會死咸，就算整條麵泡進去也很可以，也沒有過多的油膩感，有明顯的魚介鮮味，辛辣度比想像中高，配著有嚼勁的中粗麵條，好吃😋👉🏻炸雞 menu上說是金獎炸雞，的確炸得不錯，夠脆又不油，但略嫌肉身不夠厚，但整體好吃👉🏻三田特製拉麵（中） $84湯底看似清澈，但入口滿濃的，不過嗆屬溫和口味，喜歡他沒有油膩感，麵條是幼麵，口感不及沾麵彈牙但也掛汁，不錯🎈總歸一句： 食物味道𣎴錯🙌🏻 但…..服務員的態度真的很需要大大改善一下😑😑 黑面也算…啲語氣差到呢😒…..真心建議要吃的朋友可以去尖沙咀店🫣😶

今日沾麵癮發作🤣 正在煩惱緊食邊間嘅時候， 突然諗起呢間日本嘅過江龍沾麵店 @ 初初喺香港開嘅時候真係日日排長龍㗎😎 趁今日Tea time 唔使排隊，即刻去食😎銅鑼灣呢一間分店， 門面好日式， 以木系裝修為主，食客可以見到師傅煮麵嘅過程👍🌟濃香豬骨魚介沾麵三田製麵所嘅特色就係有冷麵同暖麵選擇， 另外，分量有三個選擇，大中小都係同價， 我建議如果唔係太肚餓，中其實都夠㗎啦， 當然如果大食嘅話，加錢可以要特盛添😎個湯好濃， 有魚介嘅香味😍 至於麵質方面，三田製麵所出名嘅就係自家製作特粗嘅麵條，口感真係好正，而且好滿足🫶🏻 配料方面有流心蛋半隻，筍絲同埋叉燒，我覺得呢三樣嘅份量同味道都好好。 🌟辛辣香濃豬骨魚介沾麵麵條選擇同配料與香濃豬骨魚介沾麵一樣， 辛辣版就多咗佢嘅特製香辣湯， 呢種辛辣好香 ，冇掩蓋到豬骨同魚介嘅味道😋 鍾意食香辣嘅朋友應該幾鍾意👍餐廳有冰水提供，而且仲有七味粉同埋日式拉麵先有嘅胡椒粉， 又好味又滿足嘅一餐沾面就完成啦， 大家有時間都嚟試下呢一間元祖之一嘅日本過江龍沾麵店啦🫶🏻

今日突然好想食沾麵個人中意食周月多d因為佢湯底帶酸 味道有層次d如果唔中意食酸既人可能會覺得三田啱食d點知星期三周月唔開就去左食三田其實都唔係第一次食同以前既印象一樣 不過不失湯底夠濃但唔夠香麵如果要挑剔 其實唔夠彈牙不過整體黎講係唔差但唔會話好出色另外叫左蟹肉忌廉薯餅蟹肉其實得好少食落你當佢普通炸薯波咁咬開就係薯蓉Again 不過不失另外想講返服務質素我覺得店員態度唔太好一入鋪就有個無著制服既女人衝出黎叫我掃安心出行 態度仲要惡我諗佢係員工黎應該啱啱收工 換返便服不過觀感就唔太好 感覺好唔專業 唔知以為做乜無啦啦有個客走出黎管人仲有食完沾麵加湯唔係店員幫我加係比壺熱水你自己搞掂因為食開果d都係店員湛埋呢d位夾夾埋埋就有種白比10%服務費既感覺🤥

偶爾經過登龍街都會留意呢間三田製麵所，最主要被門面豪華裝修，以及日式感覺吸引而黎，今次終於過黎品嚐！三田製麵所係日本有十幾間分店，標榜自家製麵條，加上12個鐘頭熬製濃郁湯頭，製麵機都係由日本訂製運到香港！選擇左一份三田經典二人前套餐 $288，包括毛豆、冷奴(柚子醋)其實即係枝豆同埋某牌子豆腐配柚子醋，雪櫃拎出黎夠曬冰凍。辛辣三田特製拉麵、胡椒柚子雞拉麵麵質統一奶身同有彈性，辛辣湯頭帶有刺激感，但只會食既時候辣唔會停留係條脷度。柚子雞湯頭夠滑唔會膩。兩碗拉麵既配料同肉可以厚身同多啲就更加好。吉列炸蠔、日式炸薯餅、金獎炸雞炸物統一炸得外脆內嫩，尤其炸廣島蠔保留原本蠔既海鮮味，炸雞都好有咬口，有鎖緊肉汁。飲品就主要跟罐裝飲品，另外仲需要收加一服務費。

呢間喺銅鑼灣登龍街嘅三田製麵所主打沾麵 好耐冇食過 所以去食吓😛✻濃香豚骨魚介沾麵小250g 中350g 大450g ($84)特大670g ($94)肚餓所以叫咗特大 份量真係好多😆 麵同湯分開上 湯底好濃郁！🤎 沾麵掛汁好食😋 麵可以揀凍或者熱 我哋揀咗凍 食落煙韌彈牙 麵嘅質地偏粗身 我覺得有少少似烏冬咁～ ✻半熟蛋拉麵 中$96 大$106我哋同樣揀咗大size 😎呢個嘅麵係比較幼身～ 吸曬濃香豚骨魚介湯嘅味🥰湯底同沾麵嘅湯底差唔多～多咗啲蔥花同埋有半熟蛋好正💓 一樣有大大塊嘅叉燒佢另外喺尖沙咀都有分店～

與日本店採用相同品質既湯底同麵條更由日本負責人管理及監控 部份食材亦會由日本當地進口 因此一直以來都keep 到水準💯🌟鹽味鯛魚沾麵八月中新推出既夏季限定☀️有沾麵/拉麵可以揀番試左沾麵 製麵機專程由日本訂製運至香港麵條比較粗身容易掛上厚厚湯汁 入口亦好爽滑彈牙而湯底比較濃稠 配左鹽味鯛魚湯鹹鮮味十足 仲有叉燒,荀同溏心蛋夠哂開胃😋跟餐仲可以加靜岡蜜瓜梳打好有夏天氣息👍🏻🌟三田特製拉麵湯底非常濃郁 湯底由大量豬骨,雞骨同蔬菜熬製十二小時而成 加叉燒同大量香葱,荀 麵底帶麥味且彈牙👍🏻食得好滿足💯👍🏻

經過銅鑼灣登龍街，想食日式拉麵做午餐，見到有幾間選擇，不過聽過呢間個名，見到門面都唔錯，就入去試吓。攞起餐牌見啲相都麻麻，不過坐低咗，就叫咗個招牌 $121 餐，包一碗麵，一個小吃及飲品，單叫麵就要$96。其他嘢都唔講住，碗招牌面可以用垃圾來形容。湯不香亦不特別，只有一片超細超薄叉燒及幾塊筍，講完。小食係標榜住「人氣」嘅炸雞翼，結果只係黐住大量油嘅翻炸雞翼。本人甚少寫食評，今次真係忍唔住，寫個「伏」字。

今晚在銅鑼灣吃飯，下雨天最喜歡吃麵食。餐牌的選擇不多，來這裡的一定吃沾麵。沾麵可以選擇凍麵或熱麵，個人認為凍麵會彈牙一些。⭐️濃厚豚骨魚介沾麵$84大中細份量同價，女生我覺得中尺寸已經很足夠。配料有筍片、溏心蛋和叉燒。雖然不多，但絕對夠。濃厚豚骨魚介入口濃郁，鮮味很突出，配上粗沾麵，沾麵掛上湯汁，只吃麵也覺得很美味。⭐️濃厚海老沾麵$98配料有櫻花蝦、香蔥、叉燒、流心蛋。湯底入口除了濃郁鮮甜，竟然有龍蝦的味道，比一般的沾麵更濃郁。配上沾麵，真的很鮮，最後我把湯底和麵條都吃光了。

同女友行銅鑼灣，夜晚就去登龍街搵餐廳，見到呢間小人排隊，睇餐牌又好似ok，就等一陣入去。入去點左2個一人餐（2人餐個前菜唔多岩我地口味）。我就要辣拉麵，女友要左沾麵，配左餃子同埋忌廉蟹餅。沾麵唔錯，湯夠熱，湯味幾濃，而且麵既份量大，麵條又粗，好食👍👍女友食唔哂要比一半我。我覺得叉燒係夠淋，一咬就爛。但唔夠肥，對我黎講，叉燒一定要夠肥先好食，呢件我只比合格。拉麵味道幾好，湯濃而唔太咸，麵條比沾麵幼啲，而且份量比沾麵小三份一，好彩我有沾麵加持😁😁，如果拉麵可以選擇沾麵既麵，咁就正。餃子份量比較少，得三隻，如果多1-2件會好啲。忌廉蟹餅2件就夠，炸得酥脆，咬落又熱又香又爽脆，個人就好鍾意。2個一人餐覺得銅鑼灣黎講算ok，不過又唔覺真係好好食既。如果諗唔到食乜，可以黎試下。