七福神和食亭

營業中

休息中

蟹子沙律，因為在座各位也是嘴饞之人，想多點幾款食物試試，因此這個蟹子沙律便點選了一個小的，豈料沙律來到，分量也相當巨大，沙律除了一般的青瓜絲蟹柳等，最底部還有少許的生菜絲，第一次吃蟹子沙律裏面有生菜絲，竟然是意想不到的配，一向覺得蟹子沙律只有青瓜絲略嫌乾涸，如今配上生菜便倍添 juicy，不失為一個 good try。螺肉，這間餐廳的螺肉與坊間吃到的有所不同，螺肉的肉身十分爽口，並不如其他餐廳猶如咀嚼擦膠似的，味道放面亦更有層次，只計口感經已贏過半條街。土佐豆腐，外皮炸得極脆身，內裏的豆腐口感軟滑，真真正正的做到外脆內軟，底下的日本醬油帶有點點的甜味， 面頭的紫菜絲還是脆口的，很好。隨意點了幾款刺身，各款也非常的新鮮，尤其以海膽及帶子為甚， 以脆卜卜的紫菜捲著新鮮的海膽同吃，享受過紫菜香脆的口感後再迎接新鮮海膽的回甘，美味，海膽的分量也以極高性價比的姿態勝出。三文魚壽司，除了吃刺身外，每一次吃日本菜，我總喜歡吃點飯作結，不好丼飯的我，壽司自然成為不二之選， 只見三文魚大塊得鋪天蓋地 完全找不到飯粒的影蹤，確實超值。

今日來開佐敦，想食日本野，就揀咗呢一間七福神。我面招牌好大哥，好有日本店舖風格，室內中環有啲似西餐廳，有吊燈同沙發。睇吓Menu先，見到有啲刺身嘅套餐，梗係揀我最鍾意食嘅海膽嘅套餐，裏面有三文魚，甜蝦，跟住揀咗劍魚腩＄128。去其他地方食嘅劍魚腩顏色都會唔錯，但每次食啲劍魚腩一係就好多筋，一係就好乾，其實都對呢種刺身冇乜特別大期望，只係唔想揀北寄貝先至揀劍魚腩。到上枱喇，刺身好靚，仲伴咗舊仔飯團喺隔離俾你送海膽食，海膽非常之新鮮，有一細板，劍魚腩個樣好靚，但都係冇抱好大嘅期望。嘩，但點知食落口非常之多汁，真係新鮮到呢，係我咁耐以來食過最好食嘅劍魚腩，大家睇相可以見到支筷子啲油擠晒出嚟。而海膽加埋紫菜同埋少少飯點知時有一齊食海膽味更加出， 嗰板海膽都好新鮮。三文魚甜蝦都一流。跟住就點左一個八爪魚沙律食＄50。個八爪魚沙律好新鮮爽口，加左少少豉油同埋有少少嘅青芥末，食完覺得好開胃。跟住又叫咗個串燒五品盛合＄68，裏面有冬菇，雞肉串，豬頸肉，青椒同埋雞翼。雞翼燒到好乾身好脆，豬頸肉就好香口，個綠色辣椒仔就記得意食糖又唔係好辣。抵食！再來就叫咗個芝士焗生蠔＄58蚊3隻。真係非常之大隻，好似手掌

原本打算同朋友一齊去廟街大排檔食晚飯, 但當去到廟街時, 我們就改變主意, 不如去食日本野…我們就在裕華國貨附近提頭向上望, 見到間一粉紅燈箱 – 七福神, 走近看餐牌, 種類十分多, 價錢不貴, 於是我們決定到此樓上日本餐食晚飯. 餐廳內的卡位近窗口, 可以同友人一邊食一邊觀賞彌敦道的夜景. 幸好我們入座卡位, 其他檯都幾乎被坐滿.我們打開餐牌看, 樣樣都想試, 但我們只得兩個人食. 於是點了好多小食, 分別有皮外咸香內新鮮清甜的熱枝豆; 肉汁包滿的日本骨付腸; 爽滑的燒魷魚和三文魚頭; 因為我食得比較清淡, 如果三文魚頭的味道調回淡些少就會更好.  我們打開餐牌看, 樣樣都想試, 但我們只得兩個人食. 於是點了好多小食, 分別有皮外咸香內新鮮清甜的熱枝豆; 肉汁包滿的日本骨付腸; 爽滑的燒魷魚和三文魚頭; 因為我食得比較清淡, 如果三文魚頭的味道調回淡些少就會更好.而三文魚士多啤梨果醋沙律, 酸酸甜甜的士多啤梨令人開胃. 我比較喜歡除去白色的沙律醬, 只用配合果醋就更美味另外, 我們還點了香脆的軟殼蟹飯卷, 六品刺身盛盒和鰻魚炒飯. 所有食物上檯的時間都比較快, 店員都不時地為我們

三個 為食友相约到佐敦七福神開餐，朋友一定要再來，上次吃了忘不了的美食，今次實行又嚟食個痛快！ 一踏入餐廳情緒高漲食指在動呢！打開menu 樣樣都想食！首先 來個刺身拼盤 ……活赤貝 x1 三文魚 x3 甘蝦 x2 /$ 108盆上刺身閃閃令 肉質晶瑩剔透,極新鲜！赤貝~入口"索索"聲，爽，鲜甜！三文鱼~甘香，軟滑！甘蝦~柔軟！鲜甜！寿司~飯粒柔軟，甜甜的醋味與 材料很夾鳗鱼甘香軟绵而軟殼蟹飯卷入口香脆~芝士肉醬燒茄子 / $ 38燒茄子實物比menu上的圖片還要大，面層的芝士一絲絲的與肉醬混和非常之惹味！配合茄子的清甜軟滑口感一流！！風味椒鹽本菇 / $ 42賣相同menu上所見一樣咁靚，鹹味適中爽口菇味濃！芝士焗天火號 / $ 68 肥美的蠔面 鋪滿一層 芝士焗得金黃色，口感Creamy鲜美！串燒五品盛盒 / $ 68各樣材料燒得很香口，冬菇湿润， 雞翼香脆！最後，當然 要叫番個我最喜愛嘅甜品~香橙雪芭，椰子雪芭 / $ 40x2幼滑香濃椰子味和清新橙味的雪芭，每次都係咁好味！又是一頓吃得暢懷的晚餐，今次再嚟七福神，食物水準依然！食得好满足！下次再來！

今日放工去佐敦會朋友，去了開飯入面頗多好評的七福神一試。餐廳是居酒屋形式，我們點了幾款食物分享。刺身拼盤 : 拼盤入面有半板海膽、三文魚三件、甜蝦二件、北寄貝三件。朋友和我都是海膽控，也愛吃刺身，所以二話不說就點了兩份刺身拼盤，共同分享一板海膽，及多件厚切新鮮的魚生。炙五味 : 五味壽司包括有鰻魚、火炙三文魚、火炙吞拿魚、海蝦、煙鴨胸。每款都大大件，又有火炙香味，抵食之選。和牛刺身四片 : 賣相出色，惜牛味不算太突出。炸雞軟骨粒 : 這個雞軟骨粒比想像出色，不但外層香脆，內裡除了雞軟骨，雞肉的比例也不少，肉嫩而不亁身，值得一讚!軟殼蟹手卷 : 軟殼蟹份量不少，也十分香脆可口，不其然兩三口就把它料理完。整體上餐廳地點方便，環境舒適，食物尤其刺身也不錯，是三五知己晚餐一聚的好去處。

Auntie話請我同仔仔食飯，揀咗小朋友鍾意食嘅日本野，因為有壽司！於是去左佐敦七福神日本料理，地點好方便，就係喺佐敦裕華國貨公司隔離街。六點半去到只有四五台客人，但點完食物已經差不多全間餐廳滿座。平日來說都算生意唔錯！點左刺身拼盤，啲魚生都幾新鮮，特別係油金魚腩好肥美！壽司都算多款，啱仔仔食嘅鰻魚壽司及蟹子壽司都好好味！雜錦串燒拼盤有豬頸肉串、雞翼串、冬菇串，只是冬菇有點兒乾！鹽燒本菇、日式八爪魚、軟殼蟹卷就不過不失，冇乜特別。芝士燒生蠔係最估唔到咁好味，勁多芝士個白汁仲有煙肉，即係好都幾肥美！到咗仔仔全晚最期待嘅甜品時間，原個🍊味雪芭及椰子雪糕係全晚最精彩的。食到八時多，見有人在外等位，便識趣離開讓位，侍應姐姐都有禮地打招呼道別！

呢間位於佐敦嘅【七福神和食亭】得到網民嘅大力推介， 個個都話大件夾抵食， 質素拍得住坊間好多嘅日本放題， 今日黎開佐敦， 就同朋友一齊滙一滙佢。呢間日本餐廳位於佐敦裕華旁邊， 樓下有banner提示， 一上樓就可以見到和風嘅擺設。 餐廳座位尚算寬敞，星期日嘅午市，可以見到每圍枱都坐滿客人， 好不熱鬧。睇番餐牌食物價錢， 食物大多數都係三四十蚊， 而且有圖有真相， 參考上面嘅食物數量同真實數量相同， 絕無取巧成份。《 蟹子沙律(小) 》$38， 話就話係細蟹子沙律， 但分量相當之多， 蟹籽份量一啲都唔馬虎， 而且bb沙律醬份量亦足夠， 唔會食食吓唔夠沙律醬。 青瓜絲爽口， 食起嚟夠曬清新， 而且仲有小朋友最鍾意嘅蟹柳絲，作為前菜相當不錯。另外叫咗三款餐前小吃， 分別係《芝麻八爪魚》《 芥辣八爪魚》同埋《螺肉》。 每款都只不過係20蚊，而且分量同樣係大大碟。 螺肉夠曬大粒， 而且口感夠曬爽口彈牙。 芥辣八爪魚就夠攻鼻， 食落相當刺激。 芝麻八爪魚大大隻， 感覺新鮮。《火炙和牛壽司》$50/2件， 和牛壽司質素相當高， 經過火焰口， 和牛裡邊嘅油脂溶化， 令到整個和牛牛味更加香濃， 食落更肥

臨近暑假,心情比較放鬆,尤其總想大吃大喝。踏入七月第一個週末,決定來一餐豐富的晚餐。又是日式料理, 選了評價不錯又不會太貴的七福神。淺嚐一輪壽司,水準不錯,貝類和甘蝦都頗新鮮,只是略嫌壽司飯醋味不夠濃。無論是生,熟壽司,味道都不錯,鰻魚尤其出色。難得價錢很合理,多點數件也不會"肉尺"。拉麵雖然及不上拉麵店的湯底和叉燒,但依然值得一試,而且份量足,適合不想吃刺身或壽司的食客。這盤份量大得驚人的蟹子沙律不說還以為是大的,其實是經店長温馨提示後改為order小份量,但已經足夠4人吃飽飽,是最抵吃前菜。中華沙律味道較一般,但勝在較乾身不會出水亦不被過多調味。這個蘋果酒十分解渴但酒味不濃,可能因為溝了冰,適合酒量淺人士。單看造型已十分吸引。炸墨魚嘴不夠酥脆,有改善空間。這盤串燒拼盤是另一推介,比散叫划算,可用68元吃到主要款待,而且火喉均勻,配哌酒和蘋果酒十分爽。餐廳太受歡迎要1小時半內交枱,但店長店員都很有禮,不會感到有壓力。

朋友外地來港旅行，一直話想食放題，次次來都食放題，其實放題以外仲有好多選擇，食放題，不如食呢間為於佐敦既七福神，之前朋友聚會時食過，覺得佢既食物選擇同放題差唔多，但質素就比放題好~所以今次帶佢來一試~友人一見到餐牌價錢，就放心亂點一通...店員完全被嚇親，無辦法他馬來西亞人，當地比較少日本野食..真係好似前世未食過咁，我都有d覺得失禮~(終於明放真係比較適合佢)刺身都幾鮮味同大件~三文魚~厚切，肥美甜蝦~夠甘甜帶子~鮮甜，厚肉北寄貝~爽脆，肉嫩雜錦魚生飯便當 用三格盒盛載，幾特別，一格係刺身，一格係壽司飯，一格係蟹子沙律 $88抵食啊~燒汁魷魚魷魚燒到剛剛熟口感嫩滑，燒汁帶甜好惹味，灑上面量芝麻非常香口~炸魷魚鬚炸漿唔太厚，炸得好香脆唔太油，魷魚鬚亦係好嫩滑芝士年糕一咬落去qq的，芝士仲流出來，芝士年糕永遠都係咁好味軟殼蟹手卷大大件軟殼蟹，飯唔會好多，入口啖啖肉，好滿足!最後一定要食呢度既雪笆，每款都係原個水果盛載住~蘋果味好香甜，雪笆亦香滑，仲好解喝~

日做夜做，望穿秋水想去旅行，可惜得個望字，唯有同媽咪去食住日本食物止住癮先啦！今次黎到呢間係朋友話幾抵食既日本餐廳，係佐敦出地鐵站過條馬路再轉入南京街，就見到樓下有店員招呼，行樓梯上一樓就到，地理位置都幾方便，心諗鋪租應都不少吧XD餐牌有好多選擇，壽司刺身炸物基本上都有齊，有啲廚師推介都好想試。蟹籽蟹柳沙律$42叫左呢款最常見既日式沙律，店員寫餐時問要大定細，因為大真係好大，結果上枱時都真係勁大盤雙手捧起都覺得重。青瓜絲可以話係海量，爽脆新鮮。面既蟹柳絲同蟹籽同樣足料，3-4個人分享都冇問題，不過今次我自己食哂叫店員另上既沙律醬，超級大碗！！浦燒鰻魚$128本身想叫鰻魚石鍋飯，但我同媽咪都係鰻魚愛好者，所以見到整條鰻魚就決定叫呢個啦！整條鰻魚，切成五大件，疊埋都差唔多有隻碟咁長，成條好少可有咁長既鰻魚百三蚊係抵食鰻魚汁幾濃郁，甜甜地，惹味度十足，有人中意肥膏多有人中意肉多，呢到係魚脂多，所以每啖都滑口，魚脂豐腴既代價就係魚肉相對較薄身金粟紫薯餅$42身為一個澱粉質控，見到紫薯即刻雙眼發光啦紫薯餅係唔少日式餐廳都食過，但入面有埋金粟粒就少見啲！兩大件再一分為二，四件一碟同人分享都唔錯，紫

見到佐敦最多好評既就係呢間~終於可以一嚐滋味，大部分都算過得去～ 但唔算想像中咁高汁最值得推介係石鍋鰻魚飯(同場有鰻魚定食,平4蚊) 但我會推介石鍋鰻魚飯係因為係MENU 上有圖, 但定食係冇既! 一上台, 第一啖飯既石鍋味係好重, 香口度十足, 鰻魚既大小仲要比MENU 上大足成倍! Sauce 唔算話好濃, 最欣賞係飯入面會有混入菜粒, 食到最尾每一口飯同鰻魚既口感都好豐富!　以６０蚊呢個價錢黎講，絕對比市面其他相若價錢既鰻魚飯係優勝第二，蛋包飯黎講，當然冇得同日本比，但係係香港地黎講，算唔錯。蛋既滑度足，入面既餡幾特別，除左肉，仲有菇，質感食落去啖啖都會較軟熟。但係面頭既SAUCE 算係敗筆，因為茄汁令到成個蛋包飯好似番茄炒蛋既感覺，如果配番日式燒汁就會個感覺係似蛋包飯多Ｄ，同埋賣相方面，欣賞佢將飯包得好密實，但如果加番少少配菜係周圍就更好！第三，芝士焗蠔俾芝士搶左風頭，而且蠔腥味較重，芝士味亦都蓋過左蠔既味！係服務方面，我認為係唔錯。我地坐左係角落既卡位，都好快幫我地落單同REFILL 茶~P.S. 如果食午餐，12點半前去會較好，容易坐到卡位～～整體我覺得值得一試～環境亦算係

今晚約左三五知己去七福神搵食神之後我都黎過食過午餐，覺得款式多，座位又舒適。。。最緊要要價錢又抵食，味道又好。。所以今日約多3個朋友黎食晚餐我們大約7點就到達餐廳。。。因為我們算早。。所以不用等位。。但看到晚一點時。。餐廳內已經坐得滿滿了由於我之前已經來食過，所以今次就交給朋友們來決定點什麼食物。。。她們一看到餐牌上的食物相。。已經好似瘋了一樣。。。又話想食呢款。。又想食個款。。。。最後。。。我們就點了一大堆炸物小食。。。本身我們仲打算食完呢堆炸物小食後會開始點壽司。。。但可惜已太飽。。。不過又可以留待下次再來時再食這份泡菜餃子十分惹味。。以鐵板盛放著餃子。。使餃子保持著熱度。。而且餃子皮薄而不穿還有點微微辣辣的泡菜味道。。。十分滋味炸雞件十分惹味。。這裡的炸物的確做得十分出色。。。因為炸粉不會過厚。。而且仲可以保持食物中的juicy跟口感。。。不會過乾雞件外皮香脆又好味。。。雞粒熱熱的。。所以食起來都要份外小心。。不要被雞件當中的熱氣而弄傷雞肉十分juicy...滋味。。而且又冇骨。。一啖一粒炸蝦餅蝦肉豐厚有膠質。。。厚厚的蝦肉。。。而且十分彈牙仲可以配上他他醬。。這樣食起來會多了一

同朋友一次不愉快的用餐經驗，為左這個餐廳第一次寫食評，看到這麼多的好評都專登過來，但真系非常非常失望，甚至有d懷疑d食評是否買ge，首先三文魚刺身是不新鮮，其次壽司質量令人失望，特別是帶子壽司，比起3蚊外帶壽司還差，甚至連芥末口感也很差，完全無芥末味道，唯一一個熟食牛肉飯，本來樣子還不錯，非常非常鹹，吃完飲左n杯水，而且食物種類選擇不多，唯一好的可能只尚算可以的服務態度，感覺非常失望，這絕對無第二次的餐廳。

雖然岩岩去完日本，但總是好想食日本野呢間餐廳原來都好多人，仲有日本人黎食添呢個併盤其實好吸引，而且價錢仲好抵，不過我唔太食蠔，所以今次無叫到8品刺身盛盒 擺盤美觀，重點係D刺身鮮味十足，仲係俾三文魚腩添唯一美中不足的是八爪魚有點韌燒青椒熱枝豆炸魷魚，味道好好，不過每舊切得有點大舊，所以咀嚼有點辛苦牛油香煎銀雪魚銀雪魚肉質超滑而且好香，必吃之選牡丹蝦壽司自選壽司D壽司都唔錯，特別鰻魚壽司好正三文魚腩仲係特長添炭火燒河豚乾河豚乾燒得好食並唔容易，而呢度燒得真係好好味

同事介紹佐敦有間日式餐廳, 款式應有盡有, 價錢比起集團式餐廳既為平, 於是約左班舊同學今晚一齊去聚舊同大吃一番。平日既六點多, 店內未算多人, 人流漸漸係7點後就開始多, 幾乎全場爆滿。呢度落ORDER係自己寫紙仔的, 所以唔怕有落錯單既情況出現。呢度既款式應有盡有, 刺身、壽司、炸物、串燒等等...幾乎比起一般放題既款式更多! 就算我地放縱咁Order, 價錢除返開其實比起食放題既仲平少少tim~【魷魚鬚唐揚】HK$45係街頭小食通常都會炸得油林林, 呢度既炸魷魚鬚炸得表面較為乾身, 入口幾脆, 炸皮脆得偏向硬少少, 入面既魷魚帶點爽, 唔會硬到扯唔開。【雞軟骨】HK$28串燒燒得金黃, 唔會太乾身, 爽脆口感【炭火燒泡菜雞翼】HK$48雖然唔太食得出炭燒味, 表面色澤金黃, 無骨雞翼釀入泡菜令賣相脤卜卜, 一咬開表面香脆, 入面有唔少既泡菜絲, 酸酸辣辣, 幾開胃【墨魚咀唐揚】HK$38呢款反而表面冇咁脆口, 帶些少濕潤, 細細粒墨魚咀帶點爽【忌廉蟹肉薯餅】HK$42鬆脆既炸皮, 入面有好重既忌廉香, 外脆內軟正好形容呢個薯餅【三文魚腩(5切)】HK$60超級肥美, 厚切, 魚油