42
2
1
港鐵北角站 B3 出口 繼續閱讀
電話號碼
63338205
營業時間
今日營業
11:00 - 15:00
18:00 - 22:00
星期一至日
11:00 - 15:00
18:00 - 22:00
*最後落單時間: 21:00
付款方式
Visa Master AlipayHK 現金 銀聯 微信支付
其他資料
餐廳運作模式 - B類
食評 (46)
等級4 2021-10-01
2718 瀏覽
家附近新開了一間日式餐廳,我們愛嚐新,遂與太座來試試。在門外輪候了近半小時,終於有位了!是兩個可望到廚師工作的吧位,細看餐牌,食物可分類為前菜,沙律,串燒,天婦羅,一口壽司,拉麵,拌麵,蓋飯,小蓋飯等。我們點了彩虹凱撒沙律,唐揚豆池魚,小豚丼,豚肩叉燒拉麵。最先送來的是小豚丼,一小碗白飯,上面有些燒過帶肥的豬肉粒,又唧了蛋黃醬,最後有半隻唐心蛋,豚肉半肥味道不錯,惟加了蛋黃醬,膩上加膩。喜歡看著廚師們工作,各自有自己崗位,非常忙碌,煙霧彌漫,感覺興奮。接著來的是豚肩叉燒拉麵,湯是豬骨湯底,有兩塊火炙過的日式叉燒,味道豐腴,麵是味千拉麵般的質素,整體不過不失。一般沙律或前菜都會先來,惟人手,地方等局限,很多食肆都不會依章法行事,換句話說,便是做到甚麼便出甚麼!彩虹凱撒沙律,在我們吃過飯和麵之後送來,材料有異於一般的凱撒沙律,除了羅馬生菜外,還有南瓜,橙肉,藍莓,粟米和溫泉蛋,清爽怡人。等了又等,唐揚豆池魚,壓軸出場,炸得香口,伴了柚子醬油和檸檬,是佐酒佳品。餐後感是餐牌缺乏港人喜愛的刺身,而壽司的選擇也不多,食物質素大路,未必能吸引顧客重來,值得一讚是侍應服務,不斷留意添茶,還為我添加紙餐巾,十分專注。 繼續閱讀
(以上食評乃用戶個人意見 , 並不代表OpenRice之觀點。)
朋友屋企附近開左哩間新既居酒屋,於是今次就陪佢過去一齊試下。居酒屋環境寬敞,而且有吧檯位置,可以見到師傅烹調食物既過程。而家做緊新店限定優惠,$188就有90分鐘清酒放題,有三種主題系列既清酒可以選擇,而且枱面上面有好清晰既指示,話俾你知飲清酒既步驟。餐牌上面既選擇亦好多,今次我地就叫左以下食物share👇🏻🐚醬漬螺哩個絕對有驚喜❗️螺肉鮮甜肥美,係用藥膳烹調,煮得非常入味,質感彈牙無沙,而且京蔥同蘿蔔完全無渣,超級清甜,好食推介👍🏻🍢雞之拼盤(雞胸軟骨、雞腎、雞肉京蔥)雞胸軟骨真係好少見,大件過平時見既雞軟骨勁多,軟骨好咬,雞肉嫩滑;雞腎充滿胡椒同黑椒香,入口微辣爽口;雞肉京蔥既雞肉非常嫩滑,配埋京蔥一齊食味道唔錯。🍣一口壽司:火焰牛(配醬漬山葵莖)及海老·膽哩到既一口壽司其實要幾口先食得晒😂火焰牛燒得粉嫩;海老新鮮,海膽鮮甜。🍜紫蘇燒豚梅肉拉麵湯底濃郁醇香,有淡淡紫蘇香味,燒豚梅肉肥瘦適中,非常香口,流心蛋煮得剛剛好。🍛一口燒牛丼牛柳粒唔會韌,配有洋蔥、青椒同溫泉蛋,米飯底有黑椒照燒汁,大家記得要撈勻,醬汁微辣,都幾惹味。🍵荔枝洋甘菊果茶(熱)荔枝味突出,亦飲得出淡淡洋甘菊香味。🍶日本清酒需要先係座位scan qr code,再喺出面自助拎酒,三種主題既清酒各有特色,大家都可以跟住下面既五部曲試下,真係飲得出有啲分別!💕清酒五部曲:先食一口食物,品嚐食物原味,用清水漱口,淺嚐清酒,再次品嚐食物,感受清酒為食物帶黎既變化,再飲一口清酒,清酒味道會有明顯分別💕整體黎講,居酒屋食物有質素,清酒放題亦抵飲,真係幾鍾意哩種日式居酒屋,係同朋友聚會之選。 繼續閱讀
(以上食評乃用戶個人意見 , 並不代表OpenRice之觀點。)
呢間新開居酒屋🏮嘅清酒放題超吸引,岩曬我地兩個酒鬼~野食全部賣相都好吸引,感覺餐廳好多位都做得好細緻👏🏽+前菜+*胡瓜本漬*上面有啲漬物,甜甜地又咸咸地,下面係一塊脆脆嘅紫菜,一啖一塊,唔同嘅味道係嘴入面不停咁回味,好滋味。再配上一啖清酒,好滿足呀😍*醉漬鮮鮑*鮑魚就唔洗講更加鮮啦,彈牙嘅口感令人一試難忘,唔知係咪味覺提升咗,真係覺得飲清酒前後隻鮑魚味係唔同㗎🤣+串燒+*雞肉京蒽*我覺得呢個最好味,雞肉一啲都唔老,蒽好香,我會一啖食齊兩樣野,就最好味。*雞腎*味道都ok,不過影完相可能凍咗,乾咗啲。*雞軟骨*好大舊雞軟骨,好正,咬落去脆卜卜,又有肉嘅香味,唔錯。+一口壽司+*火焰牛*牛燒到三成熟,之後用紫菜包住飯同肉,上面加特製嘅醬,一上嚟就見到好靚好吸引,唔好掛住影太耐相呀,紫菜脆嘅時候係最好味😋*海老膽*上面厚厚一層我最愛嘅海膽,中間係天婦羅蝦,出面都有層紫菜,咁嘅配搭,你話有乜可能唔好食🤣+炸物/燒物+*芝士粟米條*呢個好特別呀,出面嗰層粟米味好重,入面就係我最愛嘅芝士,食落去好夾,又脆又香,可以加茄汁就感覺冇咁滯。*和風燒茄子🍆*燒茄子食得多,平時都係中式辣辣地嘅味,但呢個完全唔同,味道好特別。上面嗰層係木魚,啱攞出嚟嘅時候仲郁緊,好得意,中間都有層蒽,不過食落同中式嘅好唔同,值得一試。+主食+*紫蘇燒豚肉拉麵*個湯底好好飲呀,麵嘅質地都好正,聽講係佢哋自己師傅自己整嘅。最特別之處係有紫蘇醬,酸酸地,好消滯。其實食完上面嘅嘢已經好飽,不過碗麵太好味,最終都食晒,又發現自己驚人嘅食量😨*豚肉醬油魚介拌麵*呢個拌麵又係好正,一上到嚟嘅時候,忍唔住狂影相,好靚。當然味道都好好,料勁足,全部撈埋一齊好好味 繼續閱讀
(以上食評乃用戶個人意見 , 並不代表OpenRice之觀點。)
北角新餐廳🌟高水準日本菜前菜 醬漬螺🐚螺肉新鮮爽彈,配上甜豉油份外鮮味雞之拼盤🍢雞胸軟骨,雞腎,雞肉京葱串燒比較濃味,特調醬料加上雞肉,味道比較鹹。雞胸軟骨有少少脆口嘅感覺,雞腎略嫌有少少過火,雞肉京蔥係最穩妥嘅選擇火焰牛壽司🍣用上牛小排製成嘅火焰壽司,牛肉味香濃,牛脂爆發,薄薄兩片嘅牛小排同友人分享之後意猶未盡,想再食多塊😍海老·膽🍤(小編推薦)呢款壽司幾有驚喜,海膽非常鮮甜🌟而且份量好足。炸蝦天婦羅即點即炸,所以非常酥脆,蝦肉爽彈新鮮大隻👍🏻成舊壽司暖暖地,非常滿足🥰紫蘇燒豚梅肉拉麵🍜兩片嘅厚燒豚肉搽咗紫蘇汁,肥瘦相間,配上濃厚嘅湯底,油膩感略重,適合小編呢種重口味人士🥰拉麵🍜有彈性,正常質素,有兩隻糖心蛋一口燒牛丼🍱一口燒牛牛肉味唔算非常出,但勝在一口牛keep到有肉汁,食落比較有咬口。飯底嘅醬汁比較有驚喜,酸酸甜甜好解油膩蘋果焙茶🧃食咗好多肥膩重口味嘅嘢,飲番杯蘋果焙茶作結係一個完美嘅選擇。微酸微甜嘅味道幾爽口解膩九款任飲清酒放題🍶鍾意飲清酒🍶嘅你哋一定唔可以錯過,呢度有九款清酒,三大類清酒包括熏,爽,醇,分別可以配搭前菜,串燒同埋重口味嘅主食😘環境方面,餐廳裝修有日本風味,設有吧枱同埋卡位,私隱度高,亦頗有情調🥰吧枱對住廚師👨‍🍳可以即場觀看廚師製作食品🌟總括而言,餐廳嘅食物質素高😊環境亦都幾有情調,幾適合生日聚會,情侶慶祝紀念日到訪🥰三代目地址:北角英皇道500號港運城G/F 11-13號鋪 繼續閱讀
(以上食評乃用戶個人意見 , 並不代表OpenRice之觀點。)
9 0 後 的 味 蕾.🏮北角新開幕拉麵居酒屋🏮.有睇開我啲文嘅朋友仔都知我係北角工作,港運城都有好多年冇開新餐廳,今次浩浩蕩蕩喺地下果層開一間新嘅日式居酒屋,裝修得好靚,玻璃外牆配搭木系裝修,仲有開放式嘅吧枱,睇到廚師製作美食,梗係吸引到我哋呢班打工仔啦!.最正係呢到有部Sake自助機,仲要有sake放題套餐,$188/90分鐘,啱哂一班日本酒迷😍.🔸sake🍶通過手機選擇自己喜歡既口味,網頁會提供每款sake嘅詳細資料,然後拎住個QR code,係部機面前掃一掃,放隻杯上去禁制就搞得。.最貼心係佢哋會教埋你邊款酒配搭咩食物最好,sake新手都瞬間變老手🤣.食物既種類都好多:拉麵、串燒、手卷、拌麵、肉丼.🔸醬漬螺🐚醃得粒螺肉好入味,甜甜地嘅日式醬油味,好啱餸下酒.🔸串燒🍢雞肉好滑、好香,豬豚肉軟骨好脆、食到索索聲、好有口感.🔸火炙牛🐄牛薄而香、配搭芥辣、好爽、幾片青瓜中和左油膩.🔸豚肉醬油魚介拌麵🐖麵質爽口、入口微黏性但又唔會糊埋一埋、撈勻所有配料麵條條分明,極多配料、口感好豐豐,特別係櫻花蝦,脆卜卜,蒜香蔥香荀香混為一體😋.🔸汁燒五花豚丼🍱五花肉唔會太肥、咬落少少油香、醬汁醃得香、丼飯有醬汁撈.港運城都好耐無開新餐廳啦,今次迎來呢間新潮日式居酒屋,附近番工既朋友收工又多一個Happy Hour選擇,學下日本人🇯🇵食串燒🍢飲清酒🍶 繼續閱讀
(以上食評乃用戶個人意見 , 並不代表OpenRice之觀點。)