三代目 (港運城)

營業中

休息中

今次去到北角既居酒屋，呢間居酒屋新開左一段時間，一直都好想黎試下。餐廳主打拉麵，亦有拌麵、丼飯、炸物、燒物等。一步入門口，就會見到一列bar枱位，可以看到即燒串燒過程，對面就有一部清酒機，清酒分為三類，包括薰酒、爽酒和醇酒，只要$188就可以任飲9款清酒，愛好清酒人士，吾好錯過啊！紫蘇燒豚梅肉拉麵 既然主打拉麵，咁一定要叫黎試下，豚肉用左半肥瘦既梅頭肉，脂肪分布均勻，入口軟嫩，油香味重，配上酸酸甜甜既梅肉，可中和油膩感，豬骨湯底經超過10小時熬製，難怪特別好味！豚肉醬油魚介拌麵點左一款拉麵，所以都想試埋拌麵，拌麵材料豐富，有筍、櫻花蝦、木魚粉、紫菜、紫洋蔥、叉燒等等，拌均魚介醬汁同生雞蛋，口感又香又滑，層次感豐富。味噌甲羅燒 蟹蓋裝滿了蟹膏、蟹肉同蟹子，吾好以為個蟹蓋細細個，份量都吾少架！味道鹹甜適中、鮮味濃郁，如果怕味道太濃，可以拌飯一起吃。燒喜之次魚皮燒得好香脆，魚肉豐腴嫩滑，加上蘿蔔蓉來吃，分外鮮味。

環境似足日本居酒屋，坐得好舒服。最特別係呢度有自助清酒放題（$188 無限時）食物方面都有好多選擇，好少居酒屋會有拉麵，呢度都有。🍤 海之天婦羅 $118賣相非常靚，有蝦，鯛魚，黑松露帶子，墨魚，紫蘇葉。每樣都好新鮮，最有驚喜係個帶子，入面加左黑松露，味道好有層次👍🏽🦀 味噌甲羅燒 $98蟹膏+蟹子+蛋黃，配上紫菜白飯，蟹膏甘香、鮮甜，單吃已經好正，拌飯都一流！🥩 炙牛拉麵 $92通常拉麵都係配叉燒或者豚肉，第一次食有牛嘅拉麵幾特別。湯底係豚骨湯，比較清淡但牛肉用左黑椒炙燒，所以個湯底有埋黑椒味，估唔到又幾夾。🍜 紫蘇燒豚梅肉拉麵 $98用左豬骨湯再配上紫蘇葉幾香，不過覺得個湯底有少少俾紫蘇葉蓋過咗。豚梅肉有2大塊，肥瘦均勻，幾嫩滑。🍑 白桃梳打 $38係樽裝日本梳打，係日本嘅味道呀～🍎 日本青森蘋果汁 $32青森蘋果汁係我最愛，香甜中帶點微酸嘅口感、濃濃嘅蘋果香氣，超好飲😋最後想讚下呢度嘅店員，佢地好耐心向我地介紹部清酒機點用，又推介我地有咩必吃，期間我同朋友掛住影相仲倒瀉咗成杯茶，店員見到都即刻過黎幫我地抹乾，服務態度超好👍🏽😊#三代目 Sandame #三代目 #Sa

今日由官塘去北角，找OpenRice訂咗3份午餐，都幾方便，外賣自取。三代目已想試很久，裝修很日本feel，但中午時段有很多人，所以決定外賣，而且經OpenRice ，約30分鐘取餐，準時30分鐘有訊息取餐。質素：可以説是相當不錯，賣相吸引，食物也很好味及口感也令人滿意。麵食既湯底夠濃郁，試咗一口最後一滴也不剩。包裝飯盒也很精美實用。份量：對女性來說是足夠的。

今次都係試下新嘢，呢間開左唔夠一年，門面有塊好有霸氣嘅長布，寫住「三代目」。🔥一入到間鋪，見到一部好靚嘅清酒機，任飲plan可以試曬9款清酒😜！佢地有bar台同卡位，樓底好高，空間感都幾好😌。🫳🏻日本青森蘋果汁（大）$32.0🫳🏻白桃蘇打 $38.0我試左白桃梳打，夏天好適合飲d有氣嘢，呢款好夠氣，微甜，仲有個冰底，幾爽嘅！🤩🫳🏻紫蘇燒豚梅肉拉麵 $98.0試左一塊豬肉，佢用左梅頭肉，厚切但煮得好腍；半肥瘦，入口好滑；雖然脂肪部分比較膩，佢點咗d酸梅醬，幾有心思，沾少少一齊食有解膩開胃作用！☺️(呢個麵有好多碎嘅紫蘇葉，唔慣果陣味嘅朋友要留意)🫳🏻炙牛拉麵 $92.0好少拉面會加牛肉，仲要係火炙牛，牛都幾好味，雖然薄切，但都有咬口、牛味重同埋黑椒好香！我欣賞呢個麵冇加荀，第一次見拉面冇荀😍麵底係幼麵，我覺得掛汁同口感都會比粗麵好。湯底係豬骨湯，唔算太濃，食完唔會好口渴。😜🫳🏻味噌甲羅燒 $98.0欣賞佢唔會死咸，蟹膏幾香，配合蟹肉蟹子，好夾。怕太濃味可以加少少白飯一齊食😉。🫳🏻海之天婦羅 $118.0包括：蝦，鯛魚，黑松露帶子，墨魚，紫蘇葉。食材都好食。成盤嘢好靚，掛住打卡，凍左先開始食

#北角 #港運城 最新開咗一間日本餐廳 三代目 @hksandaime老公見我想食拉麵就帶我黎呢度試下雖然係新開嘅但中午時段都容易爆滿所以最好就先打電話訂位餐廳樓底高有落地玻璃所以外面嘅陽光可以直接照射入內充足嘅天然光令到個氛圍更好先來兩個拉麵首先上台嘅係 #炙牛拉麵拉麵黎講的確好少用上牛肉所以都幾特別佢嘅湯底好清新除左燒牛肉有黑椒上台前亦最次灑上新鮮即磨嘅黑椒整個湯底嘅鮮味提升#豚肉醬油魚介拌麵通常魚介湯底都會偏濃偏咸呢款拌麵味道就相對清淡但佢嘅配菜特別多有竹筍、櫻花蝦、蔥粒、雞蛋、紫菜、叉燒等等所以會有唔同層次嘅味道雖然係午飯時間但我真係好想試吓呢度嘅 #味噌甲羅燒燒好咗嘅蟹蓋配上味噌、鵪鶉蛋、蟹籽、蔥粒等等將材料攪拌好之後就變得濕潤配上紫菜同埋有飯素嘅壽司飯一齊食感覺冇咁膩另外我仲 #燒喜之次喜之次同甲羅燒一樣唔係度度有得食所以淘小姐見到餐廳有就一定會嗌喜之次肉質微咸亦好新鮮煎得香脆脆到連個魚頭都可以食埋不過佢有比較長同硬嘅骨食嘅時候要小心最後添加兩款飲品就係巨峰蘇打同埋蘋果汁佢哋而家仲有清酒無限時Free Flow$188價錢都幾抵附近返工嘅朋友放工過黎飲返兩杯就啱啦～🍽 三代

今日想同屋企人談心，於是去咗呢一間叫做三代目嘅日式餐廳度食飯。一入去到個環境，感覺好親切，有啲似日本嘅居酒屋，古色古香，令人輕鬆。我哋嗌咗個鹽燒牛舌丼，肉質嫩滑，飯粒分明，肉汁豐富，厚度適中，值得一試。另外我哋嗌咗一個三監燒肉丼，內有煙燻雞五花肉及牛舌。配搭豐富，味道鹹鹹的、濃郁可口，加上酸瓜嘅配搭，感覺令人開胃。我哋亦都嗌咗一個海之夭婦羅，內有蝦，鯛魚，黑松露帶子，靈魚，紫蘇葉。炸粉厚度適中，不油膩，食材鮮甜可口、新鮮。我個人認為值得重點推介嘅係呢一個照燒魷魚筒，照燒汁味道濃郁可口，魷魚本身質感嫩滑、彈牙。質感亦比一般嘅濃郁、軟綿，非常容易入口。此外，我哋嗌咗一杯凍嘅荔枝焙茶同一杯凍嘅蘋果焙茶。味道甜甜的，感覺特別。配茶嘅茶底能夠襯托出水果嘅味道，是另一賣點。總括而言今次用餐嘅體驗愉快，有著一般日本餐廳用餐嘅水準。餐牌選擇多元，味道不錯。

北角向來都比較少日式料理，而今日介紹呢間餐廳位於北角港運城，價錢算中等價位。餐廳食物種類包括拉麵、丼飯、串燒、手卷等等，種類都頗多。另外餐廳亦提供九款清酒放題，限時90分鐘。餐廳會提供一個QR Code俾選購左任飲套餐既客人，掃Code再擺好酒杯，就自動斟滿架啦。🌟炙牛拉麵好少食拉麵會用上牛肉，所以都幾特別。而湯底用上新鮮豚骨熬製超過10小時嘅湯底，燒牛肉有黑椒，上台前亦最次灑上新鮮即磨嘅黑椒，炙燒過既牛肉依然好嫩滑而且多左一陣香味。拉麵亦好掛汁 再配隻半熟溏心蛋溏心蛋好流心, 蛋黃大大粒,。🌟燒喜之次燒喜之次有「海中紅寶石」的美譽，係日本人應為最珍貴既魚類之一。喜知次大多生活係日本北海道深海，牠們的魚脂較一般魚特別肥厚。喜之次唔係度度有得食，所以見到餐廳有就一定會嗌，而且呢間價錢都唔算太貴。喜之次肉質有少少咸因為餐廳採用鹽燒烹調，煎得外皮香脆，魚肉亦加上蘿蔔蓉來吃。不過佢有比較長同硬嘅骨，食嘅時候要小心。🌟紫蘇燒豚梅肉拉麵豬骨湯底好香濃，另外豚梅肉用紫蘇燒過好香，半肥瘦既豚梅肉好嫩，食到有少少紫蘇的味道，幾特別。次灑上新鮮即磨嘅黑椒，炙燒過既牛肉依然好嫩滑而且多左一陣香味。再配隻半熟

不定時都好想食拉麵🍜最近試左三代目環境裝修都好日式料理同寬敞仲有清酒放題 有好多款清酒任飲好岩同朋友食飯🙌🏻餐牌上面嘅選擇都好多有拉麵,串燒,炸物,丼飯,壽司等💯🌟紫蘇燒豚梅肉拉麵豬骨湯底每日新鮮製造更用多小時熬製而成 湯底夠鮮甜而豚梅肉肥瘦均勻經過炙燒後 油香味更香加左紫蘇葉 香氣重且中和左個油膩感😋🌟炙牛拉麵炙燒過既牛肉依然好嫩滑加黑胡椒 食落更惹味拉麵亦好掛汁 仲有隻半熟溏心蛋👍🏻🌟炸雞軟骨炸得外脆內爽 好有嚼口 夠哂惹味🌟自家製餃子餃子皮夠薄且煎得夠脆 餡料肉汁十足👍🏻🌟巨峰梳打🌟白桃梳打樽裝日本🇯🇵梳打 夏天飲夠哂爽

高質日本菜๑˃̵ᴗ˂̵)و 餐廳環境好精緻，另外有一個開放式廚房，所以我每次去都會坐佢嘅bar檯，可以一路食一路望住廚師烹調食物🤤食物性價比都好高！當時仲有$188 清酒90分鐘放題，九款清酒任飲，平時買支sake都唔止呢個價.ᐟ.ᐟ 仲要每款再有分唔同層次，包括果香、花香等，超正🍜豚肉醬油魚介拌麵 （$92）賣相顏色鮮豔，好似發緊光咁✨除了豚肉，材料還有紫菜、櫻花蝦、甘筍等等，最正係仲有一隻生雞蛋喺中間；啲麵軟硬度啱啱好，而且裏面本身加了啲醬汁，撈埋一齊食口感很夾，而且不會太鹹。🍜黑胡椒炙牛拉麵 （$92）質素也不錯，但沒有什麼驚喜。就咁睇湯面上有一層半凝固的油脂，不過飲落口感不會太稠身，但豬骨味不濃；個人覺得炙牛肉配拉麵不太夾，因為湯蓋過了牛肉的燒味Sandame serves a good variety of Japanese food and free flow-sake every day 🤤 I liked how it was quite spacious and decorated in Japanese traditional style. I usually sit

Happy Friday約左同事係公司附近食日本菜，揀左呢間係港運城附近既三代目，見佢價錢都幾親民就入左去食😌酒鬼朋友一定要試下佢地既清酒放題，$188無限時仼飲，一次過試哂佢地三款主題系列既清酒🥃 三盛燒肉丼 ($108)呢個三盛燒肉丼有齊雞肉、五花肉同牛舌三款唔同既肉，三款都燒得恰到好處，肉既份量都幾多，加埋秘製既醬汁送飯一流💯鹽燒牛舌丼 ($98)呢個牛舌丼性價比都幾高，大概有8至10件牛舌，只係用左少少黑椒調味已經好香濃既牛味，口感爽口彈牙，必食推介😋三色手羽先 ($68)呢款係三個唔同口味既炸雞翼: 七味粉、黑椒同芝士，三個味都各有特色，我自己最鐘意芝士味，落左好多芝士粉好香，雞皮炸到香脆，入面雞肉好juicy又嫩滑😍唐揚豆池魚 ($62)同事話唔夠喉想叫多款小食，就揀左個唐揚豆池魚，份量比想像中多，即叫即炸上到枱仲熱辣辣，炸粉唔算好厚，魚肉好鮮嫩，正❤️巨峰梳打 ($38)食到咁上下當然要叫返杯飲品啦，我就揀左巨峰梳打，夠冰涼提子味又唔會好假，幾好飲白桃梳打 ($38)白桃梳打都好清甜，香濃既白桃配上梳打水，解暑一流

食拉麵都可以有 #清酒放題！我叫呢部機仔做「清酒自由酙」，加兩嚿水就可以放題式任飲9款清酒，仲有得楝個靚杯先酙酒，超有儀式感。講返拉麵（係其實 @三代目 係拉麵店嚟😂）三十五度高温🔥燒滾了我，一碗熱辣辣嘅拉麵都變得唔多吸引，反而個 #三盛燒肉丼 就吸引得多！有👅牛舌、五花肉同煙燻雞，三款肉牛舌跑出，厚薄適中唔會un，size望落比預期細但份量對女仔而言其實算係啱啱好，不過肚仔餓就要畀畀啲耐性，即叫即燒需時，當日rush hour我都大概等咗15分鐘先有得食。至於🍜拉麵就正常發揮，辛辣湯底濃但稍油。另外追加兩款小食，饅魚雙霸十分👍🏻，一次過食到兩種燒法嘅饅魚，鰻魚控表示好滿足！而照燒魷魚筒就有啲失色，可以再燒得更惹味，不過性在原條份量十足！

今日忽然拉麵癮起, 所以就去咗 ❥⧽三代目 ❥⧽ 食拉麵喇。餐廳以紅, 黑色為主, 走型格路線, 裡面有好多卡座位, 幾闊落所以坐得好舒服。𓊈海之天婦羅𓊉天婦羅有蝦, 鯛魚, 黑松露帶子, 墨魚同紫蘇葉, 外層全部都好酥脆。蝦好大隻, 肉質結實彈牙。鯛魚新鮮嫩滑。帶子中間加咗黑松露, 味道好香有層次感。𓊈照燒魷魚筒𓊉一上枱就已經好香喇, 魷魚筒脹卜卜超級爽口, 個人最鐘意食魷魚鬚位, 比較煙韌有咬口, 照燒汁比例剛好, 唔會太甜蓋過魷魚味。𓊈紫蘇燒豚梅肉拉麵𓊉好欣賞塊豚梅肉, 好肥美, 脂肪同肉嘅比例好平均, 唔會太肥膩/ 太瘦乾爭爭。溏心蛋好流心, 蛋黃大大粒, 好好味。𓊈辛燒豚梅肉拉麵𓊉如果鐘意食辣嘅話, 真係可以試吓呢個辛燒拉麵, 個湯底好香濃惹味。𓊈巨峰梳打 ✧ 白桃梳打𓊉本來以為係機出嘅梳打, 點知係原支樽裝梳打, 喜出望外, 一扭開樽蓋已經有陣陣香味, 加埋冰一齊飲, 唔會覺得太甜, 好好飲!✧✧ 餐廳食物種類真係好多, 座位又好舒適, 好適合想靜靜地食飯傾計嘅朋友。

見開左幾個月，今日lunch唔算好多人排隊，入去試下，等左20分鐘度入座，我地兩個人order左午餐「紫蘇燒豚梅肉拉麵套餐」、「吉列豬扒廣島蠔定食」、跟餐「青森縣蘋果汁」、「荔枝培茶」。套裝跟「3小卷」先到，跟住飲品，個人覺得比較甜，定食睇落好豐富吉列豬扒是細細件的，好好味，咬落有層次，蠔都有蠔味，唔鯹。豚肉拉麵個豚肉好有驚喜，一碗只有兩片，有少少厚度，所以好有口感，肉質和味道都100分，拉麵湯底好濃，個人覺得拉麵唔夠淋身，整體唔錯。

💸人均消費: $110-170🌿評分: 3/5🈶加一服務費之前上OpenRice見到呢間拉麵個裝修幾有feel幾似居酒屋🏮所以放咗工就嚟咗同🧸試下~ 店員服務態度唔錯✨但食物質素同性價比就差啲🥺➪ 小芝士牛丼 ($58)果然真係好小😂佢大概係平時麵豉湯碗大啲啲咁嘅份量🥲但都算滿嘅🥹睇圖都可以見到啲芝士係鋪滿面🧀鹹鹹香香咁~下面就係啲牛肉🐄都鋪滿哂飯面🍚重牛味但少韌🥺下面啲飯會有少少甜麵豉醬✨算係幾特別幾好食嘅配搭💛整體嚟講味道唔錯🌿但呢個價錢咁嘅份量就唔算好抵💸如果佢大碗少少(其實多啲飯我都會收貨，事關食完真係好空虛😂)➪ 炙牛拉麵 ($92)牛肉都有5塊左右🐄牛肉味都好重加埋啲黑椒都幾香口🔥肉質小韌不過尚可接受配料略少🥹湯底都算幾有豬骨味🐖🧸覺得個湯底濃度啱啱好👍🏻濃得嚟唔會太醎😋而份量方面叫做令你冇肚餓嘅感覺👻但同飽都有一斷距離🥺拉麵係屬於軟麵不過唔算好彈牙🥲➪ 燒牛舌 ($48)唔係食過牛舌好多次✨但個人覺得呢牛味都幾出😻加上都幾淋👍🏻有啲咬口，但唔會好韌🔥啲調味都落得適中唔會太重遮咗牛本身啲味~不過🧸覺得佢燒燶小小會再惹味啲🌿

原來北角開咗間新既居酒屋♥️佢既性價比幾高，回頭指數亦都高環境為食貓本身比佢既裝修吸引左入去，因為舖頭都幾大，好舒服，好有格調，可以容納到好多人👍🏾食物辛燒豚梅肉拉麵（4/5）$98呢個拉麵好惹味，都幾辣😋同埋好重豚肉味👍🏾雖然個湯有d油膩，但真係好濃郁呀至於d豚肉係燒過既，唔錯唔錯～不過個麵同豚肉份量就有d少味噌甲羅燒 （4/5）$98為食貓第一次食甲羅燒😂d蟹子配蛋黃，再配蟹膏，真係絕配咸咸地，餸飯真係一流呀🤤食埋張紫菜，呢個配搭好特別，好好食呢個價錢再配呢個食物既質素，雖然唔可以話係最最最好食，同必食不可，但黎開北角，絕對可以再回頭