三星台菜食堂 (奧海城2期) (已結業)

外賣嗌台灣嘢有時都不失為一個好選擇一大枱嘢食share(Deliveroo價)埔里花雕牛肉冬粉 (牛腱) $92湯底好濃 仲帶少少酒味🍶冬粉索晒啲湯 真係不得了~仲有好幾大舊嘅牛肉同牛筋都幾高質炸滷雞扒便當 $68台式焢肉便當 $68質素中規中矩啦 少少頹嘅飯🤏🏻兩款都配咗一份酸菜同一份牛肚雞扒便當仲有一份滷肉配菜仲好食啲😂好送飯酸菜牛肉刈包 $42外面係好軟熟嘅麵包 搽少少辣醬包住一大舊滷得好入味嘅肥豬肉🥺口感同味道 都幾好只係......酸菜太多了吧🙈KTV香腸 $55香腸又香又脆配埋個濃味醬汁 再加啲蒜真係會食到停唔到涼拌四季豆 $42咁健康 無試到🥶整體嚟講都唔錯

大角嘴有吾少台食，埃華街就有《老厝邊》，《那個》，今日去番奧海城試左《三星》。個午飯連加一八十蚊水位，叫左《台式炸鷄滷肉飯》連豆漿。好既係滷肉飯肉味濃，滿瀉咁喺飯上面，滷肉粒亦十分入味，送飯吾錯。炸鷄係脆，不過味道淡，食落好似一件冇味既炸物，有D 可惜。在奧海城這邊，《三星》應該係獨市台食（吾計 food court); 但味道認真比一下，就俾同區對手在價錢同食物質數上面比下去了。

年初因疫情未能與友人飛往台灣旅行到年尾也仍未通關大家都不知何時才能再到台灣大玩大吃一番留港消費也只能選擇一些台灣風味餐廳一解相思之苦在奧海城行街行到晚上便與友人找找附近食店醫肚記憶中有這間台灣小店 網評不錯便入來試試疫情關係 各個餐廳都無咩人我哋在門口張望以為店未開門原來已經開始只是未有客人我們便走進去一人落一張單我叫了麻辣牛肉冬粉湯底濃厚 麻多過辣牛肉軟冧 不錯啊最鍾意個冬粉 十分入味又有口感感覺去左台灣食😂朋友叫左個鹽酥雞排刀削麵鹽酥雞即叫即炸 新鮮又入味台灣夜市的香脆雞排 感覺友人說刀削麵也不錯最後再叫小食甜不辣 （魚腐）炸得都幾好食但 我記憶中的甜不辣好似唔係甘食完兩個麵再食小食其實已經飽飽地總結 餐廳麵粉是有台灣風味的價錢尚可 掛念台灣味的人可以來試吓

好耐無去旅行, 好想疫情快點 過, 太掛住台灣小食, 決定約朋友去三星台菜食飯, 過一過台灣菜口癮。我地點咗四款小食做晚餐, 甜不辣, 三星蔥餡餅, 台灣香腸, 餃子。我最鍾意食甜不辣, 真係彷如台灣當地食到嘅一樣, 炸得剛剛好, 不算太油膩, 外面脆身, 內裡很Q, 還配上蒜蓉, 好香口, 食到停不了。其次三星蔥餡餅都好香, 蔥味突出, 沾上一些特色醬汁, 更加提升味道層次, 在香港其他食店都好難搵到咁好味嘅三星蔥餡餅!!台灣香腸及餃子都好好吃~下次再掛住台灣菜時, 會再嚟食過

由細到大都好鐘意食麵，尤其是係冬天。做完成日野，心很累既時侯 一碗熱辣辣既麵既威力係有幾咁厲害。聽朋友講奧海城有間黃既台式牛肉麵，咁梗係要去試試佢啦。唔係太多人排隊，好快就入到去坐。坐左無耐店員就比左幾個口罩套我地 好靚好貼心(仲要幾好用 而家仲用緊)。講野食，見到個menu有個埔里花雕三星麵(牛鍵，牛筋，牛肚)，本人極好酒同牛筋 諗都無諗就揀左呢個(雖然戒緊牛 但係都要堅決破佢個戒!)。唔使等好耐就有得食，個麵勁大碗 啲湯熱辣辣又勁香花雕味已經加哂分。其次就係佢個牛筋同牛鍵都好冧，不過個牛肚就普通啲。雖然個麵好大碗 不過照食哂，係好食到呢湯都飲哂都唔夠喉 高汁!!!不過可惜既係本人家貧，略嫌個麵小貴 但幾多方面近乎完美! 有錢一定再去

1.食左個紅燒牛肉麵，湯唔夠味，牛肉無牛味，刀削麵應該唔係人手刀削，麵條粗幼條條一樣唔彈牙，應該係機削。但係刀削麵就係想食佢有粗有幼同埋彈牙。食左一半放棄。2. 叫左牛肚，超鹹，要用湯麵d湯去沖一沖先食到落口，鹹到個咀唇都唔舒服，食左三成，跟住真係頂唔順。3. 魯肉飯算係比較正常，係台灣食魯肉飯係40台幣，係平價菜式，竟然只係得呢個係食得晒。4. 仲叫左一味餸，唔想多講，你自己去試下。睇見有其他網友話係黃店，黃色朋友可以多多支持。

After the slightly disasterous lunch at Under Vacuum The Steakhouse, I then went to Tristar Kitchen, just 20 minutes away from Mong Kok MTR. It was quite a small shop, but the waitress was so nice, she asked us how our day was, gave us a bit extra of vegetables when she heard we liked the preserved sour vegetables, and made some amazing recommendations. The food was wonderful, with rich beef bone broth and fried chicken that made up for the disappointed at under vaccum. Would recommend! 😍😍

🇭🇰 < <三星台菜食堂 > > 一試再試😍💰 [ <$101-$200 ］👯 [ <10mins ]📍 [ 大角咀海庭道18號奧海城二期地下G71號舖 ] ⏰ Mon-Sun (12:00-22:00)☎️ 21809996______________________________ 1️⃣[ 魯肉拌麵🍜 ］ʜᴋᴅ52✍🏻一上碟已經比魯肉嘅香味吸引 ✨而麵條係小編最鍾意嘅粗麵，好有咬口！配料豐富，有魯肉酸菜半熟蛋 🤤魯肉肥瘦啱啱好而且調味足夠！食完唔會有油膩嘅感覺～～酸菜配上半熟蛋真係世界級🧡🧡唔使10分鐘食晒成碗撈麵！🌟推薦指數：9/10______________________________🥑整體嚟講🥚呢間係小編去完一次又一次嘅台灣餐廳😛環境舒適服務態度好而且保持到食物水準如果去開大角咀，絕對可以一試！😋好味指數：9/10🏃回頭指數：9/10🔎🏷️ #letus九龍 #我要吃掉全世界 #letus台灣茶系列 🔍▫️ #Yummyfood #hkrestaurant #fooddiary #hkblogger #hkfoodie #foo

《蕃茄三星牛肉麵》$70 （85折後）就算買外賣都要揀間好食嘅！三星嘅牛肉麵真係會食上癮，仲記得第一次食三星係AIA嘉年華度坐草地食，覺得好普通，之後去試堂食，仲記得叫左花雕三星牛肉麵同鹽酥雞🤤 令我好驚喜🤩自始就愛上左三星台菜（之前都有其他po係三星）而家晚市外賣仲有85折❤️好啦，講返食物，牛肉林度、味道都好完美💕 麵有粗麵、刀削麵同冬粉揀，個人鍾意食粗麵。湯底有得揀紅燒、蕃茄、麻辣。食物質素：8.5/10 回頭率：9/10 抵食：8/10

住附近咁耐都冇留意有間台灣餐廳。只係知道2期地下有添好運同三哥真係走寶呀今晚就巧遇黎食晚餐，一入到去就有位，不過要坐bar枱。古早味控肉飯～睇相就知啖啖肉！侍應話啲酸菜係每日新鮮炒的。麻辣牛肉麵～好入味，食到出哂汗可惜冇哂刀削麵。下次要再黎試呀！四季豆～萬蕃冰糖豬手～味道好特別。平時一般都係食炸豬手。呢個仲要係屬於涼拌菜。好啱夏天食侍應態度非常友善。食完仲送💛香港加油💛既口罩我係街坊，一定會再黎！

《台灣菜吃什麼》剛好前2篇IG都在介紹台灣食物，而前天又真的去了吃台灣菜，看來最近與台灣的緣份很深😂來到人稱美食天堂大角咀，住附近的朋友帶我們來到《三星台菜食堂》，傅佩嘉開的（腦海馬上浮現「絕」的歌詞！起歌！什麼叫絕望。。。唉好想唱K)Ok講番正題，吃台菜常常會忍不住狂點小吃😂今趟也是所有小吃都想點一遍！炸甜不辣、炸百葉豆腐、四季豆、炸杏鮑菇，是台灣的味道啊！！！！當然炸物們大部份都是同一樣的調味，蒜泥+椒鹽，好吃啊。麵條及划包不過不失。下次還是想多點些小吃🥰另外仲附送口罩套，金色字，靚！#3stomachs_taiwanfood

近來對傅佩嘉唱的傾城一聽著迷，經常在腦海裡重複播放，這個版本歌詞更感觸，歌手演繹得更動人。友人亦十分喜歡這首歌，得知三星牛肉麵在奧海城有分店，一於來打個卡。埔里花鵰三星麵，先喝口湯，充滿花鵰酒香及杞子甜味，忍不住先連喝幾口。選擇了冬粉，喜歡它的軟滑彈牙，而且吸湯入味。三星就是牛肉，牛筋及牛肚，牛肉厚彈軟腍，入味有肉香，牛筋粘口軟綿，牛肚軟彈。台灣冷泡茶是桂花烏龍茶，茶香味清，在炎炎夏日喝口真是透心涼。

本來就喺奧運返工，喺某同事推介下試下呢間台式小店😂坐底左先知係傅珮嘉（明星）開嘅餐廳 不過明星開都同味道唔掛鉤嘅鋪內空間唔係好大 大約坐到20個位左右 好在早去唔洗點等位$52 炸百頁豆腐🌟🌟🌟炸得幾香口 表面有椒鹽 同炸蒜 但要提嘅係蒜頭係似平時屋企手切 比較大粒 好濃味🙈啱哂喜歡口臭嘅朋友入面口感比較似魚腐 唔錯👍🏻$48 蒜泥白肉 🌟🌟🌟呢個蒜泥白肉都幾好食 都係大大粒蒜頭 🧄個汁唔會太咸但又夠味 肉唔會有好大雪藏味 $88 花雕三星麵 （粗麵）🌟🌟🌟🌟好可惜黎到刀削麵已經冇哂😿粗麵麵質較淋 一般三星即係牛腩牛筋同牛肚 牛腩有少少un 牛筋同牛肚都好普通 冇乜味反正個湯底好正 花雕味好香濃 飲落少少清甜 食完唔會覺得口渴 正 同埋D酸菜都好好食👍🏻$76 紅燒牛肉麵 （唔辣）🌟🌟🌟同埋都係酸菜同湯底比較出色 但同其他台店比較 呢間個湯係淡D 個人覺得花雕出色D

這間好像是某香港歌手做老闆的「三星台菜食堂」，雖然開業已有一段日子，離家也不遠，不過直到近期，我才終於光顧了一次。這店子細細的，座位不多，陳設也簡單，而且供應的食物也比另外兩間店舖少，是沒有台式飲品喝的，讓這天想喝點台式飲品的我有點失望。第一次光顧，簡單地點了包括有牛腱、牛筋和牛肚在裡面的「紅燒三星麵」（$82）做主食，再點了一碟「燙青菜」（$36）與太太分甘同味。因為店員告知沒有刀削麵，我又不愛吃冬粉，所以要了粗麵，麵條口感尚佳，掛湯力也不錯，但湯味不夠濃，而且也較少，吃到最後，已沒有多少湯湯底雖說是以大量牛筒骨配以蔬菜與藥材熬製，但湯味顯得薄弱，甜味淡淡的，那微辣也實在輕微，未算佳品。至於那些牛腱、牛筋和牛肚，牛筋是夠腍的，牛肚也過得去，但那一大一小的厚身牛腱就不夠腍，肉質有點實，如果牛腱可以薄些的話，雖然口感會差了，但就應該會較為軟腍，也更得我的喜歡。「燙青菜」就沒有甚麼好說的了，爽口的A菜，正常的味道，就是健康的綠色力量。順帶一提的是，這間小店不單沒有台式飲品供應，就連台式甜品也沒有售賣，如果想吃的話，就要去它的另外兩間分店了。

見週末就想出去食下野，諗住食個下午茶都好，朋友話想食台式野，咁就揀左係大角咀呢間試下，其實奧運站出行幾分鐘就到。嗌左紅燒牛肉麵，要左紅燒湯底同埋粗麵，首先湯底濃郁，麵既硬度都好適中爽口彈牙好岩我，仲有酸菜同埋葱做配料，加添美味同口感，牛肉都好嫩滑，唔會”韌”。小食方面有第一鹽酥雞，外面酥脆，有滿滿既鹽酥味仲有d蒜香味，入面肉質嫩滑可口，好滿意。蒜泥白肉亦都有驚喜，一上枱已經覺得好香，食落有醬汁同蒜香味，加埋肥瘦適中既豬肉非常惹味。地方唔算大，不過食物幾高質，份量算多，同朋友share食個下午茶都好夠。