影片
營業時間
今日營業
11:00 - 22:00
星期一至日
11:00 - 22:00
*最後落單時間：23:30
以上資料只供參考, 請與餐廳確認詳情
之前喺日本無意之中食過呢間拉麵🍜已經念念不忘，估唔到喺香港都有分店就黎食下😜 一樣keep到水準，湯底🥣濃厚，特別既係仲有帶有鹹香同煙燻香味既魚介幾好食😋 裝修行簡約既淺色木系🪵風格，有bar枱同梳化🛋️位任君選擇～(5 😍 係滿分，🤩係半分） 特製濃厚豚骨魚介沾麵 🐷🍖🐟🍜 - $108 (好味指數：😍😍😍😍🤩)佢地專注咁提供一款湯底🥣，由大量豬骨🐷🍖、雞骨🐥🍖同蔬菜🥬熬煮12個鐘⏰，同時加入魚介材料🐟，味道濃郁醇厚，有鹹香同煙燻香味～ 個濃湯🥣夠杰身，仲有啲清香既柚子同提鮮既魚介粉🐟，感覺無咁漏👍🏻 而啲粗麵🍜保留到小麥🌾風味，會因應每日溫度🌡️同濕度調製造，煮完再浸冰水🧊💧，所以口感爽滑彈牙，可以好好咁掛湯🥣幾正🤤 啲叉燒🔥🐷 帶有醬油同味醂既風味，肉質軟腍，帶有啲焦香，如果熱啲啲脂肪位既油香就更加突出啦～ 同時配左香甜滑溜既溏心蛋🥚、清甜爽脆既冬筍絲、清新爽脆既椰菜🥬同埋香口既紫菜，感覺幾滿足😌特製三田拉麵 🔥🐷🍜 - $84 (好味指數：😍😍😍😍)如果鍾意清啲可以叫湯🥣既拉麵🍜，但一樣感受到魚介🐟獨有既鹹香同埋豬骨🐷🍖、雞骨🐥🍖嗰種濃厚既感覺～ 麵🍜會幼身啲，但一樣係由經驗豐富既日本師傅直接指導炮製，同日本店用一樣品質既湯底🥣同麵🍜，亦會由日本負責人監控，都幾掛湯🥣 一樣配左有焦香同軟腍既叉燒🔥🐷、香口既紫菜、鮮甜彈牙既鳴門卷🍥同埋清甜爽脆幾冬筍絲都唔錯～好味指數：😍😍😍😍推介指數：😍😍😍😍
繼續閱讀
《三田製麵所》明太子撈麵 🍜(期間限定)📍尖沙咀河內道18號K11購物藝術館地下G21-G22號舖今日係假日，有事出開尖沙咀。辦好要事後都係11點鬆d，諗住食埋晏先返屋企，咁當然想食拉麵啦。不過11點鬆d，絕大部份嘅拉麵店都未開，又唔想”又”食一蘭，經過 K11 探一探銀座 篝 開左未，係末嘅，咁响 K11 地面嗰層見到《三田製麵所》已經開左鋪。以往我都有試過佢嘅《豚骨魚介沾麵》，印象中係中規中矩，大眾化口味，正常地好食，所以印象唔深刻。今日見到佢有一款幾有趣嘅撈麵，《明太子撈麵 🍜》，而且係期間限定，咁有緣，一於試吓啦。呢款撈麵材料都幾豐富，而且香味非常夠，每一款料嘅味都清楚地聞到。配料除左主角明太子外，仲有豬叉燒，紫菜碎，青蔥，乾蔥。最令人眼前一亮係配左一塊仔嘅牛油🧈。因為上碟個擺盤都幾靚仔，真係有少少唔想撈散佢。撈完之後，個效果就係咁。麵條方面，呢款麵有一種穩打穩紮嘅感覺，都頗粗，算中太麵，直身。口感係屬於煙韌扎實類別，所以相當有咬口，咬斷佢要出多少少力，不過當然係唔會咬到攰嗰種啦。雖然係撈麵，不過個醬汁嘅量並唔少，唔會乾爭爭。醬汁嘅基底，我認為都係鰹魚汁為主。額外一提，佢有跟碗海帶湯，食下食下飲兩啖，有解膩作用。整體個效果係幾好，明太子嘅質量係正常，所有配料走埋一齊個香味同味道都係非常討好，而且有埋牛油嘅加持，香味更上一層樓。味道主軸主要係由鏗魚，明太子，蔥同紫菜構成，唔會話邊邊太濃太淡。鹹度係我最想讚嘅，控制得剛剛好，由頭食到尾，我冇想過要飲水。麵嘅份量都幾足，正常食量嘅男性都應該會夠飽。除左個撈麵本身，我額外叫左個蔥花飯。蔥嘅份量相當足，質量亦好，雖然係生蔥但唔係d好辛辣嘅老蔥，算清甜。因為有明太子，我就將 1/3 咁上下放左落個飯道，同埋少少叉燒。個飯本身都有加汁水，唔會好乾。加埋明太子，同叉燒，每一啖都幾滋味喎。講真，我食量唔大，今次叫左一麵一飯係多左 d，不過因為幾好食，所以完食難度不大。整體 - 值得推薦 👍👍👍👍唔知由幾時開始，好多人對食日式拉麵都會有著一種鋤強扶弱嘅心態。規模越係大，好似多人會踩； 規模細嘅店，或俗稱隱世小店，就反而多人撐。雖然，我層經响登龍街店中過伏，試過佢嘅麻辣拉麵，十分難食我比佢九分，不過，今次我嘅用餐體驗係好，呢款撈麵算好食，亦有種穩打穩扎嘅感覺，冇乜位可以挑剔，我就食得幾開心。Menu上面亦有其他我想試嘅口味，下次啦。
繼續閱讀
✨黃金牛肉沾麵（期間限定）三田嘅沾麵一向係招牌，今次試咗期間限定嘅黃金牛肉沾麵，真係有驚喜！湯底用濃厚豚骨魚介熬製，再配搭牛肉，撈埋煙韌粗麵一齊食，掛湯力一流，每啖都充滿肉香同魚介鮮味！麵可以揀熱/冷，個人推薦熱，更能帶出濃郁感。🍜三田拉麵（醬油豚骨湯底）經典款嘅三田拉麵，湯底濃郁得嚟唔會過鹹，醬油同豚骨平衡得剛好！叉燒肥瘦適中，入口即化，麵質偏粗身，咬落彈牙有麥香，仲有紫菜、蔥花，整體水準穩定。三田嘅沾麵依然係高質之選，黃金牛肉限定款值得一試！拉麵穩打穩紮，適合鍾意傳統風味嘅朋友。環境舒適，位置方便（K11地面層)!
繼續閱讀
三田製麵所 (尖沙咀)尖沙咀河內道18號K11購物藝術館地下G21-G22號舖黃金牛肉沾麵中+冷麵一人餐」，一個人都可以食到飽。首先個濃厚豚骨魚介沾麵，個湯底真係濃到可以掛住麵條，一啖落去，豚骨嘅香同埋魚介嘅鮮味夾埋一齊，簡直係味蕾大合唱！黃金牛肉份量都幾有誠意，入口嫩到冇朋友，沾埋個湯底，正到想舐碟！冷麵就係夏日救星，冰凍彈牙，配上特製醬汁，酸辣得來又清爽，同個濃郁沾麵一冷一熱，簡直係絕配，食到一半轉換口味，個感覺就好似係冷氣房突然走到出面晒太陽，夠晒過癮！炸雞中翼要咗黑胡椒味，個皮脆到咬落「咔嚓」聲，肉汁又夠多，黑胡椒味不會太搶，剛剛好提香，雖然話係「小」，但兩隻翼都幾大隻，夠晒送麵！最後飲返杯巨峰梳打，葡萄味夠濃，氣泡又足，一口下去，個泡泡係嘴入面爆炸，將前面所有味道一掃而空，清新到好似重新做人！
繼續閱讀
今日我就同朋友喺尖沙咀行街，行到餓餓地，就喺揀咗喺度食碗拉麵🍜拉麵館裝修比較簡約，有開放式廚房，可以睇到廚師整拉麵！🌟鹽味鯛魚湯拉麵- 湯底以新鮮鯛魚熬製，入口鮮甜好味，鹽味調和得恰到好處，吾會過鹹，肉薄切，搭配筍乾、蔥花和少量柚子皮，增添清香。 🌟三田拉麵（醬油豚骨湯底）- 濃郁嘅豚骨湯底，再加入醬油調味，鹹香濃郁，係傳統嘅日式風味。 叉燒肥瘦適中，仲有青蔥同紫菜做配搭。 簡簡單單嘅一個午餐就食到傳統嘅日式嘅風味！
繼續閱讀
您可能會有興趣的...