七福神和食亭

營業中

休息中

來七福神與舊同學聚舊，三十六度高溫天氣下，從佐敦裕華國貨地鐵出口，步行不到兩分鐘便到達，不用滿身大汗去應約兼享受美食。餐牌內有刺身、壽司、燒物、炸物、拉麵和炒飯等多款日式食品，應有盡有。赤貝刺身 $42、牡丹蝦兩隻 $58、三文魚刺身 $48/5片和北寄貝 $48/7片 ： 各樣刺身都很鮮甜，特別是兩隻肥美的牡丹蝦。赤貝壽司 $18 玻璃蝦壽司 $14 神戶野菜炒 $48 炭火燒河豚乾$32 ： 河豚乾很香軟，餸梳打真一流。 醬燒豬軟骨拉麵 $55 ： 豬軟骨很香稔，拉麵夠爽，湯底香濃。荔枝梳打 $28 荔枝青蘋果梳打 $28總括這次的體驗，七福神的環境、服務和食品，都是有水準的，而價錢也很合理。

因為我們算早, 所以不用等位, 但看到7點時, 餐廳已經坐滿了。蟹子沙律(小) $38細蟹子沙律但分量大到嚇一跳，有成個拉面碗咁大。 蟹籽蟹柳絲份量一啲都唔少， 除了青瓜絲好爽口，仲加了生菜絲, 食起嚟夠曬清新, 份量足夠2-3人吃, $38真係好抵。至於必點刺身方面，這裡的海鮮刺身真的是大件夾抵食。有幾種唔同刺身拼盤，揀左平平地又有海膽的刺身拼盤，有三文魚，甘蝦，半板海膽和北寄貝。刺身拼盤$128拼盤超值有足半板海膽，海膽顏色鮮豔頗新鮮, 唔腥仲好甜！。三文魚比我想像中大件又肥美，一啲都唔腥。整體刺身都新鮮！128元竟然有這種質素，好抵!帶子$54 有好多片，食落鮮甜彈牙。 至於赤貝$42一隻，size 都唔細， 好爽口, 但有才少少腥。另外特登叫了2隻生蠔，因為見隔離D生蠔相當新鮮。果然生蠔非常飽滿juicy，而且都十分新鮮, 生蠔好肥美飽滿，有圖有真相！好正。Coffin Bay肉質結實好爽，入口有一股海水咸味。另一隻法國蠔有蠔香味得黎又CREAMY，帶有少少海水咸味，加少少檸檬汁就提高生蠔的鮮味。 風味花魚燒 $65花魚燒很香, 調味不錯, 有少少炭火味, 能帶出魚及燒的香

今日同太太一反常態決定唔食日式放題，而改倉逐樣點嘅日式料理餐廳， 嚟到位於佐敦呢間叫七福神嘅日式餐廳。上完一條長樓梯就到餐廳，時間唔算好遲，但反而人山人海，睇到咁多人黎食，令我地餐廳感覺打咗一支強心針。餐廳既食物選擇多元化，而且睇相就已經夠引開胃菜我哋點咗一板海膽，三文魚，北寄貝及甘蝦既combo,啲刺身非常新鮮，三文魚勁大片而且厚切，而海膽唔會好大木味，都幾甘甜!天婦羅蝦炸到金黃色，而且入面海蝦非常新鮮，做到外脆內鮮既感覺，炸漿都唔會太厚身，屬於出色之作。極上特級和牛壽司，一睇就知好味，靚既食材唔需要太多花巧既，實而不華芝士焗蠔燒得香噴噴，送黎已經嗅到好香芝士味，而蠔本身都好大隻，愛食蠔者必選!蟹子沙律點左細份，但份量超多，舖面全部都係蟹子!煎餸子又係驚喜之一，首先，佢油粉唔會太多，但入面就好多肉汁，而最重要係外皮一啲都唔乾身，係微微脆皮蘆筍牛肉捲賣相精緻，牛肉表面有燒汁，同 蘆筍一齊食簡直絕配最後意猶未盡，點埋甜品， 點左椰子雪芭! 通常好少見到呢樣配搭，但出其咁好味，椰香味重，而且冰鎮送上，食都唔停口!最後埋單每人300有找，算係好街坊價!

角切魚生丼⭐️⭐️⭐️$88.👧🏻魚生幾有鮮味 三文魚好鮮嫩 ❤️ 建議照落豉油同Wasabi去食，飯都系用珍珠米 幾軟,只係有時林得滯黐埋一齊😶 飯嘅口感mama ..蟹柳魚籽沙拉⭐️⭐️⭐️⭐️$38(小)系好鬼大，相中圖嘅5碗裝😂好抵食 個陣諗定系佢俾左'大'呀🙈青瓜絲幾fresh又爽口，多蟹柳+多沙律醬 ，所以黎親食要必嗌！

見到呢間日本料理人氣咁高，就決定試一試。點知 非常 失望！呢間鋪其實真係好一般，食物無乜誠意。大件抵食或者是真的，但可能其他食評誤導，我真係期望過高。另外，大家用雪亮眼睛睇下，有d食評係同一個account寫嘅。平日我都唔會寫食評，但係今日遇到呢間店，真係有俾食評欺騙嘅感覺，所以忍唔住要寫。個石鍋香菜胡椒蜆湯（98蚊）係最令人失望嘅。去邊度我都未食過咁瘦嘅蜆，呢間鋪頭人氣咁高，應該貨如輪轉，入貨入得咁差，實在令人驚訝。另外，個湯太醎，胡椒太重，完全無蜆味，呢個價錢係其他地方是到嘅蜆真係好好多。個蟹籽沙律就太多沙律醬，有點倒胃口。帶子刺身、生蠔就一般般。最好嘅就係個鰻魚飯了，60蚊，香口，抵食。另外要提，呢間店嘅侍應對於客人提嘅意見無動於衷，一副事不關己嘅樣，閒閒散散。埋單時侍應報錯價錢。與

本來約咗朋友去佐敦食韓國嘢，臨時改變主意去食日本嘢，大約7:30到，等咗5分鐘有位，本來冇咁快嘅，我哋前面嗰個號碼先職員問佢人齊未，佢話未話佢上去先，職員同佢講可以，但係入座即時計限時90分鐘，跟著佢唔坐著等，所以我哋即時補上睇完Menu揀咗👇🏼呢D食物好快就嚟咗呢碟風味椒鹽本菇配蛋黃醬～冇乜椒鹽味同唔係想像中咁香脆黑蒜油豬骨湯沾麵～呢個極其量只可以叫拉麵底沾麵食法，根本拉麵就掛唔到湯，好奇怪囉壽司好一般～壽司飯應該係機整死實實，芥末八爪魚同北寄貝最好食其他都好普通串燒魷魚鬚～全晚最好味總括嚟講串燒係做得出色嘅，壽司就有待改進，有機會再嚟試其他串燒

由於好友由外地回來探親，所以我們相約見見面，聚一聚，所以就帶她到我最喜愛的日式居酒屋好好吃一餐。預先訂位嘅關係，店家預留了卡位俾我地，位置濶落，舒適。食物選擇超多，而且價錢唔太貴，餐牌上仲有圖片供食客參考，好貼心喔！刺身拼盤+牡丹蝦刺身海膽有半板，還配上飯團，紫菜包住海膽一齊吃，味道鮮甜，完全沒有怪味。三文魚-大大件，魚油甘香鮮甜。甘蝦-比想像中大隻，肉質彈牙牡丹蝦-超大隻，份量十足，入口蝦肉爽脆彈牙，味道鮮美，好好味喔！七味軟殼蟹飯卷軟殼蟹香脆加上蟹籽，沙律菜等一同吃下，好滋味喔！日式煎餃子餃子微微焦香脆口，豬肉餡料鮮甜，沾上酸甜的餃子汁，又惹味又滋味。露筍牛肉卷牛肉鮮嫩，燒汁香甜，只是不知道為何露筍變了京蔥，還好京蔥跟牛肉都好夾，而且還多了一份香氣。日式炸蝦餅即叫即炸，新鮮香口，不過蝦味偏淡，口感偏硬，味道普通。仲有我地最愛嘅芝麻雞翼外皮金黃香脆，內裏雞肉鮮嫩多汁，必食item 。最後叫返個柚子雪糕清涼一下，柚子味道清甜，超fresh ,真係好好味呀！

附近都多野食選擇，但見到哩間都多好評，就試下啦！難得晚飯時間無book枱都唔洗等位！reception喺地下，之後行樓梯上一層推門就係餐廳。餐牌有好多各類型食物，唔係剩係做日本野🤣可惜得兩個人，試唔到多d野食！下次一定會叫多d friend來！牛柳粒：👍🏻鐵兜keep到溫度，不會太硬太乾！個醬汁好食！好香口！不過份量略嫌太少，兩個人share都嫌少！多人一齊食就要叫多兜啦！海鮮炒烏冬：👍🏻睇落平平無奇，但幾好食啊，都多海鮮料混左入烏冬到！壽司新鮮👍🏻👍🏻見到隔離枱食蘋果雪芭😍睇落好好味！下次再試！

又可以三五知己約埋一齊好食一個lunch ,大家酒肉一下，唔肥有邊有得減呢？機會可以食到 Gillardeau 點會放過呢？好抵食，食蠔之餘，仲可以拼刺身，叫了生蠔拼盤SET B，包了兩片三文魚刺身，兩件甘蝦刺身仲有兩件油甘魚刺身，加埋只不過係＄118，真係好抵食。雖然係抵食，但係呢一個份量嘅刺身，有邊個我哋四個人呢，所以我哋亦都叫咗刺身拼盤（3） ，有海膽半板，三文魚三件，甘蝦兩隻，自選左劍魚腩刺身，有三件，相當豐富！價錢雖然平， （ ＄128 ) ,呢個海膽都幾鮮美，又軟滑。牛舌望落去咁厚，仲怕佢咁厚會燒唔透或者太厚肉會韌得滯，但食落口食到原來件牛舌好林，而且就係因為厚身好夠肉感！ 燒魷魚的汁好惹味，原條咁切開一圈圈咁，好均勻，好治癒！食落個魷魚都算幾淋唔會太韌。石鍋湯豆腐俾人話我做乜叫啲咁淡口嘅嘢，其實試落都幾好食架，豆腐細細粒，容易入口，而且勁話，啲粉絲又煮得夠晒林好入味，湯都幾香，望落去好清，其實飲落好夠味，唔係佢表面睇落咁寡。石鍋燒香菜海蜆胡椒湯勁足料，好多蜆，胡椒味幾重，個湯好夠味。我哋嘅殿堂級食家保險佬哥哥， 十分識食，點左呢一個燒雞泡魚干，大家都讚好，個魚真係燒得好乾

整晚的食物,都可以用好食,超值來形容,食物由落單至上枱都不超過5分鐘,抵讚,待應們也很有禮貌!刺身~四款選擇，大致上都非常新鮮，size也很大 ，厚切三文魚，劍魚腩也很肥美,海膽份量也很多,海膽加埋紫菜同埋少少飯海團膽味更加出!三文魚壽司水準一流燒蠔:芝士鋪滿生蠔的表面，軟滑的芝士同生蠔混為一體，非常香口ORDER了串燒五品盛合＄68, 裏面有冬菇, 雞肉串,豬頸肉, 青椒同雞翼, 冬菇燒到好乾身好香口!最期待的和牛刺身, 一點腥味都沒有, 脂肪帶粘性, 享受不同層次的鮮味, 相當特別!菠蘿內是酸酸甜甜的菠蘿味雪葩, 味道開胃, 吃後有消濟作用呀這裡款式多,座位又舒適, 重點是價錢又抵食,味道又好

呢間和食亭, 每次去都係全場爆滿, 好在友人一早訂左位先可以唔駛等就有得食.....哈..哈...基本上和式食物呢度都有所提供, 選擇可謂相當多, 連甜品都有唔少選擇, 無需另找地方食甜品每次黎到都一定點我最愛既蟹籽沙律, 超抵食, 呢客細既都只係$38, 但份量係超大囉, 足夠2-3個人食, 大量爽口多汁青瓜絲配以蟹柳絲及脆卜卜蟹籽, 略為沙律醬多左D, 下次可以叫少醬會好D!和食又點少得刺身, 呢客六點刺身 ($168)款款厚切又大片, 最愛佢既帶子, 鮮甜味美; 另外再叫呢度好出名既活赤貝刺身 ($84/2), 一隻可以切成片, 食落爽脆唔腥, 好味道!串燒點左呢串醬油京葱鷄肉串 ($35/2串), 京葱燒得甜味出晒黎, 鷄肉稍為唔熱, 食落都有少少肉汁呢係大蝦雜錦天婦羅 ($58/6件), 大蝦有2隻, 另外有冬菇, 茄子, 青椒及南瓜, 計落相當抵食, 個炸醬幾薄身唔會食到成口粉醬, 水準相當唔錯!有炸物當然可以配一個蕎麥冷面 ($38), 口感幾爽滑, 冷面汁又夠凍同濃淡適中, 最怕會有甜既味道最後黎多個甜品過下口過癮先, 呢到既雪芭有幾款, 最喜愛都係呢個菠蘿雪芭 ($4

今晚六點幾嚟到「七福神」，已經好多人啦！所以有興趣去呢到食嘅朋友，記得要預早book位啦！講真啲嘢食都唔算貴，價錢都ok la!地方就比較細，卡位比較少，但就坐得好舒服嘅！首先我哋試咗一個「芝士焗肉醬手打烏冬」價錢一般，唔算太貴！而且份量都足夠倆個人share 㗎，面頭有一層香味濃郁嘅芝士，仲配搭一隻雞蛋，入口味道唔錯！呢杯「香桃荔枝梳打」真係不得不讚，味道唔太甜，而且仲有一粒大大粒嘅荔枝，超有水準!「鐵板燒一口牛肉」估唔到中間竟然有薯蓉，配上燒汁，薯蓉入味非常，而牛肉亦唔太煙韌，好正呀！"黎食日本料理點少得飲「清洒」，會有冰粒雪住，味道唔太濃烈，都算容易入口。呢款喺「軟殼蟹」真喺要試一試，外脆非常，而且飯團唔多，唔會好濟！壽司方面，款式都有好多，而且好新鮮，食落啲刺身確唔錯，而且賣相都好吸引。

今日黎到佐敦衣間日本餐廳,早前預約左6點鐘,地點非常近地鐵站款式都好多,又有生蠔刺身set,又有炸物,串燒,天婦羅,燒物,烏冬拉麵飯類等..........枱上有order紙自行寫上號碼先落單!款式太多,不能盡錄!另外飲品選擇,個人都幾中意,價錢亦都唔貴!酒類都有日本酒,啤酒,apper cider.........不過今次揀左杯芒果活乳酸$30,衣杯真係由第一啖讚到食完餐飯應該本身都好好飲,再加上天氣熱~飲完真係好透心涼!!6點坐低,叫完食物..........6點半左右突然發覺由本身冇乜人變成整店都滿座我諗BOOK左都係明智既選擇座位有梳化位都坐得好舒服.頭盤當然叫左個生蠔刺身SET B $118先啦,平時我地都係食開來自法國既Gillandeau....咁就試一試佢啦!Gillandeau其實真係冇得輸呀不過SET就只有1隻,所以只有我一人獨食,亦都可以散叫$50/隻!都唔算貴!其他刺身都OK啦,不過個人覺得唔太夠凍,冰凍D就口感好味D啦刺身盤裡冇供應WASABI,要自行問店員拎.........不過一大舊都唔太有料到!再黎碟燒河豚乾$32,即係雞泡魚乾OK啦....今次由於2人

最近天氣太熱, 經常都想吃日本菜.放工就約了好朋友吃飯, 早前經過門口發現有好多款式選擇.一於就試試餐廳在一樓7點鐘到達已經好多人, 店內環境都很乾淨由於真的很多款式, 跟朋友都揀了好一陣子, 可惜只有兩人.不能選太多.選擇好就自己填落點菜單先來兩杯凍飲, 荔枝青蘋果梳打及荔枝香桃梳打每杯入面都有一粒荔枝肉食物都很快上菜, 這個蟹籽沙津是細SIZE, 但真的十分大, 我覺得是4人份量而且很足料, 很多蟹籽和蟹柳肉.日式炸蝦餅, 剛剛炸起, 很脆很熱, 而且蝦肉彈牙七味軟殼蟹飯卷, 有6件, 軟殼蟹很香口, 不會太油膩炸雞軟骨粒, 又是新鮮剛剛炸起, 配埋沙律醬, 香脆很有口感食日本菜當然要食刺身, 我們叫了6品刺身盛盒有三文魚. 鱆紅魚, 吞拿魚, 北寄貝, 帶子, 甘蝦, 各3切全部都是厚切, 很肥美新鮮爽甜再加多一板海膽, 價錢抵食, 一板都有7-8行, 而且都很鮮甜最後女生們都一定想吃個甜品- "菠蘿雪芭"不過雪芭有些少硬, 要等大概10分鐘後吃會比較好內裡有菠蘿肉, 很清甜,夏天消暑一流這裡有很多款式, 價錢親民價, 質素中上, 不錯啊

佐敦返工的朋友約食飯，約在上次我哋食過的七福神。因為遲放工所以遲咗去，去到嘅時候已經見到滿滿的一台食物。最吸睛的當然係刺身拼盤啦！刺身色澤亮麗，睇落幾新鮮，我最鍾意油甘魚，肥美又鮮甜。燒雞泡魚干亦係我鍾意的一款小食，煙煙靱靱好有咬口，甜甜地又有少少魚香，好好味。壽司整體黎講都唔錯，係壽司飯略嫌大左少少，可能係大廚驚我哋唔夠飽啦。咁多款壽司當中，當然係花之戀最吸引啦，一次過可以滿足晒咁多個願望，最適合貪心的我哋。朋友仲點左兩款鍋物，上枱熱辣辣，剛好比我暖下胃。燒汁八爪魚同燒牛舌同樣都做得唔錯，雖然價錢親民但份量好足。今次再食七福神，其中最令我印象深刻的一款食物就係燒蠔。滿滿的芝士鋪滿生蠔的表面，入邊夾雜咗煙肉同埋洋蔥。一啖將整個生蠔放入口，軟滑的芝士同生蠔混為一體，既鮮且香。食到飽飽的我哋都不忘叫呢度的特色甜品，就係用原個生果盛上的雪葩，睇得又食得！好開心今次有咁多朋友，可以一次過叫晒咁多款啊！