三一餃子 (利源西街)

營業中

休息中

係中環見完客，肚餓想去食個晏，行下行下見到一間餃子店幾有特色🙈入去叫咗粟米豬肉餃同大阪粟米餃子燒，因為太鍾意食粟米，所以兩款餃子都揀咗粟米做餡料😎 呢度嘅粟米幾甜幾爽口，2種食法都各有特式，2種都係煎餃子，而後者仲加咗木魚絲同埋沙律醬，味道再多咗個層次，但我偏向原汁原味既煎餃，粟米味比較突岀朋友叫咗鰹魚昆布湯拉麵，賣相不錯。小食叫咗絲網春卷，餃子雞翼同黑松露蕃薯條，小食都絕對唔馬虎😛 絲網春卷係越南餐廳的味道，而黑松露蕃薯條係超級好味，首先蕃薯好甜，個黑松露醬都好香好creamy好重黑松露味👍🏻

呢間店嘅老闆有諗頭，炸餃子與酒的配搭應該很受老外歡迎，我相信瀑布流芝餃及大阪餃子燒非常合他們口味，香脆惹味而味道十足，賣相亦吸引。餃子被一層口厚芝士豐蓋，熱辣上菜的時候芝士味道非常濃，夾起拉絲，芝士迷完美的組合。另一款大阪餃子，蓋上的是紫菜絲及木魚絲，賣相符合日式風格，我相信餃子是一樣的豬肉餡料，這款加上鹹香更好味。平日繁忙時間會推出ABC組合的午餐，我的選擇：大阪餃子燒鰹魚昆布湯烏冬炸魚片頭湯底唔錯，烏冬有質感，很夾。炸魚片頭炸得好。同伴選擇：蝦皮韭菜豬肉餃及蒜芯豬肉餃雙拼（湯）豆腐蝦皮湯拉麵湯餃子亦有湯餃子的好，餃子皮不厚，食到新鮮餃子的味道，蒜芯及韭菜饀辛味突出，很容易分辨到。環境舒服乾淨，價錢算抵食，最低消費$56已經有餃子配飯、麵或烏冬，想來，公司作派對食品亦適合。

今日放假同朋友過來中環行下街，順便在附近食午餐。剛巧在利源西街搵到呢間新開不久的餃子店，款式也多，便入來食下。餐廳入面座位不算多，但乾淨舒適。餐牌有套餐可以自由配搭，選擇較多，價錢都抵食。粟米湯餃，碗是很可愛的貓形狀，即煮熱辣辣，湯呈奶白色，味道是鮮甜而帶豆腐味，同餃子味道好夾。餃子皮薄而餡靚，粟米爽脆鮮甜，豬肉份量適中，嫩滑多汁。鰹魚烏冬，烏冬煙韌彈牙，鰹魚湯汁清甜入味。餃子雞翼，外皮炸得香脆，𥚃面是餃子入面的豬肉餡，味道鮮甜軟稔，肉汁緩緩流出。煎松露餃，香脆惹味，豬肉同松露醬的味道好夾，香濃滑溜。炸花枝丸，炸得帶微微的金黃色，外脆內軟，花枝香味濃郁，入口煙韌口咬感。

在酒吧街里看到餃子店還是滿新奇的，店里食品理所當然地以手工餃子作主打，卻不會單調，餡料選擇多樣，小食配搭多元，還真生出很多款組合。佈置有別傳統餃子店，以高身桌椅為主，感覺型格新潮。松露餃店內都以冰花煎餃方式為主，外皮冰晶的雪花模樣，香酥焦脆的口感。松露餃肉餡豐富，味道較濃郁，肉香而餡鮮。韮菜餃同樣冰花煎餃，韮菜香濃豬肉柔軟，餃子每隻飽滿，咬下滲出肉汁，整隻順滑入口。 炸花枝丸花枝整粒圓滾滾，口感彈牙煙韌，外皮脆口內里柔軟。

好少係中環食野但今日約咗fd 就揾下有咩價錢合理嘅小店見到呢間餃子店好似唔錯有餃子仲有麵食佢有散嗌同set 同個fd就叫咗2個set 一個係蝦皮韮菜豬肉餃+昆布拉麵一個係蒜芯豬肉餃+昆布拉麵另外加$24叫咗餃子雞翼$5紅棗茶 餃子同拉麵係分開上ge2款餃子都應該係自家制 皮厚薄都適中但料有點少😢所以餃子有點發育不良扁扁的感覺😣而且味精都幾重 湯好咸之後嘅昆布拉麵麵唔彈牙 仲要痴牙🙄🙄我fd食咗一半就放棄了 我諗個餃子雞翼算係好d都包得幾飽滿不過我分唔到入面包嘅係咩似係雞肉溝魚肉(?) 最後紅棗茶=熱水+紅棗蓉不值一提😐整體嚟講食完之後覺得好重味精頸渴咗幾個鐘如果想食味精嘅可以一試😊

1支公午餐時間黎到, 好不容易搵到個位坐, 呢間舖相當受歡迎, 店員忙個不停, 加上商業地段, 成間舖keep住滿哂, 好彩上菜都非常快。店舖裝修有D cafe feel, 店員都係後生仔, 好有禮貌。講番食個part先, 本身係外面係比餃子呢個主題吸引左, 係外面望左望餐牌以為淨係得單點野飲, 點知入到去原來有套餐點, 基本上係一份餃子, 一碗麵/烏冬, 一份小食, 價錢相比起單點抵食好多, 強烈建議舖頭應該將呢個套餐牌放門口, 一定可以吸引更加多人黎食！餃子我揀左煎薑蔥豬肉餃, 即叫即煎, 熱辣辣, 脆卜卜, 質素相當高! 麵食揀左鰹魚昆布湯烏冬, 湯底好好飲, 烏冬係扁身少少個種, 咁岩係我鍾意食既個種, 小食點左絲網春卷, 竟然有4條, 一般食店呢D side dish大概只會比2條, 所以食完成個餐非常之飽。咁高質素既煎餃真係買少見少, 睇Menu見到仲有幾款特色餃子, 一定要黎多幾次食哂每一款餃子!

今日去咗一間位於中環的餃子店 — 三一餃子。喺繁囂中環鬧市中，罕有地見到一間精緻小巧、富有特色的餃子店。店舖離地鐵站路程並不遠，但位置位於小巷中，要花一點時間才找到。環境舒適，地方雖然不大但感覺乾淨清新。餐牌同時具備中英文，相信係為咗遊客而設。本身想試吓流心芝士餃子，但由於啱啱冇晒黑松露所以只能夠轉食其他。之後轉左食大阪燒餃子，並沒有令我失望。用大阪燒的料理方式去煎餃子，意外地夾，有一種食小丸子的感覺，非常推薦！另外點左蒜心豬肉餃，亦是這裏的招牌之一。這餃子有三種做法，我選擇了煎的。餃子中有淡淡蒜味，推薦！最後點了一客黑松露醬配薯條，本來我並不是黑松露的愛好者，但這個黑松露醬的味道並不會太濃，我也容易入口，加上薯條剛剛炸好，是一款不錯的小食。如果想喺中環這個繁囂鬧市中，找一間特色小店作晚餐，我非常推薦這一間三一餃子。

今日去左中環呢間餃子店食餃子，環境雖然唔係好大，但係舒舒服服同埋適合傾計，而且唔係位於大街，所以比較安靜唔會好嘈。我地嗌左一個A+A餐，分別叫左大阪餃子燒同埋蒜芯豬肉餃，大阪餃子燒好正！佢好似小丸子咁有沙律醬加燒汁，而且餃子要一口過食，因為入面有好多湯！！！而蒜芯豬肉餃都好好味，佢入面既餡好滿，一碟仲有6隻，一個餐絕對夠一個人份量食！另外仲叫左一碟炸韭菜餃子同埋一碟炸薯條+黑松露醬，好味呀！！！！！

坐下後店員遞上餐牌，餐牌的設計很搞笑！像一些功能卡，仔細一看其實是不同味道的餃子🤭除此之外，這裏也有套餐可以選擇。我們叫了兩個套餐，配了頭漿，豆漿凍凍的最啱夏天飲。小食方面叫了雞軟骨以及花枝丸，也是即叫即炸的！我叫了豬肉粟米餃子，選擇了湯上。餃子很大粒，而且裏面也有很多粟米，個人很喜歡。炸蠔方面熱辣辣，有三隻也挺大隻😚朋友叫了韭菜豬肉餃，見到韭菜的份量都不少，喜歡吃韭菜嘅朋友可以一試！今次我哋選擇了用煎的煮法！仲陪左鰹魚湯烏冬，我覺得這裏的配菜比較日式。當然要叫一個菜來吃，這個有蘿蔔，芋絲，金菇以及生菜，配上日式的湯底。最後忍唔住叫咗番薯條，蕃薯條的感覺比薯條更健康而且比較甜。店舖比較早關大約八點多便會關門，建議來的朋友記住早一點🤗

Weekend 去左中環搵食，行過見到呢間靚靚文青味既餃子小店，咁岩想呢類冇咁heavy既野，就決定試試！本menu入面好多遊戲卡，幾搞笑😂最緊要係d野好抵食！蒜心豬肉餃子餡料好充足，切左粒既蒜心口感爽脆，湯底係豆漿蝦皮，配搭特別，出面好少有。黑松露蕃薯條新鮮炸起熱辣辣，松露味蛋醬亦都夠味，好食！昆布醬油湯底拉麵係comfort food，麵質不錯，夠彈牙。望落細細碗，但其實麵量都幾多。呢個松露cheese煎餃超級邪惡，係真cheese，好香濃好滿足😍炸雞有三款，炸得好香好脆，雞翼仲用左一種好特別既香料，抵食！

係中環尋找緊美食之際見到呢間小店見到個餃子菜單幾好咁 於是入內簡約系裝修☘️燈光夠白坐得舒服😌菜單好懷舊😆另外有張套餐既菜單左上就清楚寫住3個set有咩唔同👇🏻👇🏻👇🏻A+B+C 💲6️⃣8️⃣👇🏻👇🏻👇🏻⭐️A 黑白松露豬肉餃🥟⭐️B 鰹魚昆布湯烏冬 +💲9️⃣溫泉蛋🥚⭐️C 酥炸生蠔 +💲2️⃣4️⃣👉🏻A 淡淡既黑松露味唔會搶左豬肉既味不得不讚係煎到脆卜卜 個底好完整😍煎餃功力睇圖便知🤙🏻👉🏻B 湯底飲落有新鮮昆布味💧烏冬有咬口 溫泉蛋🥚生熟適中👉🏻C 生蠔唔腥又脆卜卜第二個都係揀⭐️A+B+C💲6️⃣8️⃣⭐️A 四季豆豆腐素餃🥟 + 💲9️⃣溫泉蛋⭐️B 豆腐蝦皮湯烏冬🍤⭐️C 炸花枝丸🦑👉🏻A 打算清清地試下素餃🥬外表炸到金黃色 入面清清地 有豆腐既香味同爽脆既四季豆女士們可以試下❤️👉🏻B 湯偏向豆腐味多啲 比較清淡既湯底👉🏻C 花枝丸不過不失 本身中意食既朋友一定要叫另外都加點左其他小食⭐️甘煮野菜 💲3️⃣9️⃣有甘藍葉/白蘿蔔/冬菇🍄/宇絲個湯底都係昆布湯 蘿蔔非常入味平日無乜菜食既朋友可以點⭐️芝麻雞翼💲1️⃣8️⃣炸得酥脆 不過不失既雞翼🍗

係openrice揾中環有咩食，比我揾到呢間三一餃子，呢間餃子開係利源西街，平時比較少行入黎，今日特登過黎先知原來有好野食！呢度有好多款特色餃子，叫套餐的話就有餃子有麵有小食，非常抵食，所以同友人一人點左一個餐。睇餐牌個陣發現呢份菜單圖，睇黎老闆好鍾意遊戲王，啲圖係用遊戲卡形式展示，揭到某頁仲有驚喜添。餃子全部都係即叫即整，捧到上枱既時候仲係熱辣辣，脆卜卜。餃子點左大板燒餃子同埋蒜芯餃子，大板燒餃子陣味真係幾似大板燒，但就有餃子既口感，而蒜芯餃子就非常好味，蒜味好香濃，要留意呢隻蒜同平時食啲蒜頭有啲唔同架。主食方面就點左烏冬同拉麵，湯底可以揀鰹魚湯或者豆漿蝦湯，豆漿蝦湯既蝦味比較出，鰹魚湯記得加料加埋煎蛋落去令到味道更好。小食就揀左黑松露薯條同埋甘煮野菜，薯條整炸夠香脆，甘煮野菜個甘原來係羽衣甘藍，幾特別，其他配料有啲似關東煮。呢間舖應該係由幾個後生仔開既，裝修都落左唔少心思，坐係度食野感覺好舒服，估唔到中環區商業中心地帶都可以咁放鬆咁用餐，而且食物味道仲相當唔錯，之後一定會再黎食！

第一次同朋友來食餃子，聽講味道唔錯。朋友點左黑松露煎餃，味道創新之餘有驚喜，黑松露味道不太濃但又清晰，黑松露的氣油味不重，即使唔愛黑松露嘅朋友也可以一試。韮菜餃食得出蝦皮的海鮮味，不錯但沒有太大驚喜。我最喜歡蒜心餃子，蒜心煮熟之後有十分清爽的蒜香，配上脆脆的餃子皮，十分美味米線味道唔錯，但加辣要注意，即使垃圾辣都幾辣，唔食得辣嘅朋友唔好太大意。但可惜試不到温泉蛋飯。最後試了餃子雞翼，很失望。本以為炸物唔會難食得去邊，但雞翼加餃子肉饀一D都唔夾，雞翼雖然炸得很脆但本身沒有味道，如果有酸辣醬或孜然粉可能會好少少。

好耐都冇食到咁高汁嘅餐廳啦，依間真係值得一去再去。三一餃子，本身都唔知點解叫咁嘅名，去到就知，我估原因係咁，因為$68就可以有A+B+C既套餐。我叫咗個蒜芯豬肉湯餃，鰹魚昆布湯拉麵加蛋，酥炸生蠔。我女朋友叫左黑白松露豬肉煎餃，炸花枝丸。認真全部都冇伏。個人最鍾意食佢嘅蒜心豬肉湯餃，粒粒都好有味，用足料，六粒真係唔係幾夠喉，不過要留肚食其他。拉麵同煎蛋正正常常，本身想要烏冬，但係賣晒，可能烏冬好好味。另外我仲試咗個酥炸生蠔，炸粉唔厚，加上啲蠔都好有肉地，正。煎餃煎得好靚仔，雖然有啲位濃左啲，但係一啲濃味都冇，而且黑松露味都好重。花枝丸都好有咬口。總結：無論餃子同埋小食都好高汁，拉麵正常，價錢唔貴，仲要係中環，我覺得依間野幾好。

簡簡單單想食個餃子，估唔到好好食越叫越多，最後食咗成$250。湯韭菜餃餐$68每一粒都好晶瑩剔透，裏面加左好多材料，韭菜同肉嘅份量啱啱好，唔會過多嘅草青味。昆布湯烏冬+$5烏冬用咗稻庭烏冬，非常彈牙，加上昆布湯，清清地但係有好夠味。甘煮野菜+$15似係日本嘅關東煮，有蘿蔔同埋菇，最特別係有羽衣甘藍，好似食緊沙律咁。大阪燒餃子$58仿效大阪燒但係個底係煎餃子，賣相好得意，味道似章魚燒多啲，都係用咗沙律醬同埋木魚絲，餃子裏面有好多粟米，襯返成個大阪燒。炸玫瑰花餃子餐$63以為只係打卡專用好睇唔好食，原來裏面加咗好多芝士，一咬落去味道好濃郁，個炸粉冇想像中咁厚，好易入口，唔會食咗成舊粉咁。餃子雞翼$24餃子雞翼炸得外脆內軟，雞皮炸到冇晒油，皮好薄，感覺健康啲，雞翼入面好juicy，一咬d汁咇出黎。炸雞軟骨$11