七福神和食亭

營業中

休息中

唔係小白兔帶我黎，都唔知原來有間咁高質素嘅和式料理，好多選擇。七點幾嚟到，已經人山人海。士多啤梨煙三文魚果醋沙律，新鮮沙律菜及五六片煙三文魚，配幾粒切片士多啤梨及酸甜的果醋，特別得黎又開胃。黑糖蕃薯燒， 外層被黑糖完全包圍，甜甜地 。內裏番薯肉厚片切，而且好粉。鰻魚炒飯，好多粒鰻魚，有鍋氣，炒得好香。配上紫菜絲， 食指大動。刺身拼盤， 有貴有平， 任君選擇。選擇咗2號的刺身拼盤， 有活赤貝，三文魚，帶子，鱆紅魚。 全部都好新鮮，冇冰鮮味，值得推薦。忌廉芝士燒蠔， 燒蠔好大粒，配上濃郁嘅忌廉汁及拉絲芝士，一人一粒，真係唔係好夠。和風潛艇，法包特別脆，好多材料， 有雞肉，青椒，蘑菇，芝士等等，似食緊迷你pizza，幾特別。炸雞軟骨， 好多雞軟骨，炸粉唔會太硬，夠味，配上檸檬汁及沙律醬，更加香。菠蘿雪芭富士蘋果雪葩， 好清甜的雪芭， 似食菠蘿冰級及蘋果冰，甜上心頭。Good ending!

好味，上菜快。都幾大碟。會有下次！但枱比較密，唔係卡位就會聽到隔離講咩 😅試咗刺身，天婦羅，串燒，個天婦羅得蕃薯同南瓜，兩個人食超飽 😖雞軟骨、燒牛舌好味。刺身厚切，大愛！

佐敦有一間名叫七福神 日式料理餐廳。餐廳環境空間較少，但都算能擠滿不少桌子，工客人使用。今日放工後，與同事到餐廳一起晚餐。我們先選了不少壽司和刺身。果然值得一讚，刺身材料很新鮮，我們選擇了甜蛋，燒三文魚，蟹柳壽司等。刺身色澤鮮艷，飯量不會太多。上菜時乾淨整潔，個人感覺滿意。我們還選擇了芝士燒茄子，原條茄子上真是很飽足，芝士味濃郁，茄子不會燒得太乾身。火候算控制得不錯。最後我們選了一個鰻魚炒飯，炒飯份量適中，足夠二人份量，溫度合適，材料也不錯，有數量粒粒蟹子，冬菇，鰻魚粒。確是值得推薦一間餐廳與朋友相聚聊天的好地方。

This Japanese restaurant is somehow packed even though its location is a bit hard to find... and for a good reason!This here is your friendly neighborhood japanese restaurant. The prices are very reasonable for a japanese cuisine. Many people would order an udon or noodle paired with sashimi and that would be a very economical option.Nevertheless, of course, I went for the more expensive option. Ordering the assorted sashimi platter to try out its quality, some skewers and other seafood to top i

今日黎佐敦七福神和食亭食日本料理，地點好方便，係裕華國貨後面，好近地鐵站！之後，我地order 左八品刺身盛盒，活赤貝刺身，七褔神奄列飯，大蝦什錦天婦羅，芥辣八爪魚壽司，三文魚籽壽司，蟹籽手卷，朝日啤酒，大蒜牛油燒銀鱈魚，赤貝壽司，油甘魚壽司，，火灸三文魚腩壽司，鹽燒油甘魚鮫，食到好飽呀，而且刺生，食物好新鮮，三文魚腩肥美，無論刺生或熟食都好出色，值得再去！加上，店員，侍應好有禮貌，而且又好笑容，令整餐晚餐食得更開心！

這間日本料理店,午餐就最超值, 以前喜歡三五成群同同事食, 到而家經常都帶朋友上去食, 連朋友都話此店要搵我做代言人啦(說笑說笑)。每次主打都會捧場日式辣湯海鮮烏冬, 認真有香濃的辣湯配足料海鮮, 有青口, 大蝦, 帆立貝等配料, 食到Lam Lam利❤另外蒲燒鰻魚飯亦是必試之選, 大大件~~仲有刺身或者壽司定食~~您想要食咩都有齊加上午市套餐必定會有小食, 飲品再有甜品, 飲品例牌菊花蜜~~甜品就有芒果或者紅豆味雪糕球乙個, 正到呢~~~

今晚生日聚會，來了間好合適的餐廳。我地等齊人，去到餐廳門口，好快就安排入座。一班人左揀右點，終於有得食。先來乾杯，飲品不會太甜，荔枝梳打夠氣好飲。蟹籽沙律加了芒果，份量好足。清酒煮海蜆，味道清香，蜆帶甜。軟殼蟹手卷，足料，軟殼蟹大件，紫菜又香脆。醬油燒北诲道帶子，醬油味濃。海膽蟹肉蒸，熱辣辣，蛋又滑。六品刺身盛有三文魚，鱆紅魚，吞拿魚，北極貝，帶子和甘蝦，刺身新鲜又甜。跟住鹽燒清湯豆腐煮和網燒牛扒，開始放到全枱都滿，咁食法就最開心。再來芝士醬茄子手打烏冬，又冇想到咁清，不會流。炭火燒天鳥串燒四品盛，有雞心，雞軟骨，雞翼串和雞肉串。

今晚三五好友聚會，食番餐豐富的。七點左右，好快就入座。現在係酷熱天氣驚告，餐廳冷氣夠大，食都食得舒服。先食芒果蟹籽沙律，叫了細都好大碗，蟹籽好多，芒果肉甜甜地。見到網燒牛扒，所以叫了。牛扒是薄身，燒到剛好，有肉汁，而牛扒又有牛肉味，Good!軟殻蟹手卷一來四件，見紫菜脆口，立刻快食。軟殻大大隻，份量足。清酒煮海蜆，海蜆夠清甜，微微清酒味，夠香又不會蓋過蜆味，煮得好好味。飲品叫了荔枝青蘋果梳打，小小荔枝味，又有酸酸地青蘋果味，微甜跟有氣梳打，好解喝。

以前係佐敦返工，間唔中都會黎呢間餐廳食飯，今晚相約了朋友再次睇到這裡吃晚餐！餐廳需要上一層的，座位都算幾多！餐牌有很多不同的款式，眼得我眼花撩亂！刺身拼盤($168)，這款刺身拼盤包括有海膽、北寄貝、甜蝦和三文魚。海膽有半板，都幾鮮甜。三文魚都幾厚切，好香魚油味！仲有個飯團俾你同啲刺身一齊食！墨魚咀唐揚($48)，這款小食非常可口，墨魚咀夠爽脆，再點上沙律醬更惹味！煙肉帶子串($68)，平時出面食到的通常入面是車厘茄或是荔枝，而這裡是包著帶子！帶子很鮮甜，加上煙肉的咸味，味道剛剛好！中間的車厘茄可緩和油膩感！七福神卷($40)，呢款卷物焰料有肉鬆、蟹柳、玉子、餣蘿蔔，雖是普通平時食太卷的餡料，但也整得好好味！三文魚腩壽司($26)，這裡的三文魚壽司三文魚有很長的尾部，令你可以食多少少三文魚刺身！燒雞翼($38)，呢個價錢已經有兩串好抵食，雞翼燒得好香口，雞皮燒到有點脆，鹽份也很夠！厚切牛舌($62)，牛舌也是有兩串，食落鬆軟，唔會好韌，而且好香牛肉味！清酒煮海蜆($88)，蜆肉脹卜卜，好濃清酒的味道，很清甜！芝士焗天火蠔($72/3隻)，生蠔都幾大隻而且肥美，加上焗芝士係面頭，非常惹味

這餐廳🍴食物種類選擇多，份量足夠，性價值，抵！💰 我們倆人座在最舒適嘅卡位後，立刻點菜，先來兩杯飲品，接著來碟魷魚🦑鬆唐和廣島吉列炸蠔，炸到好香口，粉漿不厚，炸蠔沾些沙律醬一起吃，更好味😋 稻庭烏冬，加上醬油汁，感覺淸涼很適合夏天吃。 再來海膽刺身配以紫菜，味道甘甜，質感細膩。 石鍋香辣海鮮手打烏冬，湯底味道層次豐富，微辣惹味，烏冬煙煙軔韌，大🦐肉質彈牙鮮甜，上檯時熱騰騰，非常吸引增加食慾感。 芝麻鰻魚卷和金龍蝦反卷，飯卷餡料飽滿結實，配上芥末品嚐，好味😋。 椰子🥥雪葩椰香味濃，香桃🍑雪葩淸新香甜，非常出色。

每次揾佐敦有咩好食ga時候，都會見到e間七福神有好多個like。今日同朋友食生日飯，終於有幸一試😍先黎一個刺身併盤刺身新鮮，海膽冇腥味👍🏻之後再黎2個卷物👆🏻芝士天婦羅蟹柳卷👆🏻鰻魚卷最後當然唔可以少咗炸物👇🏻2碟炸物都係即叫即炸，新鮮脆口👍🏻👍🏻👍🏻差D留咗最好味ga串燒牛舌牛舌厚燒得黎大大片，燒得岩岩好，入口好juicy😍總括黎講，食物質素都在水準之上，價錢同食一般放題差唔多，但就可以慢慢去食，同朋友傾下計，值得黎一試👍🏻👍🏻👍🏻

好耐都冇去過佐敦啦，咁啱今日有啲事需要去佐敦一趟，咁就約埋朋友喺佐敦開餐。就喺地鐵站旁邊就見到七福神，咁就上去食下日本餐先😋餐廳面積唔係好大，但可以容納好多人，相當熱鬧👍🏻食物我地就各類型都點左一啲，例如嗌左刺身做頭盤，每一件刺身都非常大件，好誇張😂而食落亦好新鮮，唔會有雪味。然後就嗌左燒茄子，牛舌串同雞軟骨串。茄子上面舖滿肉醬，東西合壁，而且仲切好一份份，方便客人去食👍🏻而串燒類亦保持到水準，一貫好食。另外，我地亦點左大蒜牛油燒銀鱈魚，魚質嫩滑，有滿滿牛油味，相當香，令人不停想再食😋最後就係醬油帶子燒同芝士焗天火蠔，帶子就算已經切成一粒粒都好大粒，而醬油就好濃，令到每粒帶子都吸收晒啲醬油味。而焗蠔方面，略嫌芝士份量唔係好夠，但整體蠔方面都係大件，而且咬落仲有汁咇岀黎，都係可以一食既😌

離晒大譜，打去book 枱book星期日，去到點知話冇我booking，再睇話留左星期一，Book 個陣明明我地兩個人4隻耳一齊confirm係book 左星期日，Book 左10位，你一句full晒，同我講冇留，咁係咪應該盡快安排張枱比我，一句唔好意思都冇，一d歉意都冇仲要好似發緊夢咁，要我十個人即刻搵過個地方食飯，你個staff mark 錯要我地10個人suffer，冇第一次，亦都唔會再黎幫襯，離晒大譜！！！！！

今日約埋家人在佐敦行吓街，始终冇尖沙咀咁擠逼，趁住中午十二時較早時間，吃個輕鬆午餐，大家都想食D清新嘢，日式和食係幾好嘅選擇。呢間七福神和食亭位於彌敦道，店舖面積不算大，但整齊清潔。餐牌選擇都幾多，我地叫了多款分享。四人套100餐有前菜有芒果雜菜沙律，口感清新。刺身盛嘅刺身夠新鮮，三文魚夠肥美，鲜蝦夠大隻，吞拿魚夠鮮味，帶子亦幼滑。薄燒牛扒肉味香濃兼肉汁豐富，炒野菜都唔錯，石鍋牛肉飯牛肉嫩滑，飯帶焦香。甜品有獨立包裝球形雪糕，我就較喜歡芋頭味，香滑清甜，夠晒消暑。

今日相约家人在佐敦睇吓國貨海味，天氣悶熱，大家想食吓日式午餐，附近有間七福神和食亭，於是上去光顧。中午時份食客都唔少，剛巧有張卡位就坐。午市套餐有多款嘅選擇，又有特色小食。點了鰻魚飯，份量足夠，鳗鱼肉質嫩滑。三文魚魚籽親子丼賣相吸引，三文魚鲜甜肥美，三文魚籽咸香味濃，連埋日式沙律醬送飯，口感相當唔錯。寿司定食有幾款寿司，味道以鳗魚，玉子和三文魚寿司較為突出。小食點了煎紫薯薯餅，外皮香脆，紫薯清甜，還有包裝雪糕球，士多啤梨味冰凍解渴，飲品配了可樂，一頓豐富嘅午餐。