七福神和食亭

營業中

休息中

放完復活節長假好多野做，終於到星期六可以休息下，約左朋友食tea行街前食個高質既壽司set先😆 壽司定食配海膽三文魚子丼一個套餐有齊咁多款 壽司定食有五款壽司: 三文魚，赤身，帶子，甘蝦，油甘魚。帶子好厚肉同鮮甜，食完好想再encore😚油甘魚壽司好肥美，散發著魚油香氣之餘口感清爽。赤身肉質實且有咬口Set lunch性價比真係超高😍😍😍食完五件壽司仲有個海膽三文魚子丼，海膽好新鮮，配埋刺身豉油一齊食好滿足，一個人都可以盡興既高質lunch，下次要帶埋朋友同屋企人過黎一齊試埋其他野食先得😄😚😌

佐敦真係好多好野食，今日黎到呢間係地鐵站附近既樓上鋪食日本菜，去之前已經做定功課，預先係openrice訂位去到唔驚冇得食，地理位置好方便，去到樓下先等店員安排入座海膽一小板既新鮮海膽好鮮甜，用紫菜包住海膽同飯一齊食好好食😋三文魚三文魚性價比好高，平時出面只有三四片，店家比左五六片厚切三文魚刺身，每片都好新鮮無雪味值得一讚👍🏻👍🏻👍🏻魷魚鬚唐揚即叫即整既魷魚鬚唐揚炸到金黃色好酥脆，炸漿好薄身，肉質夠哂彈牙，下次要試埋佢地既主食先得😍😍

今日同朋友去佐敦呢間日本餐廳環境裝修到好似日式居酒屋咁座位夠闊落坐得好舒服👍🏻坐低食飯吹水好地方我同朋友叫左兩個主食加一個麵食share京都豚肉煮豚肉煮份量都幾多煮到好入味醬汁調得好合味叫碗白飯送飯一流😋 咖喱牛肉撈烏冬 麵食方面我地叫左呢個咖喱牛肉撈烏冬份量超多兩個人share剛剛好牛肉份量都唔少欣賞佢地既咖喱少少辣好惹味😚鐵板蒜片牛柳粒一客份量都唔少兩個人食都夠飽牛柳粒肉質好嫩滑加埋上面既薯蓉好正😍😍

Lunch 嚟到七福神食飯，果然大件夾抵食，和男友叫咗兩個lunch set，香蒜牛肉飯套餐及壽司套餐，牛肉飯嘅牛肉較粗，要咬好耐才能吞，但牛肉飯的汁和香蒜好香好好味。壽司是一般，沒有特別驚喜。

今日放假同男朋友去佐敦覓食去完紅豆烘焙排布甸包之後要搵地方坐低食晚飯開返晚市堂食之後第一餐當然要食我最愛既日本菜啦係openrice search佐敦附近有咩好食既日本菜呢間七福神和食亭有好多款食物: 刺身、燒物、炸物、拉麵等選擇困難症既我揀唔落手😌因為樣樣都好吸引呢排天氣咁熱就試左佢地既刺身先我地揀左五款刺身: 海膽、三文魚、甘蝦、鱆紅魚、金目鯛 食材睇得出非常新鮮呢個價錢食到咁新鮮既刺身超值👍🏻👍🏻👍🏻海膽 $138海膽放左係木板上面排得好精美仲有紫菜係隔離用紫菜包住海膽同飯一齊食就最perfect😍三文魚 $62三文魚擺盤好靚好似一朵玫瑰花咁油花好平均好好食😋🤤甘蝦 $58甘蝦比想像中大隻一客大概有四隻左右每人兩隻唔洗爭好鮮甜一D都唔腥😉鱆紅魚 $70鱆紅魚係出面比較少食切左花既鱆紅魚好正金目鯛 $70厚切既金目鯛肉質爽口一個字形容: 正😋😋😋😋蟹味噌甲羅燒 (鱈魚干) $68叫左款刺身拼盤要試埋好多foodie推介既蟹味噌甲羅燒即叫即燒既甲羅燒加上鱈魚干係絕配蟹膏燒到好香撈埋蟹子一齊食好好食😋😋

呢排疫情緩和返少少可以出街約朋友食飯啦朋友知我中意食日本菜推介我去佐敦呢間樓上日本餐廳七福神和食亭預先經openrice訂座仲有88折呀好抵🥰🥰我地每人叫左一個飯、一款主食加一個小食share七福神奄列飯 $70好食既蛋包飯可遇不可求七福神既招牌菜之一七福神奄列飯好合我口味😋單點黎講佢都算抵食出面連鎖店起碼接近$100一上碟見到整得好靚好似去左一轉日本咁蛋漿夠嫩滑配埋酸酸甜甜既茄汁好perfect👍🏻👍🏻京都豚肉煮 $88朋友呢排進行緊生酮飲食唔食飯所以揀左呢個豚肉煮豚肉煮份量都幾多呢個價錢絕對係超抵欣賞佢呢個汁唔會好鹹豚肉煮到好入味肥瘦比例剛剛好朋友話如果佢唔係生酮緊既應該叫碗白飯送豚肉煮一定清哂😚😚魷魚鬚唐揚 $58呢款魷魚鬚唐揚即叫即整上到枱仲熱辣辣份量都幾多炸漿好薄身脆卜卜同朋友傾計叫呢個小食送酒一流😋😋😋

朋友係佐敦返工我今日放假搵佢食lunch，預先係openrice訂位唔怕lunch hour要等位，餐廳環境空間闊落，坐得好舒服👍🏻我地一人叫左一個set lunch壽司定食配海膽三文魚子丼朋友叫既壽司定食配海膽三文魚子丼，壽司定食有五件: 三文魚，赤身，帶子，甘蝦，油甘魚，五款既食材都好新鮮，值得一讚既係佢既帶子壽司好厚肉同夠鮮甜🤤海膽三文魚子丼都好好食配埋麵豉湯呢個定食大滿足🥰炭火燒安格斯牛扒定食 $118我就叫左呢款炭火燒安格斯牛扒定食，火喉掌握得好，唔會過熟，肉質好juicy，用蒜片和黑胡椒調味已經好好食，加上佢特製既醬汁送飯一流😋😋😋

期待已久終於開返晚市啦相信大家都等左好耐係時候要「報復式堂食」啦🤣係openrice搵到呢間位於佐敦既日本餐廳經openrice訂座仲有88折今日一於約埋屋企人一齊坐低食餐飯啦🥰大蝦天婦羅大蝦天婦羅係媽媽至愛一客大蝦天婦羅有五至六件即叫即炸上到枱仲熱辣辣炸漿好薄身咬落去就係啖啖蝦肉平時唔係成日食大蝦天婦羅既我都覺得好食😋鐵板蒜片牛柳粒呢款點比中意食牛既爸爸上到枱仲聽到鐵板燒熱左既吱吱聲好香牛肉味夠juicy醬汁都好好食值得再encore👍🏻👍🏻蘆筍牛肉串七福神實在太多野食好吸引啦今次試左佢地既串燒蘆筍牛肉串用牛肉片包住蘆筍燒黎食好正😍咖喱牛肉撈烏冬主食方面我地叫左呢個咖喱牛肉撈烏冬份量超多我同爸爸兩個人share剛剛好牛肉份量都唔少咖喱好香夠多汁撈烏冬好好食😆🤤

豬軟骨定食（$83連加一）附送味噌湯、八爪魚壽司、飲品和雪糕糯米糍，真的吃不完，CP值高。首先豬軟骨大大份，味道可以，但可惜的是豬軟骨整得好乾身，冇咩水分，淋上醬汁才濕潤少少。

佐敦好味居酒屋😽樓上鋪，大大個招牌😂夜晚7點去，入面滿座，好多人呀！————————————————————1. 炙五味壽司🍣 $605件壽司包括燒三文魚、煙肉、蝦、鰻魚及玉子。除左煙肉壽司好奇怪，三文魚&蝦壽司肉質鮮美，鰻魚肉質嫩滑，蛋壽司有甜蛋味😋2. 金龍蝦反卷🦐 $48天婦羅🍤外面包左飯，加上蟹子，蝦既鮮甜俾炸粉味道遮左，味道不過不失啦。3. 鰻魚手卷 $24鰻魚肥美，鰻魚汁都好香，只係紫菜唔夠脆，有咬唔斷既感覺😂4. 火炙三文魚 $25一碟有兩大件。三文魚好肥美，食落有油味，肉質肥美。好味😋5. 石鍋蒜香牛肉飯 $78用石鍋裝牛肉飯，拎到黎渣渣聲，好正！牛肉量算多，仲有好多菇仔。食落好香，好重蒜味！不過呢，太多油啦，肥牛本身已經肥，仲落左好多油，食完感覺好油膩😂6. 三文魚壽司🍣 $20三文魚好肥美，食落口感好豐富。塊三文魚都算厚身，$10一件好抵食😄評分8/10🤩

今日去佐敦做完野又放lunch，去左彌敦道呢間樓上鋪食日本菜，疫情嚴峻之下好耐都冇得去旅行，好掛住日本D野食😋今日叫左呢個蜆肉意粉同蒲燒鰻魚丼，一次過滿足哂兩個願望！牛肝菌蜆忌廉意粉 配 蒲燒鰻魚丼出面食忌廉意粉最怕佢太漏，七福神呢個忌廉意粉好好食，意粉煮到剛剛好夠彈牙，加埋個迷你蒲燒鰻魚丼好滿足！鰻魚丼幾乎係我去食日本野必點既一道主食🥰鰻魚汁送飯一流，鰻魚唔會好腥肉質嫩滑！除左食物高質之外，店員服務態度都好好！上菜速度都幾快，下次要試埋佢地既刺身先得😚😚😚

鐵板蒜片牛柳粒以熱辣辣嘅鐵板呈上 原條牛柳切成一口大小🔥每粒牛柳都已經見到外皮焦焦地有啲微焦 好香脆🐮內裡肉質又嫩滑有肉汁 配搭濃稠嘅醬汁 重口味但唔過鹹🥰牛柳粒中間圍住一大球薯蓉 質感綿滑完全無顆粒感🥔最頂仲放咗啲超脆嘅炸蒜片 配牛肉食就更重口味啦😈七福神奄列飯賣相好似漫畫入面會出現嘅餐點😝整整齊齊又結實嘅蛋包包著惹味炒飯🍚大蝦天婦羅🦐天婦羅最緊要即叫即炸 熱辣辣🔥炸粉偏薄身 絕對唔會話食到咬咗一淡得炸粉食唔到大蝦🤣食炸物都會怕食到一口油咁油膩膩 但呢款都唔會😚

相信好多朋友仔同我一樣最近上網課已經傷到身心疲累(告訴我我並不孤單🥲)加上最近真係好多功課同埋測驗 又要準備期末考😫今日終於到我放監啦 謝天謝地🙏當然要即刻出去食食食去到見到餐牌選擇都好多 小食、沙律、串燒、炸物、主食、甜品都有👅我就揀咗款特別啲嘅：牛肝菌蜆忌廉烏冬感覺係mix法式 西式同埋日式🇯🇵🇫🇷烏冬嚟到賣相都好吸引 即刻食慾大開烏冬偏幼身同埋扁身 但口感都煙煙韌韌有咬口而且麵粉感唔重 最緊要係已經上左牛肝菌醬汁嘅顏色 啡啡黃黃色咁🤎配搭上適量蘑菇片同埋草菇 菇菌味就更香更濃郁🍄

無去旅行兩年幾真係好掛住日本啊😭最近都頻頻上網搵啲主打日本料理嘅餐廳 今日就選左呢間！叫左個咖哩牛肉撈烏冬 蟹子沙律同埋啲刺身烏冬偏扁身口感滑捋捋 雖然叫撈烏冬但都有唔少咖喱汁😋咖喱汁都係普遍日式咖哩 味道偏甜帶咖哩香但就無辛辣感 小朋友都啱食👦牛肉份量都真係幾多 完美覆蓋咗下面嘅烏冬面 配料仲有啲炒香咗嘅洋蔥 草菇 蔥花同埋炸蒜 令整體更清新有變化🌿三文魚刺身每片都幾肥美 油脂感滿滿🍣海膽都新鮮鮮甜嘅 唔會有腥臭味🤩蟹子沙律份量最為驚人 好似成座山咁🤣🤣🤣

芝士玉子燒同平時嘅唔太一樣平時係大大舊蛋包著芝士煎 呢度就係將芝士放厚蛋上煎 邁向更金黃🧀玉子燒厚dup dup 咬落有蛋汁又滿足🥚因為蛋表面加咗層芝士所以比較容易焦會見到邊邊位置有好靚嘅啡色🤩食落微脆好正🤤🐷京都豚肉煮係一粒一粒咁 因為接觸面積大所以超級入味！醬汁睇落深啡色但唔會太過鹹太過漏 都恰到好處😋擺盤選用左深盤 豚肉滲著醬汁底部仲有啲蔬菜 吸收曬上面嘅日月精華 味道超濃郁！平時唔鍾意食菜嘅哥哥都竟然清曬🥶💚每份有6隻天婦羅蝦🍤 每隻都算大 肉厚亦都幾彈牙👍