177
107
47
港鐵銅鑼灣站 B 出口, 步行約3分鐘 繼續閱讀
所有分店 (2)
電話號碼
25678066
開飯介紹
日本沾麵連鎖店,麵條於自家工場每日新鮮製造。 繼續閱讀
營業時間
今日營業
11:00 - 00:00
星期一至日
11:00 - 00:00
*最後落單時間:23:30
付款方式
Visa Master 現金 銀聯
其他資料
網上訂座
賞訂座積分
有關獎賞計劃
食評 (381)
等級4 2021-01-03
312 瀏覽
三田製麵所香港分店之前都有食過, 同新宿分店食味道分別不大. 因為都有一段時間無食沾麵, 今日又黎啦. 今日都要排隊一陣, 門面裝修都係跟日本店相似. 叫左未試過既鹽味鯛魚湯沾麵, 麵有三款份量小(140g), 中(210g), 大(280g) $78, 湯同樣有魚味, 但就無'濃湯豚骨魚介' 咁濃同'杰', 仲有2片豚肉同半隻製流心溫泉蛋.絶對可以再食. 叫左小食吉列豬扒$36. 豬扒幾Juicy外層炸粉唔太厚. 喜歡重口味既可以食番濃厚豚骨魚介沾麵, 而我就比較鐘意清淡小小既鹽味鯛魚湯沾麵. 希望下次再黎仲有呢款, 不是期間限定.  繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-05
346 瀏覽
天氣開始涼又係時候想食啲熱野暖暖地嘅沾麵都係唔錯嘅選擇好日式嘅店面認住佢兩個燈籠一定唔會去錯入面嘅裝修都好和風雖然係食飯時間但係都係得幾台客店舖面積唔算大大約坐到四至五十人辛辣沾麵(大)280G基本上所有食沾麵嘅舖頭麵量都有得揀呢一間都唔例外大中小嘅麵量都係同一價錢沾麵有得揀冷同暖今次揀左暖食落冇咁彈牙辣度都有得揀揀左小辣唔食得辣嘅朋友都應該入到口沾麵醬汁偏向甜食落比較粘口三田特製拉麵(中)120G拉麵就係用返正常幼麵叉燒食落唔會太薄有口感不過其實兩種湯底味道上差唔多都係魚介底但係拉麵就稀啲食落清爽啲煎餃間舖頭反而煎餃做得最出色餃子入邊嘅豬肉餡十分足料唔似其他舖頭啲餃子淨係得返菜同埋少少肉碎順帶一提呢間舖頭嘅每人最低消費為$70店員都好主動咁話俾我哋知上拉麵嗰時又會比埋圍巾十分細心 繼續閱讀
(以上食評乃用戶個人意見 , 並不代表OpenRice之觀點。)
等級1 2020-09-23
384 瀏覽
今日下午1點左右去食lunch 1點06分入座 坐低睇左幾分鐘menu之後就同侍應落單 見佢喺部機到點哂野食 又覆述左一次我所點嘅野食 然後再迅速攞左罐百事過嚟 我仲以為真係咁有效率㩒下手機唔經唔覺過左15分鐘 但係一款主食小食都冇上過枱 我以為食物準備需時就繼續等如是者又過左15分鐘 都仍然一樣食物都冇上過枱 餓到七彩嘅我終於頂唔住 問一問侍應 先知原來從來冇落到單 仲話即刻幫我落返同即做06分入座 41分先印單 真係好有效率呀!!!我喺到奉勸各位附近嘅上班族lunch唔好過嚟堂食 因為有可能分分鐘你lunch hour完都仲未落到單!食物係唔錯嘅 但係你落唔到單 幾好食都冇用啦 繼續閱讀
(以上食評乃用戶個人意見 , 並不代表OpenRice之觀點。)
呢間其實已經食過幾次,但都係唔記得咗影相😆😆今次終於記得啦!次次都係一黎就食,因為個豚骨魚湯真係好好味❤️🥰❤️🥰今次三人行,我地食左🍽:1. 沾麵🍜(兩個中,一個細)$78蚊一碗食沾麵最主要係食麵質同湯底,我覺得其他都係其次嚟🤔呢間舖最出名就係麵,粗幼啱啱好,軟硬度啱啱好👍🏼😋個湯好濃好稠,你會見到魚碎喺入面,同有啲有啲入左味嘅豚肉粒。湯入面塊紫菜建議同麵一齊食,係perfect match嚟!🥰🥰豚肉切到幾薄好淋,好味!😋🥰雞蛋雖然做到半生熟,但係個人覺得醬油味可以濃啲🤔😋真係好正! ❤️❤️🥰🥰2. 炸雞🍗跟餐加$26外面唔會好油👍🏼肉唔會太乾身。唔錯嘅,不過如果入面再juicy啲就完美啦😋😋3.煎餃子🥟跟餐加$26餃子係第一次叫,有驚喜!皮薄餡料多,加埋醋喺唔錯!😋😋我試過佢哋嘅拉麵同沾麵。但食完沾麵真係返唔到轉頭😋🥰三田製麵所📍地址:銅鑼灣登龍街1-29號金朝陽中心二期Midtown地舖 繼續閱讀
(以上食評乃用戶個人意見 , 並不代表OpenRice之觀點。)
等級3 2020-09-16
255 瀏覽
日本連鎖品牌 三田製麵所剛開時候大排長龍 當時係香港比較少有沾麵食大眾都熱愛試新野 香港新食店開得太快太多 依家熱潮已過 依家都唔駛排隊就入得除左沾麵都有其他拉麵可選座位不少 裝修都係跟日本傳統拉麵店風格人氣爆燈 “濃厚豚骨魚介沾麵”價錢要視乎要食幾大碗 $78/$88麵有4個份量可選 麵條粗身彈牙 粗粗麵條配上濃厚豚骨魚介湯味 魚味好香 調味略重2片豚肉 有秘製流心溫泉蛋食左半碗已經開始覺得略鹹食完要飲好多水 好鹹總結: 味道太濃 喜歡重口味既朋友一定要試 繼續閱讀
(以上食評乃用戶個人意見 , 並不代表OpenRice之觀點。)