七福神和食亭

營業中

休息中

車來車往燈光璀璨，彌敦道五光十色 霓虹燈，很是讓人讚賞香港夜景的美麗。抬頭一看，還有七福神。裕華後方，二樓 有間日式餐廳，靜靜地在 彌敦道已經很多年。 餐廳環境大座位多坐得舒服，即使平日晚上也有很多食客 ，高朋滿座。大盛魚生丼刺身超豐盛，講得出的都有，三文魚帶子八爪魚 油甘魚海膽魚籽。大盛魚生丼有夠新鮮鮮嫩，三文魚籽也飽滿新鮮，粒粒在在咀裡爆發。海膽入口柔軟, 潤滑甘甜 。三文魚肉質肥美，味道亦最甘香。油甘魚柔潤香滑，帶子鮮美甘甜。蟹味噌甲羅燒配紫菜珍珠飯鹹香味美，香氣送埋呢餐枱嗰陣已經聞到，蟹膏味道鮮甜， 包住珍珠米飯， 唔會太過鹹，停唔到口。網燒牛扒牛扒帶少少燶邊, 內裡肉質鮮嫩， 肉質軟嫩味美，咬落唔會韌，有濃濃的肉味和牛油的甘香。安格斯牛小扒日式壽喜燒， 加送安格斯上肩胛一碟壽喜燒以鐵鍋送上 ， 溫度得以保持熱辣辣 。 除了有牛小扒和附送的肩胛肉外 ，鍋裏面還有豆腐， 與及一整藍蔬菜，皇帝菜，娃娃菜，粉絲，京蔥等等 ，再加上蛋， 一整個看起來已經 非常豐盛澎湃。 以壽喜燒煮過的 肩胛肉 鮮美肉嫩，肉質細嫩肥美， 牛小排鮮嫩多汁。

時不時就會掛住日本，跟住就會好想食日本野，呢間聽聞性價比幾高，有日做完yoga就過黎試下。食物種類勁多！我地叫左一款刺身盛（$188）、有油甘魚、三文魚、甜蝦、赤身同帶子，每款都有兩片。刺身都幾新鮮，唔會好似啲放題店咁有陣雪味，我最滿意油甘魚同帶子，好鮮甜。叫左個海膽海鮮炒黃金飯（$108），叫黃金飯既原因係有落左咸蛋黃。除左咸蛋黃，仲有蝦籽、魷魚、蟹柳等等配料，食落好惹味香口！另外仲叫左個安格斯牛小排壽喜燒（$188）牛小排分量唔算少，仲跟一大碟配菜，入面有兩款菜、香菇同好似芋絲既粉條同兩隻日本大蛋。牛肉既雪花分佈都幾平均，淥得岩岩好既話食落都嫩滑，唔會好有根，同埋牛味都幾香濃。總結壽喜燒份量兩個人食足夠有餘，同埋食物質素都唔錯，算抵。整體幾滿意呢間餐廳，應該會再幫襯！

{性價比高日本餐廳🤩}#kong_girl_foodie出街食#七福神和食亭.Bookmark左好耐嘅餐廳🙈見佢好多好評同埋啲comment都幾好🙈，價錢對比起日本嘢唔算貴，而且份量都幾大🤩！我哋嗰日冇book位所以諗住8:30到會好啲，結果都幾多人，好彩我哋有位入！☺️.❣️清酒煮海蜆 $88最少有20隻！煮得啱啱好，啲肉唔會跌咗出嚟，而且佢呢個加咗辣椒所以比平時嗰啲清酒煮蜆會辣少少！.❣️牛舌串 $38厚度適中，黑椒份量啱啱好！.❣️炸魷魚鬚 $58好大碟！而且佢層炸衣唔會好厚，啖啖肉🤩.❣️京都豚肉煮 $88賣相幾靚，有四大件，雖然未去到入口即溶但係味道同口感都唔錯👍🏻👍🏻👍🏻值得一試.❣️三文魚刺身 $62本身想食三文魚腩刺身，但係賣晒🥺味道新鮮，大大件，又厚☺️.❣️石鍋香辣海鮮手打烏冬 $98上菜過咗2分鐘仲好滾🤣🤣海鮮份量比想像中多！烏冬好好食，佢同個海鮮餐好夾！就算我好飽都好努力咁食埋佢🤣🤣.📝總結呢一間幾推介比情侶或者屋企聚會去，價錢唔貴之餘份量都好大，可以share食！👍🏻👍🏻.❣️食完俾分時間❣️🌟食物: 8/10🌟環境: 7.5/10🌟服務: 8/10🌟打卡:

12月是個浪漫的季節，去佐郭的裕華國貨行街之後，就到附近的七福神和食亭吃晚餐。由街邊沿着一條木樓梯上，感覺帶日本的古色古香。餐廳環境舒服座位寬闊，我們坐的卡位更可以眺望繁忙的彌敦道。.東山壽司拼盤（24件）$298用一個圓盤裝着，24件壽司五彩繽紛，賣相十分豐富吸引。當中有五件三文魚，玉子及赤貝各三件，油甘魚吞拿魚、帶子、左口魚裙邊及三文魚子各兩件，也有一份蝦卷。刺身新鮮肥美，清甜爽滑，而且都是厚切的，食完這個壽司拼盤已經好夠飽。.大蝦天婦羅 $78大蝦炸得剛剛好，沒有多餘的粉團及油膩感。蝦肉清澈爽彈，熱辣辣很適合冬天吃，暖心窩心。.已二想不到的是這裏的燒扒很有質素：照燒雞扒 $68 一大塊雞扒，厚身啖啖肉，雞肉嫩滑。網燒牛扒 $118比一般西餐廳的鋸扒更有滋味，牛肉味濃郁，油脂平衡得好，肉質稔身有豐富的肉汁，感覺在吃和牛，好正。.經常行過彌敦道，真的不知有一間高質的日本餐廳呢。

這間位於佐敦上樓的日式居酒屋, 絕對抵食價錢唔算貴, 而且食物款式亦有好多選擇, 性價比高.點了一個刺身拼盤, 有半板海膽, 帶子, 三文魚, 吞拿魚, 左口魚各兩件. 仲有紫菜飯團, 賣相精美而且刺身鮮甜.另外亦點了幾款的串燒, 包括雞翼, 牛舌, 牛肉, 煙肉帶子. 意想不到的串燒份量大, 抵食😎其實menu 內仲有好多其他款式既食品, 壽司, 一品料理, 鍋物等....下次可以再來試埋其他款呡😊🍣餐廳: 七福神和食亭🍙地址: 佐敦彌敦道311-313號1樓

呢間餐廳性價比真係好高！所以成日都忍唔住會返轉頭食♥️♥️♥️♥️今日有同朋友嚟食飯啦🤣🤣🤣🤣我哋嗌左三文魚腩壽司，正到冇得頂！大大份♥️♥️♥️♥️另外嗰隻蝦卷都不得了呀！新鮮即炸🤗🤗🤗🤗入口非常鬆脆🌳🌳🌳依個芝士焗蠔真係不得了☺️☺️☺️好香！亦都大大份，本身以為好細隻，但原來唔係㗎🤗🤗🤗🤗依個餃子真係好回味！佢嘅做法同日本食嘅好似🤗🤗🤗🤗蟹子沙律又係大大兜，真係攬住個肚呀🤗🤗🤗其他嘅食物水準都唔錯🤣🤣🤣

呢間日式料理店位置都幾靚，重點係食物質素好高而又唔貴，值得大班朋友一齊黎食!鐵版燒牛舌牛舌好大塊同埋厚切，輕輕燒過所以食落口幾惹味而且咬落爽口唔會粉!大蝦什錦天婦羅好豐富而且炸漿整體都唔會好厚，食到蝦肉既彈牙質感而且而天婦羅汁已經加埋蘿蔔蓉，味道岩岩好!七味炸雞籃炸雞既調味好出色而且即炸所以真係脆卜卜，雞肉鮮嫩有肉汁!炸魷魚鬚都係新鮮即炸唔會整定所以好嫩口同埋彈牙既! 就咁加沙律醬已經好足夠!石鍋香蒜牛肉飯牛肉飯好大碗而且燒到熱辣辣，牛肉都夠嫩而且牛味濃郁，配合埋洋蔥同菇一齊食口感一流，調味亦都適中!日式奄列炒飯份量好多而且奄列炒得好滑，蛋味十足加上炒過既飯味道上好夾!荔枝香桃梳打有荔枝肉而且都唔係藥水味，好岩清一清口腔同埋都夠解渴!

琴晚發夢自己飛咗去日本公幹，然後好開心喺三井outlet度大買特買，今朝起身發現竟然係一場夢😨，真係傷心到不得了💔。為咗彌補我嘅心靈創傷😂，我就決定搵間日本野食餐勁嘅安慰自己。見呢間七福神網上有好多好評，所以好快就敲定咗佢黎做我嘅午餐落腳點。刺身盛盒$188盛盒裡面有油甘魚 2切 、三文魚 2切、甘蝦 2 條、赤身 2件，及帶子或者左口魚二選一款。整體刺身質素不過不失，尤其甘蝦🦐最正脆皮煎餃子 $52 呢碟脆皮煎餃子又名冰花煎餃子，係好多飲食節目都見過，但係今次就係第一次食。 貌相尤如其名，就好似水滴結冰後出現嘅花紋，令菜肉餡嘅日式餃子增添薄脆口感，yummy👍🏻。滑蛋豬扒飯 $75呢個豬扒飯令我味蕾起舞💃🏻豬扒炸得金黃香脆而且夠厚身，肉質鬆軟帶油脂香，肉脂味亦夠濃郁，加上半熟嫩蛋🥚，oishi!!西京燒銀雪魚 $168白雪雪嘅銀雪魚一向都係我的愛，呢度嘅銀雪魚味道燒得唔錯，外皮香脆，魚肉夠滑，非常下飯

七福神和食亭 - 幸福的日本料理在旺角佐敦出沒的朋友，應該知道這間日本料理的存在，因為性價比高，質素好，款式多，和朋友聚會時也會考慮這間日本菜，今日也不例外。滑蛋豬扒飯 半熟的滑蛋，蛋汁夠又有蛋香，豬扒脆脆的吉列外皮，蛋汁流到白飯中，一口包含白飯、滑蛋和豬扒，滿足。大盛魚生丼 超豐盛的魚生丼飯，大大隻牡丹蝦、八爪魚片、厚切三文魚、白身魚刺身、帶子、海膽、三文魚籽和玉子，最愛鮮甜的海膽和彈牙起膠牡丹蝦。芝士焗天火蠔 超多香濃的芝士和煙肉，佈滿在整個蠔上，蠔肉鮮甜多汁。芝士玉子燒 拉絲芝士的玉子燒，香濃的蛋味。三文魚味噌黃金燒超厚的三文魚肉，表面魚皮燒得香脆，鹹味的味噌令三文魚鮮味更出，三文魚魚油十足魚肉嫩。大蝦天婦羅 鬆化的脆炸外皮，包著爽口的大蝦。

好耐年前朋友帶過我黎食一次, 然後今日經過決定入去回味一下!今次黎發覺比上次更多人, 睇黎越泥越受歡迎, 印像中佢d壽司刺身係唔錯既, 頭一round叫番幾舊黎食下先!赤貝壽司 $25爽口鮮味。海膽壽司 $48睇個色水同質感見到係新鮮, 入口creamy又甜美。吞拿魚壽司 $38魚味清淡帶鮮味。特長三文魚腩壽司 $28肥美可口。忌廉蟹肉薯餅 $48即叫即炸, 超級熱辣辣! 表面既炸皮脆卜卜好香口, 入面係滿滿既忌廉, 雖然唔係好食到蟹肉既口感, 但帶薯味非常香, 好味!西京燒銀鱈魚 $168銀鱈魚燒過後迫出魚油非常香, 而魚肉又保持到嫩滑口感, 魚皮位特別香, 西京燒做法帶香甜,必點!三文魚味噌黃金燒 $78味蹭塗滿三文魚表面, 燒過後估唔到味道咁夾, 又有三文魚既鮮味, 幾特別!清酒煮海蜆 $88蜆肉肥美鮮甜, 感覺好新鮮, 加上清酒味道剛好, 唔會太啃, 甜甜地好好食。最後整多杯菊花蜜!

選擇種類繁多，價格合理，食物質素中尚，環境坐得幾舒服，同幾個朋友傾計食飯既好地方🤗-芝士玉子燒 ($58)有原味同芝士選擇，玉子甜甜地，蛋味好香，而且雞蛋嫩滑，入面有拉絲芝士，一咸一甜，香味十足😍-鐵板燒牛舌 ($78)而熟食方面都有好多選擇，我地揀左燒牛舌，每塊牛舌都好厚切，仲燒得好淋，吾會乾淨淨咬吾爛個隻😆配上照燒汁甜甜地好好食😋-蟹味噌甲羅燒 ($68)超多份量既甲羅燒，咸味剛好，大量蟹膏配埋蟹籽撈埋一齊食，再夾雜少少蟹肉絲，好滿足🤤-七味軟殻蟹卷 ($60)除左手卷同散件壽司，仲有幾款卷物，軟殻蟹新鮮炸起十分脆口，啖啖肉，加埋蟹籽同沙律醬，好食🤗-刺身盛合丼 ($218)除左丼飯，仲有幾款刺身盛合揀，我地揀左依款有海膽半板/ 三文魚 / 左口魚 / 赤身 / 帶子～刺身新鮮鮮甜，尤其係帶子😋海膽吾腥無苦澀味，但略嫌側邊d紫菜吾夠脆口！

2nd time visiting this restaurant- definitely recommend it for lunch/ dinner 🍽 their quality of food always live up to their standards with a large selection of food choice. They’ve actually been around for a long time & still full house. Sashimi was good for its price ; their skewers, baked cheese oyster, grilled sushi, fish & chicken are must try!!! Rating: 8.5/10Location: Jordan.

跟朋友兩人dine out，朋友想食日本嘢，看到呢度bk位88折，又近放工地方，就過來試試。由於我們兩人都小鳥胃，因此沒有點拼盤或大碟的食物，只是單點了一些自己喜歡的，這樣也不錯，靈活度及自由度很高，可以只吃自己喜歡的種類。雖然這裏環境很擁擠，桌與桌之間非常近，可食物真的價廉物美😋😋😋刺身真的可以用「厚切」來形容，厚實大片，口感十足，頗新鮮味美，還跟朋友的衛衣非常匹配😂😂😂至於壽司也不錯，飯還是有些少溫溫的，顯示是新鮮手握，不是冷冰冰、粘結的。還點了芝士玉子燒，面層蓋上芝士，切開後陣陣煙霧噴出，非常驚喜！味道還不錯，不會太甜，非常喜歡~最後加單點了魷魚鬚，配沙律醬點食。份量其實頗多的，3-4人食剛好。

喺佐敦後面有間日式和食店聽朋友講d野食唔錯，所以今日經過開就去試吓。鰻魚壽司，d鰻魚好肥美墨魚咀唐揚，呢款出面唔係好多地方食到，幾特別，粒粒脆卜卜，配埋沙律醬一流。串燒5品盛盒，分別有燒雞翼，雞軟骨，冬菇，雞肉大蔥串，辣椒，d肉仲好juicy唔會燒過龍，燒得水準幾好。鹽燒三文魚頭，燒到d皮脆卜卜，d魚肉食落好多油份，好肥美。七味軟殼蟹卷&金龍蝦反卷，d蝦同軟殼蟹都好大隻，反卷嘅份量都幾大件，好抵食。芝麻雞翼，炸得好脆，但唔會炸到乾晒，入面仲有好多肉汁。石鍋燒香蒜牛肉飯，上面鋪滿好多牛肉同菇，好足料，而呢個石鍋飯個底有飯焦，勁正豆腐風野菜湯，食咗咁多脆卜卜嘅野，飲返呢個湯，即刻覺得解油膩，個湯奶白色，有勁香豆乳味，個湯入面仲有大量菇同菜，清清地唔錯。

🐽 日本空運生海膽壽司🍣 ($88)今日既no.1!超新鮮既海膽🤤🤤🤤好濃味 好食😝🐽 大盛魚生丼🐟 ($168)好豐富既魚生丼🤪特別鐘意隻蝦🦐大滿足啊🥳🐽 法國Grillardeau生蠔🦪 ($62/1)生蠔迷梗要試試佢😼新鮮而偏淡味既生蠔🤪🐽 燒芝士天婦羅蟹腳卷🦀 ($36)天婦羅蟹腳加埋上面半溶芝士🧀推介既熟食壽司😙🐽 滑蛋豬扒飯🐖 ($75)非常厚切既炸豬扒🤤🤤配埋滑溜溜蛋加洋蔥🧅好香👍🏻🐽 菠蘿雪葩🍍 ($58)好正既甜品🥰fresh又清甜😙🐽 荔枝香桃梳打🍑 ($38)