七福神和食亭

營業中

休息中

今晚黎到呢一間七福神和食亭到食晚飯，朋友話這一間餐廳大碟夾抵食，等我都親身試下先。一坐底，睇一睇個餐牌，價錢吾算高，我地叫左幾樣野食，睇下好吾好味先😋呢個蟹籽沙律，作為前菜非常好。我以為幾十蚊，會係一人份量，上菜時，個份量大到可以4個人食，勁抵食👍🏻👍🏻雞翼串，雞翼上面加鹽一齊燒，好野味。雞翼吾會燒到非常乾，咬落去重可以食雞肉既肉汁👍🏻三文魚腩壽司，三文魚腩係特長，可以食到三文魚腩獨有果種魚脂既味道。清酒煮海蜆，每一隻海蜆都好大隻，應該精心挑選過。之前食過一啲係勁細隻😥，體好差。今次由於蜆非常大隻，所以入口時，可以食到蜆既鮮味，而且蜆肉吸收埋清酒，有淡淡酒味味，勁好味，抵讚👍🏻神戶野菜炒，呢一個價錢，真心抵食，夠大碟。佢地落左醬汁去炒，味道比較濃，用黎送飯或壽司比較適合。主食方面，我點了滑蛋豬排飯。都係勁大碗，估佢吾到😂 雞蛋吾會煮到好老，滑滑的口感，連飯一齊放入口，好味呀😍滑蛋豬排飯一定會有醬汁，令豬排同埋飯都有濕濕的感覺，容易入口。佢地個醬汁同豬排味好夾，而且豬排都好大件，一啖豬排一啖飯，食到停吾到口👍🏻👍🏻 好建議食呢個滑蛋豬😋大板燒醬油豚肉炒麵，呢一個份量都係好大碟，而且醬油味

我在Openrice預訂周日晚上7點2人，享有88折。我們6.30到達，當時餐廳只有幾個顧客, 但是我們被reception拒絕入座了。說如果我們想享受折扣的話， 必須7點入座。我問為什麼。reception甚至不在乎，說-如果你不喜歡, 這是您的選擇。我們笑著走了。首先，我們到達時，當時餐廳只有幾個顧客,  我們在晚餐高峰期之前吃完晚飯, 可以盡快把桌子還給下一輪顧客（如果有）。這是雙贏。其次，這是最重要的-工作人員的態度。接待處的年輕人很有態度，甚不在乎。當他說如果我在6.30進去時，我沒有資格享受晚上7點的預訂折扣。真是笑話。我是這家餐廳的老顧客，我來給你生意，折扣並不重要，但服務的態度讓我不高興, 那我就走。 誰最終失去生意？這message是餐廳管理層注意的, 您的員工是您的客戶離開的主要原因。

今日嚟到呢一間餐廳 我哋見到佢嘅Menu非常之多元化又有炸物燒物刺身壽司 真係滿足到我同男朋友所有嘅願望我哋首先叫咗個酥炸魷魚同埋芝麻雞翼酥炸魷魚份量非常之多 而且唔會太油我覺得炸得啱啱好芝麻雞翼亦都係唔錯 好香脆之後我哋就叫咗少少壽司有三文魚腩火炙三文魚腩同埋平目魚平目魚好清新 三文魚腩都好肥美火炙三文魚腩更加唔使講啦增加左油香味啊我哋仲叫咗軟殼蟹卷 好好食呀 入面嘅軟殼蟹仲保留到酥脆 唔會林晒之後我同男朋友都叫咗主食一個係香辣海鮮烏冬烏冬非常之足料啊 有勁多海鮮而且湯底都唔錯烏冬亦都煮得啱啱好好煙韌男朋友就叫咗個鰻魚飯 佢嚟到我哋見到有勁多件鰻魚真係超滿足

上次是中午時間來食，今次再約朋友在此食飯吹水，因為記得佢地的食物水準唔錯而價格亦大眾化，坐低才發現餐牌上的菜式都唔同了，多了一些其他的選擇，可以令到保持新鮮感。刺身盛有5款不同配搭，我比較喜歡油甘魚及租蝦，所以選了1號，果然水準穩定，油甘魚新鮮鮮甜，帶子亦算厚身，甜蝦SIZE 合適，總共10片，計落每片$18元。芝士烔天火蠔，蠔的SIZE 都大多肉，燒焗唔會太乾，食落JUICY 蠔味濃，如果再多D芝士更野味。鐵板燒牛舌，燒得夠火爐，好淋身唔會太乾，醬油味濃郁，咬落去有牛肉味而軟綿綿。三文魚腩壽司，夠肥夠長夠大件，鮮味十足。左口魚壽司，食到淡淡魚香。蟹味噌甲羅燒，自從上次在另一間餐廳食過此菜式後，開始喜歡此款式，這裡相對味道唔會太濃，加上鱈魚干食好配合，如何有多幾片鱈魚干更好。鰻魚炒飯，飯底乾身，少油，水準保持。

去同女朋友慶祝生日食生日飯，因為要比蛋糕驚喜所以就搵間唔係放題既日本餐廳。就Book咗呢間七福神和食亭。我地叫咗以下既野：三文魚、三文魚腩、左口魚刺身炙燒帶子、甘蝦、北奇貝、油甘魚壽司豆腐野菜湯串燒煙肉帶子忌廉蟹肉餅三文魚手卷軟殼蟹手卷壽司做到基本功，唔似某大集團快子掂下就散（我唔係壽司食家😅我最多識睇呢樣）軟殼蟹手卷好食，脆口，似係即叫即整最有好印象都係豆腐野菜湯入口感覺好健康同清淡總結來講，直得再試

朋友近來响佐敦返學，佢話見到一間食日本嘢嘅餐廳，好想去食，咁啱今日我又得閒，所以就陪佢一齊去食。呢間餐廳係响閣樓，入門口就見到有一個充滿和風味嘅擺設。裏面嘅環境都好有日式居酒屋嘅feel，坐位都幾多。職員安排我哋坐卡位，呢個卡位夠闊落，坐得好舒服。朋友話好肚餓，所以我哋點咗好多嘢食。呢度點餐係用柯打紙，今餐由朋友發板。飲品先到，朋友叫杯牛油果鮮奶沙冰。成杯青bb，好得意，朋友話牛油果味道重，入口creamy，好滑，凍冰冰，沙冰溶左就唔太甜，好啱佢。近來天氣涼左，所以我就叫咗杯熱嘅忌廉綠茶。個杯睇到都覺得靚，茶味比較重，不太甜，我就比較鍾意佢重茶味，帶點苦味先好飲。朋友想食壽司，佢點左佢最愛嘅三文魚腩壽司，仲要特長嗰隻。朋友話三文魚腩帶鮮味，油份適中，飯入口亦唔會散。七味炸雞藍都係朋友至愛，炸雞賣相好吸引，每件都好夠份量。雞入口好熱，出煙，雞皮帶少少芝士味道，旁邊果個醬，芝士味極濃，點埋醬一啖咬落去真係覺得超級邪惡，Ichiban。魷魚鬚唐揚就係我嘅至愛，份量都唔少。呢個炸得同樣香，食落鬆脆，配埋沙律醬食就最好味。串燒响居酒屋當然唔少得，我哋叫左個串燒五品盛盒。五款串燒有雞翼，雞軟骨，小

等咗食日本菜好耐，今晚終於有機會食，朋友推介去到呢間老字號店 - 七福神和食亭 共進晚餐。行一條樓梯上去就到了，餐廳以木為主，環境裝修好日式化。餐牌上的食物款式超級多，很少日本餐廳可以那麼多食物款式呢！我們一口氣點了11款美食，先點了我最喜歡的壽司🍣。炙五味是我最喜歡的，喜歡炙燒的味道，燒得很香，特別是芝士三文魚🍣，魚油加上厚厚的芝士食落去特別Creamy。另外鰻魚壽司竟然是無骨的，所以我再encore再食。另外三文魚腩壽司是長長的，食落去很鮮味呢！一向吃日本菜我都必叫軟殼蟹手卷，即叫即炸，難怪食落去軟殼蟹那麼香脆可口。串燒方面，醬油燒京蔥雞肉有三大件，雞肉肉質鮮嫩，燒得恰到好處。燒肉帶子串望落去都非常Juicy。七味炸雞很有份量，同樣地都是即叫即炸，外皮香脆之餘，咬一啖入面嘅肉汁唧晒出嚟。熱辣辣的黑松露海膽茶碗蒸很足料，鮮甜的海膽配上滑溜的蒸蛋，實在令人回味。S3鐵板燒牛舌好有鑊氣，牛舌質感很林，食落去好軟口。重點是兩人食咗咁多嘢，埋單都只係$600有找，難怪店舖座無虛席，確實是老字號日本菜餐廳，性價比高之餘，食物質素有保證！

第一次嚟食七福，朋友係附近返工話午餐食過ok。早d嚟拎位坐卡位。活赤貝、三文魚、甘蝦、赤身、左口魚 $178活赤貝非常爽口帶甜！甘蝦更甜，但無貝咁爽口。厚切三文魚同赤身。左口魚都唔錯，但火炙左口魚油脂會更突出。火炙三文魚壽司 $25長形三文魚帶油脂香口，一口上飯入口！火炙帶子壽司 $26好多香葱cover佢，保護色係白色，哈哈！有d厚度既，帶子同活赤貝甜度接近。依度既貝殼類似乎不錯！海膽壽司 $48甘甜，無異味，有d青瓜食落無咁流！雜菜天婦羅 $62青椒、茄子、冬菇、蕃薯、南瓜無油益味，好！特別蕃薯同南瓜好粉粉帶厚肉，冬菇都大大粒。唔好睇少雜菜天婦羅，雜菜好易出水，但依度做得好好乾身點蘿蔔汁提味！忌廉蟹肉餅 $48超飽既小食，一開始以為係忌廉點蟹肉餅，點知原來係忌廉配蟹肉餅。識落有少少爆漿嘅感覺到好易有少少似薯容餅。清酒煮大蜆 $88大大粒肉，粒粒無沙juicy子！比較特別嘅係，佢除咗清酒之外，放咗啲香蔥同埋辣椒煮，所以提左點辣味，好微好微。石鍋蒜香牛肉飯$68勁多牛肉，愛牛人士必叫，朋友介紹要食。 蒜香好似仲少過牛肉，勁誇張囉！牛肉唔係勁多肥肉個種肥牛，大多是瘦肉！另外仲識到一啲飯焦

今日嚟到佐敦七福神， 其實呢一間餐廳自己以前都聽聞過，其實應該都好似開咗一排而且有朋友盛讚呢一間餐廳，咁我就同朋友試一試呢一間餐廳， 咁上到去其實內裏都算寬敞而且坐得都幾舒服 都唔錯 有一定嘅空間感。 咁我哋叫咗以下食品：魚切魚生丼: 裏面有三文魚、吞拿魚、雞蛋青瓜絲、魚子、帶子同其他魚生， 咁其實呢個魚生返分量我覺得都算多而且最重要就係每一粒魚生都好新鮮，所以呢一間日本餐廳來貨啲魚生都OK的。安康魚肝: 食得多鵝肝到厭啦，咁今次我介紹下食魚肝 。呢個安康魚乾我覺得texture真係有啲似鵝肝，因為其實係朋友介紹食安康魚肝，都係嗰句營養價值高而且我覺得都幾鮮美同佢個口感都滑潤， 所以我都幾like!蟹味噌甲羅燒: 咁佢有鳕魚乾或者紫菜珍珠飯揀，咁我就要咗雪魚乾，用左幾多蟹糕去燒、加小小蔥花 、睇碟野知道師父好細心同我哋燒， 因為而家自己燒一定燒唔出咁嘅效果， 將啲蟹膏放落鱈魚片到食 味道真係非常之夾，而且蟹膏同蟹肉香濃，最緊要嘅就係佢呢一個價錢唔係特別貴，所以呢一道菜我誠意推介。七味軟殼蟹卷: 呢個捲其實我覺得都ok嘅，因為啲軟殼蟹脆卜卜，同埋佢落咗好多我最鍾意食嘅蟹子，所以睇賣相已經

趁百貨公司做特價，去買幾個濾水器的濾芯備用，每一個平了$50，有著數。同時亦在附近一間頗有名氣的日式料理訂了位置，買完東西就可以去食晚餐。食店就在港鐵站附近，交通十分方便。去到在樓下等了三分鐘，就有服務員安排上樓上入座。店內有好些日式的擺設，如紙扇、玩偶及酒桶等，帶著日本民間的氛圍。有些卡座較為寬敞，但我們兩人是被安排在長枱的位置，而且就在工作枱旁邊，比較狹窄。我們點了一份刺身盛合 ($188)、芝士焗天火蠔3隻 ($78)、串燒拼盤五品 ($75)、神戶野菜炒 ($62)、蟹味噌甲羅燒 ($68)與及石鍋燒香蒜牛肉飯 ($68)，買東西平了就不妨食得好些。不一會各款菜色都陸續送上，遺憾的是小桌上勉強只可放下三款，餘下的就唯有要求服務員暫緩送上。刺身盛合有金目鯛三件，鱆紅魚、三文魚及赤身各兩件，還有甘蝦三隻。金目鯛屬於較高檔次的剌身，赤身即吞拿魚，各款都新鮮肥美。計起上來芝士焗天火蠔3隻平均會比較抵，所以就要了3隻。蠔身相當大隻，口大的都會塞滿口腔，上面鋪了芝士來焗，裡面還有少少水份，保存著蠔味，軟糯多汁。串燒拼盤五品有雞翼、京蔥雞、雞軟骨、小青椒及冬菇各一串，味道略為淡口。食完收了些

好耐都冇去過佐敦今日幫媽咪去裕華台灣美食節喺隔離見到呢一間日式居酒屋價錢好平加上又係樓上舖感覺比較乾淨同媽咪就走咗入去試下由於之前已經食咗下午茶所以我哋都係叫下小食飲下野食啲唔太飽嘅嘢就ok.🍄飲品叫咗士多啤梨沙冰同青蘋果梳打兩杯都幾好飲有用真生果整唔似用啲化學嘢特別鍾意士多啤梨沙冰 好好味🍄壽司佢哋可以散叫 我叫咗好幾樣金目鯛//特長三文魚//池魚//帶子//赤身全部都幾新鮮 睇落去顏色又靚食落去仲好香魚味呢個價位算性價比好高亦都唔係薄切透明 夠曬厚切🍄豆腐湯呢個略為偏淡 蔬菜好多想清淡啲都不失為一個選擇🍄燒牛舌燒得幾香 落咗少少鹽同胡椒燒點解好大方幾厚切仲有三塊咬入去幾juicy 又夠彈牙🍄酥炸魷魚鬚分量好足 分分鐘仲平過出面啲街邊檔炸得好脆好鬆 魷魚鬚彈牙調味啱啱好🍄雞泡魚乾分量適中 佢有燒過 之前食過有間店非常之乾呢間完全冇呢個問題仲係濕濕地咬入去好煙韌好好味 超香 推薦🍄燒青魚呢個火候適中燒到啱啱好煮仲好滑微微鹹香同魚香🍄炸雞全翼呢個勁推真係整得超好食炸粉少 整到脆卜卜 上面仲有好多芝麻調味好好味 咬入去啲汁爆曬出嚟性價比又高.我哋兩個喺嗰度足足坐咗三個鐘頭職員笑容又好 服務

今日放假，夜晚同男朋友簡左呢間日本野試試佢。首先尼個壽司set，一共有24件壽司，有三文魚、吞拿魚、帶子、玉子、三文魚子、油金魚腩、金龍蝦反卷、赤背。但食落壽司真係一般，呢個價錢我寧願食板長。不過熟食小食就幾唔錯，叫左一個牛吞 一個炸墨魚咀。牛吞夠厚身！最後仲叫左一個牛油果奶昔 係我成餐飯最中意ge!

唔想行甘遠，近近地就walk in 附近的七福亭樓上舖 兩個人靜靜地食餐飯裝飾好日本🇯🇵式嘅居酒屋🏮叫左幾樣野，整體水平都係有保證嘅1. 知床慢煮雞胸沙律🥗$68呢個慢煮雞胸沙律真係有驚喜到我地，雞胸一d都唔鞋，沙律菜夠新鮮，加埋個酸酸甜甜嘅汁，好開胃好fresh。2. 金目鯛（4切）$70刺身食到係新鮮，唔會有渣，肉質比較實，加埋wasabi醬油一齊食已經帶出左鮮味3. 饅魚饅$134自己本身都好鐘意食鰻魚飯，魚塊夠大，唔會硬，配上甜甜地嘅燒汁，已經好滿足4. 網燒牛扒$118本想要食燒牛舌，但賣晒；轉左燒牛扒，肉質都好有水準，熟得岩岩好，唔會有好多血汁，𡁻兩三啖就吞落口，好味😋5. 墨魚咀唐揚$62第一次食炸墨墨魚🦑咀，口感彈牙，夠香口，係唔錯嘅小食。6. 紫蘇帶子雜錦天婦羅$78男友鐘意食香口野，我食左炸南瓜同炸帶子，粉漿唔會太厚，食落唔會成口油

喺油麻地永安逛完 個肚有啲餓 行兩個街口食日本嘢 嗰度款式多 價錢又大眾化-🍣#炙五味雜錦壽司 ($60）每件十蚊多啲 有玉子 牡丹蝦 煙鴨胸 鰻魚同三文魚腩 食迴轉壽司都唔止呢個價錢-🍢#串燒五品盛盒 ($75）擺碟好靚 肉類代表有燒雞翼 京蔥雞同鷄軟骨 仲有冬菇同日本青椒-🍥🍤#紫蘇帶子雜錦天婦羅 ($78）紫蘇葉包住刺身級厚帶子 香口鬆脆 帶子軟身 南瓜🎃同蕃薯🍠天婦羅 做得亦出色-🥩#鐵板牛柳粒粒燒 ($78）牛柳好大粒 咬落冇筋冇血水-🍥#大阪燒醬油豚肉炒麵 ($78）炒麵偏鹹 除咗豚肉 有紅薑絲 食落有酸薑味 -🧀🦪#芝士焗天火蠔 (每隻 $28)焗蠔熱辣辣 芝士表面微焦 汁液香滑-🍵#熱忌廉綠茶 ($35）忌廉鮮花💐拉花好標緻 要趁熱飲-🥭🥛#凍芒果活乳酸 ($48）有芒果香味 少甜少酸 似芒果奶昔-📍#七福神和食亭佐敦彌敦道311-313號康橋大廈一樓

母親大人嚷著要吃日本菜， 想吃靚刺身，特別是海膽， 我想了一想，便帶她到之前吃過的七福神和食亭。 菜式又多，質素又高。看了一看餐牌，發現餐牌更新了，有些菜色例如茶碗蒸沒有了， 但多了一些新菜式。刺身盛不同的配搭依舊是有的， 我們點了四號 有海膽的刺身盛($218)， 選帶子。 刺身非常的新鮮，肥美。母親大人很滿意。而我當然還點了芝士焗天火蠔($78)，是熱門菜式，之前吃過，念念不忘。 又肥又大的生蠔， 配芝士忌廉，很好吃。煙三文魚親子薄餅($108) 有驚喜， 每一件薄餅有差不多三片煙三文魚， 配香脆的餅底，芝士和溫泉蛋， 十分豐富。石鍋燒香蒜牛肉飯 ($68) 不過不失， 牛肉頗多，但吃到底有點油膩。可能人多，餐廳打冷氣開得很大，坐得久會有點冷，所以我們各自都點了一杯熱鮮奶忌廉綠茶($35)，奶味和忌廉味比較重， 有淡淡的綠茶味。