七福神和食亭

營業中

休息中

一向都超級鐘意食蛋包飯 賣相靚味道又好味😆 第一次來當然要試下！七福神奄列飯就係蛋包飯🥚亮黃色蛋奄列厚厚一層 邊位熟咗唔容易散中間位就保持半熟 口感滑溜又保留到蛋汁🍳中間包住嘅飯都好有誠意 唔係普通白飯而係秘制醬汁炒飯🍚調味鹹鹹甜甜 質地濕潤但米粒唔會軟爛蛋表面擠咗番茄醬 加重酸甜嘅味道🍅另外都單點左啲刺身 擺法就係將佢地放係同一個大盤 好似放題咁都幾有氣勢🤣 下面仲有大量冰塊墊底 保持冰凍溫度🧊海膽 三文魚 甘蝦 鱆紅魚 金目鯛 全部都食得出新鮮無腥味👍🏻

午市套餐都包括一碗麵豉湯 主食同埋一碗飯🥢麵豉湯嚟到時熱辣辣🔥 唔會似包裝湯底沖水咁粉粉地 都有幾多材料㗎：海帶 大蔥 同埋腐皮🤤味道足料但唔過鹹👌🏻主食方面叫左個安格斯牛扒🥩牛扒經過炭火燒所以表面焦脆 內面牛肉依然紅紅粉嫩 肉質頗鬆軟唔係好多筋咬唔到嗰種👍🏻簡單加啲黑胡椒同埋蒜片已經好惹味🖤米飯份量就唔算好多 上面撒左啲飯素 味道比較多元化唔會齋食白飯咁悶🤣朋友就叫左個壽司定食：三文魚 赤身 帶子 甘蝦 油甘魚配海膽三文魚子丼🍣我唔食魚生所以就無試啦🙈

唔知有無人同小編一樣去日本餐廳都比較鍾意食佢地嘅小食 所以今次向重點介紹兩款非主食🌟🐷京都豚肉煮 每塊切成細細嘅正方形 肥膏同埋肉部分都有豚肉好軟嫩入口半即溶 而且都有好幾塊👍醬汁咸咸地但都偏甜 質地濃稠而且豚肉已經吸收曬醬汁嘅味道🐽🐮蘆筍牛肉串系一片牛肉包著條蘆筍苗 牛肉燒得啱啱好唔會硬柴柴😍表面掃左啲照燒汁 質地偏向醬 無汁液咁流質變相更加容易依附喺牛肉片上面☺️食落味道都係鹹鹹甜甜要到中間有蘆筍苗就增添反啲爽脆口感 而且有菜嘅香甜

入到餐廳收銀處已經見到周圍用左日式嘅海報 擺設 同埋日系木裝修🎏令我即刻好懷念想當日去日本嘅時光😭今次叫咗我食日料必點嘅蟹子沙律 朋友超鐘意嘅鐵板蒜片牛柳粒 同埋​​大蝦天婦羅🍤蟹子沙律大份果真唔呃人 材料份量多到齋食都覺得飽😉最低嘅青瓜絲刨到好幼細口感又爽脆 蟹柳份量多🥒 然後沙律醬又比得好慷慨 每淡都撈到醬😋唔少得系最頂最搶眼嘅蟹子山 份量可以用澎拜黎形容😂😂鐵板蒜片牛柳粒嘅牛肉切成一口size 一淡一舊🐮大蝦天婦羅一份有6隻～炸皮薄蝦肉都彈牙🦐 值得一試

呢間七福神和食亭已經開左業好幾年，趁今日me-day就黎獨自偷歡啦😋所有午市套餐都包左碗麵豉湯🥣麵豉湯用個迷你碗裝著 雖然唔算超級多料但都唔會hea你，材料有少少海帶同竹笙 最緊要係唔死鹹😉炭火燒安格斯牛扒定食有原塊安格斯牛扒，上嘅時候店員已經好細心咁幫你去骨同埋切成左一塊一塊🥩咁就可以毫無忌諱就咁用叉吉黎食😋牛扒啖啖肉 感覺火候同時間掌握得幾好 牛牛唔會滲血水又唔會熟到好乾😙最後都會配埋一碗米飯 飯粒軟熟都做到粒粒分明🍚上面撒左少量飯素 令味道更豐富👍

一上到餐廳已經比周圍嘅擺設 設計吸引到，門口有個透明櫃放滿日本燈籠 海報 手扇等等🇯🇵有副畫畫左日本必睇富士山⛰️ 真係懷念啊😭入到黎見到整體裝修以淺木色同深啡色 暖色調為主，燈光都係黃色感覺好溫暖💡會見到木架上面都放左好多日式擺設因為今日得自己又唔太餓所以淨係叫左個芝士玉子燒🧀 形狀正正方方煎得好靚 平時係屋企整都覺得幾廢心機🤣 所以出街唔太貴就當然要叫啦🥰芝士放左係面 咸香咸香 燒到焦焦地好好味啊，主角蛋真係好厚都幾有份量 唔好睇佢細細舊，屬於向高空發展而唔係向橫發展🤣 都會食到蛋汁🥚

牛肝菌蜆忌廉汁烏冬牛肝菌數量都唔少 唔系得一兩條好快就食哂咁🍄忌廉汁質地濃稠濃稠 重混合左啲菇菌獨特嘅香氣🖤烏冬滑溜 煙韌彈牙 形狀比較扁平 比意粉粗身但比常見烏冬幼身所以掛汁效果超級好 每一啖都食到滿滿濃郁嘅醬汁🥛蜆係連埋殼上 都洗得好乾淨唔會食到沙粒👍頂頂都插左塊脆片 麵粉味都幾突出，可以就咁原塊食或者將佢壓碎變到好似脆脆撈埋烏冬一齊食😋蒲燒鰻魚丼係迷你size🥣用個飯碗盛著，鰻魚有一小段 經蒲燒味道都幾香濃🐟下面鋪左啲粗身嘅蛋絲 因為已經煎到全熟，所以就唔同平時滑嫩嘅鰻魚炒蛋🥚

京都豚肉煮一粒粒正方形咁嘅形狀大小 部位係肥膏肉肥膏肉間隔著, 啱哂鍾意肥膏嗰種軟黏質地嘅朋友🐽見到豚肉同底下醬汁嘅顏色係深啡色好似好咸好膩好重口味咁,但食落飲落又唔算喔 酸味甜味咸味都幾平均 唔會話有一款特別突出 好突兀😋碟用左個有一定深度嘅盤碟 所以可以裝到多啲醬汁, 底下亦有吸味之選娃娃菜🥬吸哂醬汁同埋豚肉嘅豬香味 令本來清甜嘅娃娃菜變得更濃郁😋越食越唔捨得😤牛肉包蘆筍串燒顏色同上面介紹嘅豚肉煮差唔多, 都係誘人令立立嘅深啡色🤎

好耐冇同一班朋友食飯 趁疫情放緩要聚一聚😚Openrice訂座有88折 四個人人均270左右 已經食到好飽😋食物質素中上大致上都唔錯 係海膽唔太新鮮🙈員工親切有禮貌☺️ 海膽半板 三文魚x2 章紅魚x2 赤身x2 💰228芝士焗天火蠔 💰85墨魚咀唐揚 💰65玉子燒 💰60香芒花之戀 💰70三文魚手卷 💰24 軟殼蟹手卷 💰28鰻魚手卷 💰26火灸三文魚壽司 💰28三文魚壽司 💰22吞拿魚壽司 💰48八爪魚壽司 💰25北寄貝壽司 💰28赤貝壽司 💰25 甘蝦壽司 💰28帶子壽司 💰26 蟹籽壽司 💰26豆腐湯野菜湯 💰72蕎麥冷麵 💰60中華沙律 💰22 🔔另設加一

生日想食日本野 朋友就book左呢間野又平份量又足食物都好好食 CP值勁高蟹子沙律（細）佢的份量真係改善我對日本野的識知上枱個一下 嘩左聲 嚇親上菜個員工青瓜 蟹柳 加上脆卜卜的的蟹子 同靈魂沙律醬😂點會唔好食？ 清爽口感足又甜口 正厚燒牛脷 呢個真係要襯熱快d食 凍都好食只係熱熱地時的燒汁同芝麻更香 牛脷都好好咬 無奇怪味道 壽司部分我地就點左 三文魚、燒三文魚、鰻魚、軟殼蟹壽司魚類夠清鮮好食 燒過的三文魚油更香口若然飯量少一點會更好軟殼蟹壽司唔洗諗 叫就得 好食😂芝士原燒玉子又係一道份量大到驚人的菜式玉子本身有少許甜味加上鹹鹹的芝士真係好好食 豆乳鍋清淡 帶有少許豆漿味 食完一輪又沙律醬又芝士又牛脷後食覺得幾清甜 但豆漿味我本人覺得可以再濃厚少少

來日食店點可以唔叫天婦羅? 七福神又好似必食蟹子沙律?隔離檯個魷魚鬚又好似好吸引窩...結果叫哂😝蝦天婦羅一份6件 每件都大大條 唔會比啲小蝦hea你🦐蝦肉爽口炸粉又輕薄😄 另外都會配個天婦羅汁鹹鹹酸酸點埋就完全唔油膩🥄必食蟹子沙律真系絕非浪得虛名首先份量已經好吸睛 青瓜絲 蟹柳絲 沙律醬 同埋蟹子全部都係XL size真系唔好以為佢L size係假嘅😂 唐揚魷魚鬚炸到金黃啡啡地色🦑外層炸粉薄得黎有真系好夠脆 重點唔會炸到甩左皮或者好唔完整咁👍睇下放左少少椰菜絲 少有地見到椰菜絲都唔會好多油證明魷魚鬚都真系唔油膩🤩

肥師傅話帶我食抵食日本菜，隨便任叫😆一於乖乖地跟住佢搵食上到去見到都唔少要，陸續都有人入座坐底睇一睇餐牌，好多嘢食，又唔太貴喎😍由於我有選擇困難症，我諗咗好耐先決定到要咩😂-🔸蟹籽沙律$52我哋係叫細size，但都超大盤😂嚟到嚇一嚇，點解會多到咁誇張！好多蟹籽好正🤤🔸壽司拼盤24件$298壽司都幾新鮮，雖然喺拼盤，但質素一啲都唔馬虎！🔸什錦蝦天婦羅$75天婦羅都一樣咁正！多款式，亦都好好食！熱辣辣又鬆脆，真喺即叫即整！-另外仲散叫咗少少壽司🤤想講啲嘢食又新鮮，又大份！性價比真喺超高！佢有好多大卡位，如果一大班朋友一齊去食堅正😍因為可以試到好多款🤤Fatta真心推介！會翻焯嘅日本菜！

魷魚鬚唐揚就係酥炸魷魚鬚🤤每條都炸得好通透 魷魚鬚連埋魷魚頭🦑炸粉透薄 唔會有厚厚食唔到食材中心嘅感覺食落越咬越有嚼勁 外脆內軟👍味道都好惹味 越嚼越香😋食日料當然要叫個刺身盤 但因為我地得兩個人所以就單點左少少：甘蝦有三隻 肉質彈牙又甘香鱆紅魚肉質爽口 魚油味唔重所以都唔會好油膩🐟金目鯛 就比較爽滑 口感柔軟細膩 魚油味比前者更加突出🤤見好多朋友仔都話每次去七福神都一定會嗌呢款小食：蟹子沙律齋睇相都見到佢每樣材料都比得超足🤣以拉麵碗裝著份量真系唔野少！

一入到黎覺得餐廳坐位都唔少 所以即使多食客都唔使等好耐😊今日得自己一個所以剩係叫咗份壽司定食🍣但原來都幾豐富😄有三文魚、赤身、帶子、甘蝦、油甘魚壽司刺身最注重當然係新鮮！五種海鮮都食得出鮮味同埋賣相色澤都好靚仔🐟其中最最最鍾意係個甘蝦🦐 質地粉糯彈牙回味甘甜甘甜 口感仲好細膩😍跟住都會配個海膽三文魚子丼海膽入口口感軟綿綿 潤滑甘甜唔會有腥臭味💧三文魚籽份量同海膽差唔多粒粒都好飽滿又自帶鮮味 逐粒咬爆都幾爽🤣配搭一齊食嘅鮮味就更上一層樓😤

家姐一直都想去日本旅行，但因為疫情幾年都冇得再去，而今日家姐生日，我同呀爸呀媽就搵左間有日式裝修、食物質素又高質嘅日式餐廳同佢慶祝生日~家姐好鍾意食海鮮味嘅湯底，呢度咁岩就有個石鍋香辣海鮮湯烏冬咁梗係要試下啦~ 佢話個湯底非常鮮味 湯底濃郁得嚟又唔會覺得好咸 加埋上面豐富嘅海鮮配搭 香甜鮮味十足另外鐵板蒜片牛柳粒都好值得一讚~ 肉質飽滿嫩滑吾黐口 唔會話好鞋身好難咬 佢嘅味道就似港式一口牛嘅味道 正~ 和風厚切吉列豬扒酥脆香口，經過油炸處理豬扒依然好鬆軟，肉質加熱程度依然係控制得咁好👍🏻👍🏻👍🏻另外我地仲要咗刺身三品盛合，裏面有三文魚、油甘魚、甘蝦，賣相就睇得出非常新鮮，食落去勁鮮甜！呢間真心推介大家食嘅日式料理餐廳🙈👍🏻👍🏻👍🏻