影片
營業時間
今日營業
11:00 - 22:00
星期一至日
11:00 - 22:00
*最後落單時間：23:30
以上資料只供參考, 請與餐廳確認詳情
《三田製麵所》明太子撈麵 🍜(期間限定)📍尖沙咀河內道18號K11購物藝術館地下G21-G22號舖今日係假日，有事出開尖沙咀。辦好要事後都係11點鬆d，諗住食埋晏先返屋企，咁當然想食拉麵啦。不過11點鬆d，絕大部份嘅拉麵店都未開，又唔想”又”食一蘭，經過 K11 探一探銀座 篝 開左未，係末嘅，咁响 K11 地面嗰層見到《三田製麵所》已經開左鋪。以往我都有試過佢嘅《豚骨魚介沾麵》，印象中係中規中矩，大眾化口味，正常地好食，所以印象唔深刻。今日見到佢有一款幾有趣嘅撈麵，《明太子撈麵 🍜》，而且係期間限定，咁有緣，一於試吓啦。呢款撈麵材料都幾豐富，而且香味非常夠，每一款料嘅味都清楚地聞到。配料除左主角明太子外，仲有豬叉燒，紫菜碎，青蔥，乾蔥。最令人眼前一亮係配左一塊仔嘅牛油🧈。因為上碟個擺盤都幾靚仔，真係有少少唔想撈散佢。撈完之後，個效果就係咁。麵條方面，呢款麵有一種穩打穩紮嘅感覺，都頗粗，算中太麵，直身。口感係屬於煙韌扎實類別，所以相當有咬口，咬斷佢要出多少少力，不過當然係唔會咬到攰嗰種啦。雖然係撈麵，不過個醬汁嘅量並唔少，唔會乾爭爭。醬汁嘅基底，我認為都係鰹魚汁為主。額外一提，佢有跟碗海帶湯，食下食下飲兩啖，有解膩作用。整體個效果係幾好，明太子嘅質量係正常，所有配料走埋一齊個香味同味道都係非常討好，而且有埋牛油嘅加持，香味更上一層樓。味道主軸主要係由鏗魚，明太子，蔥同紫菜構成，唔會話邊邊太濃太淡。鹹度係我最想讚嘅，控制得剛剛好，由頭食到尾，我冇想過要飲水。麵嘅份量都幾足，正常食量嘅男性都應該會夠飽。除左個撈麵本身，我額外叫左個蔥花飯。蔥嘅份量相當足，質量亦好，雖然係生蔥但唔係d好辛辣嘅老蔥，算清甜。因為有明太子，我就將 1/3 咁上下放左落個飯道，同埋少少叉燒。個飯本身都有加汁水，唔會好乾。加埋明太子，同叉燒，每一啖都幾滋味喎。講真，我食量唔大，今次叫左一麵一飯係多左 d，不過因為幾好食，所以完食難度不大。整體 - 值得推薦 👍👍👍👍唔知由幾時開始，好多人對食日式拉麵都會有著一種鋤強扶弱嘅心態。規模越係大，好似多人會踩； 規模細嘅店，或俗稱隱世小店，就反而多人撐。雖然，我層經响登龍街店中過伏，試過佢嘅麻辣拉麵，十分難食我比佢九分，不過，今次我嘅用餐體驗係好，呢款撈麵算好食，亦有種穩打穩扎嘅感覺，冇乜位可以挑剔，我就食得幾開心。Menu上面亦有其他我想試嘅口味，下次啦。
繼續閱讀
今日我就同朋友喺尖沙咀行街，行到餓餓地，就喺揀咗喺度食碗拉麵🍜拉麵館裝修比較簡約，有開放式廚房，可以睇到廚師整拉麵！🌟鹽味鯛魚湯拉麵- 湯底以新鮮鯛魚熬製，入口鮮甜好味，鹽味調和得恰到好處，吾會過鹹，肉薄切，搭配筍乾、蔥花和少量柚子皮，增添清香。 🌟三田拉麵（醬油豚骨湯底）- 濃郁嘅豚骨湯底，再加入醬油調味，鹹香濃郁，係傳統嘅日式風味。 叉燒肥瘦適中，仲有青蔥同紫菜做配搭。 簡簡單單嘅一個午餐就食到傳統嘅日式嘅風味！
繼續閱讀
K11近門口嘅三田製麵所一直都想食，襯放工經過去試吓🍜鹽味鯛魚湯拉麵 $88湯底好飲唔太鹹，魚湯味香濃，拉麵質地適中，不硬又不太腍，最特別係好鐘意入面有塊薄平烏冬，好好食🤤入面有雞肉、紫菜、蔥花等🍜三田拉麵 $84似醬油湯，濃稠偏鹹，配料係叉燒、🍥鳴門卷、紫菜，成個麵食得晒，唔算太大份量，不過都幾好食🥚醬油半熟蛋 $12蛋黃軟滑，成粒蛋都唔錯🚩三田製麵所 (尖沙咀) @mitaseimenjo_hk 📍尖沙咀河內道18號K11購物藝術館地下G21-G22號舖
繼續閱讀
📍 三田製麵所（尖沙咀） @mitaseimenjo_hk成日經過尖沙咀都會見到呢一間日本麵製店，每日新鮮即做嘅麵條，相當吸引！喺晚飯時間都要排幾個人先可以入到舖頭，相當有人氣🩷今日就享受一個人的晚餐🩵自己食一碗拉麵🍜✨三田辛辣拉麵依款面有兩個價錢相差$10，只係份量不同，一個大碗，一個中份量，叉燒好好吃，軟嫩又有彈性，不過只係得一塊，湯頭很濃，濃郁卻不膩口，適合喜歡吃辣的朋友辣度喝起來不會太過強烈，也是順口的，配料有脆筍、大蔥等，相較於日本其他拉麵，他的湯頭不會太鹹，尤其是麵條很有嚼勁！
繼續閱讀
三田製麵所的魚介沾麵，對我們來說已經不只是一頓飯，更像是歲月的見證。從和太太剛開始約會時在銅鑼灣店初次品嚐，到後來搬到尖沙咀附近偶爾光顧，這個味道陪伴我們走過了不少年頭。魚介湯底的濃郁香氣總是能在推門而入的瞬間撲鼻而來，那種海鮮與豚骨融合的香味調得剛好，不會太過厚重，也不至於寡淡。麵條Q彈有勁，沾上湯汁後每一口都很有滿足感。說實話，水準確實偶爾會有起伏，有時候湯底稍微鹹了點，有時候溫度不夠熱，但這種小小的不完美反而讓它更有人情味，就像熟悉的老朋友一樣。黑椒雞翼是我們的固定搭配，外皮酥脆，黑椒味夠嗆，和魚介湯底形成很好的層次對比。太太總說這裡的雞翼比其他地方做得用心。現在我們已經從小倆口變成老夫老妻，但每次來這裡吃麵，還是會想起當年第一次約會的青澀模樣。希望這家店能一直開下去，讓我們的回憶有個安放的地方。Mita Seimensho’s seafood tsukemen has become more than just a meal for us—it’s a witness to our journey together. From our early dating days at the Causeway Bay branch to occasional visits near our Tsim Sha Tsui home, this familiar taste has accompanied us through the years. The rich seafood and pork bone broth strikes the perfect balance, neither too heavy nor too light. While quality occasionally fluctuates, the consistent flavour feels like an old friend. Paired with their signature black pepper chicken wings, it creates satisfying contrasts. We hope this place continues operating, preserving our cherished memories.
繼續閱讀
您可能會有興趣的...