影片
更多
2025-06-20
0 瀏覽
行過荃灣廣場地庫見到有間叫三希樓，原本以為只係普通中菜館，上網一查先知原來銅鑼灣利舞台、台中、越南都有分店，係有名嘅川菜同粵菜館，裝修高雅、主打精緻菜式。今次補祝父親節就揀咗呢度試下🎉🍽️🧄 蒜泥白肉第一次見蒜泥白肉係咁上，新鮮豬腩肉同青瓜切成薄片再卷起，上面以為係沙律醬，點知係好幼滑嘅蒜泥。外表精緻，食落層次分明，口感豐富，蒜泥香突出但唔嗆。真係好花心機巧功夫，賣相同味道都同平時食開嘅完全唔同。蒜泥白肉入口第一下係清新青瓜，跟住豬腩肉嘅油脂慢慢滲出，最後蒜泥香氣包住成個口腔。。🥩 蒜片頂級牛仔肉粒用安格斯牛整，外層微焦，內裡嫩滑多汁，完全唔韌，牛味濃郁，炸蒜片香脆，再加上少少調味提升牛肉風味。食得出比一般大排當牛仔粒唔同，真心想再食多幾碟！👍。🐟 青椒清香魚（辣椒另上）三希樓其中一個招牌菜，魚片厚薄均勻，肉質滑溜無腥味。最大驚喜係個湯底唔係普通清水，而係用菜湯煮成，所以特別清甜。辣椒分開上，唔食辣都可以食得開心，當然食到就可以加少少辣可以增加麻香層次吊一吊味。加咗花棣辣椒後帶微微花椒香氣，唔會太刺激，麻香同辣味層次分明，呢道菜啱晒唔太食辣但又想試下川菜風味嘅人。🍖 招牌咕嚕肉咕嚕肉用豬
🧄 蒜泥白肉
第一次見蒜泥白肉係咁上，新鮮豬腩肉同青瓜切成薄片再卷起，上面以為係沙律醬，點知係好幼滑嘅蒜泥。外表精緻，食落層次分明，口感豐富，蒜泥香突出但唔嗆。真係好花心機巧功夫，賣相同味道都同平時食開嘅完全唔同。蒜泥白肉入口第一下係清新青瓜，跟住豬腩肉嘅油脂慢慢滲出，最後蒜泥香氣包住成個口腔。。
🥩 蒜片頂級牛仔肉粒
用安格斯牛整，外層微焦，內裡嫩滑多汁，完全唔韌，牛味濃郁，炸蒜片香脆，再加上少少調味提升牛肉風味。食得出比一般大排當牛仔粒唔同，真心想再食多幾碟！👍。
🐟 青椒清香魚（辣椒另上）
三希樓其中一個招牌菜，魚片厚薄均勻，肉質滑溜無腥味。最大驚喜係個湯底唔係普通清水，而係用菜湯煮成，所以特別清甜。辣椒分開上，唔食辣都可以食得開心，當然食到就可以加少少辣可以增加麻香層次吊一吊味。加咗花棣辣椒後帶微微花椒香氣，唔會太刺激，麻香同辣味層次分明，呢道菜啱晒唔太食辣但又想試下川菜風味嘅人。
🍖 招牌咕嚕肉
咕嚕肉用豬梅頭，炸粉薄身，外脆內嫩。最特別係配料：新鮮菠蘿、提子乾、子薑、蕎頭，仲有車厘茄乾，全部加埋令咕嚕肉多咗一種新味道，酸甜中帶果香，味道豐富🍍🍇。
🥣 杏汁白肺湯
杏汁味香濃，湯底奶白色，入口順滑，豬肺處理得乾淨完全冇腥味。仲有豬肉、雞腳等配料，潤肺又滋補，飲落溫和唔燥熱🥣。
🐔 五指毛桃燉雞湯
湯底清甜，飲落有淡淡椰香，五指毛桃味道溫和，雞湯帶微微藥材香氣，整體味道自然，唔會太重藥味，飲完暖胃又舒服🐔🌱。
🥬 三色蛋浸時莧菜
莧菜新鮮翠綠，三色蛋（鹹蛋、皮蛋、雞蛋）比例平均，蛋香濃郁。莧菜吸晒湯底同蛋香味道，唔會太淋，仲保持到爽口感🥚🥚🥚🥬。
🥤 火龍果沙冰
沙冰打得細滑，完全無大粒冰，火龍果味道天然清甜，唔會有糖水假味，食完辣嘢叫返杯解解辣🥤🐉。
🥄 木桶即撞豆腐花
豆腐花係最普通但又最驚喜嘅一樣，亦係必影打卡位，因為佢即叫即撞，新鮮熱辣全桶上。難得有機會可以試下自己片豆腐花。三希樓選用加拿大黃豆撞豆腐花，豆香特別濃郁，加埋經典黃糖有兒時味道，個人就比較鐘意加桂花糖水，啖啖充滿桂花又清甜，口感超滑🍯🌸。
🍰 棗茸千層糕
千層糕層次分明，甜而不膩，糕體煙韌有彈性，收尾一流🍰。
今次怕太辣，所以主要食原味唔辣，原來我哋都接受到。下次想試埋胡椒蝦同水煮魚，見到隔離枱啲蝦香到成枱人都流口水。
餐廳設計有格調，座位闊落，服務員主動換碟斟茶，上菜都有介紹，態度又親切。價錢雖然唔平，但食材用料同烹調功夫都見心機。比起一般商場中菜館，三希樓明顯用心多啲，無論賣相定味道都高一線。一年一度父親節，偶爾對自己同屋企人好啲都唔錯。😌✨。
張貼
