三才魚蛋粉麵

營業中

休息中

開完茶會有點飽飽地，銅鑼灣都比較小行，又不想行大型百貨公司，於是就行啲暗角地方，竟然被好多較舊式嘅買賣店舖吸引了，買嘅嘢都比較平喲！行了一小時開始有點肚餓，面前有間三才魚蛋粉麵，便坐下食，店舖比較細小，女侍應生很有禮貌和很開朗，全場的人客都比佢開朗性格吸引了食得開心都好緊要架叫了牛腩河 牛雜河 紫菜湯 油菜 柚子蜜茶， 粉麵通常都差不多的，但佢嘅牛腩真係超淋，竟然不黐住牙齒，如果新鮮嘅牛腩是不會黐牙的我相信一定係新鮮嘅，老公食牛什粉， 雖然牛什比較少但都極奇好味貴精不貴多呢！呢度有一種很特別感覺，因為有好多"金句"紙仔黐住牆上，如果是基督徒就一定知道點解 上帝的話語無處不在， 就問下女侍應生啦！原來我們大家都是信耶穌的基督徒， 好有親切感呢"暗角見曙光"就是這樣解釋了， 唔怪得嗰個坐低食落開心又舒服啦😍感謝主🙏祝常常喜樂恩典滿滿得人如得魚 金句紙仔金句紙仔金句紙仔金句紙仔很有禮貌和開朗的女侍應紫菜湯/柚子蜜菜好多紫菜 本人覺得湯比較鹹咗啲 牛腩河 /牛雜河好淋 食到很新鮮牛腩不黐住牙齒

中午去親銅記都唔知食咩好, 今次一于試下呢間店，店面環境乾淨企理，鋪頭唔大，所以撞正中午繁忙時間就要係店出面等一等。叫左一碗雲吞牛腩米粉同一碗菜餃米粉再黎一個牛腩時菜收尾。雲吞爽口彈牙而牛腩係卑最多分既——因為牛腩都唔肥唔廋岩岩好，係之前食好多間都會卑好多肥牛腩，挑哂出黎就已經無咩肉食，所以最中意食佢既牛腩同菜餃（足料好好食）。湯底好清甜，好好飲，再加上附送既辣醬　，立刻食指大動，超開胃。不過有樣野就希望有改善，前一秒見到員工呻鼻涕，呢頭又無去洗手就去傳菜，呢下就唔要得喇，希望有改善

自從搬離港島後就少了去銅鑼灣，但幸好仍要去銅鑼灣做Facial，所以間唔時的星期六或日也會出去一趟，今星期六又要keep住靚，出開銅鑼灣也不忘去覓食。由於時間緊湊，又下大雨，今次就簡單吃碗麵吧！麵店門口除了貼上餐牌外，還貼有不少報導，看來幾吸引。內裏亦貼滿大大張的粉麵相片，也很吸引。店子地方不算很大，一邊是半開放式廚房重地，另一邊是設有五六張圓枱的用餐區，雖座位不多，但枱與枱之間有一定距離，無逼夾感。餐牌有兩版，有多款粉麵類、飲品，還有些小食和淨食。粉麵就有五類選擇。*****************************雙拼加$6，要碗西洋菜餃牛根米粉（$39），滿滿一大碗，份量好足。米粉 煮得剛好，有咬口，但索湯力不強，故喜歡舀一羹湯放上米粉，再加些本店自家製辣椒油，大大啖吃，香辣惹味，好滋味！自家製辣椒油 果然不同，辣味漸漸滲出，好香！原來有原樽三才辣椒油出價，售$65，諗得過。先嚐牛筋，有五六件，仲要每件都大大件，夾雜少許肥膏，油潤黏滑，富有膠質，味道香濃，弄得入味，正！西洋菜餃 有兩大隻，薄薄的外皮包着滿滿的饀料，隻隻飽滿圓潤，落足料。大量鮮香的西洋菜 混入鮮肉碎，並沒有肥

每次約了在銅鑼灣做facial，都滾水淥腳，拿拿聲食飽就趕去。呢間餐廳係我首選，除左好食又抵食外，最緊要係上菜快而準，每次都冇甩拖。佢既蝦條同西洋菜餃都係必食既熱門食物，不過今次我叫左雲吞魚片頭河，6點前落單，加埋生菜同凍飲四十幾蚊，抵到飛起。佢每碗粉麵都有冬菜、炸蒜同蔥粒。河粉又滑又薄，個湯食左又唔頸渴。每個鮮蝦雲吞好足料，有鮮蝦、豬肉、雲耳、紅蘿蔔絲，又新鮮又有口感。加埋佢個秘制辣椒油，超級惹味。

今日和男友於銅鑼灣逛街，逛了一回，肚子有點餓，打算在附近找一間既經濟又實惠的餐廳吃個晚飯。不過要在銅鑼灣鬧市之中，還要是晚市的時段，想找一間平民價而又味道不錯的餐廳，似乎都不是一件容易的事。在苦惱之際，頓時靈機一觸回想起友人曾讚賞過位於渣甸坊小本經營的餐廳 - 三才魚蛋粉麵。一到步，已經馬上有位坐下來點餐。菜單上的介紹此店的丸類和餃子都是自家製。這項賣點看似頗吸引。牆壁上滿佈款款不同食物的推薦，當中被蝦條和炸魚皮賣相吸引。所以最終也決定點叫了。在等待美食其間，觀望四周的店舖環境，看似新裝修，頗乾淨。紫菜四寶河 $42四寶包括魚蛋，豬肉丸，貢丸和魚皮餃。除此之外，還有生菜，厚身紫菜，蔥，蒜蓉及冬菜配料，餸菜認真足。三款丸都彈牙可口，我尤其喜歡魚蛋，爽口又鮮味。河粉滑口，湯底清甜，無味精。墨丸蝦條河 $324條墨丸蝦條，分量十足。味道爽口彈牙。而且內含真的有原隻蝦在內，好有咬感。蝦條有特色又美味，無味精，吃得健康，真是十分值得推薦。鮮炸魚皮 $15炸魚皮大大塊，又份量十足。咬下去，脆卜卜。還有一點不得不讚，就是吃落會感覺無味精。有時別少看小本經營的餐廳，往往有時反而會享用到低消費又意想不到

同朋友到了晚餐的時間但未見太肚餓，所以隨便吃一家粉麵，渣甸坊就是銅鑼灣的露天市集，同友人逛到最後便看到三才，店內不大但看下去很乾淨光猛牆上有很多店鋪推介及優惠，$27-35一碗單拼粉麵，在區內應該找不到，就算是雙拼都只需加$6，比車仔麵更便宜韮菜牛腩米粉，韮菜餃有兩件，牛腩份量有5-6件每碗都用湯匙裝著，蔥/ 冬菜及炸蒜，不吃蔥一定要預先提出韮菜餃脹卜卜，韮菜份量多，夠味牛腩沒有太肥，每件都很軟腍最後加了一點辣椒油，夠香辣(其實都幾辣)友人點了自家製墨魚蝦條，說很彈牙，加入香蔥及蔬菜餐具是自行年取的，很方便同區的粉麵店來說，乾淨整齊，夏天最重要是冷氣夠

銅鑼灣渣甸坊原來開左好多食店, 今日就係一間粉麵店輕食, 戒一日大魚大肉先環境好乾淨, 又夠光猛粉麵27元起, 雙併就加多6蚊, 我點左雲吞炸墨魚蝦條麵佢既蔥, 蒜蓉, 同冬菜係分開上, 好窩心, 而家已經好少地方食到冬菜啦, 配粉麵食特別正炸墨魚蝦條大大條, 好彈牙, 佢地入到D靚貨, 讚!雲吞算幾大粒, 內里蝦肉同豬肉分配得幾平均, 夠鮮味最緊要係個麵底, 又OK 彈牙喎原來佢仲可以散賣雲吞添, 等我遲D收工買番一打返屋企打邊爐先

這幾天忽晴忽雨，完全失去出走的動力。在銅鑼灣要準時收到外賣，特別是在下雨天的時候也不延長送外賣的時間，三才粉麵是我的第一選擇！送外賣的時間大約20-30分鐘內，而且價錢好相宜。我最常點的是墨丸菠菜餃米粉！三才的餸全部都是自家新鮮製造，零舍不同！我的至愛是他們的墨魚（雖然他們出名的是墨魚蝦條），他們的墨丸爽口彈牙之餘，還看到有碎蔥，好好味的啊！如果下次再點的時候，要試一試加腩汁～😋如果可以的話，希望店家可以不用發泡膠環保一些🙈

銅鑼灣鬧市之中，隱藏著一間小小粉麵店要不是偶爾在逛渣甸坊，其實也不知道這裡有吃的店子小小，店員都有禮接待這裡的粉麵介乎二十到三十多的價位我覺得是挺便宜的看到店裏掛著下午茶優惠在那時段任何粉麵都送油菜/熱飲，真的很適合我這些月光族，不知道要不要堂吃，不然我會每天點外賣我們今天點了牛雜麵，菜肉雲吞河粉，魚皮，鳳爪牛雜麵料很多，滿滿的餸菜湯底屬清甜的那一種牛雜本身味濃，所以我比較偏向喜歡湯底相對較清的一種菜肉雲吞河粉比例很好，皮的厚度也剛好不厚也不會太薄穿掉魚皮都很大塊，我最怕一些店都會夾著很多碎魚皮所以我對這碗魚皮很滿意，而且很脆放在湯一兩秒就好鳳爪又是便宜的一大碗，彈牙好吃說好的吃得清淡只點麵結果又忍不住點了其他東西不過這結帳也不用一百超便宜的，下次也要再來

渣甸坊巷仔內除左有好多衫賣，其實都仲有幾間餐廳咖 今晚襯未夠鐘做gym就去左三才食野打底餐廳標明係自設工場，咁就一定要嗌下自家制既餸食啦魚蛋 牛根 幼麵麵會跟葱、炸蒜同埋冬菜，為湯底生色不少魚蛋自家制同平時食到既確實有分別，對比之下有咬口好多，爽滑得黎真係有魚味牛根就好入味，腩汁濃，而家夠淋咬落去feel 到啲補充緊骨膠原油菜 菜心以為$15份量唔會好多，點知上枱時嚇親，我覺得係2-3人份量 菜心淥到好淋，但依然keep到鮮甜

今天來到這一間很隱蔽的粉麵店， 這條街道 有多間食店，唯獨這間引起了我的注意-牛什專家。 魚皮用門膳製成，可見一部分是深色，一部分是淺色，好香脆，即使放涼了也沒有影響脆口的感覺。牛雜與西洋菜餃雙併我是第一次吃， 由於我不太喜歡西洋菜的味道， 常常營著他有種古怪的味道而抗拒它，但是這家店鋪的西洋菜餃不單沒有那種怪味， 而且皮薄餡靚，更是自家製，所以我也試了一隻。牛雜處理得宜，金錢肚嫩滑無比，非常入味。 很驚訝的是粗麵一些鹼水味也沒有，有蠔油卻沒有為粗麵添上另一番味道， 反而令它失色了。只需簡單淋上一羹魚湯在粗面上已經十分美味。 墨魚蝦條和片頭各有千秋。再配上有炸過的蒜片的辣椒油，香而不太辣。 雖然位置比較隱蔽，但可以食到如此有質素的粉麵， 行遠一些又何妨呢?

本身幾鐘意食魚蛋粉, 今日咁岩一個人想食清淡d, 就過黎食下。位置響銅鑼灣F出口行幾分鐘左右就係，幾方便。原來都幾旺, d位都滿哂。點左個魚蛋西洋菜餃河粉，份量都幾大碗，湯底鮮甜，河粉頗滑，魚蛋爽滑彈牙, 最驚喜係個西洋菜餃，味道超好，重有表皮脆脆地既魚片，食完好滿足。油菜點左腐乳通菜，係我既最愛，通菜非常新鮮，食落索索聲。野飲叫左熱菜蜜，滋潤下喉嚨，咁就一餐。估唔到簡簡單單食個魚蛋粉都可以咁滿足，大家都要黎支持下小店呀。

銅鑼灣要搵到間平價地方食野真係唔容易見好多人俾 like，價錢又唔貴，就去食啦！原本想叫片頭同墨魚蝦條，可惜賣哂當時只係 6 點幾，已經賣哂啦下次想食一個要早少少去食魚蛋魚片河 ($35)魚蛋有4 粒，魚片有 3 大塊，仲有幾條菜，抵食！魚蛋彈牙牛筋鮮蝦雲吞河 ($38)牛筋都有好多，又夠林，雲吞有 3 粒左右，好味

又到一年一度既欖球賽，銅鑼灣近希慎利園一帶由朝到晚都有奇裝打扮既外國人出入，商場亦都安排左不少街頭表演，又打鼓又吹風笛⋯平時安靜時愛熱鬧，熱鬧時又嫌太嘈，late lunch 既時間唔想周圍逼，一search之下就黎到渣甸街巷仔入面試下簡單既粉麵餐剛到2:30既時間，原來岩岩好有下午茶套餐，會送時菜或魚皮，價格非常貼地；一坐底點完菜就發現陸陸續續坐滿晒+好多街坊既外賣，睇黎今次無揀錯！*雲吞魚片頭河：雲吞尾都幾長，皮簿餡都夠滿，雪藏蝦處理得好好 食落鮮味十足～炸過既魚片頭表面軔軔的有咬口，入面又夠彈，而且真係魚片「頭」唔會係簿簿既一片！另外值得一提係，呢度樓面係兩位叔叔，但服務好好！態度殷勤又細心，會特別問你送既菜心想放埋一齊定分碟上 要唔要汁等等，粉麵店黎講都可以令食客食得好舒服性價比高 又快又平又簡單既一餐～

不知為甚麼，有時候總是想念港式粉麵，就跟人們不期然想吃米線一樣，但米線不是我杯茶。南記跟譚仔／三哥，我會走向南記的。不過，這天在銅鑼灣想吃碗魚蛋粉，就想起朋友向我介紹的三才。 這店實在不好找，坐落於渣甸坊攤檔的兩旁，要不是小心翼翼地跟著門牌號碼看著找，一定錯過了店舖。 正值晚餐時間，人不多，跟午餐出現人龍的場面實是一大對比（現實是：午飯時間到處都是人，更何況這附近那麼多打工仔？）。不過，我想沒有很多人會像我一樣，晚餐會吃魚蛋粉，哈。 沒想太多，跟朋友各自點了自己想吃的粉麵後，另外再加了兩個小食。 雙拼：牛筋蝦條米線 $38 朋友點的牛筋蝦條米線，蝦條據說是必食之選，因為內有乾坤，所以我跟朋友就交換餸來吃。 雖然它看來似春卷條，但口感較爽口彈牙，驚喜的是原來蝦條中間是有蝦的，的確是真材實料呢！ 牛筋呢，有３件，每件都份量十足，不會大小參差。牛筋充滿膠質，不會過稔，而且有嚼勁呢！ 雙拼：西洋菜餃牛丸米 $33 介紹我來吃的朋友極度向我這裡的河粉，惜未開口下單，店員已事先說明，河粉已售罄，這晚註定我跟河粉無緣，我就只好選擇我鍾愛的米粉。 店內的介紹自稱丸類和餃子都是自家製，尤其餃子