七福神和食亭

營業中

休息中

有一日去食咗個午餐套餐非常之抵，性價比極高之後個心就諗住下次去食晚餐！全部野分量十足,味道無失望尤其個炸豬扒午餐同晚餐都有食，呢個價錢呢個品質真係好好刺身拼盤非常抵食又新鮮，係個海膽真係差咗少少，不過真係少少🤏個焗法飽都係比預期好味,又香又脆又足料一定會再再次幫襯

放工想揀間餐廳食好嘢，今次揀咗啲一間日本嘢😋餐廳係樓上鋪，但係原來二樓地方好大，仲有卡位可以坐得好舒服👍🏻見到食物都有好多選擇，佢嘅餐牌圖文並茂，樣樣都好吸引，我見隔籬枱嘅食物賣相都同餐牌一樣🥰我就叫咗魷魚鬚唐揚：呢個炸得相當香口，魷魚好彈牙，我忍唔住一條接一條咁樣食😂咖喱牛肉撈烏冬：呢個咖喱味相當香，佢係日式偏甜嘅咖喱，烏冬沾咗啲咖喱汁，加埋牛肉，口感超級豐富🥰下次約朋友一齊黎！食物：4.5/ 5環境: 3/5服務: 4/5

太耐冇食日本嘢，終於可以約朋友一齊食返餐好🥰今次就揀咗呢間係佐敦嘅餐廳，見佢OpenRice有咁多正評，就諗住黎試下睇下係咪咁好食😏一入到餐廳發覺地方原來好大，但都差唔多全場爆滿😆食物方面種類選擇超多，其中我就俾佢嘅日式料理吸引咗芝士玉子燒：芝士同埋蛋嘅配搭，絕對係冇得輸，仲有就係廚師嘅火候控制得好好，啲蛋食落一啲都唔鞋👍🏻京都豚肉煮：呢個豚肉煮得好入味，因為佢嘅醬汁吸晒入舊豚肉入面，味道好香濃😍黎得日本餐廳梗係要叫刺身啦，揀咗甘蝦，鱆紅魚，金目鯛呢三款，兩款魚都好肥美，魚香味濃，甘蝦都好爽口🥰呢間餐廳果然出色，難怪可以全場爆滿☺️

我嘅飯堂又黎啦🙈我真係好鍾意食呢間餐廳，佢哋啲嘢好啱我口味。而且好豐富又多款，食極都唔會悶😂呢個餐跟一個麵豉湯，個麵豉湯好香，又有料係入面，非一般嘅麵豉湯😏然後我覺得呢個係抵食之選因為有牛肝菌蜆忌廉意粉再配蒲燒鰻魚丼，你話係咪正先？又有飯又有意粉，好味道之餘仲要好飽肚😍第一次食嘅時候都有諗過會唔會怪怪地，因為好似意粉又唔係好夾食飯，結果出奇地好味😋題外話，間餐廳嘅裝修都好特別，有晒日本風情畫嘅味道，冇得去旅行黎呢度解下相思之苦都幾好😂😂

剛好一家在附近經過，太太介紹呢間，由前菜到主食，都無可挑剔，最深刻係吉列豬扒，超大塊，而炒飯粒粒都炒得很分明，口感很好，性格比很高，難怪有千多個 like，下次一定再試其他定食。

呢間餐廳一如既往每樣食物都係咁用心製作，好味道之處份量亦好足🤭今次主打食小食，滿足下我個小食胃😋蟹子沙律🥗呢個沙律啲蟹子真係多到成座山咁高，溝埋啲青瓜絲一齊食，好清爽都好開胃🤓蟹味噌甲羅燒 (鱈魚干) ：我係第一次食甲羅燒配鱈魚干，又確係幾特別🥰蟹膏蟹肉撈埋一齊食✌🏻再加埋白飯😳真係食到舔舔脷😋魷魚鬚唐揚: 唐揚雞就食得多，唐掦魷魚鬚就第一次食，結果驚為天人，因為我本身真係好鍾意食魷魚🦑，呢度啲魷魚鬚勁正，又大條！調味又調得好味，我至愛❤️

使用開飯啦很多年，今次好像是第一次寫食評。今晚逛完故宮博物館後，去朋友介紹嘅七福神（當然已預訂啦）食晚餐。五點半剛入場，竟然只有我一枱客，心諗唔通又中伏咁大鑊？但一路點菜，一路見到有客到場，當堂放下心頭大石。三文魚腩壽司、油甘魚壽司、甜蝦壽司均相當普通，甚至可以講係有點失望。蟹籽沙律，相當大份，叫了細份，仍覺巨型，但味道不俗，新鮮可口，👍🏼。三文魚腩及帆立貝刺身，有驚喜，清甜、爽口、甘香，👍🏼。軟壳蟹手卷，紫菜不脆，可能係放得太耐？但味道卻很好吃，👍🏼。FB讚好，就有一份西京燒鰻魚送，醬油有點甜，但皮脆肉滑，燒得剛好，總括來講，除壽司外，其他食物均質高量足，至於貴唔貴，就好睇個人觀點，我個人嚟講，就覺得對得住價錢，絕對唔貴，九折後約$350。由於上菜速度快，用餐未夠90分鐘限時前，已食得飽飽，到埋單走人時，全場滿座。

今日做嘢好辛苦，一定要出街食返餐好味嘅lunch🤓唔係點捱埋個下晝呀😝呢間餐廳我食過好多次㗎啦，有晒品質保證！而且成日都好多人排隊，今日專登早少少行過嚟就係想快啲入咗食佢個炭火燒安格斯牛扒定食😏呢一個安格斯牛扒定食係我top 3必點😎首先有個濃濃嘅麵豉湯，佢唔似普通餐廳用粉溝出嚟咁，入邊堅足料，有海帶、豆腐同腐皮，正呀🤩而個主角安格斯牛扒真係好好味😋個牛味好香濃而且肉質鮮嫩多汁，我真係一口接一口食過不停架🤩下次再約朋友食多幾款先✌🏻開心嘅一餐！

而家無得去旅行，食餐日本餐就當係去左旅行啦🤣今次食呢間餐廳好唔錯，除咗環境真係有啲日本feel之外，食物方面都好有保證😝因為我點嗰幾樣，樣樣都好好味😋魷魚鬚唐揚: 勁酥脆，而且層炸漿好薄，調味方面亦好鬼死惹味✌🏻好啱用嚟送啤酒🍻七福神奄列飯: 招牌飯真係無得輸😝入面啲料好夠又夠味👍🏻蟹味噌甲羅燒 (鱈魚干) ：蟹膏蟹肉撈埋一齊，再加埋鱈魚干，wa!!人生一大樂事🤩同埋平時包紫菜食，今次係同鱈魚干一齊食，超正😊蟹子沙律(大) ：呢個睇相就知大大份，蟹子勁多好似唔使錢咁呀🤣🤣🤣咬落去卜卜脆。Btw,員工服務態度好好👍🏻又有親切笑容😊大讚呢！而家門面勁易認，相信經過嘅你哋都知道係呢一間🤩

今日要來做過孤獨嘅美食家😂😂因為約咗朋友時間未到又早咗出門口，所以見肚仔有啲餓，一於去食過美味嘅日本風味嘅居酒屋🏮餐廳啲佈置好有日本feel😍坐喺度都好似置身喺日本嘅居酒屋咁，一解我去旅行嘅相思之苦😝😝叫咗幾款食物，全部都好值得叫！每樣嘅水準都好高質！大蝦天婦羅🍤：隻蝦大大隻，炸粉好薄脆😊食落去一啲油膩感都冇👏🏻鐵板蒜片牛柳粒:鐵板勁有風味，啲牛柳粒好嫩滑多汁😳而且份量好足，自己食完都覺得有啲過分，自己一個人食晒喎🤣🤣嚟多個芝士玉子燒，芝士厚厚一層同玉子燒一齊食，堅正☺️勁滿足，食飽飽就搵朋友仔去shopping行街街啦✌🏻

oh yeah oh yeah oh yeah✌🏻✌🏻我要去日本旅行食嘢啦🤣講笑姐！咁耐冇去旅行，去到一間好似去咗日本嘅居酒屋，搞到心情好興奮🤣當然呢間餐廳嘅食物質素好高，先令我有種去咗日本嘅感覺🫣唔好講咁多，黎個刺身先啦！幾款刺身都好正好新鮮，而且厚度適中，唔會話切到好薄，勁有咬口。另外一定要大讚海膽，應該係加拿大海膽，好大份入口勁滿足， Yummy😘再黎又叫多個炭燒安格斯牛扒定食，塊牛扒好靚好好味👍🏻師傅唔會煮得過熟令牛扒好難咬😋而且啲味道好啱我口味！最後最後叫多串蘆筍牛肉串，薄薄嘅牛肉包住脆卜卜嘅蘆筍，而且香氣撲鼻，爽呀😎

失驚無神好想食刺身，哈哈😆於是黎左呢間勁有日本feel嘅居酒屋🤭見到坐咗好多食客，食物質素應該都有返咁上下😍😍侍應們應該都幾好感情，大家有講有笑咁，相處應該非常融洽👏🏻當然佢哋嘅服務態度都好好啦😉為咗滿足我呢個刺生胃😂我就叫咗海膽，三文魚🍣，甘蝦，鱆紅魚同金目鯛😋每款都勁新鮮同鮮甜美味！海膽好creamy,大大份完全無海膽果啲腥臭味👍🏻👍🏻大讚！而甘蝦爽甜，三文魚又厚身，總之全部刺身都好好味😋我再加碼叫左個蘆筍牛肉串🤗少少焦香入面嘅牛肉汁係滴出嚟咁滯🤭超級正呀！

呢個朋友約左成個月，終於約得成啦！一個想食西式，不過想食日式🫣唔驚，呢間餐廳一定滿足到我哋😍餐廳menu好多野食，多到眼花撩亂，揀咗一陣先揀到想食嘅嘢👍🏻👍🏻因為樣樣都想食😆餐廳職員都好有禮貌，會主動幫我哋斟水😄我大食啲，叫牛肝菌蜆忌廉意粉配蒲燒鰻魚丼，牛肝菌汁勁香濃😳蜆肉都多又足料，意粉軟硬適中！而蒲燒鰻魚丼勁多蛋絲鋪面，而且舊鰻魚好後身，抵食👍🏻朋友叫咗個炭火燒安格斯牛扒定食，食到我流口水！個牛扒煎得啱啱好，入邊好Juicy🤗你見到張相pink pink 就知正啦👏🏻仲有個麵豉湯，裏面都有料🤭餐廳咁多選擇，下次要再食過呀！呢餐真係又正又抵食☺️

呢排天氣咁好最適合拍拖周圍去，今日同男朋友去西九野餐完出返佐敦搵野食，見到呢間位於地鐵站附近既七福神和食亭，大胃王男朋友平時同朋友食開放題，今日拉左佢同我呢個細胃代表去食A la carte😌見佢今日陪左我去野餐就獎佢食返餐好既🤣蟹子沙律(大)平時食既蟹子沙律多數都係前菜細細碟咁，今次叫左個大既食，天氣咁熱食返個蟹子沙律特別爽，作為開胃既前菜好正👍🏻七福神奄列飯之前試過同男朋友係屋企整蛋包飯都fail，七福神既招牌奄列飯完全冇令我失望，簡直係神還原平時係日劇見到既蛋包飯咁，搞到我好想去日本旅行😩🏯魷魚鬚唐揚每次去食日本野一定要叫呢個，試過其他餐廳有D整到個粉漿好厚有D上到枱係凍既，七福神既魷魚鬚唐揚係即叫即炸，夠香脆又有咬口，值得再encore🤣😋🥰

朋友準備移民約佢食餐farewell飯當然要揀間高質既餐廳Openrice見到佐敦呢間日本餐廳就岩哂啦餐廳外牆用上日本風的裝潢風格好似去左一轉日本咁環境乾淨企理🇯🇵🏯食住日本野同朋友傾計都坐得好舒服餐廳提供多款唔同種類既食物價錢經濟實惠叫多幾款都唔肉赤😜😌芝士玉子燒 $58朋友係芝士控叫左呢款芝士玉子燒拉絲既芝士配上嫩滑既蛋漿好正😋蟹子沙律(大) $62蟹籽沙律上枱好驚喜開頭以為平平無奇點知師傅砌到好似一座山咁打卡一流刺身方面我地叫左: 海膽、三文魚、甘蝦、鱆紅魚、金目鯛 食材非常新鮮師傅刀工好好，每款刺身都厚切性價比好高身為海膽控既我當然要叫返一板海膽刺身啦用紫菜包住壽司飯一齊食 入口即溶 好滿足😍😍😍魷魚鬚唐揚份量都唔少兩個女仔share食剛剛好即叫即炸既魷魚鬚好香脆又有咬口下次再黎要encore呢個🤤😋