七福神和食亭

營業中

休息中

從未見過態度咁差餐廳，有人生日星期五book 3位6點，訂檯時冇話限時個半鐘，打電話黎確認冇話限時個半鐘，樓下畫位冇話限時個半鐘，上到去冇貼限時個半鐘，開檯時就話限時個半鐘第一位入座計，我話由book位到上位冇人講過限時，唔好意思都冇句個金毛肥好寸話咁我而家同你講限時個半鐘，壽司吧阿叔仲扮打牙交話人地有權唔食架哈哈。我會投訴呢兩個員工。P.S.樓下劃位哥哥仔好有禮貌，一股清泉

見到個餐牌個刻，有一股熟悉嘅感覺湧上心頭，因為有啲似我樓下間壽司舖，哈哈！睇下睇下樣樣都想食，一個唔小心就嗌咗好多野，熟食同生熟各叫咗一半。.熟食：清酒煮海蜆 $88清酒蜆份量都幾多，而且係用靚蜆，肉質肥厚鮮甜，會再encore(*´∇｀*)醬油帶子燒$78調味很好，可惜煮得耐咗致口感過韌😿網燒牛扒 $108冇熟成度選擇，另外佢網燒倒是稱不上，燒得唔夠香口，肉質略嚡，肉汁可以，普普通通。芝士焗天火蠔 $72天火蠔幾大隻，蠔的本質也不錯，芝士同醬汁都調較得很美味，太好食的原故，攞埋啲汁去撈沙律菜食，哈哈♪(´ε｀ ).生食/壽司：海膽魚籽丼 $138玻璃蝦壽司 $16吞拿魚壽司 $22赤貝壽司 $25八爪魚壽司 $16軟殼蟹手卷 $52七福神卷 $40比起熟食，壽司比較出色，先講下個海膽魚籽丼，海膽同三文魚籽都非常鮮甜，又冇溶成一pat, 下面啲壽司飯軟硬亦適中，暖暖地，加埋鼓油調味非常美味！！對得住個價錢！另外其他壽司亦出乎我預想做得好食，用料同平時個啲平民壽司舖有啲分別，夠新鮮，解凍得唔錯，到客人枱上啱啱好。

平日是我覺得性價比高的飯堂，經常去用膳3月疫情告急，我和朋友二人同行 ，職員安排搭枱已有二人的四人座 ，見餐廳位置不少也是吉的，開口請求要不搭枱，若太多客人才搭也可以，最後不情願地提供不用搭枱的座位，其實直至用膳完畢，餐廳位置也未有爆滿昨天，一個人買完口罩後，再光顧，上到餐廳，也被職員要求搭已有一人的四人座 ，見餐廳沒有客人的位置更多 ，什至也有一張，沒有人坐的二人枱，開口問職員：「可否安排不用搭枱的位置」，職員說：「暫時未有位置」，當時是1:20分 ，其實普通上班族的用膳時間已過半，何必難為食客呢？ 政府昨天才公佈多幾十單感染個案！！ 相信食客在餐廳需要的情況下，也會願意搭枱的.... 聽畢，見職員沒有想協助的意思，我便沒說什麼走了 ，途中也沒有職員幫忙安排可供用膳的位置，只是落到樓下，安排位置的職員關心問道：「不吃了嗎？」希望此篇令介意疫情下搭枱的食客，不用白走一趟，由其是這酷熱的天氣😅

今晚和同事在佐敦見客，做完嘢當然又係“揾食“時間， 岳高頭就見到七福神的門牌，就揀佢啦。餐牌選擇甚多，有沙律， 刺身，丼物，天婦羅，串燒，揚物，一品料理，磯燒，海鮮和飯麵食等。淨看圖片已經覺得很吸引，乜都想試。八品刺身盛合$288~ 有帶子，拖羅，油甘，八爪魚，三文魚，甜蝦，海膽和北寄貝。帶子鮮甜滑嫩， 肉質爽滑。 油甘肉質，結實爽口魚味甘甜。甜蝦嫩滑鮮甜， 拖羅肉質柔軟， 魚味濃郁。北寄貝爽甜鮮美。海膽味道甘甜，質感細膩，入口即溶，好正。以脆脆紫菜包着飯吃也很美味。清酒煮海蜆$88~ 海蜆肥美鮮甜，酒香甚濃，好正!芝麻雞翼$62~雞翼外層炸得非常香脆，裏面的肉質滑嫩 juicy， 表面鋪上白芝麻更加香口，好好味啊!芝士焗蠔$50/隻~芝士加上沙律醬焗蠔味道酸酸甜甜，非常滋味。北海道鍋燒蠔仔粥$60~ 材料有蠔仔，日本菇，蛋和蔥，這個粥比較稠，但味道鮮甜，不錯。荔枝香桃梳打$36~荔枝和桃味清香，好解渴。青蘋果雲呢拿奶昔$44~雲呢拿奶昔加入青蘋果口味，意想不到的清新。

今日好想食壽司，本身打算去附近的壽司郎，結果大排長龍，見到對面有一間日本餐廳於是就上去食。結果發現壽司不貴，與壽司郎價錢差不多！.三文魚壽司（$19）、吞拿魚壽司（$22）、芥辣八爪魚壽司（$22）、三文魚腩壽司（特長（$26）、油甘魚壽司（$32）全部都非常新鮮，而且魚生塊塊厚切，每件壽司都超滿足！.雞軟骨粒（$38）、串燒5品盛盒（$70）燒炸物出色，香脆得來又不會太油膩，雞軟骨juicy 香口，正！.芝士焗天火蠔（1隻$25.00）- 大大隻好肥美！網燒牛扒（$108）- 極力推介！好香牛味，在口中爆發油膩感，燒得剛剛好七成熟！黑松露海膽茶碗蒸（$42）- 材料豐富，有海膽黑松露！.甜品飲品也很出色士多啤梨活乳酸（$42）- pinky lady ~ 紫薯鮮忌廉奶昔（$44）- 有自然的紫薯香，令奶昔更有質感椰子雪芭 （$48）- 香濃椰子味！.坐得又舒服而且食物高質價錢十分合理，由位於很方便的街道，下次會與朋友再來！

我同女友喺旺角行完街又到食晚飯時間，但唔想食得太飽，所以嚟到七神福和食亭，食下串燒、壽司等冇咁飽肚嘅食物。我同女友坐喺八人枱，餐廳用日式屏風形狀既隔板分隔兩枱人，散發日本文化氣息之外，又可以達致安全。- 自選壽司🍣自己對居酒屋既壽司無乜期望，吞拿魚普普通通，火灸和牛壽司唔係太多油脂，但肉質幾細嫩，油甘魚壽司最喜出望外，味道非常甘甜。- 芝士燒天婦羅蟹腳卷芝士、沙律醬加三文魚籽非常邪惡，中間係脆口天婦羅蟹腳，鹹、甜、脆集於一身。- 芝麻鰻魚卷壽司卷切成六件，size啱啱好可以一件放曬入口，而且唔會太狼狽。鰻魚燒到香噴噴，加左芝麻更香，同時青瓜中和濃味既鰻魚。- 免治雞肉串外皮幾焦香，軟骨添加少少嚼勁，肉質結實，塗上表皮既燒汁唔會太甜。- 燒肉帶子串帶子唔係太大粒，但燒得啱啱好。- 海老天婦羅天婦羅炸粉略嫌有啲厚，但係夠脆身同唔油膩，同時嘗到蝦嘅鮮甜。- 黑松露海膽茶碗蒸茶碗蒸果然真材實料，蒸蛋上面放咗海膽，口感滑溜兼味道豐富，同時滲透黑松露清香。- 柚子乳酸波子汽水大杯到難以置信，兩個人都飲唔晒🤣- 富士蘋果雪葩蘋果雪葩以原個水果呈上，雪葩口感綿滑，水果味道天然。價錢非常親民，所以叫咗好

呢間屹立於佐敦多年，街知巷聞既日本餐廳🍴，能夠做到咁，當然呢度實有啲原因💪🏻💪🏻首先，每次食都要bk位先至好嚟，如果唔係就可能就要等一段時間了😂呢度叫野都係自己寫num，咁就避免到自己噏錯或者人哋聽錯既機會了😆😆三文魚腩（$68）啲三文魚腩真係充滿油脂香味，有五塊又大大嚿，真係滋味無窮😚😚火炙三文魚壽司 & 海膽壽司 （$24 & $48）呢度啲壽司真係價廉物美，一份有兩嚿，火炙三文魚啲燒到啱啱好，咬兩咬，塊三文魚已經同飯融為一體，充滿魚味😚海膽$48簡直係超值，色香味應該有都有齊👍🏻👍🏻加埋青瓜食又幾清新，同海膽好夾串燒 厚切牛舌 （$62）雞翼（$38）雞軟骨（$32）串燒簡直係驚為天人😆😆，每樣調味都恰到好處，厚切牛舌非常柔軟，啲肉汁豐富，加埋啲黑椒同鹽點輟，真係令人難忘🤤🤤雞翼燒到非常好，外脆內軟唔在講，調味霸道，但唔會覺得太多，好食到連骨啃得乾乾淨淨😍😍網燒牛扒（$108）呢樣野我完全想像唔到點解佢賣呢個價錢，塊牛扒好大塊，表面啲脂肪同黑椒燒到香到不得了🤤，內裏亦都好juicy ，連啲跟埋啲芽菜都一啲都唔馬虎，每次嚟都唔叫都對唔住自己🤭🤭石鍋燒香辣大蝦海鮮烏冬（$88）成個鍋

「七福神和食亭」性價比高選擇多就個個post都講，小編晚餐就嚟試試佢😌。果然，炸物、串燒、刺生、壽司、丼飯拉麵烏冬、生啤，應有盡有，仲要全部都好高質。用料實在足料，與圖片相符，份量亦絕對對得起價錢😙，會再訪。免治雞肉串($55)••••••烤得香噴噴嘅雞肉，沾上蛋汁令香氣昇華，雞肉帶軟骨，正🥰。特盛海鰻丼($130)••••••好厚肉嘅鰻魚！鋪滿整個飯面，相當大方😛日本米粒粒圓潤飽滿，軟糯又有甜味，連鰻魚汁食真心停唔到口。自家製芝麻雞翼($62)••••••雞翼外皮金黃酥脆，醃得入味，雞肉留有肉汁，好好味🤤。嚴選串燒五品盛($70)雞中翼、豬頸肉、冬菇、雞軟骨、小青椒••••••五款材料最驚喜係燒冬菇，雖知道燒烤過程中，要保持菇菌類濕潤唔乾，處理上有一定要求先做到，「七福神」做到👏🏻小青椒食材新鮮，入口散發獨有嘅香氣、甜味😋。海膽蟹肉茶碗蒸($42)••••••即點即做熱辣辣送上，嫩滑雞蛋滿佈蟹肉☺️，靈魂所在嘅高湯提出海膽鮮味。鹽燒油甘魚鮫($78)••••••油脂豐富，魚肉滑嫩又有魚香，焦香魚皮上灑左少少鹽調味，非常好食。關西風玉子燒($56)••••••就係甜嘅玉子燒😂層次唔算豐富

真係好誇張，開咗咁多年，夜晚依然爆場， 香港地，莫講話做五年，好多餐廳一年都已經做唔住，加上而家這個疫情，實屬難得。 啲嘢食真係好好食，加上價錢合理，估唔到咁多人幫襯。🍽芝士焗天火蠔($72/3)雖然佢好似有好多招牌菜，不過呢個真係招牌菜，未食已經聞到很香的芝士味， 焗的時間掌握得剛剛好，外層焗得金黃焦香，內裏有半溶的芝士，生蠔焗得熟透之餘還保持飽滿juicy，還配上少量的煙肉，增加鹹香。🍽串燒五品盛盒 ($70)咁多款串燒選擇，唔知道選擇哪一款， 咁就五款都試曬，有燒雞翼、小青椒、燒冬菇、雞軟骨和豬頸肉，新鮮燒不在話下， 師傅手勢好，燒得夠香，調味適中。🍽 刺身拼盤($168)點了海膽、三文魚、甘蝦和鱆紅魚，非常有鮮味、有魚味， 海膽夠新鮮，要不然最怕海膽有陣陣的怪味，拼盤還有飯糰， 配搭刺身一起吃，更易入口。🍽石鍋香辣海鮮手打烏冬($72)可能餐廳冷氣有點大，想吃點熱湯，便點了這個湯烏冬，用熱石鍋盛着，上菜時還滾下滾下的，海鮮配搭有大蝦、帆立貝、青口和蟹柳，都不錯，喜歡它的湯底，小小香辣， 頗惹味的。🍽 鰻魚炒飯($70)是人氣菜色，用醬油炒得很香口，配搭切粒的鰻魚，整個炒飯都是鰻

佐敦區最出名應該就是七福神需沿樓梯上的樓上鋪地下有接待員招待店內裝修清雅，以深色木材為主梳化卡位可坐四至六人，地方寬闊不焗促關西風玉子燒 - $56玉子燒又有關東、關西口味之分關西會加入味醂和少許鹽口感濕潤帶鹹，鰹魚湯鮮味突出石鍋燒香蒜牛肉飯 - $65用醬汁醃製的牛肉味道剛好不鹹炸得香口的蒜粒和帶點焦香的醬汁拌飯，味道令人實在難以抗拒加上熱騰騰的石煱非常保溫網燒牛扒 - $108牛扒屬西冷部份，口感較有嚼勁，牛肉味香味四溢火候掌握得恰到好處，大火煎香鎖住肉汁，大約五成熟既能嘗到牛扒的肉香，又能品味嫩滑的質感七味醬油燒雞扒 - $55煎得外脆內軟，雞皮的油脂被煎走，肉質卻鮮嫩幼滑香甜的照燒汁加上微辣的七味粉，口感更惹味芝士焗天火蠔 - $25熱辣辣金黃色的巴馬臣芝士，但蠔內裡還是半生的既保有滑溜口感，亦不會怕有腥味配上牛油和牛奶的底汁醬汁間還有些煙肉碎，香口惹味七味炸雞 - $48日式的鹹酥雞的酥脆外皮裡面充滿醬香氣的鮮嫩雞肉再灑上七味粉，很惹味大蔥雞 - $38雞肉肉汁被煎封外層鎖緊大蔥的辛辣也轉化為甘甜完美的配搭煙肉帶子串 - $68大大粒的帶子燒至面層帶少許金黃色煙肉的油脂香味滲

我喺佐敦附近返工呢間日本餐廳我成日食lunch今日我老公嚟湊我放工唔知晚餐會唔會更有驚喜🥶.💟石鍋香辣大蝦海鮮手打烏冬 $88每次都會叫呢個烏冬入面好足料 有一隻手板咁大嘅大蝦爽口彈牙青口帶子更加唔少得烏冬係讚岐烏冬非常彈牙湯底辣辣 用石窩上保持熱度個湯底好鮮味 賣相好靚 性價比高😋💟紫芋甘栗薯餅 $46呢個我都係每次必叫紫薯本身已經好甜 加埋落栗子喺中間非常香甜唔會咬落去成口油 脆卜卜有四件 又大份👍💟魷魚鬚唐揚 $56呢個我已經好耐冇叫 佢即叫即炸份量好多 睇圖已經可以睇到炸粉唔算多唔會過鹹 脆卜卜❤️💟刺身本身我哋諗住食日本料理所以唔會擺得太多預算喺刺身三文魚腩五切 $68 赤身五切 $55帶子刺身 $66三樣嘢都非常之新鮮 勁厚切 好抵食💟火燒七味雞扒 $58個雞呢就辣辣地 皮炸到好脆好脆加埋七味粉調味 幾惹味雞肉都整得滑 夠大塊 唔錯💟燒雞翼 $38開邊人手燒加上鹽味 感覺好健康唔會燒得太燶 食落去仲脆脆地💟厚燒牛舌 $62估唔到燒得好好食 牛舌煙煙靭靭咬落去啲汁標曬出嚟 味道幾好.店員態度好隨傳隨到有推薦我哋當日食乜嘢其實呢間舖頭已經開咗好多好多年近排新裝修咗座位舒服咗裝修又

今日去了佐敦食lunch!我們去了"七福神和食亭"我們點了柚子咖哩豬扒飯嘩！分量好足！豬扒是厚切，肉質鬆軟，外脆內軟！飯是咖哩炒飯底！好香好好味！石鍋香辣海鮮手打烏冬嘩～有好多不同的海鮮！蝦，青口，帶子......烏冬好彈牙！芝士焗天火蠔上面好多芝士好好味！海膽剌身我們是點一板！有一個飯團和紫菜配食！炸魷魚鬚脆脆的好香，送酒好正！網燒牛扒好大塊！～～牛肉鬆軟～😋芝麻八爪魚頭盤好好味！八爪魚好好味！

今日陪老婆往裕華國貨購物, 之後見到附近有間日本和食屋, 於是便入內試試, 我們點了吞拿魚壽司, 七福神卷、海膽手卷、軟殼蟹手卷、枝豆、雞軟骨串、醬油燒京蔥雞肉、醬油帶子燒、露筍牛肉串、七味醬油燒雞扒和芝士焗天火蠔。吞拿魚壽司肉質鮮甜新鮮, 飯食落軟綿；七福神卷賣相吸引, 蟹柳和蛋食落鮮甜, 青瓜和黃羅白食落爽脆；軟殼蟹手卷有兩件, 紫菜食落香脆, 軟殼蟹炸得金黃香脆, 口感十足；枝豆食落鮮甜爽口, 枝豆配上鹽,食落惹味, 佐酒一流；雞軟骨串我選了鹽燒, 食落口感爽脆；醬油燒京蔥雞肉大蔥食落爽口, 雞肉肉質鮮嫩, 配上惹味醬汁, 口感一流；醬油帶子燒帶子是北海道帶子, 食落新鮮鮮甜, 配上醬油燒汁, 口感豐富；露筍牛肉串露筍食落爽脆, 牛肉肉質香濃；七味醬油燒雞扒賣相吸引, 雞扒乾身香脆, 肉質鮮嫩, 配上七味粉食落惹味；最後芝士焗天火蠔共有3隻, 蠔大大隻,食落鮮甜味美, 配上香濃芝士和煙肉粒, 食落有層次, 口感豐富。餐廳座位舒適, 食物美味高質, 而且上菜速度快, 價錢合理, 高質美味和食亭。

想試呢間七福神和食亭好耐!一早BOOK定今晚同朋友仔飯聚，6點半到已經接近全場爆滿，真係好旺場。食物種類選擇多，有刺身、壽司、卷物、沙律、炸物、鍋物、麵、飯類等等。飲品方面都唔少選擇，有清酒、啤酒、特飲等。刺身拼盤油甘魚柔軟細滑、三文魚爽滑充滿油花、北寄貝爽脆鮮美、帶子肉厚多汁。油甘魚刺身肥而不膩、入口即溶。海膽魚籽丼軟滑濃郁既海膽配上甘甜有嚼勁魚籽，啖啖鮮美，拌飯一流。菠菜玉子煮菠菜翠綠新鮮，玉子嫩滑充滿蛋香。風味花魚燒肉質緊緻紮實，肉多骨少，外皮燒得香酥。石鍋燒香蒜牛肉飯以石鍋端上以保持熱度，香蒜味濃，牛肉細嫩多汁。熱檸檬菊花蜜潤喉清熱一流，好滋潤。

眨眨眼，二零二零令已過了一半有多，這前半年，相信大部份的香港人也是咬緊牙根，頂著頭皮的走過來……難得這天能相約昔日的好同事、好伙伴聚聚頭，食個飯，我們便在網上中點選了這家有不少好評的日式料理店：)大概兩點左右來到，剛好過了最繁忙的午市時段，不用等位就可以直接坐下 點點菜式~~這兒的食物種類也有不少選擇，除了主餐牌，更有一些廚師推介的時令菜：）點餐過後，大概等待十分鐘左右，食物就經已陸續送來~~先說飲品，我點了一杯“牛油果鮮奶沙冰”HKd$38+10% 雖說是沙冰，但喝下去的質感如同奶昔一般細滑，味道香濃，就是很對自己的口味=]食物菜式方面，我們點了冷盤前菜、刺身拼盤、壽司卷物、海膽丼及燒物一同分享我們都很喜歡吃這份“芥末八爪魚”HKd$30+10%，刺激一下味蕾就可以在待會吃更多“刺身拼盤(1)”HKd$118+10%的賣相不錯，魚生刺身厚切新鮮“蟹子軍艦”HKd$22+10%同“加州反卷”HKd$26+10%原來係舊同事既至愛同事食壽司卷物，我就要左一碗“三文魚籽海膽丼”HKd$138+10%呢度既三文魚籽同海膽都好新鮮，前者咸香，後者濃郁鮮味雖然份量唔算多，但絕對能夠令女生非常滿足