三才魚蛋粉麵

營業中

休息中

自從養成左運動習慣，平日夜晚運動前後成日想搵健康少少既快食，就發現以加工油膩食品為主既連鎖店/茶餐廳以外，其實選擇唔多。 今晚做facial前有一個鐘空檔填下肚，就發掘左間小店醫肚。西洋菜餃牛根米粉 ($39)本身好鐘意食西洋菜，自從係圓方試過西洋菜餃就開啟左一個新世界，只要見到都會叫。 西洋菜餃真材實料，塞滿哂菜之餘肉既比例都好好，感覺到菜梗既爽脆同嫩滑既肉餡，咸淡適中有肉鮮味。 值得一讚調味做得唔錯，突出到西洋菜獨有既香味，本身肉餡亦吸引到人一啖接一啖食唔停口。牛根份量十足，炆得夠火候夠漿口，充滿膠質軟糯甘香，大大件唔會碎濕濕。 的確係好入味，但食到尾略咸。 其實今次唔係第一次幫襯，上次叫西洋菜餃拼墨魚蝦條米線，配料就好滿意，但印象中湯底偏淡。 今次有腩汁既加乘就好完美，好食左幾百萬倍之餘又唔會油。 米粉雖然唔係好索汁個種，但配埋腩汁湯底好清甜爽口，下次黎叫牛腩牛根以外既配料要問下可唔可以加腩汁先得。另外留意到一般雙拼會有三隻西洋菜餃，可能牛腩牛根成本較高，只係拼兩隻西洋菜餃，唔太夠喉。腐乳通菜 ($15)一般粉麵鋪既郊外油菜只係得烚到腍哂再點蠔油既生菜/菜心，難得見到腐乳通菜當然

今次嚟到呢間三才魚蛋米粉麵佢呢度最出名嘅就係自家製手打魚蛋所以呢今次就特登過咗嚟銅鑼灣食呢個魚蛋米😍我哋一嚟到就叫咗個魚蛋魚片米粉其實佢嗰個湯都幾香嘅應該都係魚湯👍🏻而且亦都飲唔到味精，另外佢會加咗炸蒜同埋青蔥 。講完過湯啦，咁講返主打嘅魚蛋，其實個魚蛋比我想像中冇禁彈牙但係佢好有魚味所以我都覺得佢唔錯👍🏻

魚蛋粉、雲吞麵、牛腩米，每個人心中總有間心水麵店，就係當你想食魚蛋粉時，就自自然然會去你嘅選擇。而我同M佬嘅選擇就係位於銅鑼灣渣甸坊嘅三才魚蛋粉麵。呢到有唔同嘅手作餃子，好似西洋菜餃、菠菜餃等等，但我哋更鍾意係佢個魚香味十足嘅魚蛋喇。魚蛋魚片河用鮮魚打成嘅魚蛋、魚片都好彈牙而且魚味十足。而每碗粉麵都加入蔥、蒜蓉同冬菜，令湯底嘅香味大大提升。河粉好滑好爽。牛腩粗牛腩份量唔少，醃得入味仲夠晒軟腍，肥瘦度啱啱好，而我就最鍾意粗麵加上少少醋喇。而食粉麵又點少得落辣椒油呢？辣椒油唔會太辣，但香味十足。郊外油菜粉麵又點少得配碟菜呢？通菜加上腐乳，真係最夾嘅組合。泰式鳳爪酸酸辣辣嘅泰式鳳爪配上酸蘿蔔絲夠晒開胃，而且鳳爪無骨，好好味！

傍晚五點多跟朋友睇完戲想食少少嘢就想起呢間小店，要了一碗「西洋菜餃粗」&「魚旦河」，店內的叔叔話下午茶時間仲有油菜或飲品送，我們都要了油菜湯頭很甜，西洋菜餃很香，魚旦說是自己打的，有魚味但我嫌不夠爽口，質素不過不失，味道一般。另㚈他們自制的辣椒油很香，加一小匙已可提味。服務反而值得一讚，大叔一見友人碟菜蠔油點完就馬上入廚房幫他加，我在其他店從未見過。兩碗粉+兩碟菜埋單只是$56，真的嚇了一大跳，難怪午餐時間要排隊啦。

約咗朋友出銅鑼灣做facial去做之前諗住簡簡單單咁食個lunch揀咗依間三才魚蛋粉麵去試一試兩個人諗住一人一碗粉麵再叫兩個小食牛根河牛根軟綿滑溜 湯底味道濃郁 配上晶透既河粉 唔錯唔錯每一碗粉麵入面都加左蔥、蒜蓉同冬菜多層次味覺享受牛腩雲吞河牛腩唔太肥唔太瘦 軟綿又夠入味傳統鮮蝦雲吞 蝦肉彈牙結實 滿滿鮮味炸魚皮魚皮脆身 食落十分香口腐乳通菜通菜新鮮大大份 腐乳汁充滿鹹香食物質素好 價錢又實惠抵食同朋友都食到好飽呀

今日往銅鑼灣崇光購物，很想食魚蛋粉，上網得知附近渣甸坊有三才魚蛋，馬上去光顧。揾了一些時間也找不著店子，只好致電店舖查詢，终於找到。魚旦片頭河果然名不虚傳，魚旦夠晒彈牙，鲜味爽滑，魚片頭亦爽脆可口，非一般魚旦店舖可比。西洋菜餃菜香而鲜甜，清新可口，適合清淡口味嘅食客。腐乳通菜夠晒惹味，通菜新鲜嫩綠兼充滿腐乳香味。再叫了一碟炸魚皮，非常香脆，唔會覺魚腥味，又不會太咸或太乾，不知覺吃完，意猶未盡，唯有多吃一碟。店員又禮貌好客，確是平實美味嘅粉麵店。

從電視節目中得知三才魚蛋具有一定名氣，查看openrice，只有銅鑼灣分店才有堂食服務，今晚專程到此光顧。店舖位於渣甸坊，有些難揾，為找美食不必介意。雖然店舖只有幾張圓枱，客人總是络繹不绝。牛什湯河相當唔錯，牛什炆得很入味，牛膀爽滑甘香有嚼口，牛肚煙韌爽脆，牛什醬汁香濃惹味，果然係招牌食品之一，再加碎葱另上，啱晒我這個好葱之人。鲜蝦水餃皮滑饀靚，蝦肉新鲜甘荀絲夠爽脆，口感一流，加埋特製辣椒油，效果甚佳。炸魚皮夠晒香脆，稍點熱湯進食，味道更佳。

渣甸坊里的一家小店，跟湾仔街市有点像，都是要顺着路检测走好好看，不然很容易被小摊小贩挡到。店内环境一般般吧，典型的本地简餐风格。点了一份牛腩河粉配饮料，汤底的口味还是不错的，料还算足，但蔬菜感觉有点不新鲜，总体而言还是挺好吃的。走过路过试试还可以。

雖然銅鑼灣有好多好東西吃但是當天實在太想吃粉面於是見到渣甸坊附近有間叫三才的粉面店看似不錯。沒想到已是下午兩時多店舖還是坐滿客人，看來這店的名氣也不錯我和朋友分別叫了一個牛腩河和豬肉片米粉這個牛腩河真的不算貴。牛腩醃得入味而且不會太肥也不會太瘦剛剛好，很適合我朋友的口味湯底也很濃郁而且牛腩的份量也不少。這個豬肉片米粉也很好吃豬肉片很軟腍還帶點爽口。吃下來很香口。我們還點了通菜和炸魚皮不得不讚通菜很新鮮而且很大碟，非常抵吃！另外還要讚讚炸魚皮，夠薄夠香脆可口，沒有一陣油壓味，配上湯粉非常匹配。在這個地段能夠吃到這樣價錢高質素的粉面真的不錯👍🏻👍🏻

趕頭趕命交收完，平平地食碗麵填肚子再係附近睇戲。剛好坐正貼報導的位置，看見老闆娘對魚蛋的堅持，決定來一碗魚蛋魚片河，$36。加杯熱西洋菜蜜潤潤喉（跟餐加$5），物超所值。魚蛋魚片堅彈牙有鮮味，不愧用上盛鮮魚打成的。而且份量多，平時去其他麵店，吃完餸仲有成碗麵，今次是麵食到底都仲有魚片。這裏應該有很多街坊打工仔捧場，因為沒多久就枱枱有人了。雖然是普通麵店的格局，但細微處會見識到店主的個性。麵碗的顏色、牆上的掛畫，還有用正齊漂亮寫的一張張福音便條紙。雖然我沒宗教信仰，但放下手機，邊吃邊看一些滿有意思的字句，肚皮和心靈都飽滿了。

今晚要自己一個食飯，於是係公司附近揀了間粉麵食，因為好耐冇食啦！呢間粉麵隱藏係巷仔入面，麵店不算很大，但6點去到都好多客人，而且周不時也有客人買這間麵店的魚蛋！一個人唔食得多，所以點了一個粉同埋一個鳳爪！紫菜四寶河($43)，呢個既四寶分別係魚蛋、貢丸、豬肉丸同埋魚皮餃，紫菜冇沙爽口，魚蛋彈牙，貢丸幾香冬菇味，豬肉丸幾香豬肉味，唔會好咸！而魚皮餃唔會好咸，味道剛剛好！泰式鳳爪($22)，呢度有兩款鳳爪可以揀，因為唔想食有骨的，所以點了泰式鳳爪。酸酸辣辣非常開胃，有些酸蘿蔔絲，而且鳳爪沒有骨，可以成隻食！價錢唔算好貴，係想食魚蛋粉的一個好選擇！還有他們的辣油都不錯，喜歡吃辣可以試試食粉的時候落一點！

呢間粉麵坐落起銅鑼灣鬧市既一角，起渣甸坊好易搵，只係唔係太多人知佢既存在！今次如果唔係媽咪帶我黎，我都無留意呢間粉麵店！3點鐘，剛剛好有下午茶套餐！惠顧粉麵，可以送油菜、魚皮或者熱飲一杯！雲吞、韭菜餃幼麵$34 下午茶時段免費送炸魚皮套餐粉面加5蚊有熱飲無計錯，應該咁樣最抵！雲吞、韭菜餃每樣三粒，全部大大粒！雲吞食到蝦肉，味道唔會過重韭菜餃好多菜，好正，自家製既味道呢度既雲吞、韭菜餃係手造，可以單買！款式都幾多，唔算貴，下次可以試下其他！免費送，份量正常炸得夠脆，唔會好油片頭牛腩河粉$39下午茶時段免費送油菜，有幾款油菜選擇，最後叫了菜心。片頭是其中一個招牌食品，好有魚味，且爽口彈牙！牛腩份量多，炇得夠淋河粉夠細滑！好鐘意加辣椒油，呢度既夠香夠辣原來可以成樽買！一路食既時候，都見到好多人外賣買魚蛋、片頭同炸魚皮，下次經過都可以試下！

知心好友介紹銅鑼灣這間粉麵店俾我，據聞食物材料（魚蛋、魚片、炸魚皮......）香港製造，老闆自己親自打理，在將軍澳起家，銅鑼灣開分店。我本著支持香港自家出產，我一定要食番餐。食物種類款式多，而且價錢平，在銅鑼灣這地段相對非常便宜。我點了片頭河、鮮炸魚皮和凍奶茶。識食一定食片頭，彈牙美味，而且河粉夠薄夠滑，口感舒服，食過番尋味。配上蔥花、蒜頭和冬菜非常惹味。炸魚皮夠薄而且香脆，沒有一陣令人討厭的油膱味，我見有人外買一大袋走。奶茶有水準，茶餐廳的味道。價錢只是五十二蚊，非常之抵！此外，每枱都有醋、豉油和辣椒油任君添味。另外見有下午茶優惠，三選一，好抵。食店座位 ok, 店員殷勤有禮貌，清碟又快手，感覺良好，值得再食。

若非拍檔帶路唔識得搵，起初行咗去渣甸坊停小巴嗰邊，原來係橫街小販檔嗰邊入，一家人真材實料自己打魚蛋，今時今日非常難得，見報章介紹是將軍澳搬過來的。食過佢啲魚蛋，真係有魚味，出面好多得個彈牙，呢度都幾彈，但係點爽，出色地有魚味。片頭亦好，夠香。仲有墨魚蝦條，都好，但就不夠魚蛋好。辣椒醬是自製，有蒜香，辣得來豐富。河粉、米線同湯底都合格，價錢都好抵食，30幾蚊碗，見到兩點半下午茶酥炸魚皮、菜或飲品，識得搵囉！

今天在銅鑼灣逛街，心血來潮想吃碗河粉，便進去麵店吃。店舖小小的，裝修簡樸，主要做外賣生意。一坐下，竟然讓我發現牆上貼滿了手寫的聖經金句，滿滿是喜樂平安。話說小妹對河粉，米線等情有獨鍾。餐牌所見，這家麵店標榜自設工場製造餃子和魚蛋。怎可以不試魚蛋呢？⭐️魚旦魚片河$36每碗麵都有少量蒜蓉、冬菜和蔥花。另外加了牛腩$6，牛腩的份量很多，入口軟腍，十分足料呢！湯頭清甜，魚蛋和魚片也爽口，河粉呈半透明，比較短身，挾起來有點困難，但配搭魚蛋吃很好吃呢！⭐️紫菜四寶河$43有魚蛋、豬肉丸、魚皮餃和貢丸。丸類都很紮實，咬起來很有彈性，另外紫菜非常爽脆，整體令人滿意。⭐️凍檸茶$7▫️入夜後麵店的顧客愈來愈多，已經要排隊了，所以建議早點吃省卻排隊的時間。